ಐ ಲವ್ ಯು ಕ್ಯಾಪ್ಟನ್..ಬಿಗ್‌ಬಾಸ್ ಮನೆಯಲ್ಲಿ ಈ ವಾರ ಲವರ್ ಬಾಯ್ ಆದ ಲಾಯರ್ ಜಗದೀಶ್

ಸದ್ಯ ನರಕ ಸೇರಿರುವ ಜಗದೀಶ್ ಅವರು ಗೋಲ್ಡ್ ಸುರೇಶ್ ಜೊತೆ ಸೇರಿಕೊಂಡು ಹಂಸ ಅವರನ್ನು ಗೋಳು ಹೊಯ್ದುಕೊಂಡಿದ್ದಾರೆ. ಒಮ್ಮೆ ನನಗೆ ತಲೆ ನೋವುವಾಗುತ್ತಿದೆ ಮಾತ್ರೆ ಕೊಡಿ ಅಂತ ಕೇಳಿದ್ದಾರೆ. ನನ್ನ ಶಾಂಪೂ ಅಲ್ಲಿದೆ, ಅದನ್ನು ತಂದುಕೊಡಿ. ನನ್ನ ಅಂಡರ್‌ವೇರ್ ಕೂಡ ಅಲ್ಲಿದೆ, ಅದನ್ನು ತರಬೇಡಿ. ನಾನು ತಂದುಕೊಳ್ಳುತ್ತೇನೆ ಅಂತ ಕ್ಯಾತೆ ತೆಗೆದಿದ್ದಾರೆ. ಜೊತೆಗೆ ಸ್ವರ್ಗದವರನ್ನು ಗೆಲ್ಲಿಸಲು ನೀವು ನಮಗೆ ಕಲುಷಿತ ನೀರು ಕೊಟ್ಟಿದ್ದೀರಾ. ಇದರಿಂದ ಎಲ್ಲರಿಗೂ ಭೇದಿಯಾಗಿದೆ. ನಿಮಗೆ ದಿಕ್ಕಾರ ಅಂತ ಹಂಸ ಅವರನ್ನು ಕಾಡಿದ್ದಾರೆ.

ಇಂದಿನ ಪ್ರೋಮೋದಲ್ಲಿ ಜಗದೀಶ್ ಐ ಲವ್ ಯು ಕ್ಯಾಪ್ಟನ್. ನನಗೆ ಗೋಬಿ ಮಂಚೂರಿ ಬೇಕು. ಗೋಬಿ ಮಂಚೂರಿ ಇಲ್ಲವೆಂದರೆ ನಿನ್ನನ್ನೇ ಮಂಚೂರಿ ಮಾಡಿಕೊಂಡು ತಿನ್ನುತ್ತೇನೆ ಅಂತ ಡೈಲಾಗ್ ಹೊಡೆದಿದ್ದಾರೆ. ಇನ್ನೊಂದೆಡೆ, ಜಗದೀಶ್ ನೆಲದ ಮೇಲೆ ಮಲಗಿದ್ದಾರೆ. ಕ್ಯಾಪ್ಟನ್ ಹಂಸ ಮುಂಗಾರು ಮಳೆ ಪೂಜಾ ಗಾಂಧಿ ತರಹ ಅವರ ಎದೆ ಮೇಲೆ ಕಾಲಿಟ್ಟು ನಡೆದಿದ್ದಾರೆ. ಇದನ್ನು ನೋಡಿದ ಉಳಿದ ಸ್ಪರ್ಧಿಗಳು ಇಬ್ಬರನ್ನು ರೇಗಿಸಿಕೊಂಡು ನಗಾಡಿದ್ದಾರೆ. ಇನ್ನೊಂದು ಸನ್ನಿವೇಶದಲ್ಲಿ ಹಂಸಾಗೆ ಊಟ ಆಯ್ತಾ? ಅಂತ ವಕೀಲ್ ಸಾಬ್ ಕೇಳಿದ್ದಾರೆ. ಅವರು ಇಲ್ಲವೆಂದಾಗ, ನನ್ನನ್ನು ನೋಡಿದ್ರಲ್ಲಾ, ಅದಕ್ಕೆ ನಿಮಗೆ ಊಟ ಸೇರುತ್ತಿಲ್ಲ ಅಂತ ಫ್ಲರ್ಟ್ ಮಾಡಿದ್ದಾರೆ. ಅದಕ್ಕೆ ಹಂಸ ನನಗೂ ಇಲ್ಲಿ ಟೈಮ್ ಪಾಸ್ ಆಗ್ತಿಲ್ಲ ಅಂತ ತಮಾಷೆಯಾಗಿ ತೆಗೆದುಕೊಂಡಿದ್ದಾರೆ.

ಸದ್ಯ ದೊಡ್ಮನೆಯೊಳಗೆ ಜಗದೀಶ್ ಸಣ್ಣ-ಪುಟ್ಟ ವಿಷಯಕ್ಕೂ ಕ್ಯಾಪ್ಟನ್ ಅಂತಲೇ ಕಾಡುತ್ತಿದ್ದಾರೆ. ಇದಕ್ಕೆ ಆರಂಭದಲ್ಲಿ ಹಂಸ ಸಿಟ್ಟಾಗುತ್ತಿದ್ದರು. ಆದ್ರೀಗ ಅದನ್ನು ತಮಾಷೆಯಾಗಿ ತೆಗೆದುಕೊಳ್ಳುತ್ತಿದ್ದಾರೆ. ಒಟ್ಟಾರೆ ಜಗದೀಶ್ ಹಾಗೂ ಹಂಸ ಜಗಳ ಮನೆಯ ಸದಸ್ಯರಿಗೆ ಹಾಗೂ ಕಿರುತೆರೆ ವೀಕ್ಷಕರಿಗೆ ಸಖತ್ ಮಜಾ ಕೊಡ್ತಿದೆ. ಇನ್ನೊಂದೆಡೆ ಹಂಸ ಕ್ಯಾಪ್ಟನ್ ಆಗಿದ್ದು ಯಾರಿಗೂ ಇಷ್ಟವಾದಂತೆ ಇಲ್ಲ,  ಎಲ್ಲರೂ ತಮ್ಮದೇ ರೀತಿಯಲ್ಲಿ ಅದನ್ನು ವ್ಯಕ್ತಪಡಿಸುತ್ತಿದ್ದಾರೆ.

ಬಿಗ್‌ಬಾಸ್ ಕ್ಯಾಪ್ಟನ್ ಹಂಸ ಅವರನ್ನು ಕನ್ಪೆಷನ್ ರೂಮ್‌ಗೆ ಕರೆದು, ನರಕ ವಾಸಿಗಳ ಪೈಕಿ ಯಾರನ್ನಾದರೂ ಒಬ್ಬರನ್ನು ಈ ವಾರ ಮನೆಯಿಂದ ಹೊರಹೋಗಲು ನೇರವಾಗಿ ನಾಮಿನೇಟ್ ಮಾಡಬೇಕು ಎಂದರು. ಆಗ ಹಂಸ ಅವರು ಗೋಲ್ಡ್ ಸುರೇಶ್ ಹೆಸರು ಹೇಳಿ, ಅವರು ಎಲ್ಲವನ್ನೂ ವೈಯಕ್ತಿಕವಾಗಿ ತೆಗೆದುಕೊಳ್ಳುತ್ತಾರೆ. ಗೇಮ್ ಅನ್ನು ಗೇಮ್ ರೀತಿ ತೆಗೆದುಕೊಳ್ಳುವುದಿಲ್ಲ. ಜೊತೆಗೆ ಬೆದರಿಕೆ ಹಾಕುವಂತೆ ನೋಡುತ್ತಿರುತ್ತಾರೆ ಎಂಬ ಕಾರಣ ನೀಡಿ ನಾಮಿನೇಟ್ ಮಾಡಿದರು. ಇದಕ್ಕೆ ಗೋಲ್ಡ್ ಸುರೇಶ್ ನೀವು ನೀಡಿದ ಕಾರಣ ಸರಿಯಿಲ್ಲ ಅಂತ ಅಸಮಾಧಾನ ವ್ಯಕ್ತಪಡಿಸಿದರು.