ಕಿರಿಕ್ ಬೆಡಗಿ ರಶ್ಮಿಕಾ ಮಂದಣ್ಣ ರಿಜೆಕ್ಟ್ ಮಾಡಿದ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ರಶ್ಮಿಕಾ ಚಲೋ ಸಿನಿಮಾ ಮೂಲಕ ಟಾಲಿವುಡ್ ಗೆ ಪಾದಾರ್ಪಣೆ ಮಾಡಿದರು. ನಂತರ ಸಾಲು-ಸಾಲು ಸಿನಿಮಾಗಳಲ್ಲಿ ನಟಿಸಿ ಸಾಯಿ ಎನಿಸಿಕೊಂಡರು. ಈ ಸಂದರ್ಭ ಅರಸಿ ಬಂದ ಅನೇಕ ಸಿನಿಮಾ ಕತೆಗಳನ್ನು ಅವರು ತಿರಸ್ಕರಿಸಿದ್ದಾರೆ. ಇದರಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಚಿತ್ರ ಕೂಡ ಒಂದು. ಈ ಸಿನಿಮಾದ ಹೆಸರು ಆಚಾರ್ಯ. ರಾಮ್ ಚರಣ್ ಹಾಗೂ ಚಿರಂಜೀವಿ ಅಭಿನಯದ ಈ ಚಿತ್ರಕ್ಕೆ ಮೊದಲು ರಶ್ಮಿಕಾ ಅವರನ್ನು ಕೇಳಿದ್ದರಂತೆ.. ಆದರೆ, ಡೇಟ್ಸ್ ಹೊಂದಾಣಿಕೆ ಆಗಲಿಲ ಎಂಬ ಕಾರಣಕ್ಕೆ ರಶ್ಮಿಕಾ  ಆಫ಼ರ್ ತಿರಸ್ಕರಿಸಿದ್ದು, ನಂತರ ಪೂಜಾ ಹೆಗಡೆ ನಟಿಸಿದ್ದರು. ಈ ಸಿನಿಮಾ ಇದೆ ವರ್ಷ ತೆರೆಕಂಡಿದೆ. 

ಕನ್ನಡದ ಸೂಪರ್ ಹಿಟ್ ಸಿನಿಮಾ ಕಿರಿಕ್ ಪಾರ್ಟಿ. ಈ ಸಿನಿಮಾ ಮೂಲಕವೇ ರಶ್ಮಿಕಾ ಮಂದಣ್ಣ ಚಿತ್ರರಂಗಕ್ಕೆ ಕಾಲಿಟ್ಟವರು. ಈ ಸಿನಿಮಾದ ಬಳಿಕ ಅವರಿಗೆ ಸಖತ್ ಡಿಮ್ಯಾಂಡ್ ಕ್ರಿಯೇಟ್ ಆಯಿತು. ಇದೀಗ ಈ ಸಿನಿಮಾ ಹಿಂದಿಯಲ್ಲಿ ಕಾರ್ತಿಕ್ ಆರ್ಯನ್ ಜೊತೆ ರಿಮೇಕ್ ಆಗುತ್ತಿದೆ. ಈ ಸಿನಿಮಾದಲ್ಲಿ ನಟಿಸಲು ರಶ್ಮಿಕಾ ನೋ ಎಂದಿದ್ದು, ಕೃತಿ ಸನನ್ ಆಯ್ಕೆಯಾಗಿದ್ದಾರೆ. 

ತೆಲುಗಿನ ಹಿಟ್ ಚಿತ್ರ ಜೆರ್ಸಿಯನ್ನು ಹಿಂದಿಯಲ್ಲಿ ಶಾಹಿದ್ ಕಪೂರ್ ಜೊತೆ ಅದೇ ಶೀರ್ಷಿಕೆಯೊಂದಿಗೆ ರಿಮೇಕ್ ಮಾಡಲಾಗುತ್ತಿದೆ. ಈ ಚಿತ್ರದಲ್ಲಿ ನಾಯಕಿಯಾಯಾಗಿ ಅಭಿನಯಿಸಲು ರಶ್ಮಿಕಾ ನೋ ಎಂದಿದ್ದಾರೆ. ಈ ಚಿತ್ರದಲ್ಲಿ ಸಾಕಷ್ಟು ಕಿಸ್ಸಿಂಗ್ ಸೀನ್ ಗಳಿವೆ ಎಂದು ರಶ್ಮಿಕಾ ತಿರಸ್ಕರಿಸಿದ್ದಾರೆ. 

ತಮಿಳಿನ ಟಾಪ್ ಹೀರೋ ವಿಜಯ್ ಮತ್ತು ಲೋಕೇಶ್ ಕನಕರಾಜ್ ಕಾಂಬಿನೇಷನ್ ನ ಸಿನಿಮಾ 'ಮಾಸ್ಟರ್'. ಈ ಚಿತ್ರದಲ್ಲಿ ನಾಯಕಿಯ ಪಾತ್ರ ಮೊದಲು ಬಂದಿದ್ದು ರಶ್ಮಿಕಾ ಅವರಿಗೆ. ರಶ್ಮಿಕಾ ಪಾತ್ರ ತುಂಬಾ ಚಿಕ್ಕದಾಗಿದೆ ಎಂದು ಈ ಸಿನಿಮಾ ಮಾಡಲು ಓಕೆ ಅನ್ನಲಿಲ್ಲ. ಆ ನಂತರ ಈ ಸಿನಿಮಾಗೆ ಮಾಳವಿಕಾ ಮೋಹನನ್ ನಾಯಕಿಯಾಗಿ ನಟಿಸಿದ್ದರು. 

ನೆಲ್ಸನ್ ದೀಲಿಪ್ ಕುಮಾರ್ ನಿರ್ದೇಶನದ ವಿಜಯ್ ಅವರ ಇತ್ತೀಚಿನ 'ಮೃಗ' ಸಿನಿಮಾದ ನಾಯಕಿ ಪಾತ್ರಕ್ಕೆ ರಶ್ಮಿಕಾ ಅವರನ್ನು ಕೇಳಿದ್ದಾರೆ. ಆದರೆ, ಕಥೆ ಇಷ್ಟವಾಗದೇ ಬೇರೆ ಕಾರಣಗಳಿಂದ ರಶ್ಮಿಕಾ ಈ ಸಿನಿಮಾ ಮಾಡಲು ನಿರಾಕರಿಸಿದ್ದಾರೆ. ಈ ಪಾತ್ರಕ್ಕೆ ಪೂಜಾ ಹೆಗಡೆಯನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ.