ಮಾವನಾದ ಖುಷಿಯಲ್ಲಿ ಕುಣಿದಾಡಿದ ಕಾರ್ತಿಕ್‌: ತನಿಷಾ ಕಡೆಯಿಂದ ಪಾಪುಗೆ ಸಿಕ್ತು ಸ್ಪೆಷಲ್ ಗಿಫ್ಟ್

Author Sowmya Bairappa | Published: Wednesday, December 13, 2023, 01:25 PM [IST]

ಬಿಗ್‌ಬಾಸ್ ಆರಂಭದದಿಂದಲೂ ಕಾರ್ತಿಕ್‌ ಮತ್ತು ತನಿಷಾ ನಡುವೆ ಉತ್ತಮ ಸ್ನೇಹವಿದೆ. ಕಾರ್ತಿಕ್‌ಗೆ ಬೇಸರವಾದಗೆಲ್ಲಾ ತನಿಷಾ ಅವರ ನೋವಿಗ ಸ್ಪಂದಿಸಿ, ಸಮಾಧಾನ ಮಾಡುತ್ತಾರೆ. ಇದೀಗ ಕಾರ್ತಿಕ್‌ ತಂಗಿಗೆ ಗಂಡು ಮಗು ಜನಿಸಿದ್ದು, ಮಾವನಾಗಿ ಬಡ್ತಿ ಪಡೆದಿದ್ದಾರೆ. ಈ ವಿಚಾರವನ್ನು ಕಾರ್ತಿಕ್ ಬಿಗ್‌ಬಾಸ್ ಮನೆಯಲ್ಲಿ ಹೇಳಿಕೊಂಡು ಖುಷಿಯಲ್ಲಿ ಕುಣಿದಾಡಿದ್ದು, ಕಾರ್ತಿಕ್ ಅಳಿಯನಿಗೆ ತನಿಷಾ ವಿಶೇಷ ಉಡುಗೊರೆಯೊಂದನ್ನು ನೀಡಿದ್ದಾರೆ.

Table of content

ಕಾರ್ತಿಕ್ ಕೆಲ ದಿನಗಳಿಂದ ತಂಗಿಗೆ ಡೆಲವರಿ ಆಗಿದೆಯೋ, ಎಲ್ಲವೋ ಎಂಬುದನ್ನು ತಿಳಿದುಕೊಳ್ಳುವ ಕಾತರದಲ್ಲಿದ್ದಾರೆ. ಬಿಗ್‌ಬಾಸ್‌ ಮನೆಯಲ್ಲಿ ಈ ಬಗ್ಗೆ ಹಲವಾರು ಬಾರಿ ಪ್ರಸ್ತಾಪಿಸಿದ್ದರು. ಇದೀಗ ಬಿಗ್‌ಬಾಸ್‌ ಡಿಸೆಂಬರ್ 6ಕ್ಕೆ ನಿಮ್ಮ ಸಹೋದರ ಮುದ್ದಾದ ಗಂಡುಮಗುವಿಗೆ ಜನ್ಮ ನೀಡಿದ್ದಾರೆ. ತಾಯಿ-ಮಗು ಇಬ್ಬರೂ ಆರೋಗ್ಯವಾಗಿದ್ದರೆ ಎನ್ನುತ್ತಿದ್ದಂತೆ ಕಾರ್ತಿಕ್ ಭಾವುಕರಾಗಿ ಕಣ್ಣೀರು ಹಾಕಿದರು. ನಂತರ ಕನ್‌ಫೆಶನ್ ರೂಮ್‌ನಿಂದ ಹೊರಬಂದ ಅವರು, ಕಳೆದ ಬುಧವಾರ ಕಾರ್ತಿಕ್ ಮಾವ ಆಗಿದ್ದಾನೆ' ಅಂತ ಕುಣಿದಾಣಿದರು. ಆಗ ತನಿಷಾ, ಸಂಗೀತಾ, ಡ್ರೋನ್ ಪ್ರತಾಪ್ ಖುಷಿಯಿಂದ ಅವರನ್ನು ತಬ್ಬಿಕೊಂಡರು.

ಜೊತೆಗೆ ತನಿಷಾ 'ನನ್ನ ಕಡೆಯಿಂದ ಮೊದಲ ಗಿಫ್ಟ್ ಪಾಪುಗೆ ಅಂತ ತಮ್ಮ ಬಳಿಯಿದ್ದ ಬೆಳ್ಳಿಯ ಉಡದಾರವನ್ನು ಕೊಟ್ಟರು. ಜೊತೆಗೆ ಬೆಳ್ಳಿ ಕೊಟ್ಟರೆ ಸಂಬಂಧ ಯಾವಾಗಲೂ ಚೆನ್ನಾಗಿರುತ್ತಂತೆ ಅಂದರು. ಅದನ್ನು ನೋಡಿದ ಕಾರ್ತಿಕ್ ಸರ್‌ಪ್ರೈಸ್ ಆದರು. ಬಳಿಕ ಕ್ಯಾಮರಾ ಬಳಿಬಂದ ಕಾರ್ತಿಕ್ ಸುದ್ದಿ ತಲುಪಿದೆ. ಬುಧವಾರ ಪುಟ್ಟಿ ಗಂಡು ಮಗುವಿಗೆ ಜನ್ಮ ನೀಡಿದ್ದು ಖುಷಿ ಆಯ್ತು. ನಾನು ಇಲ್ಲಿರೋದ್ರಿಂದ ಮಗುನಾ ನೋಡೋಕೆ ಆಗ್ತಿಲ್ಲ. ನನಗೇನು ಗಿಫ್ಟ್ ಕೋಡೋಕೆ ಆಗುತ್ತಿಲ್ಲ. ನನ್ನ ಫ್ರೆಂಡ್‌ನಿಂದ ಪಾಪುಗೆ ಮೊದಲ ಗಿಫ್ಟ್ ಬಂದಿದೆ. ಅದನ್ನು ತಲುಪಿಸುತ್ತೇನೆ ಅಂತ ಖುಷಿಯಿಂದ ತನಿಷಾನ ಅಪ್ಪಿಕೊಂಡು ಮುತ್ತಿಟ್ಟರು.

ಕಳೆದ ವಾರ ಬಿಗ್‌ಬಾಸ್‌ ಮನೆಯಲ್ಲಿ ಸ್ಪರ್ಧಿಗಳ ನಡುವೆ ಸಿಕ್ಕಾಪಟ್ಟೆ ಜಗಳ ನಡೆದು ಇಬ್ಬರ ಕಣ್ಣಿಗೆ ಪೆಟ್ಟಾಗಿತ್ತು. ಈ ವಾರ ಮನೆಯ ವಾತಾವರಣ ತಿಳಿಗೊಳಿಸಲು ಬಿಗ್‌ಬಾಸ್‌ ಫನ್ ಟಾಸ್ಕ್ ನೀಡಿದ್ದರು. ಅದುವೆ ಬಿಗ್‌ಬಾಸ್‌ ಪ್ರಾಥಮಿಕ ಶಾಲೆ. ಈ ಟಾಸ್ಕ್‌ನ ಪ್ರಕಾರ, ತನಿಷಾ, ಮೈಕಲ್, ಪ್ರತಾಪ್ ಹಾಗೂ ಪವಿ ಶಿಕ್ಷಕರಾಗಿದ್ದರು. ಉಳಿದವರು ಸಣ್ಣ ಮಕ್ಕಳಂತೆ ಮರ್ತಿಸಬೇಕಿತ್ತು. ಅದರಂತೆ ಎಲ್ಲಾ ಸದಸ್ಯರು ಚಿಕ್ಕ ಮಕ್ಕಳಂತೆ ವರ್ತಿಸುತ್ತಾ, ಕೀಟಲೆ, ತುಂಟಾಟ ಮಾಡುತ್ತಾ ಸಖತ್ ಫನ್ ಮಾಡಿದ್ದಾರೆ.

ಮೈಕಲ್ ಈಗಾಗಲೇ ಬಿಗ್‌ಬಾಸ್‌ ಮನೆಯಲ್ಲಿ ಕೆಲ ಸ್ಪರ್ಧಿಗಳಿಗೆ ಹೋಲಿಸಿದರೆ ಸ್ಪಷ್ಟವಾಗಿ ಕನ್ನಡ ಮಾತನಾಡುವ ಮೂಲಕ ಕನ್ನಡಿಗರ ಮನಗೆದ್ದಿದ್ದಾರೆ. ಇವರ ಕನ್ನಡ ಪ್ರೀತಿಗೆ ಕಿಚ್ಚ ಸುದೀಪ್ ಕೂಡ ಪ್ರಶಂಸೆ ವ್ಯಕ್ತಪಡಿಸಿದ್ದರು. ಬಿಗ್‌ಬಾಸ್‌ ಪ್ರಾಥಮಿಕ ಶಾಲೆಗೆ ಕನ್ನಡ ಶಿಕ್ಷಕರಾಗಿ ಬಂದ ಮೈಕಲ್, ವೈಟ್ ಶರ್ಟ್ ಮೇಲೆ ಕೋಟ್ ಹಾಗೂ ಕಚ್ಚೆ ಕಟ್ಟಿಕೊಂಡು ಗಮನ ಸೆಳೆದಿದ್ದಾರೆ. ಜೊತೆಗೆ ಎಲ್ಲಾದರೂ ಇರು ಎಂತಾದರು ಇರು ಎಂದೆಂದಿಗೂ ನೀ ಕನ್ನಡವಾಗಿರು ಎಂದು ಹೇಳುವ ಮೂಲಕ ಮತ್ತೊಮ್ಮೆ ಕನ್ನಡಿಗರ ಹೃದಯ ಗೆದ್ದಿದ್ದಾರೆ.

ಇನ್ನು ಸ್ಕೂಲ್ ಡ್ರೆಸ್ ಧರಿಸಿ ಬಂದ ವಿನಯ್, ಊಟ ತಂದಿದ್ದೀನಿ ಮಿಸ್. ನಾನು ಗುಡ್ ಬಾಯ್. ನಂಗೆ ಒಂದು ಪುತ್ತಾ ಕೊಡಲ್ವಾ? ಅಂತ ತನಿಷಾ ಬಳಿಬಂದು ಸಣ್ಣ ಮಕ್ಕಳಂತೆ ಮುಗ್ಧ ಮುಖ ಮಾಡಿಕೊಂಡು ಕೇಳಿದ್ದಾರೆ. ಅದಕ್ಕೆ ತನಿಷಾ, ನೀವು ಸ್ಟಾರ್ ಕೇಳ್ತೀರಿ ಅಂದುಕೊಂಡಿದ್ದೆ ಎಂದರು. ಅದಕ್ಕೆ ವಿನಯ್ 'ಆ ಸ್ಟಾರ್‌ನ್ ಕಾರ್ತಿಕ್‌ಗೆ ಕೊಡಿ. ನಂಗೆ ಮುತ್ತಾ ಬೇಕು' ಅಂದರು. ಅದಕ್ಕೆ ತನಿಷಾ, ಯಾರೋ ಅಡ್ವಾಂಟೇಜ್ ತೆಗೆದುಕೊಳ್ಳುವಂತೆ ಕಾಣುತ್ತಿದೆಯಲ್ಲಾ ಅಂತ ನಗುತ್ತಲೇ ಹೇಳಿದರು. ಆಗ ಪತ್ನಿಯನ್ನ ನನೆದುಕೊಂಡ ವಿನಯ್, ನಮ್ಮವ್ವ ಮನೆಯಲ್ಲಿ ನೋಡುತ್ತಿರುತ್ತಾರೆ. ಮನೆಗೆ ಹೋದ ತಕ್ಷಣ ಕೆರ ತೆಗೆದುಕೊಂಡು ಹೊಡೀತಾರೆ ಅಂತ ಅಲ್ಲಿಂದ ತೆರಳಿದರು.