ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2ನಲ್ಲಿ ಯಾರಿಗೆ ಯಾರು ಜೋಡಿ ಗೊತ್ತಾ? ಇಲ್ಲಿದೆ ಲಿಸ್ಟ್

ಬಿಗ್‌ಬಾಸ್‌ ಕನ್ನಡ ಸೀಸನ್‌ 10ರಲ್ಲಿ ಸದ್ದು ಮಾಡಿದ್ದ ರಕ್ಷಕ್ ಬುಲೆಟ್ ಇದೀಗ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2ಗೆ ಎಂಟ್ರಿಕೊಟ್ಟಿದ್ದಾರೆ. ರಕ್ಷಕ್‌ಗೆ ಜೋಡಿಯಾಗಿ ಕನ್ನಡತಿ ಸೀರಿಯಲ್ ಖ್ಯಾತಿ ರಮೋಲಾ ಕಾಣಿಸಿಕೊಳ್ಳಲಿದ್ದಾರೆ. ಇನ್‌ಸ್ಟಂಟ್ ಬಾಡಿ ಬಿಲ್ಡರ್ ಪ್ರವೀಣ್ ಜೈನ್‌ಗೆ ಕಿರುತೆರೆ ನಟಿ ಸುಕೃತಾ ಜೋಡಿಯಾಗಿದ್ದಾರೆ. 

ನಾಟಕ, ನಟನೆಯಲ್ಲಿ ಅಪಾರ ಆಸಕ್ತಿ ಹೊಂದಿದ್ದ ಹುಲಿ ಕಾರ್ತಿಕ್, 'ಮಜಾಭಾರತ' ಕಾಮಿಡಿ ರಿಯಾಲಿಟಿ ಶೋನಲ್ಲಿ ಯಾವುದೇ ಪಾತ್ರ ಕೊಟ್ಟರೂ ಸಲೀಸಾಗಿ ಮಾಡಿ, ಎಲ್ಲರನ್ನು ನಗೆಗಡಲಲ್ಲಿ ತೇಲಿಸುತ್ತಿದ್ದರು. ಆನಂತರ ಗಿಚ್ಚಿ ಗಿಲಿಗಿಲಿ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ ಹುಲಿ ಕಾರ್ತಿಕ್, ಇದರಲ್ಲಿ ವಿನ್ನರ್ ಕೂಡ ಆದರು. ಇದೀಗ ಹುಲಿ ಕಾರ್ತಿಕ್ ಭರ್ಜರಿ ಬ್ಯಾಚುಲರ್ಸ್‌ಗೆ ಬಂದಿದ್ದು, ಇವರಿಗೆ ಧನ್ಯಶ್ರೀ ಜೋಡಿಯಾಗಿದ್ದಾರೆ. ಇನ್ನು ರಾಮಾಚಾರಿ ಸೀರಿಯಲ್ ಖ್ಯಾತಿಯ ಅಭಿಜ್ಞಾ ಭಟ್‌ಗೆ ಸೂರ್ಯ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ.

ಬಿಗ್‌ಬಾಸ್‌ ಕನ್ನಡ ಸೀಸನ್‌ 10ರಲ್ಲಿ ಭಾಗವಹಿಸಿದ್ದ ಡ್ರೋನ್ ಪ್ರತಾಪ್, ರನ್ನರ್ ಅಪ್ ಕೂಡ ಆಗಿದ್ದರು. ಆನಂತರ ಗಿಚ್ಚಿ ಗಿಲಿಗಿಲಿ ವೇದಿಕೆ ಹತ್ತಿದ್ದ ಪ್ರತಾಪ್ ಇದೀಗ ಭರ್ಜರಿ ಬ್ಯಾಚುಲಸ್‌ಗೆ ಎಂಟ್ರಿಕೊಟ್ಟಿದ್ದಾರೆ. ಇವರಿಗೆ ಮಹಾನಟಿ ಖ್ಯಾತಿಯ ಗಗನ ಜೋಡಿಯಾಗಿದ್ದಾರೆ. ಇನ್ನು ಉಲ್ಲಾಸ್‌ಗೆ ಜೋಡಿಯಾಗಿ ಬಿಗ್‌ಬಾಸ್‌ ಖ್ಯಾತಿಯ ಪವಿ ಪೂವಪ್ಪ ಜೋಡಿಯಾಗಿದ್ದಾರೆ.

ಹಾಡು ಕಟ್ಟಿ ಮೋಡಿ ಮಾಡುವ ದರ್ಶನ್‌ ನಾರಾಯಣ್‌ಗೆ ಅಮೃತಧಾರೆ ಧಾರಾವಾಹಿಯ ಅಪೇಕ್ಷಾ ಪಾತ್ರಧಾರಿ ಅಮೃತ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಸುನೀಲ್‌ಗೆ ಅಮೃತಾ ರಾಜ್ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ.

ನೇಪಾಳದ ಪ್ರೇಮ್ ಥಾಪ ಅವರಿಗೆ ಜೋಡಿಯಾಗಿ ಲಕ್ಷಣ ಸೀರಿಯಲ್ ಖ್ಯಾತಿಯ ವಿಜಯಲಕ್ಷ್ಮೀ ಕಾಣಿಸಿಕೊಂಡಿದ್ದಾರೆ. ಇನ್ನು ಭುವನೇಶ್‌ಗೆ ಜೋಡಿಯಾಗಿ ಕನ್ನಡ ಕಿರಿತೆರೆ ನಟಿ ಅನನ್ಯ ಅಮರ್ ಕಾಣಿಸಿಕೊಂಡಿದ್ದಾರೆ. ಗಟ್ ಫೀಲಿಂಗ್ ಅಂದ್ರೆ ಗಟ್ಟಿ ಫೀಲಿಂಗ್ ಅನ್ನೋ ಭುವನೇಶ್ ಅನನ್ಯ ಮೆಂಟರಿಂಗ್‌ನಲ್ಲಿ ಬದಲಾಗ್ತಾರಾ? ಎಂಬುದನ್ನು ಕಾದು ನೊಡಬೇಕು.