ಈ ಬಿಗ್‌ಬಾಸ್‌ ಸ್ಪರ್ಧಿಗಳ ರಿಯಲ್ ಕ್ಯಾರೆಕ್ಟರ್‌ಗೂ ಸೀರಿಯಲ್‌ಗೂ ಸಂಬಂಧವೇ ಇಲ್ಲ.

ವಿನಯ್ ಗೌಡ ಮೂರ್ನಾಲ್ಕು ಧಾರಾವಾಹಿಗಳಲ್ಲಿ ಶಿವನ ಪಾತ್ರ ನಿರ್ವಹಿಸುವ ಮೂಲಕ ಕನ್ನಡ ಕಿರುತೆರೆಯಲ್ಲಿ ಲೋಕದಲ್ಲಿ 'ಶಿವ' ಅಂತಲೇ ಖ್ಯಾತಿ ಪಡೆದಿದ್ದಾರೆ. ಸೀರಿಯಲ್‌ಗಳಲ್ಲಿ ಸಖತ್ ಕೂಲ್ ಆಗಿ ಕಾಣಿಸಿಕೊಳ್ಳುವ ವಿನಯ್, ನಿಜಜೀವನದಲ್ಲಿ ಸಖತ್ ಅಗ್ರೆಸ್ಸಿವ್. ಎಲ್ಲಾ ವಿಷಯದಲ್ಲೂ ದನಿ ಎತ್ತುತ್ತಾರೆ. ಜೊತೆಗೆ ತಮ್ಮ ಸ್ಟ್ಯಾಂಡ್ ತೆಗೆದುಕೊಳ್ಳುತ್ತಾರೆ. 

ಅಂತರಪಟ ಧಾರಾವಾಹಿಯಲ್ಲಿ ಪಾಪದ ಹುಡುಗನಾಗಿ ಕಾಣಿಸಿಕೊಂಡಿದ್ದ ಕಾರ್ತಿಕ್, ಬಿಗ್‌ಬಾಸ್‌ ಮನೆಯಲ್ಲಿ ಹುಡುಗಿಯರ ಜೊತೆ ಫ್ಲರ್ಟ್ ಮಾಡುತ್ತಿರುತ್ತಾರೆ. ಸೀರಿಯಲ್‌ನಲ್ಲಿ ಅವರು ತ್ಯಾಗಮಯಿ ಹಾಗೂ ಮುಗ್ಧನಾಗಿ ಕಾಣಿಸಿಕೊಂಡಿದ್ದರು. 

ನಟಿ ಭಾಗ್ಯಶ್ರೀ 'ಲಕ್ಷ್ಮೀ ಬಾರಮ್ಮ' ಸೀರಿಯಲ್‌ನಲ್ಲಿ ಎಲ್ಲರಿಗೂ ಕೇಡು ಬಯಸುವ ಕುಮುದಾ ಪಾತ್ರ ಮಾಡಿದ್ದರು. ಧಾರಾವಾಹಿಯಲ್ಲಿ ಅವರನ್ನು ನೋಡಿದ್ದ ವೀಕ್ಷಕರು ಸಿಕ್ಕಾಪಟ್ಟೆ ಜೋರಿ ಎಂದುಕೊಂಡಿದ್ದರು. ಆದರೆ, ದೊಡ್ಮನೆಯಲ್ಲಿ ಭಾಗ್ಯಶ್ರೀ ಗಟ್ಟಿ ಮಾತನಾಡದೇ, ಹೆಚ್ಚು ಕಣ್ಣೀರು ಹಾಕುತ್ತಿದ್ದರು. ಬೇರೆ ಸ್ಪರ್ಧಿಗಳಿಗೆ ಹೋಲಿಸಿದ್ರೆ ಅವರು ಸಿಕ್ಕಾಪಟ್ಟೆ ಸಾಫ್ಟ್ ಆಗಿದ್ದರು. 

ಸ್ನೇಹಿತ್ ಗೌಡ 'ನಮ್ಮನೆ ಯುವರಾಣಿ' ಸೀರಿಯಲ್‌ನಲ್ಲಿ ಆಂಗ್ರಿ ಯಂಗ್ ಮ್ಯಾನ್ ಆಗಿ ಕಾಣಿಸಿಕೊಂಡಿದ್ದರು. ಆದರೆ, ಅವರು ಬಿಗ್‌ಬಾಸ್‌ ಮನೆಯಲ್ಲಿ ಅವರು ಎಲ್ಲರೊಂದಿಗೆ ಮಾತನಾಡುತ್ತಾ ಹಾಗೂ ನಗುನಗುತ್ತಾ ಮಾತನಾಡುತ್ತಿದ್ದರು. 

ನಮ್ರತಾ ಗೌಡ 'ಪುಟ್ಟಗೌರಿ ಮದುವೆ ಹಾಗೂ ನಾಗಿಣಿ 2' ಸೀರಿಯಲ್‌ಗಳಲ್ಲಿ ಪಾಪದ ಹುಡುಗಿಯಾಗಿ ಕಾಣಿಸಿಕೊಂಡಿದ್ದರು. ಬಿಗ್‌ಬಾಸ್ ಮನೆಯಲ್ಲಿ ಕಿತ್ತೋದಳು, ಆಸಿಡ್ ಹಾಕಿ ಬಾಯಿ ತೋಳಿಬೇಕು ಅಂತ ಜೋರು ಜೋರಾಗಿ ಮಾತನಾಡುತ್ತಾರೆ. ಡ್ರೆಸ್ಸಿಂಗ್ ಸ್ಟೈಲ್‌ ಕೂಡ ಧಾರಾವಾಹಿ ಹಾಗೂ ನಿಜಜೀವನದಲ್ಲಿ ತುಂಬಾ ಚೇಂಜ್ ಇದೆ. 

ತನಿಷಾ ಕುಪ್ಪಂಡ ಧಾರಾವಾಹಿಗಳಲ್ಲಿ ಹೆಚ್ಚಾಗಿ ನೆಗೆಟಿವ್ ಪಾತ್ರಗಳನ್ನೇ ಮಾಡಿದ್ದಾರೆ. ಆದರೆ, ಬಿಗ್‌ಬಾಸ್‌ ಮನೆಯಲ್ಲಿ ಜೋರಾಗಿ ಮಾತನಾಡುತ್ತಾರೆ ಅನ್ನೋದನ್ನು ಬಿಟ್ಟರೆ ಬೇರೆಯವರ ಮಾತಿಗೆ ಪ್ರತಿಕ್ರಿಯೆ ತೆಗೆದುಕೊಳ್ಳುತ್ತಾರೆ. ತಮ್ಮ ಸ್ಟ್ಯಾಂಡ್ ತೆಗೆದುಕೊಳ್ಳುತ್ತಾರೆ. ಜೊತೆಗೆ ಅಡುಗೆ ಸೇರಿದಂತೆ ಎಲ್ಲಾ ಕೆಲಸಗಳಲ್ಲೂ ಸಕ್ರಿಯವಾಗಿರುತ್ತಾರೆ.

ಸಾಕಷ್ಟು ಮೆಗಾ ಸೀರಿಯಲ್‌ಗಳಲ್ಲಿ ಅಭಿನಯಿಸಿರುವ ಸಿರಿ ಅವರು, ಪಾಪದ ಪಾತ್ರಗಳಲ್ಲಿ ನಟಿಸಿದ್ದರು. ತ್ಯಾಗಮಯಿ ಹಾಗೂ ಅಳುಮುಂಜಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಆದರೆ, ನಿಜಜೀವನದಲ್ಲಿ ಢಿಗ್ನಿಫೈಡ್ ಹಾಗೂ ಶಿಸ್ತಿನಿಂದ ಇರುತ್ತಾರೆ. ಸುಮ್ಮನೆ ಕಿರುಚಾಡುವುದು, ಯಾರೋ ಹೇಳಿದ ಮಾತನ್ನು ಕೇಳುವುದು ಮಾಡುವುದಿಲ್ಲ.

ಸಂಗೀತಾ ಶೃಂಗೇರಿ ಹರ ಹರ ಮಹಾದೇವ ಸೀರಿಯಲ್‌ನಲ್ಲಿ ಸತಿ ಎಂಬ ಪಾತ್ರ ಮಾಡಿದ್ದರು. ಸಿನಿಮಾಗಳಲ್ಲೂ ಪಾಪದ ಹುಡುಗಿಯಾಗಿ ಕಾಣಿಸಿಕೊಂಡಿದ್ದರು. ಆದರೆ, ನಿಜ ಜೀವನದಲ್ಲಿ ಸಿಕ್ಕಾಪಟ್ಟೆ ಬೋಲ್ಡ್ ಹಾಗೂ ಸ್ಟ್ರಾಂಗ್ ಆಗಿದ್ದಾರೆ.