ನಂಗೆ ಹೋಗೋದು ಅನಿವಾರ್ಯವಾಗಿದೆ: ಈ ವಾರ ಬಿಗ್‌ಬಾಸ್ ಮನೆಯಿಂದ ಹೊರಹೋಗುವ ಸ್ಪರ್ಧಿ ಇವರೇನಾ?

ಬಿಗ್‌ಬಾಸ್ ಮನೆಯಲ್ಲಿ ಪ್ರತಿವಾರ ಎಲಿಮಿನೇಷನ್ ನಡೆಯುತ್ತದೆ. ಈ ವಾರ ಯಾರು ಮನೆಯಿಂದ ಹೊರಹೋಗಲಿದ್ದಾರೆ ಎಂಬ ಕುತೂಹಲ ಮೂಡಿದೆ. ಬಹತೇಕರು ಈ ಬಾರಿ ನೀತು ವನಜಾಕ್ಷಿ ಅಥವಾ ಈಶಾನಿ ಮನೆಯಿಂದ ಹೊರಹೋಗಬಹುದು ಅಂತ ಊರಿಸಿದ್ದಾರೆ. ವರ್ತೂರು ಸಂತೋಷ್ ಅವರು ತುಕಾಲಿ ಸಂತು ಅವರ ಬಳಿ ನಾನು ಬಿಡು..ನಂಗೆ ಹೋಗೋದು ಅನಿವಾರ್ಯವಾಗಿದೆ ಅಂತ ಹೇಳಿದ್ದು, ಇದು ಹಲವು ಅನುಮಾನಗಳಿಗೆ ಕಾರಣವಾಗಿದೆ. 

ಇದಕ್ಕೆ ಪೂರಕವಾಗಿ ವರ್ತೂರು ಸಂತೋಷ್ ನಿನ್ನೆ ಕ್ಯಾಪ್ಟನ್ಸಿ ಟಾಸ್ಕ್ ಕೂಡ ಸರಿಯಾಗಿ ಆಡಲಿಲ್ಲ. ಈ ಬಗ್ಗೆ ಪ್ರಸ್ನಿಸಿದಕ್ಕೆ ಕ್ಯಾಪ್ಟನ್ಸಿ ಅಲ್ವಾ ಅಂದಿದ್ದರು. ವರ್ತೂರ್ ಸಂತೋಷ್ ದೊಡ್ಮನೆಗೆ ಬರುವಾಗ ಕುತ್ತಿಗೆಯಲ್ಲಿ ಹುಲಿಯ ಉಗುರು ಇರುವ ಲಾಕೆಟ್ ಹಾಕಿಕೊಂಡಿದ್ದರು. ವನ್ಯಜೀವಿ ಕಾಯಿದೆ ಪ್ರಕಾರ ಇದು ತಪ್ಪು. ಈ ಕುರಿತು ಸಂತೋಷ್ ಮೇಲೆ ಎಫ್‌ಐಆರ್ ದಾಖಲಾಗಿತ್ತು. ಹಾಗಾಗಿ ಅವರನ್ನು ಬಿಗ್‌ಬಾಸ್ ಮನೆಯಿಂದ ಹೊರ ಕರೆತಂದು ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿತ್ತು. ನಂತರ ಜಾಮೀನು ಪಡೆದು ಹೊರಬಂದ ವರ್ತೂರು ಸಂತೋಷ್, ಮತ್ತೆ ಬಿಗ್‌ಬಾಸ್ ಮನೆಗೆ ಎಂಟ್ರಿಕೊಟ್ಟಿದ್ದರು. ಈಗ ಮತ್ತೆ ಹೊರಗೆ ಬರುವ ಅನಿವಾರ್ಯತೆ ಎದುರಾಗಿದೆಯಾ? ಎಂಬ ಪ್ರಶ್ನೆ ಮೂಡಿದೆ. 

ಬಿಗ್‌ಬಾಸ್ ಮನೆಯಿಂದ ಐದನೇ ವಾರ ಹೊರಹೋಗಲು ನಮ್ರತಾ ಗೌಡ, ಇಶಾನಿ, ಸ್ನೇಹಿತ್ ಗೌಡ, ನೀತು ವನಜಾಕ್ಷಿ, ವರ್ತೂರು ಸಂತೋಷ್, ತುಕಾಲಿ ಸಂತೋಷ್ ಹಾಗೂ ಕಾರ್ತಿಕ್ ಮಹೇಶ್ ನಾಮಿನೇಟ್ ಆಗಿದ್ದಾರೆ. ಈ ಪೈಕಿ ನಮ್ರತಾ ಹೆಚ್ಚು ವೋಟ್ಸ್ ಪಡೆದಿದ್ದಾರೆ. ಬಲ ಪ್ರದರ್ಶನದ ಕಾರಣ ನೀಡಿ ಕ್ಯಾಪ್ಟನ್ ವಿನಯ್ ನೇರವಾಗಿ ಕಾರ್ತಿಕ್ ಅವರನ್ನು ನಾಮಿನೇಟ್ ಮಾಡಿದ್ದಾರೆ. 

ಟಾಸ್ಕ್‌ಗಳಲ್ಲಿ ಗೆದ್ದ ಕಾರಣ ತನಿಷಾ ಕುಪ್ಪಂಡ, ಸಂಗೀತಾ ಶೃಂಗೇರಿ, ಭಾಗ್ಯಶ್ರೀ ಅವರು ನಾಮಿನೇಷನ್‌ನಿಂದ ಪಾರಾಗಿದ್ದು, ಏಳು ಜನರ ಮೇಲೆ ಎಲಿಮಿನೇಷನ್ ತೂಗುಗತ್ತಿ ನೇತಾಡುತ್ತಿದೆ. ಜೊತೆಗೆ ಈ ಬಾರಿ ವೋಟ್ ಮಾಡಲು ಸಮಯಾವಕಾಶ ಕೂಡ ಕಡಿಮೆಯಿದೆ. ವೀಕ್ಷಕರು ನೆಚ್ಚಿನ ಸ್ಪರ್ಧಿಗಳಿಗೆ ವೋಟ್ ಹಾಕಲು ಬಿಗ್‌ಬಾಸ್ ಒಂದು ದಿನ ಮಾತ್ರ ಕಾಲಾವಕಾಶ ನೀಡಿದ್ದಾರೆ.  ಈ ಪ್ರಕಾರ, ವೋಟಿಂಗ್ ಲೈನ್ಸ್ ಗುರುವಾರ ರಾತ್ರಿ 11 ಗಂಟೆಯಿಂದ ಶುಕ್ರವಾರ ರಾತ್ರಿ 11 ವರೆಗೆ ಮಾತ್ರ ತೆರೆಯಲಾಗಿರುತ್ತೆ. 

ಎಲಿಮಿನೇಷನ್ ಜೊತೆಗೆ ಈ ವಾರ ಉತ್ತಮ ಮತ್ತು ಕಳಪೆ ಯಾರು ಎಂಬ ಚರ್ಚೆಯೂ ಜೋರಾಗಿದೆ. ಈ ಸಂಬಂಧ ಹೊಸ ಪ್ರೋಮೋ ಬಿಡುಗಡೆಯಾಗಿದ್ದು, ಎದುರಾಳಿ ತಂಡದ ಕ್ಯಾಪ್ಟನ್ ಸಿರಿ ಡ್ರೋನ್ ಪ್ರತಾಪ್‌ಗೆ ಕಳೆಪೆ ನೀಡಿದ್ದಾರೆ. ಸ್ನೇಹಿತ್ ಗೌಡ ತಮ್ಮದೇ ತಂಡದ ನೀತುಗೆ ಕಳಪೆ ಪಟ್ಟ ನೀಡಿದ್ದಾರೆ. ಹೀಗೆ ಇನ್ನೂ ಕೆಲವರು ಕೂಡ ನೀತುಗೆ ಕಳಪೆ ಕೊಟ್ಟಿದ್ದು, ಸೋತಾಗ ನನಗೆ ಕಳಪೆ ಪಟ್ಟ ಕೊಡುವುದು ಸರಿ ಎನಿಸಲಿಲ್ಲ ಅಂತ ಬೇಸರಗೊಂಡಿದ್ದಾರೆ.