ಕ್ಯಾಮರಾದಿಂದ ದೂರ ಉಳಿದಿರುವ ಸ್ಯಾಂಡಲ್‌ವುಡ್ ಸೆಲೆಬ್ರಿಟಿಗಳ ಮಕ್ಕಳಿವರು!

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರಿಗೆ ಇಬ್ಬರು ಹೆಣ್ಣುಮಕ್ಕಳಿದ್ದಾರೆ. ಅಪ್ಪು ಚಿಕ್ಕಂದಿನಿಂದಲೂ ಫೇಮಸ್. ಆದರೆ, ಅವರ ಮಕ್ಕಳಾದ ಧೃತಿ ಹಾಗೂ ವಂದಿತಾ ಹೊರಗಡೆ ಅಷ್ಟಾಗಿ ಕಾಣಿಸಿಕೊಳ್ಳುವುದಿಲ್ಲ. ಪುನೀತ್ ಅವರ ಮೊದಲನೇ ಮಗಳು ಧೃತಿ ನ್ಯೂಯಾರ್ಕ್‌ನಲ್ಲಿ ಓದುತ್ತಿದ್ದಾರೆ. ನೋಡಲು ಅಪ್ಪುವನ್ನೇ ಹೋಲುವ ವಂದಿತಾ ಬೆಂಗಳೂರಿನಲ್ಲಿಯೇ ವಿದ್ಯಾಭ್ಯಾಸ ಮಾಡ್ತಿದ್ದಾರೆ. ಇವರಿಬ್ಬರು ಇತ್ತೀಚೆಗೆ ಕೆಲ ಕಾರ್ಯಕ್ರಮ ಹಾಗೂ ಪ್ರೀಮಿಯರ್‌ ಶೋಗಳಲ್ಲಿ ಕಾಣಿಸಿಕೊಂಡಿದ್ದು ಬಿಟ್ಟರೆ, ಸಿನಿಮಾರಂಗದಿಂದ ದೂರವೇ ಉಳಿದಿದ್ದಾರೆ.

ಕನ್ನಡ ಚಿತ್ರರಂಗ ದಂತಕತೆ ಶಂಕರ್ ನಾಗ್. ಅವರು ತಮ್ಮ 35 ವರ್ಷದ ಕಿರಿದಾದ ಬದುಕಿನ ಪಯಣದಲ್ಲಿ ನೂರಾರು ವರುಷ ನೆನೆಯುವಂತಹ ಕಾರ್ಯ ಸಾಧಿಸಿದ್ದಾರೆ. ಅವರ ಪುತ್ರಿ ಕಾವ್ಯಾ ನಾಗ್ ಕೂಡ ಸಿನಿಮಾರಂಗ ಹಾಗೂ ಕ್ಯಾಮರಾದಿಂದ ದೂರವೇ ಉಳಿದಿದ್ದಾರೆ. ವೈಲ್ಡ್ ಬಯಾಲಜಿ ಓದಿಕೊಂಡಿಕೊಂಡುರುವ ಕಾವ್ಯಾ ಅವರಿಗೆ ಚಿತ್ರರಂಗದಲ್ಲಿ ಅಷ್ಟಾಗಿ ಆಸಕ್ತಿಯಿಲ್ಲ. ಜೀವವಿಜ್ಞಾನ ಹಾಗೂ ವನ್ಯಜೀವಿಗಳ ಬಗ್ಗೆ ಸಾಕಷ್ಟು ಆಸಕ್ತಿ ಹೊಂದಿರುವ ಇವರು, ಹುಣಸೂರಿನ ತಮ್ಮ ತಂದೆ ಜಮೀನಿನಲ್ಲಿ ಕೋಕೋನೆಸ್ ಎಂಬ ಕಂಪನಿ ತೆರೆದು, ಅದನ್ನು ನಡೆಸಿಕೊಂಡು ಹೋಗುತ್ತಿದ್ದಾರೆ. 

ಕನ್ನಡ ಚಿತ್ರರಂಗದ ಎವರ್‌ಗ್ರೀನ್ ಹೀರೋ ಅರಮೇಶ್ ಅರವಿಂದ್ ಅವರಿಗೆ ಅರ್ಜುನ್ ಹಾಗೂ ನಿಹಾರಿಕಾ ಎಂಬ ಇಬ್ಬರು ಮಕ್ಕಳಿದ್ದಾರೆ. ನಿಹಾರಿಕಾಗೆ ಮದುವೆಯಾಗಿದ್ದು, ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರ ಮಗ ವಿದೇಶದಲ್ಲಿ ಕೆಲಸದಲ್ಲಿ ಇದ್ದಾಋಎ ಎನ್ನಲಾಗಿದೆ. ಇಬರಿಬ್ಬರಿಗೂ ಕ್ಯಾಮರಾ ಇಷ್ಟವಿಲ್ಲವಂತೆ.

ತಮ್ಮ ಸ್ವಾಬಾವಿಕ ನಟನಾ ಶೈಲಿಯಿಂದಲೇ ಗಮನ ಸೆಳೆಯುವ ಸೆಲೆದಿರುವ ಅನಂತ್ ನಾಗ್ ಅವರಿಗೆ ಅದಿತಿ ಎಂಬ ಓರ್ವ ಮಗಳಿದ್ದಾಳೆ. ಅದಿತಿ ಅವರಿಗೆ ನಟನೆ ಬಗ್ಗೆ ಆಸಕ್ತಿ ಇಲ್ಲವಂತೆ. ನನಗೆ ಆಕ್ಟ್ ಮಾಡಲು ಇಷ್ಟವಿಲ್ಲ. ಹೀಗಾಗಿ, ನೀವು ನನಗೆ ನಟಿಸಲು ಫೊರ್ಸ್ ಮಾಡುವಂತಿಲ್ಲ ಅಂತ ಕಂಡೀಷನ್ ಹಾಕಿದ್ದರಂತೆ. ಹೀಗಿದ್ದೂ ಒಮ್ಮೆ ಅನಂತ್ ನಾಗ್, ನಾನು ನಟ, ನಿಮ್ಮ ತಾಯಿನೂ ನಟಿ ಲೆಕ್ಕಕ್ಕೆ ಒಂದೆರಡು ಸಿನಿಮಾ ಮಾಡಬಹುದಾ ಎಂದು ಕೇಳಿದ್ದಕ್ಕೆ ಅದಿತಿ ಕಣ್ಣೀರು ಹಾಕಿದ್ದರಂತೆ. 

ನಟ ನೀನಾಸಂ ಸತೀಶ್ ಅವರಿಗೆ ಮದುವೆಯಾಗಿದ್ದು, ಪತ್ನಿ ಹೆಸರು ಸುಪ್ರೀತಾ ಎಂಬ ಮಾಹಿತಿ ಅನೇಕರಿಗೆ ಗೊತ್ತೇ ಇರಲಿಲ್ಲ. ಅವರ ತಮ್ಮ ಮದುವೆ ವಿಷಯವನ್ನು ಗುಟ್ಟಾಗಿಯೇ ಇಟ್ಟಿದ್ದರು. ನೀನಾಸಂ ಸತೀಶ್ ೨೦೧೫ರಲ್ಲಿ ಸಮನ್ವಿತಾ ಎಂಬ ಮಗು ಜನಿಸಿದ್ದು, ಅಶರೀರವಾಣಿ ಎಂಬ ಹಾಡಿನ ಮೂಲಕ ಪರಿಚಯಸಿದ್ದರು. ಅದು ಬಿಟ್ಟರೆ ಇದುವರೆಗೂ ಸೋಶಿಯಲ್ ಮೀಡಿಯಾದಲ್ಲಿ ಅವರ ಫೋಟೋ ಹಾಕೋದಿಲ್ಲ.