ತುಕಾಲಿ ಸಂತುನಾ ಬೇಕಂತಲೇ ಬೀಳಿಸಿದ್ರೆ ಎಂದ ನಮ್ರತಾ: ಇತ್ತ ಮದುವೆ ಬಗ್ಗೆ ಸ್ಪಷ್ಟನೆ ನೀಡಿದ ವರ್ತೂರು ಸಂತೋಷ್

ಹನಿ ಹನಿ ಕಹಾನಿ ಟಾಸ್ಕ್ ಸಂದರ್ಭ ತುಕಾಲಿ ಸಂತೋಷ್ ನೀರು ಎಸೆಯಲು ಬಂದಾಗ ಸ್ನೇಹಿತ್ ಜೊತೆ ಜಟಾಪಟಿ ನಡೆಯಿತು. ಲೈನ್ ದಾಟಿದ್ದರೂ ಸ್ನೇಹಿತ್ ಅಟ್ಯಾಕ್ ಮಾಡುತ್ತಿದ್ದರು. ಇದರಿಂದ ಕೆರಳಿದ ತುಕಾಲಿ ಸಂತು, ಇಷ್ಟೊಂದು ಅಗ್ರೆಸ್ಸಿವ್ ಬೇಕಾ? ಅಂತ ಪ್ರಶ್ನಿಸಿದರು.  ನೀರು ಎಸೆಯಲು ಸ್ನೇಹಿತ್ ಮತ್ತು ವಿನಯ್ ಬಂದಾಗ, ತಡೆಯಲು ತುಕಾಲಿ ಸಂತೋಷ್ ಮತ್ತು ವರ್ತೂರು ಸಂತೋಷ್ ಇದ್ದರು. ಸ್ನೇಹಿತ್ ನೀರು ತೆಗೆದುಕೊಂಡು ಬಂದಾಗ ತಡೆಯಲು ಹೋದ ತುಕಾಲಿ ಸಂತು ಅವರನ್ನು ವಿನಯ್ ತಳ್ಳಿ ಬೀಳಿಸಿದರು.   

ವಿನಯ್ ಬೀಳಿಸಿದ್ದರಿಂದ ಕೆರಳಿದ ತುಕಾಲಿ ಸಂತು, ಗುರಾಣಿ ಎತ್ತಿ ಎಸೆದು, ಈ ತರ ಆಟ ಆಡಲ್ಲ ನಾನು. ನಿನ್ ತರಹ ಯಾವನ್ ಆಡ್ತಾನೆ? ನಾವು ಗೆಲ್ಲದೇ ಇದ್ದರೂ ಪರವಾಗಿಲ್ಲ. ಈ ತರಹದ ಆಟ ಆಡೋದು ಬೇಡ. ನಿನ್ ತರಹ ಆಟ ಆಡೋದು ಬೇಡ ಗುರು ಎಂದರು. ಇದೇ ವಿಚಾರಕ್ಕೆ ಇಬ್ಬರ ನಡುವೆ ಸ್ವಲ್ಪ ಕಿತ್ತಾಟ ನಡೆಯಿತು. ಆಟದ ಮುಗಿದ ಮೇಲೆ ಕೂಡ ತುಕಾಲಿ ಸಂತು, ಒಬ್ಬ ವ್ಯಕ್ತಿಯನ್ನು ನಾನು ಮನಸ್ಸಿನಿಂದ ಸಾಯಿಸಿದ ಮೇಲೆ ಮುಗೀತು ಅಂತ ಬೇಸರ ವ್ಯಕ್ತಪಡಿಸಿದರು. 

ಟಾಸ್ಕ್ ಮುಗಿದ ಮೇಲೆ ನಮ್ರತಾ ಅವರು ವಿನಯ್-ಸ್ನೇಹಿತ್ ಬಳಿ ಹೋಗಿ ಫ್ರೆಂಡ್ಸ್ ಆಂತ ನೀವು ಮಾಡಿದ್ದೆಲ್ಲಾ ಸರಿ ಅಂತ ಹೇಗೆ ಹೇಳಲಿ. ನೀವಿಬ್ಬರೂ ಬೇಕಂತಲೇ ಬೀಳಿಸಿ ಹಾಗಿತ್ತು. ಬೇಕಂತ ಇದು ನನ್ನ ಪದ ಎಂದು ಗಂಭೀರವಾಗಿ ಆರೋಪ ಮಾಡಿದರು. 

ಕಳೆದ ಕೆಲ ವಾರಗಳ ಹಿಂದೆ ವರ್ತೂರು ಸಂತೋಷ್ ಮದುವೆ ವಿಚಾರ ಸಾಕಷ್ಟು ಸದ್ದು ಮಾಡಿತ್ತು. ಇದೀಗ ಇದೇ ಮೋದಲ ಬಾರಿಗೆ ಬಿಗ್‌ಬಾಸ್ ಮನೆಯಲ್ಲಿ ಸಂತೋಷ್ ಮದುವೆ ಬಗ್ಗೆ ಮಾತನಾಡಿದ್ದಾರೆ. ನನ್ನ ಮನಸ್ಸಿನ ಒಳಗಡೆ ಏನಿದೆ ಅಂತ ನಾನು ಹೇಳಬೇಕು. ದೊಡ್ಡಪ್ಪನಿಗೆ ನೀವು ಹೇಳಿದ ಹುಡುಗಿಗೆ ತಾಳಿ ಕಟ್ಟುವೆ ಅಂತ ಮಾತು ಕೊಟ್ಟಿದ್ದೆ. ಅದರಂತೆ ಮದುವೆ ಆಯಿತು. ಮದುವೆಯಾದ ಹುಡುಗಿ ನನ್ನ ತಾಯಿಯನ್ನು ಕಡೆಗಣಿಸಲು ಆರಂಭಿಸಿದರು. ನಾನು ಸಂಪಾದನೆ ಮಾಡಿರುವ ಜನರನ್ನು ಬಿಟ್ಟು ನನ್ನ ಹತ್ರ ಬಾ ಸಂತ ಹೇಳಿದರು. ಅದು ನನ್ನಿಂದ ಸಾಧ್ಯವೇ ಇಲ್ಲ.

ನನ್ನ ಮಾತಿನ ಪ್ರಕಾರ ಬಂದರೆ ನೀನು ರಾಣಿಯೇ ಅಂತ ಪತ್ನಿಗೆ ಹೇಳಿದೆ. ಅವಳು ಗೇಟ್‌ನಿಂದ ಹೊರಗಡೆ ಹೋಗು ಅಂತ ಹೇಳಿದಳು. ಅಂದು ಮಾತು ಕೊಟ್ಟಿದ್ದೆ, ಆ ಮಾತಿನ ಮೇಲೆ ಇಂದು ಕೂಡ ನಿಂತಿದ್ದೇನೆ ಅಂತ ಮದುವೆ ಬಗ್ಗೆ ಬಿಗ್‌ಬಾಸ್ ಮನೆಯಲ್ಲಿ ಹೇಳಿಕೊಂಡಿದ್ದಾರೆ.