ಬಿಗ್‌ಬಾಸ್ ಕನ್ನಡ ಸೀಸನ್ 10: ಕಿಚ್ಚನ ಪಂಚಾಯಿತಿಯಲ್ಲಿ ಈ ವಿಷಯಗಳ ಚರ್ಚೆಗೆ ಪಟ್ಟು ಹಿಡಿದ ನೆಟ್ಟಿಗರು!

ಬಿಗ್‌ಬಾಸ್ ಮನೆಯಲ್ಲಿ ವಿನಯ್ ಗೌಡ ಪದೇ ಪದೇ ಬಳೆ ವಿಷಯ ಪ್ರಸ್ತಾಪಿಸುವ ಮೂಲಕ ಹಲವು ಜನರ ಆಕ್ರೋಶಕ್ಕೆ ಕಾರಣವಾಗಿದ್ದಾರೆ. ವಿನಯ್‌ ಅವರು ಕಾರ್ತಿಕ್‌ಗೆ ಬಳೆಗಳ ರಾಜ ಎಂದಿದ್ದರು. ಜೊತೆಗೆ ನನ್ನ ಹೆಂಡತಿಗೆ ಹೇಳಿ ಒಂದಿಷ್ಟು ಬಳೆ ತರಿಸಿಕೊಳ್ಳಬೇಕು. ಇಲ್ಲಿ ಕೆಲವರಿಗೆ (ಕಾರ್ತಿಕ್ ಕಡೆ ಸನ್ನೆ ಮಾಡುತ್ತಾ) ಸೂಟ್ ಆಗುತ್ತೆ. ಅದ್ನಾ ಹಾಕಿದಾಗ ಸೌಂಡ್ ಚೆನ್ನಾಗಿ ಬರುತ್ತೆ ಅಂದಿದ್ದರು. ಜೊತೆಗೆ ಟಾಸ್ಕ್‌ ವೇಳೆ ಗಂಡಸು ಥರ ಆಡು, ಬಳೆಗಳನ್ನು ಹಾಕಿಕೊಂಡು ಹೆಂಗಸು ಥರ ಆಡೋದಲ್ಲ ಅಂತಲೂ ವಿನಯ್ ಹೇಳಿದ್ದರು. ವಿನಯ್ ಪದೇ ಪದೇ ಬಳೆ ಅಂತ ಉಲ್ಲೇಖ ಮಾಡುತ್ತಿರುವುದನ್ನು ವೀಕ್ಷಕರು ಖಂಡಿಸಿದ್ದಾರೆ.  ಬಳೆ ಅಂತ ವಿನಯ್ ಉಲ್ಲೇಖ ಮಾಡುತ್ತಿರುವುದರ ಅರ್ಥವೇನು? ವೀಕ್ ಇರುವವರು ಮಾತ್ರ ಬಳೆ ಹಾಕಿಕೊಳ್ಳುವುದಕ್ಕೆ ಲಾಯಕ್ಕಾ? ವಿನಯ್ ಕಾರ್ತಿಕ್‌ನ ಲೇವಡಿ ಮಾಡ್ತಿರೋದಾ ಅಥವಾ ಹೆಂಗಸರನ್ನು ಕೈಲಾಗದವರು ಅಂತ ಲೇವಡಿ ಮಾಡ್ತಿರೋದಾ ಅಂತ ಕಟುವಾಗಿ ಟೀಕಿಸಿದ್ದಾರೆ. ಜೊತೆಗೆ ಈ ವಾರ ವಿನಯ್‌ಗೆ ಸುದೀಪ್‌ ಕ್ಲಾಸ್ ತೆಗೆದುಕೊಳ್ಳಬೇಕು ಅಂತ ಒತ್ತಾಯಿಸಿದ್ದಾರೆ.  

ದೊಡ್ಮನೆಯಲ್ಲಿ ವಿನಯ್ ತಮ್ಮದೇಯಾದ ಗುಂಪು ಕಟ್ಟಿಕೊಂಡಿದ್ದಾರೆ. ನಮ್ರತಾ ಗೌಡ ಹಾಗೂ ವಿನಯ್ ಬಿಗ್‌ಬಾಸ್‌ ಮನೆಯಲ್ಲಿ ಸಾಕಷ್ಟು ಗ್ರೂಪಿಸಂ ಮಾಡ್ತಿದ್ದಾರೆ ಎಂಬ ಮಾತುಗಳು ಕೇಳಿಬಂದಿವೆ. ನಾಮಿನೇಷನ್, ಕಳಪೆ ಹಾಗೂ ಕ್ಯಾಪ್ಟನ್ಸೆ ವಿಷಯಗಳಲ್ಲಿ ಕೆಲ ಸ್ಪರ್ಧಿಗಳನ್ನು ಇನ್‌ಫ್ಲುಯೆನ್ಸ್ ಮಾಡ್ತಿದ್ದಾರೆ. ಜೊತೆಗೆ ನಮ್ರತಾ  ಫಿನಾಲೆಯಲ್ಲಿ ನಮ್ಮಲ್ಲೇ ಯಾರಾದರೂ ಇರಬೇಕು. ಬೇರೆಯವರನ್ನೆಲ್ಲಾ ಎಲಿಮಿನೇಟ್ ಮಾಡ್ತಾ, ಮಾಡ್ತಾ ಫಿನಾಲೆಯಲ್ಲಿ ನಾವೇ ಇರಬೇಕು ಅಂತ ತಮ್ಮ ಗುಂಪಿನವರಿಗೆ ಫೀಡ್ ಮಾಡಿದ್ದಾರೆ. ಈ ಗ್ರುಪಿಸಂ ಮತ್ತು ಫಿಕ್ಸಿಂಗ್ ಬಗ್ಗೆ ಕಿಚ್ಚನ ಪಂಚಾಯಿತಿಯಲ್ಲಿ ಚರ್ಚೆಯಾಗಬೇಕು ಎಂಬುದು ಹಲವರ ಬಯಕೆ. 

ಈ ವಾರ ನಾಮಿನೇಷನ್‌ನಲ್ಲಿ ಒಟ್ಟು ಆರು ಮಂದಿ ವಿನಯ್ ಅವರನ್ನು ನಾಮಿನೇಟ್ ಮಾಡಿದ್ದರು. ಈ ಪೈಕಿ ಭಾಗ್ಯಶ್ರೀ ಕೂಡ ಒಬ್ಬರು. ಇದರಿಂದ ಅಸಮಾಧಾನಗೊಂಡ ವಿನಯ್, ಭಾಗ್ಯಶ್ರೀಗೆ ಪ್ರಶ್ನೆಗಳ ಸುರಿಮಳೆಗೈದರು. ಜೊತೆಗೆ ದಸರಾ ಹಬ್ಬದ ಕಾರಣ ಎಲಿಮಿನೇಷನ್ ಮಾಡಿಲ್ಲ. ಮಾಡಿದ್ದರೆ ಮನೆಗೆ ಹೋಗ್ತಿದ್ದರು ಎಂಬರ್ಥದಲ್ಲಿ ಸ್ನೇಹಿತ್ ಬಳಿ ಹೇಳಿದರು. ಇದಾದ ಬಳಿಕ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದು ಭಾಗ್ಯಶ್ರೀ ಕಣ್ಣೀರು ಹಾಕಿದರು. ಈ ವೇಳೆ ವಿನಯ್ ಯಾಕಿಷ್ಟು ಡ್ರಾಮಾ ಮಾಡ್ತಿದ್ದೀರಾ? ಇಷ್ಟೊಂದೆಲ್ಲಾ ಡ್ರಾಮಾ ಬೇಡ ಮೇಡಂ. ಈ ಸೀರಿಯಲ್ ಡೈಲಾಗ್‌ಗಳು ನನ್ನತ್ರ ಬೇಡ ಅಂತ ಟೀಕಿಸಿದ್ದರು. 

ಡ್ರೋನ್‌ ಪ್ರತಾಪ್‌ ಬಗ್ಗೆ ವಿನಯ್ ತೀರಾ ಕೇವಲವಾಗಿ ಮಾತನಾಡಿದ್ದರು. ಮುಚ್ಕೋಂಡ್ ಕೇಳೋ ಲೇ.. ಏಯ್ ತಿಕ್ಲಾ.. ಡಾಕ್ಟರ್ ಹತ್ತಿರ ತಲೆ ಚೆಕ್‌ ಮಾಡಿಸ್ಕೋ.. ತುಕಾಲಿ ನನ್ಮಗನೇ...ಲೇಡೀಸ್ ಜೊತೆ ಆಟ ಆಡ್ತಾನಾ? ಅಂತೆಲ್ಲಾ ಹೇಳಿದ್ದರು. ಇದಲ್ಲದೇ ಪ್ರತಾಪ್ ಮಹಿಳಾ ಸ್ಪರ್ಧಿಗಳನ್ನು ಕೆಟ್ಟ ದೃಷ್ಠಿಯಲ್ಲಿ ನೋಡ್ತಾನೆ ಎಂಬ ಗಂಭೀರ ಆರೋಪ ಮಾಡಿದ್ದರು. ಬಿಗ್‌ಬಾಸ್‌ ಮನೆಗೆ ಕಾಲಿಟ್ಟಾಗಿನಿಂದಲೂ ಎಲ್ಲಾ ಮಹಿಳಾ ಸ್ಪರ್ಧಿಗಳನ್ನು ದೀದಿ-ದೀದಿ ಅಂತಲೇ ಕರೆಯುವ ಪ್ರತಾಪ್ ವಿರುದ್ಧ ವಿನಯ್ ಮಾಡಿರುವ ಆರೋಪ ಬಹಳ ಗಂಭೀರವಾದದ್ದು. ಅವರು ಮಹಿಳಾ ಸ್ಪರ್ಧಿಗಳನ್ನು ಕೆಟ್ಟ ದೃಷ್ಠಿಯಲ್ಲಿ ನೋಡಿದ್ದರೆ, ಬಿಗ್‌ಬಾಸ್ ಮನೆಯ ಕ್ಯಾಮರಾಗಳು ಸೆರೆಹಿಡಿದಿರಲೇಬೇಕು. ಈ ಬಗ್ಗೆ ವೀಕೆಂಡ್‌ನಲ್ಲಿ ಸುದೀಪ್ ಕ್ಲಾರಿಟಿ ನೀಡಬೇಕು ಎಂಬುದು ಹಲವರ ಒತ್ತಾಯ.

ಆರಂಭದಲ್ಲಿ ಸಂಗೀತಾ ನಡುವಿನ ಜಗಳದ ವೇಳೆ ವಿನಯ್‌ ಗೌಡ ಅವಾಚ್ಯ ಶಬ್ಧಗಳನ್ನು ಬಳಸಿ ಬೀಪ್ ಹಾಕಿಸಿಕೊಂಡಿದ್ದರು. ಈ ವಾರ ಡ್ರೋನ್‌ ಪ್ರತಾಪ್‌ಗೆ ವಿನಯ್ ತೀರಾ ಕೇವಲವಾಗಿ ಮಾತನಾಡುತ್ತಿದ್ದಾರೆ. ಮುಚ್ಕೋಂಡ್ ಕೇಳೋ ಲೇ.. ಏಯ್ ತಿಕ್ಲಾ.. ಡಾಕ್ಟರ್ ಹತ್ತಿರ ತಲೆ ಚೆಕ್‌ ಮಾಡಿಸ್ಕೋ.. ತುಕಾಲಿ ನನ್ಮಗನೇ...ಲೇಡೀಸ್ ಜೊತೆ ಆಟ ಆಡ್ತಾನಾ? ಅಂತೆಲ್ಲಾ ಮಾತನಾಡಿದ್ದಾರೆ. ಜೊತೆಗೆ ಹೆಣ್ಮಕ್ಕಳಿಗೆ ಗೌರವ ಕೊಡಬೇಕು ಎಂಬ ನಮ್ರತಾ, ಸಂಗೀತಾ ಅವರಿಗೆ 'ಕಿತ್ತೋದವಳು' ಎನ್ನುವ ಪದ ಬಳಸಿದ್ದಾರೆ. ಕಳೆದ ವಾರ ತನಿಷಾ ಬೆನ್ನ ಹಿಂದೆ 'ಕಿತ್ತೋದವಳು' ಅಂತ ಹೇಳಿದ್ದ ನಮ್ರತಾ, ಮತ್ತೆ ಅದೇ ವರ್ತನೆ ಮುಂದುವರೆಸಿದ್ದಾರೆ. ಹೀಗಾಗಿ, ಬೇರೆಯವರಿಂದ ಗೌರವವನ್ನ ಡಿಮ್ಯಾಂಡ್ ಮಾಡುವ ನಮ್ರತಾ, ತಾವೂ ಬೇರೆಯವರಿಗೆ ರೆಸ್ಪೆಕ್ಟ್ ಕೊಡಬೇಕಲ್ವಾ? ಅಂತ ವೀಕ್ಷಕರು ಕೇಳ್ತಿದ್ದಾರೆ.