ಬಿಗ್‌ಬಾಸ್ ಮನೆಯಲ್ಲಿ ಸಂಗೀತಾ ಶೃಂಗೇರಿ ಆಟದ ಬಗ್ಗೆ ಅಸಮಾಧಾನ: ಗೌರವ ಕಳ್ಕೊಳ್ತಿದ್ದಾರೆ ಎಂದ ವೀಕ್ಷಕರು

ಕಳೆದ ಸಂಚಿಕೆಯಲ್ಲಿ ಬಿಗ್‌ಬಾಸ್ ಟಾಸ್ಕ್ ಮಧ್ಯೆ ವಿರಾಮ ಘೋಷಿಸಿದರು. ನಂತರ ಊಟ ಮಾಡುವ ಸಂದರ್ಭದಲ್ಲಿ ಎಲ್ಲರೂ ನೋಡಿ ಬಡಿಸಿಕೊಳ್ಳಿ ಅಂತ ಸಿರಿ ಹೇಳುತ್ತಲೇ ಇದ್ರು. ಆದರೆ, ಸ್ನೇಹಿತ್ ಕೊಂಚ ಜಾಸ್ತಿ ಅನ್ನ ಬಡಿಸಿಕೊಂಡರು. ಎಲ್ಲರಿಗೂ ಅನ್ನ ಸಾಲಲ್ಲ ಅಂತ ಗಮನಿಸಿದ ಕಾರ್ತಿಕ್ ಅದನ್ನು ಜೋರಾಗಿಯೇ ಹೇಳಿದರು. ಕಾರ್ತಿಕ್ ಕೂಗಾಡಿದ್ದು ಸ್ನೇಹಿತ್ ವಿಚಾರವಾಗಿ. ಆದರೆ, ಇದೇ ವೇಳೆ ಅಲ್ಲಿದ್ದ ಸಂಗೀತಾ ಅದನ್ನು ಪರ್ಸನಲ್ ಆಗಿ ತಗೊಂಡು ಗಳಗಳನೇ ಅತ್ತಿದ್ದಾರೆ. ಸಂಗೀತಾ ಗೋಳಾಟ ಕಂಡ ಕಾರ್ತಿಕ್, ನಾನು ಅವಳಿಗೆ ಹೇಳಿಲ್ಲ. ಅವರು ಮನಸ್ಸಿಗೆ ತಗೊಂಡ್ರೆ ನಾನೇನೂ ಮಾಡೋಕೆ ಆಗಲ್ಲ. ಎಲ್ಲಾ ನನಗೆ ಹೇಳಿದರು, ನನಗೆ ಮಾಡಿದರು ಅಂದುಕೊಂಡರೆ ನಾನೇನು ಮಾಡಲಿ? ನಾನು ಸ್ನೇಹಿತ್‌ಗೆ ಹೇಳಿದ್ದು ಎಂದು ಸ್ಪಷ್ಟಪಡಿಸಿದರು. 

ದೊಡ್ಮನೆಯಲ್ಲಿ ಯಾರ್ಯಾರು ಯಾವಾಗ ಫ್ರೆಂಡ್ಸ್ ಆಗಿರುತ್ತಾರೆ, ಯಾವಾಗ ಶತ್ರುಗಳಾಗುತ್ತಾರೆ ಎಂಬುದನ್ನು ಊಹಿಸಲು ಸಾಧ್ಯವಿಲ್ಲ. ಈ ಹಿಂದೆ ಸಂಗೀತಾಗೋಸ್ಕರ ಕಾರ್ತಿಕ್-ತನಿಷಾ ಅವರು ವಿನಯ್ ಅವರ ದುಷ್ಮನಿಯನ್ನು ಕಟ್ಟಿಕೊಂಡಿದ್ದರು. ಇಷ್ಟುದಿನ ವಿನಯ್ ಅವರನ್ನು ಶತ್ರುವಿನಂತೆ ನೋಡ್ತಿದ್ದ ಸಂಗೀತಾ ಈಗ ಅವರ ಟೀಂ ಸೇರಿಕೊಂಡಿದ್ದು, ತನಿಷಾ, ಕಾರ್ತಿಕ್ ಹಾಗೂ ತುಕಾಲಿ ಸಂತೋಷ್ ಜೊತೆ ಸಂಗೀತಾ ಸಿಕ್ಕಾಪಟ್ಟೆ ಜಗಳವಾಡಿದ್ದಾರೆ. ಈ ಮಧ್ಯೆ ಅವರು ಒಂಟಿಯಾಗಿ ಅಳಲು ಶುರು ಮಾಡಿದ್ದಾರೆ. 

ಕಳೆದ ಸಂಚಿಕೆಯಲ್ಲಿ ನಡೆದ ಟಾಸ್ಕ್ ಬಳಿಕ ಸಂಗೀತಾ ಬೇಸರ ಮಾಡಿಕೊಂಡಿದ್ದಾರೆ. ಬಾತ್‌ರೂಮ್‌ ಬಳಿಯಿರುವ ಸೋಫಾ ಬಳಿಬಂದು 'ಎಲ್ಲಿ ಏನಾಗ್ತಿದೆ ಅಂತ ಅರ್ಥವಾಗ್ತಿಲ್. ಇಲ್ಲಿ ನಾನಲ್ಲದೇ ಬೇರೆ ಯಾರೋ ಆಗ್ತೀನಿ ಅಂತ ಅನಿಸ್ತಿದೆ ಎಂದು ಹೇಳಿದ್ದಾರೆ. ಜೊತೆಗೆ ಒಂಟಿಯಾಗಿ ಕೂತು ಕಣ್ಣೀರು ಹಾಕಿದ್ದಾರೆ. ಇದನ್ನು ಗಮನಿಸಿದ ಕಾರ್ತಿಕ್, ಸಂಗೀತಾಗೆ ಸಮಾಧಾನ ಮಾಡಿದ್ದಾರೆ. ತನಗೆ ತಲೆ ಬೋಳಿಸಿಕೊಳ್ಳುವ ಟಾಸ್ಕ್ ಕೊಟ್ಟರೂ ಕಾರ್ತಿಕ್ ಸಂಗೀತಾಗೆ ಸಮಾಧಾನ ಮಾಡಿರುವುದಕ್ಕೆ ವೀಕ್ಷಕರು ಮೆಚ್ಚುಗೆ ಸೂಚಿಸಿದ್ದಾರೆ. 

ಸಮಾಧಾನ ಮಾಡಲು ಬಂದ ಕಾರ್ತಿಕ್ ಬಳಿ ಸಂಗೀತಾ, ನನಗೆ ಇಲ್ಲಿ ಇಷ್ಟವೇ ಆಗ್ತಿಲ್ಲ. ನೀವು ಎಲ್ಲದಕ್ಕೂ ಜಗಳ ಆಡ್ತೀರಿ. ಇಲ್ಲಿ ಇರೋದು ನಾನಲ್ಲ. ನಾನು ಏನೇ ಮಾಡಿದರೂ, ಮಾತನಾಡಿದರೂ ಜಗಳ ಮಾಡ್ತೀರಿ. ಮನಸ್ಸು ಬಂದಾಗ ಸಮಾಧಾನ ಮಾಡಲು ಬರುತ್ತೀರಿ ಅಂತ ಹೇಳಿದ್ದಾರೆ. 

ಚಾರ್ಲಿ ಬೆಡಗಿಗೆ ಆರಂಭದದಿಂದಲೂ ಪ್ರೇಕ್ಷಕರಿಂದ ಬೆಂಬಲ ವ್ಯಕ್ತವಾಗಿತ್ತು. ಅದರಲ್ಲೂ ಬಳೆ ವಿವಾದ ಬಳಿಕವಂತೂ ಸಂಗೀತಾಗೆ ದೊಡ್ಡ ಅಭಿಮಾನಿ ಬಳಗ ಹುಟ್ಟಿಕೊಂಡಿತ್ತು. ಕಾರ್ತಿಕ್, ತನಿಷಾ ಹಾಗೂ ಸಂಗೀತಾ ಬಾಂಡಿಂಗ್ ಕೂಡ ವೀಕ್ಷಕರಿಗೆ ಇಷ್ಟವಾಗಿತ್ತು. ಆದರೆ, ಸಂಗೀತಾ ತಾವು ಸೇಫ್ ಆಗಿದ್ದರೂ 'ಫ್ರೆಂಡ್ಸ್ ಸೇಫ್ ಮಾಡಲಿಲ್ಲ' ಅಂತ ತನಿಷಾ-ಕಾರ್ತಿಕ್ ಮೇಲೆ ಅನಾವಶ್ಯಕವಾಗಿ ಕಿತ್ತಾಡಲೂ ಆರಂಭಿಸಿದರೋ ಆಗಿನಿಂದ ಅವರ ಮೇಲೆ ಅಸಮಾಧಾನ ಶುರುವಾಯಿತು. ವಾರಾಂತ್ಯದಲ್ಲಿ ಕಿಚ್ಚ ಸುದೀಪ್ ಈ ಬಗ್ಗೆ ಕ್ಲಾಸ್ ತೆಗೆದುಕೊಂಡರೂ ಕೂಡ ಸಂಗೀತಾ ತಮ್ಮ ತಪ್ಪನ್ನು ಒಪ್ಪಿಕೊಂಡಿಲ್ಲ. ಜೊತೆಗೆ ಕಳೆದ ಸಂಚಿಕೆಯಲ್ಲಿ ಕಾರ್ತಿಕ್‌ಗೆ ತಲೆ ಬೋಳಿಸಿಕೊಳ್ಳಿ ಎಂದಿದ್ದು ವೀಕ್ಷಕರಿಗೆ ತೀವ್ರ ಬೇಸರ ತರಿಸಿದೆ. 

ಚಾರ್ಲಿ ಬೆಡಗಿಗೆ ಆರಂಭದದಿಂದಲೂ ಪ್ರೇಕ್ಷಕರಿಂದ ಬೆಂಬಲ ವ್ಯಕ್ತವಾಗಿತ್ತು. ಅದರಲ್ಲೂ ಬಳೆ ವಿವಾದ ಬಳಿಕವಂತೂ ಸಂಗೀತಾಗೆ ದೊಡ್ಡ ಅಭಿಮಾನಿ ಬಳಗ ಹುಟ್ಟಿಕೊಂಡಿತ್ತು. ಕಾರ್ತಿಕ್, ತನಿಷಾ ಹಾಗೂ ಸಂಗೀತಾ ಬಾಂಡಿಂಗ್ ಕೂಡ ವೀಕ್ಷಕರಿಗೆ ಇಷ್ಟವಾಗಿತ್ತು. ಆದರೆ, ಸಂಗೀತಾ ತಾವು ಸೇಫ್ ಆಗಿದ್ದರೂ 'ಫ್ರೆಂಡ್ಸ್ ಸೇಫ್ ಮಾಡಲಿಲ್ಲ' ಅಂತ ತನಿಷಾ-ಕಾರ್ತಿಕ್ ಮೇಲೆ ಅನಾವಶ್ಯಕವಾಗಿ ಕಿತ್ತಾಡಲೂ ಆರಂಭಿಸಿದರೋ ಆಗಿನಿಂದ ಅವರ ಮೇಲೆ ಅಸಮಾಧಾನ ಶುರುವಾಯಿತು. ವಾರಾಂತ್ಯದಲ್ಲಿ ಕಿಚ್ಚ ಸುದೀಪ್ ಈ ಬಗ್ಗೆ ಕ್ಲಾಸ್ ತೆಗೆದುಕೊಂಡರೂ ಕೂಡ ಸಂಗೀತಾ ತಮ್ಮ ತಪ್ಪನ್ನು ಒಪ್ಪಿಕೊಂಡಿಲ್ಲ. ಜೊತೆಗೆ ಕಳೆದ ಸಂಚಿಕೆಯಲ್ಲಿ ಕಾರ್ತಿಕ್‌ಗೆ ತಲೆ ಬೋಳಿಸಿಕೊಳ್ಳಿ ಎಂದಿದ್ದು ವೀಕ್ಷಕರಿಗೆ ತೀವ್ರ ಬೇಸರ ತರಿಸಿದೆ.