ಕನ್ನಡ ಸಿನಿಪ್ರೇಕ್ಷಕರು ಎಂದೂ ಮರೆಯದ ಸ್ಟಾರ್ ನಟರ ಸಿನಿಮಾ ಡೈಲಾಗ್‌ಗಳಿವು: ನಿಮ್ಮ ಫೇವರಿಟ್ ಯಾವುದು?

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನವಗ್ರಹ ಸಿನಿಮಾದಲ್ಲಿ ಹೇಳುವ 'ರಾಜ ಆಗಬೇಕು ಅಂತ ಆಸೆಯಿದ್ದರೆ, ರಾಜ್ಯ ಗೆಲ್ಲುವ ತಾಕತ್ತಿರಬೇಕು. ಯುದ್ಧ ಮಾಡೋಕೆ ಅಂತ ನಿಂತ ಮೇಲೆ ಸೈನಿಕರ ಲೆಕ್ಕ ಹಾಕಬಾರದು' ಎನ್ನುವ ಡೈಲಾಗ್ ಅನ್ನು ಅವರ ಅಭಿಮಾನಿಗಳು ಮರೆಯಲು ಸಾಧ್ಯವಿಲ್ಲ. ಈಗಲೂ ಅನೇಕ ಸಂದರ್ಭಗಳಲ್ಲಿ ಈ ಡೈಲಾಗ್ ಟ್ರೆಂಡಿಂಗ್‌ನಲ್ಲಿರುತ್ತದೆ. ಅದೇ ರೀತಿ ಜಗ್ಗುದಾದ ಸಿನಿಮಾದ ಹವಾ ಹೀಟ್‌ ಇರೀವರೆಗೂ ಮಾತ್ರ ಇರುತ್ತದೆ. ಉಸಿರು ನಿಂತ ಮೇಲೂ ಹೆಸರಿರಬೇಕು ಅಂದ್ರೆ ಧಮ್ ಬೇಕಲೇ ಎಂಬ ಟೈಲಾಗ್ ಕೂಡ ಸಿಕ್ಕಾಪಟ್ಟೆ ಪಾಪ್ಯುಲರ್. 

ಪ್ರಪಂಚಾದ್ಯಂತ ಸೆನ್ಸೇಷನ್ ಕ್ರಿಯೇಟ್ ಮಾಡಿದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 1 ಸಿನಿಮಾದ 'ಅವರುಗಳ ಬಗ್ಗೆ ತಲೆಕೆಡಿಸಿಕೊಳ್ಳಬೇಡ, ಅವರ್ರಾರು ನಿನ್ನಷ್ಟು ಬಲಶಾಲಿಯಲ್ಲ. ಪ್ರಪಂಚದಲ್ಲೇ ತಾಯಿಗಿಂತ ದೊಡ್ಡ ಯುದ್ಧ ಯಾರು ಇಲ್ಲ' ಎಂಬ ಡೈಲಾಗ್ ಕೂಡ ಎವರ್‌ಗ್ರೀನ್. 

ರಿಯಲ್ ಸ್ಟಾರ್ ಉಪೇಂದ್ರ ಅವರ ಡೈಲಾಗ್‌ಗಳಿಗೆ ಮಾರುಹೋಗದವರಿಲ್ಲ. ಅವರ ಪ್ರತಿಯೊಂದು ಸಿನಿಮಾಗಳಲ್ಲೂ ಭಿನ್ನ-ವಿಭಿನ್ನ ಡೈಲಾಗ್‌ಗಳನ್ನು ನೋಡಬಹುದು. ಈ ಪೈಕಿ 'ಎ' ಸಿನಿಮಾದಲ್ಲಿ ಹೊಡೆಯುವ ಈ ಪ್ರಪಂಚದಲ್ಲಿ ಪ್ರೀತಿ, ಪ್ರೇಮ ಎಲ್ಲಾ ಪುಸ್ತಕದ ಬದನೆಕಾಯಿ ಅಂತ ಫ್ರೂವ್ ಆಗಿ ಹೋಯ್ತು ಎಂಬ ಡೈಲಾಗ್ ಯಾವಾಗಲೂ ಚಾಲ್ತಿಯಲ್ಲಿರುತ್ತದೆ. 

ಕ್ರೇಜಿ ಸ್ಟಾರ್ ವಿ ರವಿಚಂದ್ರನ್ ಹಾಗೂ ನವರಸ ನಾಯಕ ಜಗ್ಗೇಶ್ ಅಭಿನಯದ ರಾಮಕೃಷ್ಣ ಸಿನಿಮಾದಲ್ಲಿ ಸಾಧು ಕೋಕಿಲ ಯಾರು ನೋಡಿಲ್ಲ ಅಲಾ, ಯಾರು ನೋಡಿಲ್ಲ ಎನ್ನುತ್ತಾ 'ಇದು ತೋಳಲ್ಲ ಕಂಡ್ರೋ, ತೊಲೆ' ಎನ್ನುವ ಡೈಲಾಗ್ ಕೂಡ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡದುಕೊಂಡಿದೆ.

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಸೂಪರ್ ಹಿಟ್ ರಾಜಾಹುಲಿ ಸಿನಿಮಾದ 'ಅಣ್ತಮ್ಮ ಇಲ್ಲಿ ಯಾರೂ ಹೀರೋಗಳನ್ನು ಹುಟ್ಟಾಕಲ್ಲ, ನಮಿಗೆ ನಾವೇ ಹೀರೋ ಎನ್ನುವ ಡೈಲಾಗ್ ಕೂಡ ಸಿನಿರಸಿಕರ ನೆಚ್ಚಿನ ಡೈಲಾಗ್ಗಳಲ್ಲಿ ಒಂದಾಗಿದೆ. ಮಿಸ್ಟರ್ ಆಂಡ್ ಮಿಸಸ್ ರಾಮಾಚಾರಿ ಸಿನಿಮಾದ 'ನಾನ್ ಬರೋವರೆಗೂ ಮಾತ್ರ ಬೇರೆಯವರ ಹವಾ, ನಾ ಬಂದಮೇಲೆ ನಂದೇ ಹವಾ' ಡೈಲಾಗ್ ಕೂಡ ಯಾವಾಗಲೂ ಕೇಳಿರುತ್ತದೆ.

ಜಾಕಿ ಸಿನಿಮಾದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ' ಲೇ ಡೌಟ್ ರಾಜಾ...ನಾನು ಡೌಟೇ ಇಟ್ಟುಕೊಂಡಿಲ್ಲ ಕಣೋ, ನಮ್ ಜೀವನದಲ್ಲೂ ದೀಪಾವಳಿ ಬಂದೇ ಬರುತ್ತೆ. ಪಟಾಕಿ ಯಾರದ್ದೇ ಆಗಿರ್ಲಿ ಅಂಟಿಸೋರು ನಾವಾಗಿರಬೇಕು' ಎನ್ನುವ ಡೈಲಾಗ್ ಕೂಡ ಹಿಟ್ ಲಿಸ್ಟ್ ಸೇರಿದೆ.

'ಕುತ್ತೆ ಕನ್ವರ್ ನಹಿ ಕನ್ವರ್‌ಲಾಲ್ ಬೋಲೊ' ಈ ಡೈಲಾಗ್‌ ಕೇಳುತ್ತಿದ್ದಂತೆ ನೆನಪಾಗುವುದು ರೆಬಲ್‌ ಸ್ಟಾರ್‌ ಅಂಬರೀಶ್‌ ಅವರ 'ಅಂತ' ಸಿನಿಮಾ. ಈ ಚಿತ್ರದಲ್ಲಿ ಅವರ ಕನ್ವರ್ ಲಾಲ್ ಪಾತ್ರವಂತೂ ಮರೆಯಲು ಸಾಧ್ಯವೇ ಇಲ್ಲ. ಜೊತೆಗೆ ನಾಗರಹಾವು ಚಿತ್ರದಲ್ಲಿನ ಏ ಬುಲ್ ಬುಲ್‌ ಮಾತಾಡಕಿಲ್ವಾ  ಡೈಲಾಗ್  ಆವತ್ತಿನ ದಿನಗಳಲ್ಲಿ ಕಾಲೇಜು ಹುಡುಗರ ಫೇವರಿಟ್ ಡೈಲಾಗ್ ಆಗಿತ್ತು. ಈ ಚಿತ್ರದಲ್ಲಿ ಕೇವಲ 15 ನಿಮಿಷ ಬರುವ ಅಂಬರೀಶ್ ಈ ಚಿತ್ರದ ಒಂದು ಡೈಲಾಗ್, ಹಲವಾರು ನಟರು ತಮ್ಮ ಸಿನಿಮಾಗಳಲ್ಲಿ ಈ ಡೈಲಾಗ್​​​​​ ಬಳಸಿಕೊಂಡಿದ್ದಾರೆ.

ಕದಂಬ ಸಿನಿಮಾದಲ್ಲಿ ಸಾಹಸಸಿಂಹ ಡಾ. ವಿಷ್ಣುವರ್ಧನ್ ಹೇಳುವ 'ಈ ಕೈ ಕರ್ನಾಟಕದ ಆಸ್ತಿ, ಈ ಐದು ಬೆರಳಲ್ಲಿರುವುದು ಐದು ಕೋಟಿ ಕನ್ನಡಿಗರ ಶಕ್ತಿ, ಮುಷ್ಠಿ  ಮಾಡಿ ಹೊಡೆದರೆ ಮತ್ತೆ ಆ ವ್ಯಕ್ತಿ ಎದ್ದು ಬಂದಿರೋ ಚರಿತ್ರೆನೇ ಇಲ್ಲ ಎಂಬ ಡೈಲಾಗ್ ಕೂಡ ಸಿನಿರಸಿಕರು ಮರೆಯಲು ಸಾಧ್ಯವಿಲ್ಲ. 

2006ರಲ್ಲಿ ಬಿಡುಗಡೆಯಾದ ಯೋಗರಾಜ್ ಭಟ್ ನಿರ್ದೇಶನದ 'ಮುಂಗಾರು ಮಳೆ' ಸಿನಿಮಾ ಕನ್ನಡ ಚಿತ್ರರಂಗದಲ್ಲಿ ಹೊಸ ಟ್ರೆಂಡ್ ಸೃಷ್ಟಿಸಿತ್ತು. ಈ ಸಿನಿಮಾದ ಹಾಡುಗಳು ಹಾಗೂ ಡೈಲಾಗ್‌ಗಳು ಇಂದಿಗೂ ಪ್ರಸ್ತುತ. ಅದರಲ್ಲಿ ನಿಮ್ಮ  ನಗು, ನಿಮ್ ಬ್ಯೂಟಿ, ನಿಮ್ಮ  ವಾಯ್ಸ್, ನಿಮ್ಮ ಕೂದಲು, ನಿಮ್ಮ ನೋಟ, ಈ ಬಿಕನಾಸಿ ಮಳೆ, ನಿಮ್ಮ ಗೆಜ್ಜೆ ಸದ್ದು, ಆ ವಾಚು, ಆ ರಾಸ್ಕಲ್ ದೇವದಾಸ್ ಗಂಟೆ ಸದ್ದು ಎಲ್ಲಾ ಮಿಕ್ಸ್ ಆಗಿ ನನ್ನ ಲೈಪ್‌ನಲ್ಲಿ ರಿಪೇರಿ ಮಾಡೋಕೆ ಆಗದೇ ಇರುವಷ್ಟು ಗಾಯ ಮಾಡಿದೆ ಕಣ್ರೀ ಈ ಡೈಲಾಗ್ ಅಂತೂ ಹುಡುಗರ ಫೇವರಿಟ್  ಅಂದರೆ ತಪ್ಪಾಗಲ್ಲ.   

ಖಡಕ್ ವಾಯ್ಸ್, ಬೆಚ್ಚಿಬೀಳಿಸುವ ನಟನೆಯಿಂದ ಬೇಡಿಕೆ ಹೊಂದಿರುವ ರವಿಶಂಕರ್ 'ಕೆಂಪೇಗೌಡ' ಸಿನಿಮಾದಲ್ಲಿ ಹೊಡೆಯುವ 'ಇದು ನನ್ನರೂ, ನನ್ನ ಏರಿಯಾ, ನಾನು ಬೆಂಗಳೂರಿನಲ್ಲಿ ಗುಡುಗಿದರೆ ಉಡುಪಿ, ಮಂಗಳೂರು ನಡುಗಿ ಹೋಗುತ್ತೆ. ಕೈಯೆತ್ತೆ ತಟ್ಟಿದ ಅಂದ್ರೆ ರಿಯಲ್ ಎಸ್ಟೇಟ್ ಎಗರಿ ಹೋಗುತ್ತೆ. ಇದು ಆರುಮುಗ ಕೋಟೆ ಕಣೋ ಎಂಬ ಡೈಲಾಗ್‌ ಅನ್ನು ಕನ್ನಡಿಗರು ಮರೆಯಲು ಸಾಧ್ಯವೇ ಇಲ್ಲ. 

ಡೈಲಾಗ್ ಕಿಂಗ್ ಸಾಯಿಕುಮಾರ್ ಹೆಸರು ಕೇಳಿದರೆ ಸಾಕು, ಕನ್ನಡ ಪ್ರೇಕ್ಷಕರ ಮೈ ರೋಮಾಂಚನವಾಗುತ್ತದೆ. ಕಾರಣ ಪೊಲೀಸ್ ಹಾಗೂ ವಿಲನ್ ಪಾತ್ರಗಳಲ್ಲಿ ಕೇಳಿಬರುತ್ತಿದ್ದ ಅವರ ಗಂಡು ಧ್ವನಿ ಹಾಗೂ ಡೈಲಾಗ್ ಡೆಲಿವರಿ ಶೈಲಿ.  ಪೊಲೀಸ್ ಸ್ಟೋರಿ ಸಿನಿಮಾದಲ್ಲಿ ಇವರು ಹೊಡೆಯುವ ಪ್ರತಿಯೊಂದು ಡೈಲಾಗ್ ಕೂಡ ಹಿಟ್ ಆಗಿದ್ದವು.