ವಯಸ್ಸಿನಲ್ಲಿ ತಮಗಿಂತ ದೊಡ್ಡವರನ್ನು ಮದುವೆಯಾದ ಸ್ಟಾರ್ ನಟರು ಇವರು!

ಸ್ಯಾಂಡಲ್‌ವುಡ್‌ನ ರಾಕಿಂಗ್ ಜೋಡಿ ಎಲ್ಲರಿಗೂ ಅಚ್ಚುಮೆಚ್ಚು. ಪ್ರೀತಿಸಿ ಮದುವೆಯಾದ ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಅಪಾರ ಅಭಿಮಾನಿ ಬಳಗ ಹೊಂದಿದ್ದಾರೆ. ವಯಸ್ಸಿನಲ್ಲಿ ರಾಧಿಕಾ ಯಶ್‌ಗಿಂತ ದೊಡ್ಡವರು.  ರಾಧಿಕಾ ಜನಿಸಿದ್ದು 1984ರ ಮಾರ್ಚ್‌ 7ರಂದು. ಯಶ್ ಹುಟ್ಟಿದ್ದು 1986 ಜನವರಿ 8ರಂದು. ಇವರಿಬ್ಬರ ನಡುವೆ ಎರಡು ವ‍ರ್ಷಗಳ ವಯಸ್ಸಿನ ಅಂತರವಿದೆ.

ಬಾಲಿವುಡ್ ನಟ ಅಭಿ‍ಷೇಕ್ ಬಚ್ಚನ್ ಅವರಿಗಿಂತ ಐಶ್ವರ್ಯಾ ರೈ ದೊಡ್ಡವರು. ಇವರಿಬ್ಬರ ನಡುವೆ ಮೂರು ವರ್ಷಗಳ ವಯಸ್ಸಿನ ಅಂತರವಿದೆ. ಮಾಜಿ ವಿಶ್ವ ಸುಂದರಿ, ಕರಾವಳಿ ಚೆಲುವೆ ಐಶ್ವರ್ಯಾ ರೈ ಅವರಿಗಿಂತ ಅಭಿ‍ಷೇಕ್ ಬಚ್ಚನ್ ಮೂರು ವರ್ಷ ಚಿಕ್ಕವರು. ಅಭಿಷೇಕ್ ಜನಿಸಿದ್ದು 1976ರ ಫೆಬ್ರವರಿ 5ರಂದು, ಕರಾವಳಿ ಚೆಲುವೆ ಐಶ್ವರ್ಯಾ ಜನಿಸಿದ್ದು 1973ರ ನವೆಂಬರ್ 1ರಂದು.

ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ದಂಪತಿಯ ನಡುವೆಯೂ ವಯಸ್ಸಿನ ಅಂತರವಿದೆ. ಮಹೇಶ್ ಬಾಬು ಅವರಿಗಿಂತ ಪತ್ನಿ ನಮ್ರತಾ ಶಿರೋಡ್ಕರ್ ಮೂರು ವ‍ರ್ಷ ದೊಡ್ಡವರು. ಟಾಲಿವುಡ್ ಪ್ರಿನ್ಸ್ ಜನಿಸಿದ್ದು 1975ರ ಆಗಸ್ಟ್ 9ರಂದು ಹಾಗೂ ನಮ್ರತಾ ಹುಟ್ಟಿದ್ದು 1972 ಜನವರಿ 22ರಂದು.

ಬಾಲಿವುಡ್ ಬೆಡಗಿ ಪ್ರಿಯಾಂಕಾ ಚೋಪ್ರಾ ಹಾಗೂ ಅಮೆರಿಕಾದ ಗಾಯಕ ನಿಕ್ ಜೋನಸ್ ನಡುವೆ ಬರೋಬ್ಬರಿ 10 ವರ್ಷಗಳ ಅಂತರವಿದೆ. ಪ್ರಿಯಾಂಕಾ ಹುಟ್ಟಿದ್ದು 1982ರ ಜುಲೈ 18ರಂದು. ನಿಕ್ ಜೋನಸ್ ಜನಿಸಿದ್ದು 1992ರ ಸೆಪ್ಟಂಬರ್ 16ರಂದು. ಅನೇಕ ದಿನಗಳ ಕಾಲ ಪರಸ್ಪರ ಪ್ರೀತಿಸುತ್ತಿದ್ದ ಈ ಜೋಡಿ 2018ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿತ್ತು. 

ಬಾಲಿವುಡ್ ನಟ ವಿಕ್ಕಿ ಕೌಶಲ್ ಅವರಿಗಿಂತ ನಟಿ ಕತ್ರಿನಾ ಕೈಫ್ ಐದು ವರ್ಷ ದೊಡ್ಡವರು. ಕತ್ರಿನಾ ಜನಿಸಿದ್ದು 1983ರ ಜುಲೈ 16ರಂದು ಹಾಗೂ ವಿಕ್ಕಿ ಕೌಶಲ್ ಜನ್ಮ ದಿನಾಂಕ 1988 ಮೇ 16ರಂದು. ಕತ್ರಿನಾ ಅವರಿಗೀಗ 41 ವರ್ಷ ವಯಸ್ಸು. ಈ ಜೋಡಿ 2021ರಲ್ಲಿ ಪ್ರೀತಿಸಿ ವಿವಾಹ ಬಂಧನಕ್ಕೊಳಗಾಗಿತ್ತು.

2014ರಲ್ಲಿ ಮೊದಲ ಪತಿಯಿಂದ ವಿಚ್ಛೇದನ ಪಡೆದ ನಟಿ ಅನು ಪ್ರಭಾಕರ್,  2016ರಲ್ಲಿ ನಟ ಕಮ್ ಮಾಡೆಲ್ ರಘು ಮುಖರ್ಜಿ ಅವರನ್ನು ಮದುವೆಯಾದರು. ನಟಿ ಅನು ಪ್ರಭಾಕರ್ ಅವರಿಗೆ ಇದು ಎರಡನೇ ಮದುವೆಯಾದರೆ, ನಟ ರಘು ಮುಖರ್ಜಿ ಅವರಿಗೆ ಇದು ಮೂರನೇ ಮದುವೆ. ರಘು ಮುಖರ್ಜಿ ಅನು ಪ್ರಭಾಕರ್ ಅವರಿಂಗ ಒಂದು ವರ್ಷ ಚಿಕ್ಕವರು.

ಸೌತ್ ಇಂಡಿಯಾದ ಲೇಡಿ ಸೂಪರ್ ಸ್ಟಾರ್ ಹಾಗೂ ನಿರ್ದೇಶಕ ವಿಘ್ನೇಶ್ ಶಿವನ್  2022ರಲ್ಲಿ ಮದುವೆಯಾಗಿದ್ದರು. ನಯನತಾರ ವಿಷ್ನೇಶ್ ಅವರಿಗಿಂತ ಒಂದು ವರ್ಷ ದೊಡ್ಡವರು. ನಯನತಾರ ಜನಿಸಿದ್ದು 1984ರ ನವೆಂಬರ್ 18ರಂದು ಮತ್ತು ವಿಘ್ನೇಶ್ ಶಿವನ್ ಜನಿಸಿದ್ದು 1985ರ ಸೆಪ್ಟಂಬರ್ 18ರಂದು.