ಈ ಸಿನಿಮಾಗಳಲ್ಲಿ ಸ್ಯಾಂಡಲ್‌ವುಡ್ ಸ್ಟಾರ್ ನಟರ ಲುಕ್ ನೋಡಿ ಫ್ಯಾನ್ಸ್ ಫಿದಾ: ನಿಮ್ಮಿಷ್ಟದ ಲುಕ್ ಯಾವುದು?

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಯಾವುದೇ ಪಾತ್ರವಿರಲಿ, ಅದರಲ್ಲಿ ಅದ್ಭುತವಾಗಿ ನಟಿಸುವ ಮೂಲಕ ಸಿನಿರಸಿಕರ ಮನೆಗೆದ್ದಿದ್ದರು. 10ನೇ ವಯಸ್ಸಿಗೆ ನ್ಯಾಷನಲ್ ಅವಾರ್ಡ್ ಪಡೆದಿದ್ದ ಅಪ್ಪು, ಎಲ್ಲರಿಗೂ ಅಚ್ಚುಮೆಚ್ಚು. ಇನ್ನು ಇವರ ಸ್ಟಂಟ್ ಹಾಗೂ ಡ್ಯಾನ್ಸ್ ಸ್ಟೈಲ್‌ಗೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ಅಪ್ಪು ಅವರ ಐಕಾನಿಕ್ ಲುಕ್ ಬಗ್ಗೆ ಹೇಳುವುದಾದರೆ, ನಟಸಾರ್ವಭೌಮ ಸಿನಿಮಾದಲ್ಲಿನ ಅವರ ಹೇರ್‌ಸ್ಟೈಲ್‌ಗೆ ಸಾಕಷ್ಟು ಮಂದಿ ಫಿದಾ ಆಗಿದ್ದರು. ಜೊತೆಗೆ ಅನೇಕರು ಪವರ್ ಸ್ಟಾರ್ ಸ್ಟೈಲ್ ಅನ್ನು ಕಾಪಿ ಮಾಡಿದ್ದರು. 

ಆಕ್ಷನ್ ಪ್ರಿನ್ಸ್ ಧ್ರುವಾ ಸರ್ಜಾ ತಮ್ಮ ಮೊದಲ ಮೂರು ಸಿನಿಮಾಗಳಲ್ಲಿ ಬಹುತೇಕ ಒಂದೇ ಲುಕ್‌ನಲ್ಲಿದ್ದರು. ಆನಂತರ ತೆರೆಕಂಡ ಪೊಗರು ಸಿನಿಮಾದಲ್ಲಿ ಉದ್ದನೆಯ ಕೂದಲು, ಗಡ್ಡ ಬಿಟ್ಟು ಸಖತ್ ರಗಡ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದರು. ಆದರೆ, ಮುಂಬರುವ ಮಾರ್ಟಿನ್ ಚಿತ್ರದಲ್ಲಿ ಅವರು ಅಭಿಮಾನಿಗಳು ಇಷ್ಟಪಡುವ ಹಾಗೆ ಮಾಸ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ಮಾರ್ಟಿನ್ ಲುಕ್ ಅವರ ಫ್ಯಾನ್ಸ್ ಇಷ್ಟವಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಕನ್ನಡ ಚಿತ್ರರಂಗದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸಿದ್ದ ಮುಂಗಾರು ಮಳೆ ಸಿನಿಮಾದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಕಾರ್ಗೋ ಪ್ಯಾಂಟ್, ಕುತ್ತಿಗೆಗೆ ಚೈನ್ ಹಾಕಿಕೊಂಡು ಸೂಪರ್ ಆಗಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ರಿಲೀಸ್ ಆದಾಗ ಎಲ್ಲರೂ ಗಣೇಶ್ ಸ್ಟೈಲ್ ಕಾಪಿ ಮಾಡಿದ್ದರು. ಇನ್ನೂ ಮುಗುಳುನಗೆ ಚಿತ್ರದಲ್ಲಿ ಗಣೇಶ್ ಕನ್ನಡ ಹಾಕಿಕೊಂಡು ಸ್ಪೆಷಲ್ ಮೇಕ್ ಓವರ್‌ನಲ್ಲಿ ಕಾಣಿಸಿಕೊಂಡಿದ್ದರು. ಗಣೇಶ್ ಅವರ ಈ ಸ್ಟೈಲ್‌ಗಳು ಅಭಿಮಾನಿಗಳಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿತ್ತು. 

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿಯವರು ಉಳಿದವರು ಕಂಡಂತೆ ರಿಚಿ ಪಾತ್ರದಲ್ಲಿ ಸಿನಿಮಾದಲ್ಲಿ ಹೊಸ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದರು. ಅದರಲ್ಲೂ ಅವರು ಸೊಂಟದಲ್ಲಿ ರಿಲಾಲ್ವರ್ ಸಿಕ್ಕಿಸಿಕೊಳ್ಳುವ ಸ್ಟೈಲ್ ಕರಾವಳಿ ಭಾಗದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಇನ್ನು ಕಿರಿಕ್ ಪಾರ್ಟಿ ಚಿತ್ರದಲ್ಲೂ ಕಾಲೇಜು ಹುಡುಗನ ಗೆಟಪ್‌ನಲ್ಲಿ ಹುಡುಗಿಯರ ಮನಗೆದ್ದಿದ್ದರು. 

ರಿಷಭ್ ಶೆಟ್ಟಿ ಕಾಂತಾರ ಸಿನಿಮಾ ಮೂಲಕ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದಾರೆ. ಆದರೆ, ಬೆಲ್‌ ಬಾಟಮ್ ಸಿನಿಮಾದಲ್ಲಿನ ಅವರ ಡಿಟೆಕ್ಟಿವ್ ದಿವಾಕರನ ಲುಕ್ ಸಿಕ್ಕಾಪಟ್ಟೆ ಗಮನ ಸೆಳೆದಿತ್ತು. ಬೆಲ್‌ಬಾಟಂ ಪ್ಯಾಂಟ್, ಕೈಯಲ್ಲಿ ಸಿಗರೇಟ್, ವಿಂಟೇಜ್ ಮೀಸೆ, ಹೇರ್‌ಸ್ಟೈಲ್ ಇದೆಲ್ಲಾ ಅವರ ಪಾತ್ರವನ್ನು ಜನರು ಮೆಚ್ಚಿಕೊಳ್ಳುವಂತೆ ಮಾಡಿತ್ತು. ಬೆಲ್‌ ಬಾಟಮ್ 2 ಸಿನಿಮಾ ಅನೌನ್ಸ್ ಆಗಿತ್ತು. ಆದರೆ, ರಿಷಭ್ ಶೆಟ್ಟಿ ಕಾಂತಾರ ಪ್ರಿಕ್ವೇಲ್‌ನಲ್ಲಿ ಬ್ಯುಸಿಯಾಗಿರುವುದರಿಂದ ಇದು ಅರ್ಧಕ್ಕೆ ನಿಂತಿದೆ. 

ರಿಯಲ್ ಸ್ಟಾರ್ ಉಪೇಂದ್ರ ಅವರು ಆರಂಭದಿಂದ ಇಲ್ಲಿಯವರೆಗೂ ಕನ್ನಡ ಚಿತ್ರರಂಗಕ್ಕೆ ಭಿನ್ನ-ವಿಭಿನ್ನ ಲುಕ್‌ ಪರಿಚಯಿಸಿದ್ದಾರೆ. ಅದರಲ್ಲೂ ಉಪೇಂದ್ರ ಚಿತ್ರದಲ್ಲಿ ಅವರು ಕಾಣಿಸಿಕೊಂಡ ರೀತಿ ಸಿಕ್ಕಾಪಟ್ಟೆ ಗಮನ ಸೆಳೆದಿತ್ತು.  ಈ ಚಿತ್ರಲದಲ್ಲಿ ಅವರ ಕನ್ನಡಕ, ಹೇರ್‌ಸ್ಟೈಲ್, ಉಡುಗೆ ಎಲ್ಲವೂ ಡಿಫರೆಂಟ್ ಆಗಿತ್ತು. ಸದ್ಯ ಅವರು ಯುಐ ಸಿನಿಮಾ ನಿರ್ದೇಶಿಸಿ, ನಟಿಸಿದ್ದು, ಈ ಚಿತ್ರದಲ್ಲೂ ಕೂಡ ಸಿಕ್ಕಾಪಟ್ಟೆ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ.

ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್ ಮಫ್ತಿ ಸಿನಿಮಾದಲ್ಲಿ ನೆಕ್ಟ್‌ ಲೆವೆಲ್‌ನಲ್ಲಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ರೋರಿಂಗ್ ಸ್ಟಾರ್ ಶ್ರೀಮುರಳಿ ಹೀರೋ ಆಗಿದ್ದರೂ ಶಿವಣ್ಣ ತಮ್ಮ ಲುಕ್‌ನಿಂದಲೇ ಸಿನಿಮಾ ಟೇಕ್ ಓವರ್ ಮಾಡಿದ್ದರು. ಈ ಚಿತ್ರದ ಮುಂದಿನ ಭಾಗವಾದ ಭೈರತಿ ರಣಗಲ್ ಇದೇ ಆಗಸ್ಟ್ ೧೫ರಂದು ತೆರೆಗೆ ಬರಲಿದೆ.

ರಾಕಿಂಗ್ ಸ್ಟಾರ್ ಯಶ್ ಗೂಗ್ಲಿ ಸಿನಿಮಾದಲ್ಲಿ ಸ್ಪೈಕ್ ಹೇರ್ ಮೂಲಕ ಸಿಕ್ಕಾಪಟ್ಟೆ ಹವಾ ಕ್ರಿಯೇಟ್ ಮಾಡಿದ್ದರು. ಪ್ರತಿಯೊಬ್ಬ ಕಾಲೇಜ್ ಹುಡುಗರು ಈ ಹೇರ್‌ಸ್ಟೈಲ್ ಕಾಪಿ ಮಾಡಿದ್ದರು. ರಾಜಾಹುಲಿ ಚಿತ್ರದಲ್ಲೂ ಉದ್ದನೆಯ ಮೀಸೆ ಮೂಲಕ ಗಮನ ಸೆಳೆದಿದ್ದರು. ಇದಾದ ಬಳಿಕ ಕೆಜಿಎಫ್ ಚಿತ್ರದ ರಾಕಿಭಾಯ್ ಆಗಿ ಪ್ರಪಂಚಾದ್ಯಂತ ಗಮನ ಸೆಳೆದರು. ಇದರಲ್ಲಿನ ಲಾಂಗ್ ಹೇರ್, ಲಾಂಗ್ ಬೀಯರ್ಡ್ ಲುಕ್‌ಗೆ ರಾಕಿಂಗ್ ಸ್ಟಾರ್ ಅವರೇ ಬ್ರಾಂಡ್ ಅಂಬಾಸಿಡರ್. ಸದ್ಯ ರಾಕಿಭಾಯ್ ಸ್ಟೈಲ್ ಸಿಕ್ಕಾಪಟ್ಟೆ ಟ್ರೆಂಡಿಂಗ್‌ನಲ್ಲಿದೆ..

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಪದೇ-ಪದೇ ತಮ್ಮ ಸ್ಟೈಲ್ ಬದಲು ಮಾಡಲ್ಲ. ಆದರೆ, ಚಕ್ರವರ್ತಿ ಸಿನಿಮಾಗಾಗಿ ಅವರು ವಿಭಿನ್ನ ಸ್ಟೈಲ್ ಮಾಡಿದ್ದರು. ಚಿತ್ರದಲ್ಲಿನ ಅವರ ಹೇರ್‌ಸ್ಟೈಲ್ ಅಭಿಮಾನಿಗಳಿಗೆ ಸಿಕ್ಕಾಪಟ್ಟೆ ಇಷ್ವವಾಗಿತ್ತು.  

ಇನ್ನು ಹೇರ್‌ಸ್ಟೈಲ್ ಹಾಗೂ ಲುಕ್ ವಿಷಯಕ್ಕೆ ಬಂದರೆ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಒಂದು ಹೆಜ್ಜೆ ಮುಂದೆ. ಇವರು ಪ್ರತಿಯೊಂದು ಸಿನಿಮಾದಲ್ಲೂ ವಿಭಿನ್ನ ಲುಕ್ ಮೂಲಕ ಅಭಿಮಾನಿಗಳು ಹೃದಯ ಗೆದ್ದಿದ್ದಾರೆ. ಅದರಲ್ಲೂ ಹೆಬ್ಬುಲಿ ಸಿನಿಮಾದಲ್ಲಿ ಅವರು ಕಾಣಿಕೊಂಡ ರೀತಿ ಎಲ್ಲಡೆ ವೈರಲ್ ಆಗಿತ್ತು. ಹೊರದೇಶದಲ್ಲೂ ಸುದೀಪ್ ಸ್ಟೈಲ್ ಕಾಪಿ ಮಾಡಿದ್ದರು. ಎಲ್ಲಾ ಕಟಿಂಗ್ ಶಾಪ್‌ನಲ್ಲೂ ಹೆಬ್ಬುಲಿ ಕಟಿಂಗ್ ಟ್ರೆಂಡ್ ಸೈಷ್ಟಿಯಾಯಿತು. ಚಿಕ್ಕಮಕ್ಕಳಿಂದ ಹಿಡಿದು ದೊಡ್ಡವರೆಗೆ ಎಲ್ಲರೂ ಕಿಚ್ಚನ ಲುಕ್‌ಗೆ ಮಾರು ಹೋಗಿದ್ದರು. ಅದೇ ರೀತಿ ವಿಲನ್ ಚಿತ್ರದಲ್ಲಿನ ಅವರ ಹೇರ್‌ಸ್ಟೈಲ್ ಕೂಡ ಟ್ರೆಂಡ್ ಆಗಿತ್ತು.