ಬಾಲಿವುಡ್‌ನ ಈ ಸ್ಟಾರ್ ನಟರು ಮದ್ಯಪಾನ ಮಾಡಲ್ಲ, ಸಿಗರೇಟೂ ಸೇದಲ್ಲ!

ಬಾಲಿವುಡ್ ನಟ ಅಕ್ಷಯ್ ಕುಮಾರ್ ದೇಶದ ಅತಿಹೆಚ್ಚು ತೆರಿಗೆ ಪಾವತಿಸುವ ಹೀರೋಗಳಲ್ಲಿ ಒಬ್ಬರು. ವಯಸ್ಸಾದರೂ ಯಂಗ್ ಆಗಿ ಕಾಣುವ ಇವರಿಗೆ ಬಾಲಿವುಡ್‌ನಲ್ಲಿ ಸಿಕ್ಕಾಪಟ್ಟೆ ಬೇಡಿಕೆಯಿದೆ. ಯಾವುದೇ ಪಾರ್ಟಿಗಳಿಗೆ ಹೋಗದ ಅಕ್ಷಯ್ ಕುಮಾರ್, ಧೂಮಪಾನ ಮತ್ತು ಮಧ್ಯಪಾನದಿಂದ ಸಂಪೂರ್ಣವಾಗಿ ದೂರವಿದ್ದಾರೆ. ತಮ್ಮ ದೇಹವನ್ನು ಸುಸ್ಥಿತಿಯಲ್ಲಿಟ್ಟುಕೊಳ್ಳಲು ಮಾರ್ಷಲ್ ಆರ್ಟ್ಸ್ ಕೂಡ ಅಭ್ಯಾಸ ಮಾಡುತ್ತಾರೆ.

ಅಮಿತಾಬ್ ಬಚ್ಚನ್ ಭಾರತೀಯ ಸಿನಿಮಾರಂಗದ ದಿಗ್ಗಜ ನಟರಲ್ಲೊಬ್ಬರು. ವಯಸ್ಸು ೮೦ ಆದರೂ ಇಂದಿಗೂ ಸಿನಿಮಾರಂಗದಲ್ಲಿ ಸಕ್ರಿವಾಗಿದ್ದಾರೆ ಬಿಗ್‌ ಬಿ. ಚಿತ್ರರಂಗದಲ್ಲಿ ಬೆಟ್ಟದಷ್ಟೇ ಸಾಧನೆ ಮಾಡಿರುವ ಅಮಿತಾಬ್ ಬಚ್ಚನ್, ಮದ್ಯಪಾನ ಮಾಡುವುದಿಲ್ಲ. ಸಿನಿಮಾ ನಟನೆಗಳಲ್ಲಿ ಹೊರತಾಗಿ ವೈಯಕ್ತಿಕವಾಗಿ ಸ್ಮೋಕ್ ಮಾಡೋದಿಲ್ಲ. ಇವರ ಪುತ್ರ ಅಭಿಷೇಕ್ ಕೂಡ ಧೂಮಪಾನ & ಮದ್ಯಪಾನ ಮಾಡಲ್ಲ.  ಅಷ್ಟೇ ಅಲ್ಲದೇ, ಯಾವುದೇ ಮಧ್ಯಪಾನದ ಜಾಹೀರಾತುಗಳಲ್ಲಿ ನಟಿಸುವುದಿಲ್ಲ ಎನ್ನುವುದು ಅಭಿಷೇಕ್ ಬಚ್ಚನ್ ಅವರ ನಿಯಮ.

ಬಾಲಿವುಡ್‌ ಹ್ಯಾಂಡಸಮ್ ಹಂಕ್ ಎಂದೇ ಖ್ಯಾತಿ ಪಡೆದಿರುವ ಜಾನ್ ಅಬ್ರಾಹಂ ಕೂಡ ಮಧ್ಯಪಾನ ಹಾಗೂ ಧೂಮಪಾನ ಮಾಡುವುದಿಲ್ಲ. ಜಾನ್ ನಟನೆಯ ಹಲವು ಚಿತ್ರಗಳಲ್ಲಿ ಮಧ್ಯಪಾನ ಮಾಡುವ ದೃಶ್ಯಗಳಿದ್ದರೂ, ಈ ನಟ ಮಾತ್ರ ಅವುಗಳಿಂದ ದೂರವಿದ್ದಾರೆ. ಜೊತೆಗೆ  ಸಕ್ಕರೆ ಕೂಡ ತಿನ್ನುವುದಿಲ್ಲ.

ತಮ್ಮ ಸಮಾಜಿಕ ಕಳಿಕಳಿಗೆ ಹೆಸರುವಾಸಿಯಾಗಿರುವ ರಿಯಲ್ ಹೀರೋ ಸೋನು ಸೂದ್ ಕೂಡ  ಮಧ್ಯಪಾನ ಹಾಗೂ ಧೂಮಪಾನ ಮಾಡುವುದಿಲ್ಲ. ಸಿನಿಮಾಗಳಲ್ಲಿ ವಿಲನ್ ಪಾತ್ರದಲ್ಲಿ ನಟಿಸುವ ಇವರು, ಹೀರೋ ಆಗಿಯೇ ಕಾಣುವುದಕ್ಕೆ ಅವರ ಫಿಟ್‌ನೆಸ್ ಕಾರಣ. ಸೋನು ಸೂದ್  ಮಧ್ಯಪಾನದಿಂದ ದೂರವಿರುವುದು ಮಾತ್ರವಲ್ಲದೇ ಸಸ್ಯಾಹಾರಿ ಕೂಡ. ತಮ್ಮ ಉತ್ತಮ ದೈಹಿಕ ಆರೋಗ್ಯಕ್ಕಾಗಿ ಈ ರೀತಿ ಉತ್ತಮ ಹವ್ಯಾಸಗಳು ಮುಖ್ಯ ಎಂಬುದು ಅವರ ನಂಬಿಕೆ.

2012ರಲ್ಲಿ ತೆರೆಕಂಡ 'ಸ್ಟೂಡೆಂಟ್ ಆಫ್‌ ದಿ ಇಯರ್' ಸಿನಿಮಾ ಬಾಲಿವುಡ್ ಹಿಂದಿ ಸಿನಿಮಾರಂಗಕ್ಕೆ ಕಾಲಿಟ್ಟ ಸಿದ್ಧಾರ್ಥ್ ಮಲ್ಹೋತ್ರಾ, ತಮ್ಮ ಡ್ಯಾಶಿಂಗ್ ಲುಕ್‌ ಹಾಗೂ ನಟನೆ ಮೂಲಕ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ.  ಸಿದ್ಧಾರ್ಥ್ ಮಲ್ಹೋತ್ರಾ ಕೂಡ ಮದ್ಯಪಾನದಿಂದ ದೂರವೇ ಇದ್ದಾರೆ.