ವಿನಯ್ ಗೌಡ ಮತ್ತು ಸಂಗೀತಾ ಇಬ್ಬರಲ್ಲಿ ಹೆಚ್ಚಿನ ದುರಹಂಕಾರಿ ಯಾರು?

ಸೂಪರ್ ಸಂಡೇ ವಿಥ್ ಸುದೀಪ ಎಪಿಸೋಡ್‌ನಲ್ಲಿ ಸುದೀಪ್ ಬಿಗ್‌ಬಾಸ್‌ ಮನೆಯ ಸ್ಪರ್ಧಿಗಳಿಗೆ ಒಂದು ಟಾಸ್ಕ್ ಮಾಡಿಸಿದರು. ಈ ಟಾಸ್ಕಿನ ಪ್ರಕಾರ, ದುರಹಂಕಾರ ಔಷಧ, ನಾಲಗೆ ಬಿಗಿ ಹಿಡಿಯಲು ಔಷಧ, ನಂಬಿಕೆ ದ್ರೋಹ ಮಾಡದಿರಲು ಔಷಧ, ನಾಲಗೆಗೆ ಲಗಾಮು ಹಾಕುವ ಹೆಸರಿನಲ್ಲಿ ಕಹಿಯಾದ ಔಷಧಗಳನ್ನು ತರಿಸಲಾಯಿತು. ಮನೆಯ ಪ್ರತಿಯೊಬ್ಬ ಸ್ಪರ್ಧಿಗಳು ಎರಡು ಟಾನಿಕ್‌ ಅನ್ನು ಯಾರಾದರೂ ಇಬ್ಬರಿಗೆ ಕೊಡಬೇಕಿತ್ತು. ಈ ಟಾಸ್ಕ್‌ನಲ್ಲಿ ಅತಿಹೆಚ್ಚು ಟಾನಿಕ್ ಪಡೆದಿದ್ದು, ಸಂಗೀತಾ ಹಾಗೂ ವಿನಯ್.  

ಸುದೀಪ್ ನೀಡಿದ ಟಾಸ್ಕನಲ್ಲಿ ಸಂಗೀತಾ ಅವರಿಗೆ ಬರೋಬ್ಬರಿ ಏಳು ಟಾನಿಕ್ ಸಿಕ್ಕಿತ್ತು. ಈ ಪೈಕಿ ಐದು ಟಾನಿಕ್ ದುರಹಂಕಾರ ನಿಯಂತ್ರಿಕೊಳ್ಳಬೇಕು ಎಂಬುದೇ ಆಗಿತ್ತು. ನಾಲಿಗೆಗೆ ಲಗಾಮು ಹಾಗೂ ನಂಬಿಕೆ ದ್ರೋಹ ತಲಾ ಒಂದೊಂದು ದೊರಕಿತು. ಇನ್ನು ವಿನಯ್ ಐದು ಟಾನಿಕ್‌ಗಳನ್ನು ಪಡೆಯುವ ಮೂಲಕ ಎರಡನೇ ಸ್ಥಾನ ಪಡೆದರು. ಅದರಲ್ಲಿ ಎರಡು ದುರಹಂಕಾರ ಹಾಗೂ ಇನ್ನುಳಿದವೆಲ್ಲಾ ನಾಲಿಗೆ ಬಿಗಿ ಹಿಡಿದುಕೊಳ್ಳಬೇಕು ಎಂಬ ಟಾನಿಕ್ ಆಗಿತ್ತು. 

ಉಳಿದ ಸ್ಪರ್ಧಿಗಳಲ್ಲಿ ತುಕಾಲಿ ಸಂತು ಅವರಿಗೆ ನಾಲಿಗೆ ಬಿಗಿ ಹಿಡಿದುಕೊಳ್ಳಬೇಕು ಎಂಬ ಕೆಲ ಟಾನಿಕ್‌ಗಳು ಬಂದವು. ಸಿರಿ ಅವರಿಗೆ ಹೇಡಿತನ ನಿವಾವರಣೆ ಟಾನಿಕ್ ಅನ್ನು ತುಕಾಲಿ ಸಂತೋಷ್ ನೀಡಿದರು. ನಮ್ರತಾ ಅವರು ಡ್ರೋನ್ ಪ್ರತಾಪ್‌ಗೆ ನಂಬಿಕೆ ದ್ರೋಹದ ಟಾನಿಕ್ ನೀಡಿದರು. ಸ್ನೇಹಿತ್‌ಗೂ ಕೆಲ ನಾಲಿಗೆ ಬಿಗಿ ಹಿಡಿಯುವ ಟಾನಿಕ್ ಸಿಕ್ಕವು. ಮೈಖಲ್‌ಗೆ ದುರಹಂಕಾರದ ಟಾನಿಕ್, ಅವಿನಾಶ್ ಮತ್ತು ಕಾರ್ತಿಕ್‌ಗೆ ತಲಾ ಒಂದೊಂದು ನಾಲಿಗೆ ಬಿಗಿ ಹಿಡಿತದ ಟಾನಿಕ್ ಸಿಕ್ಕವು. ತನಿಷಾ, ನಮ್ರತಾ ಹಾಗೂ ವರ್ತೂರ್‌ ಸಂತೋಷ್‌ಗೆ ಯಾವುದೇ ಟಾನಿಕ್ ಸಿಗಲಿಲ್ಲ. 

ಸುದೀಪ್ ನೀಡಿದ ಟಾನಿಕ್ ಟಾಸ್ಕ್ ನಡೆಯುವಾಗ ಸಂಗೀತಾ ಹಾಗೂ ವಿನಯ್ ನಡುವೆ ಚಿಕ್ಕ ಮಾತಿನ ವಾರ್ ಕೂಡ ನಡೆಯಿತು. ಎಲಿಬಿಲ್ಲದ ನಾಲಿಗೆ, ಯಾರು ಬಗ್ಗೆ ಏನಾದರೂ ಮಾತನಾಡುತ್ತಾರೆ ಅಂತ ವಿನಯ್ ಬಗ್ಗೆ ಸಂಗೀತಾ ಹೇಳಿದ್ರೆ, ಇತ್ತ ಸಂಗೀತಾ ಜೊತೆ ಫ್ರೆಂಡ್‌ಶಿಪ್ ಮಾಡಿದ್ರೆ ಆಕೆ ತನಗಾಗಿ ಎಲ್ಲವನ್ನೂ ತ್ಯಾಗ ಮಾಡಬೇಕೆಂದು ನಿರೀಕ್ಷಿಸುತ್ತಾಳೆ. ತಾನು ಸ್ವತಃ ಇತರರ ಬಗ್ಗೆ ಮಾತನಾಡಿ, ನನ್ನ ವಿರುದ್ಧ ಹೇಳುತ್ತಾರೆ ಅಂತ ವಿನಯ್ ಹೇಳಿದ್ದಾರೆ. ಇದೀಗ ದೊಡ್ಮನೆಯಲ್ಲಿ ಇವರರಿಬ್ಬರ ಕಿತ್ತಾಟ ಮುಂದುವರೆಯುತ್ತಲೇ ಇದ್ದು, ಇದು ಎಲ್ಲಿಗೆ ಹೋಗಿ ಮುಟ್ಟುತ್ತದೋ ಎಂಬುದನ್ನು ಕಾದು ನೋಡಬೇಕು.

ಭಾನುವಾರ ಎಲಿಮಿನೇಷ್‌ನ ಕೊನೆಯ ಹಂತದಲ್ಲಿ ಸ್ನೇಹಿತ್ ಹಾಗೂ ಮೈಕಲ್ ಉಳಿದುಕೊಂಡಿದ್ದರು. ಇಬ್ಬರು ಕಳೆದ ವಾರ ಉತ್ತಮವಾಗಿ ಆಟ ಆಡಿದ್ದರು. ಇದನ್ನು ಗಮನಿಸಿದ ಸುದೀಪ್, ಇದೇ ಮೊದಲ ಬಾರಿಗೆ ತಮ್ಮ ವಿಶೇಷ ಅಧಿಕಾರ ಬಳಸಿ ಇಬ್ಬರನ್ನೂ ಮನೆಯಲ್ಲೇ ಉಳಿಸಿಕೊಂಡಿದ್ದಾರೆ. ಇದು ಬಿಗ್‌ಬಾಸ್‌ ಕನ್ನಡ ಇತಿಹಾಸದಲ್ಲೇ ಮೊದಲ ಬಾರಿ.