ಯು ಮೇಡ್ ಮಿ ಫೀಲ್ ಸ್ಪೆಷಲ್, ನನ್ನ ಬೆಸ್ಟ್ ಕ್ಷಣಗಳು ಅಂದ್ರೆ ಆ ದಿನಗಳೇ: ಕಾರ್ತಿಕ್‌ಗೆ ಸಂಗೀತಾ ಪತ್ರ

108 ದಿನಗಳಲ್ಲಿ ಕೆಲವೊಬ್ಬರು ನಿಮ್ಮ ಮನಸ್ಸಿಗೆ ಬಹಳ ಹತ್ತಿರವಾಗಿರಬಹುದು. ನೀವು ಬೇಸರದಲ್ಲಿದ್ದಾಗ, ನಿಮ್ಮ ಭಾವನೆಗಳಿಗೆ ಬೆಲೆಕೊಟ್ಟು, ಕಣ್ಣೀರು ಒರೆಸುವ ಕೈಯಾಗಿ, ಕಷ್ಟಗಳಿಗೆ ನೇರವಾಗಿ, ನೀವು ಮಾನಸಿಕವಾಗಿ ಕುಗ್ಗಿದ್ದಾಗ ಸ್ಫೂರ್ತಿದಾಯಕ ಮಾತುಗಳನ್ನಾಡಿ, ನಿಮ್ಮನ್ನು ಉತ್ತೇಜಿಸಿ, ನಿಮ್ಮ ಹೃದಯದಲ್ಲಿ ಎಂದೂ ಮರೆಯಲಾಗದ ಸ್ಥಾನ ಪಡೆದಿರಬಹುದು ಎಂದು ಹೇಳಿ. ಪ್ರತಿಸ್ಪರ್ಧಿಯ ಮನಸ್ಸಿನಲ್ಲಿ ವಿಶೇಷ ಸ್ಥಾನ ಪಡೆದವರು ಯಾರು ಎಂದು ತಿಳಿದುಕೊಳ್ಳುವ ಉದ್ದೇಶದಿಂದ ವಿಶೇಷ ಚಟುವಟಿಕೆಯನ್ನು 'ಬಿಗ್‌ಬಾಸ್‌' ಘೋಷಿಸಿದರು. ಅದೇ ಪತ್ರ ಬರೆಯುವ ಚಟುವಟಿಕೆ. ಇದರ ಅನುಸಾರ ತಮ್ಮ ಮನಸ್ಸಿನಲ್ಲಿ ವಿಶೇಷ ಜಾಗ ಪಡೆದವವರಿಗೆ ಪ್ರೀತಿಯಿಂದ ಪತ್ರ ಬರೆದು ವೈಯಕ್ತಿಕ ವಸ್ತುಗಳ ಪೈಕಿ ಒಂದನ್ನ ಉಡುಗೊರೆಯಾಗಿ ನೀಡಬೇಕಿತ್ತು. 

ಈ ಸಂದರ್ಭ ಕಾರ್ತಿಕ್ ಅವರು ಸಂಗೀತಾಗೆ ಪತ್ರ ಬರೆದರು. ಡಿಯರ್ ಸಂಗೀತಾ..ಹೌದು ನಮ್ಮಿಬ್ಬರ ಮಧ್ಯೆ ನಡುವೆ ಹಲವು ವ್ಯತ್ಯಾಸಗಳಿವೆ. ಇದರಿಂದಾಗಿಯೇ ಜಗಳಾವಗಿವೆ, ಜೊತೆಗೆ ಒಂದಷ್ಟು ದಿನ ಒಟ್ಟಿಗೆ ಕಳೆದ ನೆನಪುಗಳ ಮನಸ್ಸಿನಲ್ಲಿ ಉಳಿದಿವೆ. ನನ್ನಿಂದ ನಿನಗೆ ಸಾಕಷ್ಟು ನೋವಾಗಿದೆ. ಅದನ್ನ ಮರೆತು ಒಳ್ಳೇ ಕ್ಷಣ ಕೊಂಡೊಯ್ಯುವ ಸಲುವಾಗಿ ಈ ಪತ್ರ. ಪ್ರೀತಿಯಿದ್ದ ಕಡೆ ಜಗಳವಿರತ್ತೆ. ಕ್ಷಮೆ ಕೇಳಿದ್ಮೇಲೆ ಸಾಧಿಸಿದ್ದು ನನ್ನ ತಪ್ಪು. ಈ ಸ್ನೇಹವನ್ನು ಉಳಿಸಿಕೊಳ್ಳಲು ನಾನು ಮತ್ತೊಮ್ಮೆ ಸೋಲಲು ಸಿದ್ದನಿದ್ದೇನೆ. ನಿನ್ನ ಬಗ್ಗೆ ಕೆಟ್ಟದ್ದನ್ನ ಯೋಚಿಸಿಲ್ಲ, ಬಯಸಿಲ್ಲ. ಕೆಲವೊಮ್ಮೆ ಕೆಟ್ಟ ಮಾತನ್ನ ಆಡಿದ್ದೇನೆ. ನಾನು ನಿನ್ನಿಂದ ಬಯಸೋದು ಒಳ್ಳೇ ಮಾತು, ನಿನ್ನ ಮುಖದಲ್ಲಿ ನಗು. ಅಷ್ಟು ಸಾಕು ನನ್ನೊಟ್ಟಿಗೆ ನಿಂತಿದ್ದಕ್ಕೆ ಧನ್ಯವಾದ. ಕ್ಷಮಿಸೋದು ಬಿಡೋದು ನಿನಗೆ ಬಿಟ್ಟಿದ್ದು ಅಂತ ಬರೆದಿದ್ದರು. ಜತೆಗೆ ಸಂಗೀತಾಗೆ ಫುಲ್ ಓವರ್ಸ್ ಇಷ್ಟವೆಂದು ತಮ್ಮ ಫುಲ್ ಓವರ್ ಉಡುಗೊರೆ ಕೊಟ್ಟರು. ಇದನ್ನು ಓದಿದ ಸಂಗೀತಾ ಪತ್ರದಲ್ಲಿರು ಮಾತುಗಳು ನನ್ನ ಮುಟ್ಟಿತು ಅಂತ ಹೇಳಿದರು. 

ನಂತರ ಸಂಗೀತಾ ಅವರು ಕಾರ್ತಿಕ್‌ಗೆ ಪತ್ರ ಬರೆದರು. ಇಲ್ಲಿಗೆ ೬ ಜನ ಒಟ್ಟಿಗೆ ಬಂದ್ವಿ. ಅದರಲ್ಲಿ ೪ ಜನ ಇಲ್ಲಿದ್ದೇವೆ. ನಾನು ಆಟದಲ್ಲಿ ಮುಳುಗಿ ಹೋಗಿಲ್ಲ, ರಿಲೇಷನ್‌ಶಿಪ್ ಮಾಡೋದ್ರಲ್ಲೇ ಮುಳುಗಿ ಹೋಗಿದ್ದೆ. ನಾವು ಜಗಳವಾಡಿದಷ್ಟು ಹತ್ತಿರವಾಗುತ್ತಾ ಬಂದೆವು. ಈಗ್ಲೂ ನಾನು ನಿಮ್ಮನ್ನ ಹೇಟ್ ಮಾಡ್ತೀನಿ. ಆದರೆ, ನಾಣು ಇಲ್ಲಿ ಕಳೆದ ಪ್ರತಿಕ್ಷಣ ಆ ಜಗಳವಾಗುವವರೆಗೂ ದಿ ಮೋಸ್ಟ್ ಮೆಮೊರಬಲ್. ನಾನ್ಯಾವಾಗ ತಗ್ಗಿದ್ದೇನೋ, ಆಗ ಅದಷ್ಟು ಚಿಯರ್ ಮಾಡೋಕೆ ಪ್ರಯತ್ನಿಸಿದ್ರಿ. ಅದರಲ್ಲಿ ಯಶಸ್ವಿ ಆಗಿದ್ದೀರಾ. ನಾನು ಜೈಲಿಗೆ ಹೋದಾಗ ನನ್ನ ಜೊತೆ ಇಡೀ ಹೊತ್ತು ಇದ್ರಿ. ನೀವು ಜೈಲಿಗೆ ಹೋದಾಗ ನಾನು ಅದನ್ನ ಮಾಡಲಾಗಲಿಲ್ಲ ಎಂಬ ಕೊರಗು ನನಗಿತ್ತು. ಇವತ್ತು ನಾವು ಫ್ರೆಂಡ್ಸ್ ಅಲ್ಲ. ಆದ್ರೆ, ನಾನು-ನೀವು ಹಾಗೂ ತನಿಷಾ ಕಳೆದಿರುವ ಕ್ಷಣಗಳಿಗೆ ನಾನು ಗ್ರೇಟ್‌ಫುಲ್. ಯು ಮೇಡ್‌ ಮಿ ಫೀಲ್ ಸ್ಪೆಷಲ್. 

ಆ ದಿನಗಳನ್ನು ನೆನಪಿಸಿಕೊಳ್ಳುತ್ತಾ ಲಿಪ್‌ಸ್ಟಿಕ್ ಮೇಲೆ ಸ್ಟೇ ವಿತ್‌ ಮಿ ಅಂತ ಬರೆದಿದ್ವಿ. ಒಮ್ಮೆ ಜಗಳವಾದಾಗ ನನಗೆ ಆ ಲಿಪ್‌ಸ್ಟಿಕ್‌ನ ಕೊಟ್ರಿ. ಅದನ್ನ ನಾನೀಗ ನಿಮಗೆ ಉಡುಗೊರೆಯಾಗಿ ಕೊಡ್ತೀನಿ. ಅದರ ಜೊತೆಗೆ ಈ ಜಾಕೆಟ್. ಯಾಕೆಂದರೆ ನೀವು ನನಗೆ ಕಂಪರ್ಟ್ ಫೀಲ್ ಕೊಟ್ರಿ. ನಾನು ಈ ಲೆಟರ್‌ನ ಮೊಮೆಂಟ್ ಕ್ರಿಯೇಟ್ ಮಾಡೋಕೆ ಬರೆದಿಲ್ಲ. ಯಾಕೆಂದರೆ, ನನಗೆ ಭಯವಿತ್ತು. ನಾನು ಅವತ್ತು ಹಾಕಿರುವ ಎಫರ್ಟ್ಸ್ ನಿಜ. ಇವತ್ತು ನೀವು ಎಲ್ಲಿ 'ಮೊಮೆಂಟ್ ಕ್ರಿಯೇಟ್ ಮಾಡೋಕೆ ಬರೀತಿದ್ದಾಳೆ' ಅಂತಿರೋ ಅಂತ ಭಯ ಪಡ್ತಿದ್ದೆ. ಮೊಮೆಂಟ್‌ಗಾಗಿ ಇದನ್ನ ಮಾಡ್ತಿಲ್ಲ. ಈ ಮನೆಯಲ್ಲಿ ನನ್ನ ಬೆಸ್ಟ್ ಕ್ಷಣಗಳು ಅಂದ್ರೆ ಆ ದಿನಗಳೇ. ನಾನು ಕುಗ್ಗಿದ್ದಾಗ ನೀವು ಸಪೋರ್ಟ್ ಮಾಡಿದ್ರಿ. ನೀವಲ್ಲದೆ ನಾನಿವತ್ತು ಯಾರ ಹೆಸರನ್ನಾದರೂ ತಗೊಂಡಿದ್ದರೆ ನನಗೆ ನ್ಯಾಯ ಮಾಡುತ್ತಿರಲಿಲ್ಲ. ಈ ಪತ್ರವನ್ನು ನಾನು ಇನ್ಯಾರಿಗೆ ಬರೆದಿದದರೂ ಪಶ್ಚಾತ್ತಾಪ ಪಡುತ್ತಿದೆ. ಯುವರ್ಸ್ ನೆಗೆಟಿವ್ ಎಂದು ಸಂಗೀತಾ ಶೃಂಗೇರಿ ಪತ್ರದಲ್ಲಿ ಬರೆದಿದ್ದರು. ಬಳಿಕ ಇಬ್ಬರೂ ಅಪ್ಪಿಕೊಂಡರು. ಉಳಿದವರೆಲ್ಲರೂ ಚಪ್ಪಾಳೆ ತಟ್ಟಿದರು. 

ವಿನಯ್ ಅರು ಕಾರ್ತಿಕ್‌ಗೆ ಪತ್ರ ಬರೆದರು. ನನ್ನ-ನಿನ್ನ ಸ್ನೇಹಕ್ಕೆ ೧೦ ವರ್ಷ ಆಯ್ತು. ಪಾರ್ಟಿಯಲ್ಲಿ ಫಸ್ಟ್ ಟೈಮ್ ನಿನ್ನ ನೋಡಿದೆ. ನಾವಿಬ್ಬರೂ ಆಗ ಅವಕಾಶಕ್ಕಾಗಿ ಹೋರಾಡುತ್ತಿದ್ದೆವು. ಈ ಚಿತ್ರರಂಗದಲ್ಲಿರುವ ಸ್ಪರ್ಧೆಯಲ್ಲಿ ನಮ್ಮಿಬ್ಬರಿಗೂ ಒಂದು ಜಾಗ ಬೇಕು ಎನ್ನುವ ಹಸಿವಿತ್ತು. ಅದಕ್ಕೆ ಈ ವೇದಿಕೆ ಒಂದು ದಾರಿ ಮಾಡಿಕೊಟ್ಟಿದೆ. ನಿನ್ನ ನೋಡಿದ್ರೆ ನನ್ನ ನೋಡಿದ ಹಾಗೆ ಆಗುತ್ತೆ. ಯುದ್ಧ ಇನ್ನೂ ಮುಗಿದಿಲ್ಲ. ಅದಕ್ಕೆ ಬೇಕಾದ ತಯಾರಿ ಈ ಬಿಗ್‌ಬಾಸ್‌ ಶೋ ನಮಗೆ ನೀಡಿದೆ. ಸ್ನೇಹಿತ, ಸೋದರನಾಗಿ ನಿನ್ನ ಪಕ್ಕದಲ್ಲಿ ಇರ್ತೀನಿ, ನಿನ್ನ ಕೈ ಜೊತೆ ನನ್ನ ಕೈ ಇರುತ್ತೆ. ಜೊತೆಗೆ ನುಗ್ಗೋಣ ಜೊತೆಗೆ ಗೆಲ್ಲೋಣ ಅಂತ ಬರೆದಿದ್ದರು. 

ಬಳಿಕ ಮಾತನಾಡಿದ ಕಾರ್ತಿಕ್ ಚಿತ್ರರಂಗಕ್ಕೆ ಬಂದಾಗ ಪಾರ್ಟಿ ಅಂತ ಹೇಳಿದ. ಆಗ ನನ್ನತ್ರ ದುಡ್ಡೇ ಇರಲಿಲ್ಲ. ವಿನಯ್ ನನ್ನ ಹತ್ರ ಒಂದು ರೂಪಾಯಿನೂ ಕೇಳುತ್ತಿರಲಿಲ್ಲ. ಮನೆಗೆ ಕರೆದು ಊಟ ಹಾಕಿ ಕಳಿಸ್ತಿದ್ದೆ. ಅದನ್ನು ನಾನು ಮರೆಯೋದಿಲ್ಲ. ಇಲ್ಲಿ ಸಾಕಷ್ಟು ಜಗಳವಾಗಿದೆ., ಅದು ಆಟ ಆಗಿತ್ತು ಅಷ್ಟೇ. ನನ್ನ-ನಿನ್ನ ಸ್ನೇಹವನ್ನು ಉಳಿಸಿಕೊಳ್ತಿನಿ, ಬಿಟ್ಟುಕೊಡೋದಿಲ್ಲ ಎಂದರು.

ಜೊತೆಗೆ ಈ ಮನೆಯೊಳಗೆ ಇರೋರಿಗೆ ಮನೆಯಿಂದ ಹೊರಗಡೆ ಇರೋರಿಗೆ ನನ್ನಿಂದ ಯಾವತ್ತಾದ್ರೂ ಬೇಸರವಾಗಿದ್ರೆ ಕ್ಷಮೆ ಕೇಳ್ತಿನಿ. ತಪ್ಪು ಮಾತಾಡಿದ್ದನ್ನು ಹೊಟ್ಟೆಗೆ ಹಾಕಿಕೊಳ್ಳಿ. ಈ ಮನೆ ತುಂಬಾ ಕೊಟ್ಟಿದೆ.. ಈ ಮನೆಯಲ್ಲಿ ಇದ್ದವರನ್ನು ನಾನು ಯಾವತ್ತೂ ಮರೆಯೋದಿಲ್ಲ ಎಂದು ವಿನಯ್ ಮಂಡಿಯೂರಿ ಕ್ಷಮೆ ಕೇಳಿದರು.