Bheema day 3 collection: ದುನಿಯಾ ವಿಜಯ್ 'ಭೀಮಾ' ಸಿನಿಮಾದ 3 ದಿನದ ಕಲೆಕ್ಷನ್ ಎಷ್ಟು ಗೊತ್ತಾ?

ಭೀಮಾ ಸಿನಿಮಾ ಆಗಸ್ಟ್ ಒಂಬತ್ತರಂದು ರಾಜ್ಯಾದ್ಯಂತ 400ಕ್ಕೂ ಹೆಚ್ಚು ಸಿನಿಮಾ ಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಕನ್ನಡ ಸಿನಿಮಾ ನೋಡಲು ಪ್ರೇಕ್ಷಕರು ಚಿತ್ರಮಂದಿರಗಳತ್ತ ಮುಖ ಮಾಡ್ತಿಲ್ಲ. ಸ್ಟಾರ್ ನಟರ ಚಿತ್ರಗಳಿಲ್ಲದೇ ಸಿಂಗಲ್ ಸ್ಕ್ರೀನ್ ಥಿಯೇಟರ್‌ಗಳು ಮುಚ್ಚುತ್ತಿವೆ ಎಂಬ ಮಾತುಗಳು ಕೇಳಿಬಂದಿತ್ತು. ಆದರೆ, ದುನಿಯಾ ಇಜಯ್ ಸಿನಿಮಾ ಬಂದ್ ಆಗಿದ್ದ ೧೫ಕ್ಕೂ ಹೆಚ್ಚು ಥಿಯೇಟರ್ ತೆರೆಯುವಂತೆ ಮಾಡಿತ್ತು. ಅಂದ್ಹಾಗೆ ಭೀಮಾ ಮೊದಲ ದಿನವೇ ಗಲ್ಲಾಪೆಟ್ಟಿಗೆಯಲ್ಲಿ 3.95 ಕೋಟಿ ರೂ. ಬಾಚಿಕೊಂಡಿತ್ತು.

ಎರಡನೇ ದಿನ ಅಂದರೆ ಶನಿವಾರ ಭೀಮಾ ಸಿನಿಮಾ 3.4 ಕೋಟಿ ರೂಪಾಯಿ ಹಾಗೂ ಭಾನುವಾರ 3.80 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಒಟ್ಟಾರೆಯಾಗಿ 11.15 ಕೋಟಿ ರೂ. ಗಳಿಕೆ ಕಂಡಿದೆ ಎಂದು ಬಾಕ್ಸಾಫೀಸ್ ಬಗ್ಗೆ ಮಾಹಿತಿ ನೀಡುವ sacnilk  ವರದಿ ಮಾಡಿದೆ. ಇದು ಸಿನಿಮಾ ನಿರ್ಮಾಪಕರ ಮೊಗದಲ್ಲಿ ಮಂದಹಾಸ ಮೂಡಿಸಿದೆ. ಇತ್ತೀಚಿನ ದಿನಗಳಲ್ಲಿ ಕನ್ನಡದ ಯಾವುದೇ ಸಿನಿಮಾಗಳು ಇಷ್ಟು ಕಲೆಕ್ಷನ್ ಮಾಡಿರಲಿಲ್ಲ.

ಭೀಮಾ ಸಿನಿಮಾದ ಕಥೆ ಜೆ.ಸಿ ರೋಡ್ ಪಕ್ಕದ ಗ್ಯಾರೇಜ್‌ವೊಂದರ ಸುತ್ತಾಮುತ್ತ ನಡೆಯುತ್ತದೆ. ಮೆಕಾನಿಕ್ ಜಾವಾ ರಾಮಣ್ಣನ ಗ್ಯಾರೇಜ್‌ನಲ್ಲಿ ಕೆಲಸ ಮಾಡಿಕೊಂಡಿದ್ದ ಡ್ರ್ಯಾಗನ್ ಮಂಜ ಗಾಂಜಾ ಸಪ್ಲೆಯರ್ ಆಗಿ ಇಡೀ ಏರಿಯಾ ಹುಡುಗರನ್ನು ನಶೆಯಲ್ಲಿ ತೇಲಿಸುತ್ತಿರುತ್ತಾನೆ. ಅದೇ ನಶೆಯಲ್ಲಿ ಮುಳುಗಿ ರಾಮಣ್ಣ ಮಗ ಸಾಯುತ್ತಾನೆ. ಆಗ ಗ್ಯಾರೇಜ್‌ಯಿಂದ ಮಂಜು ದೂರಾಗುತ್ತಾನೆ. ಅದೇ ಗ್ಯಾರೇಜ್‌ಗೆ ಅನಾಥ ಹುಡುಗ ಭೀಮಾಮನ ಎಂಟ್ರಿಯಾಗುತ್ತದೆ. ರಾಮಣ್ಣನ ಗ್ಯಾರೇಜ್ ಗಾಂಜಾ ದಂಧೆ ಕಾರಣಕ್ಕೆ ಕೆಟ್ಟ ಹೆಸರು ಪಡೆಯುತ್ತದೆ. ಆ ಕೆಟ್ಟ ಹೆಸರನ್ನು ಅಳಿಸಲು ಭೀಮಾ ಪಣ ತೊಡ್ತಾನೆ. ಈ ಹಾದಿಯಲ್ಲಿ ಏನೆಲ್ಲಾ ಆಗುತ್ತದೆ. ಭೀಮಾ ಯಾರನ್ನೆಲ್ಲಾ ಕಳೆದುಕೊಳ್ಳುತ್ತಾನೆ. ಅದಕ್ಕೆ ಹೇಗೆ ಪ್ರತೀಕಾರ ತೀರಿಸಿಕೊಳ್ಳುತ್ತಾನೆ? ಗಾಂಜಾ, ಡ್ರಗ್ಸ್ ದಂಧೆಯ ಕಿಂಗ್ ಪಿನ್ ಆಗಿ ಬೆಳೆಯುವ ಮಂಜನನ್ನು ಹೇಗೆ ಮಟ್ಟ ಹಾಕುತ್ತಾನೆ? ಅನ್ನೋದೇ ಸಿನಿಮಾ ಸ್ಟೋರಿ.

ಭೀಮಾ ಸಿನಿಮಾದಲ್ಲಿ ಅಶ್ವಿನಿ ಅಂಬರೀಶ್, ರಂಗಾಯಣ ರಘು, ಅಚ್ಯುತ್ ಕುಮಾರ್, ಕಾಕ್ರೋಚ್ ಸುಧೀರ್, ಕಲ್ಯಾಣಿ ರಾಜು, ಡ್ಯ್ಯಾಗನ್ ಮಂಜು, ಪ್ರಿಯಾ ಶತಮರ್ಷಣ , ರಾಘು ಶಿವಮೊಗ್ಗ್, ಗೋಪಲಕೃಷ್ಣ ದೇಶಪಾಂಡೆ ಮುಂಆತದರು ನಟಿಸಿದ್ದಾರೆ. ಚರಣ್ ರಾಜ್ ಸಂಗೀತ, ಧನುಕುಮಾರ್ ಮತ್ತು ಶಿವಸೇನಾ ಛಾಯಾಗ್ರಣ, ದೀಪು ಎಸ್ ಕುಮಾರ್ ಸಂಕಲನ ಸಿನಿಮಾಗಿದೆ. ಭೀಮಾಗೆ ಮಾಸ್ತಿ ಸಂಭಾಷಣೆ ಬರೆದಿದ್ದಾರೆ. ಕೃಷ್ಣ ಸಾರ್ಥಕ್ ಮತ್ತು ಜಗದೀಶ್ ಗೌಡ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

ಭೀಮಾ ಸಿನಿಮಾದಿಂದಾಗಿ ಕನ್ನಡ ಸಿನಿಮಾರಂಗಕ್ಕೆ ಹೊಸ ಕಳೆ ಬಂದಿದೆ. ದುನಿಯಾ ವಿಜಯ್ ಸಿನಿಮಾ ಪ್ರೇಕ್ಷಕರ ಮೆಚ್ಚುಗೆ ಗಳಿಸುವುದರ ಜೊತೆಗೆ ಗಳಿಕೆ ವಿಚಾರದಲ್ಲಿಯೂ ಮುಂದಿದೆ. ಆದರೆ, ಮುಂಬರುವ ದಿನಗಳು ಮತ್ತಷ್ಟು ಚಾಲೆಂಜಿಂಗ್ ಆಗಿವೆ. ಯಾಕೆಂದರೆ, ಆಗಸ್ಟ್  15ರಂದು ಕನ್ನಡ, ಹಿಂದೆ ಸೇರಿದಂತೆ ಹಲವು ಭಾಷೆಯ ಬಿಗ್ ಸಿನಿಮಾಗಳು ತೆರೆಗೆ ಬರ್ತಿದ್ದು, ಹೆಚ್ಚು ಸ್ಪರ್ಧೆ ಇರಲಿದೆ.