ಜಗದೀಶ್ ಕಚಡಾ ಕೆಲಸಗಳನ್ನು ಟೆಲಿಕಾಸ್ಟ್ ಮಾಡಿ: ರಂಜಿತ್‌ಗೆ ಇನ್ನೊಂದು ಚಾನ್ಸ್ ಕೊಡಿ ಅಂತ ಕಣ್ಣೀರಿಟ್ಟ ಸ್ಪರ್ಧಿಗಳು!

ಕಳೆದ ಸಂಚಿಕೆಯಲ್ಲಿ ಬಿಗ್‌ಬಾಸ್ ನಾಮಿನೇಷನ್‌ನಿಂದ ಪರಾಗಲು ಸ್ಪರ್ಧಿಗಳಿಗೆ ಟಾಸ್ಕ್ ಒಂದನ್ನು ನೀಡಿದ್ದರು. ಈ ಚಟುವಟಿಕೆ ಮುಗಿದ ಬಳಿಕ ಗೋಲ್ಡ್ ಸುರೇಶ್ ಬಳಿ ಹೋದ ಲಾಯರ್ ಜಗದೀಶ್ ಮಾತುಕತೆ ಆರಂಭಿಸಿದರು. ಗುಂಪುಗಾರಿಕೆ ಮಾಡಿಕೊಂಡು ನಿನ್ನನ್ನು ನಾಮಿನೇಟ್ ಮಾಡಿದ್ದಾರೆ ಅಂತ ಜಗದೀಶ್ ಹೇಳಿದರು. ಅದಕ್ಕೆ ಸುರೇಶ್, ನನಗೆ ಬೇಜಾರಿಲ್ಲ ಅಂದರು. ಆಗ ಜಗದೀಶ್, ಕಳೆದ ವಾರ ಹಂಸಾ ಅವನರನ್ನು ನಾನೇ ಕಾಪಾಡಿದೆ. ಅವರಿಗೆ ಬ್ಯಾಕ್ ಬೋನ್ ಆಗಿ ನಿಂತುಕೊಂಡೇ ಎಂದು ಕೆಟ್ಟಪದ ಬಳಿಸಿದ್ದಾರೆ. ಆಗ ಸುರೇಶ್ ಹೆಣ್ಣುಮಕ್ಕಳ ಬಗ್ಗೆ ಹಾಗೆ ಮಾತನಾಡಬೇಡ ಅಲ್ಲಿಂದ ಎದ್ದು ಹೋದರು. ಈ ಸಂದರ್ಭ ಇವರಿಬ್ಬರ ನಡುವೆ ಜಗಳ ಹೊತ್ತಿಕೊಂಡಿದೆ. ಇದನ್ನು ಕೇಳಿಸಿಕೊಂಡ ಮನೆಯ ಸದಸ್ಯರು, ಜಗದೀಶ್ ಕೂಗಾಡಿದ್ದಾರೆ. ತಮ್ಮ ಬಗೆಗಿನ ಅವಾಚ್ಯ ಬಳಿಸಿದ್ದಕ್ಕೆ ಕೆರಳಿದ ಹಂಸಾ, 'ನನ್ನ ಗಂಡನ ಸಾಯಿಸೋಕೆ ಅವರು ಯಾರು? ಇದಕ್ಕೆ ನೀವೇ ಏನಾದ್ರೂ ಮಾಡ್ತೀರಾ ಅಥವಾ ನಾವೇ ಪರಿಹಾರ ಕಂಡುಕೊಳ್ಳಬೇಕಾ? ಅಂತ ಕ್ಯಾಮರಾ ಮುಂದೆ ಅವಾಜ್ ಹಾಕಿದರು. 

ಆಗ ಜಗದೀಶ್, ಆತನ ಅಭಿಪ್ರಾಯ ನಮ್ಮ ಬಳಿ ಹೇಳಿದ್ರೆ ಕೇಳಿಸಿಕೊಳ್ಳಬೇಕು. ನಮ್ಮ ಅಭಿಪ್ರಾಯ ಹೇಳಬೇಕಾದರೆ ಆತನಿಗೆ ಧೋರಣೆ ಇರುತ್ತದೆ. ಮಾತಲ್ಲಿ ಹಂಸ ವಿಚಾರ ಬಂದಾಗ ಮೋಸ ಮಾಡಿದರು ಅಂತ ಹೇಳಿದ್ದು ನಿಜ. ಆ ಒಂದು ಪದವನ್ನು ಇಟ್ಟುಕೊಂಡು ಮನೆ ಸದಸ್ಯರನ್ನು ಎತ್ತಿಕಟ್ಟಿ, ಅವರ ಹತ್ತಿರ ಜಗಳ ಮಾಡಿಸೋಕೆ ಸಾಮೂಹಿಕವಾಗಿ ಪ್ರಯತ್ನಪಟ್ಟ. ವಿಚಾರ ಹಂಸ ಅವರದ್ದಾದರೆ, ಚೈತ್ರಾಗೆ ನನ್ನ ಲೈಸೆನ್ಸ್ ಕಟ್ಟಿಕೊಂಡು ಏನಾಗಬೇಕು? ಅಷ್ಟೋತ್ತಿಗೆ ಮಾನಸಾ 'ಲೇ' ಅಂತ ಅವಾಚ್ಯ ಶಬ್ಧ ಬಳಸಿದರು. ನಾನು ಆಗ ಹೋಗೇಲೇ ಅಂದಿದ್ದು ನಿಜ ಎಂದರು. 

ತುಂಬಾ ಅನಾವಶ್ಯಕ ಮಾತುಗಳನ್ನು ಆಡುತ್ತಾರೆ. ಎಲ್ಲರನ್ನು ಟೇಕನ್ ಫಾರ್ ಗ್ರ್ಯಾಂಟೆಡ್ ಮಾಡಿಕೊಂಡು ಬಿಟ್ಟಿದ್ದಾರೆ. ಪ್ರತಿಸಲ ಜಗಳವಾದಾಗ ಎಲ್ಲರು ನ್ನ ಜೊತೆ ಜಗಳಕ್ಕೆ ಬರುತ್ತಾರೆ, ಮತ್ತೆ ಸರಿಯಾಗುತ್ತಾರೆ ಎಂಬ ಮನಸ್ಥಿತಿಯಲ್ಲಿ ಅವರಿದ್ದಾರೆ. ಇದನ್ನು ಕ್ಷಮಿಸೋಕೆ ಆಗಲ್ಲ ಅಂತ ಮೋಕ್ಷಿತಾ ಹೇಳಿದರು. ತಪ್ಪು ಅಂತ ಹೇಳಿದ್ಮೇಲೂ ಮತ್ತೆ ಮಾತನಾಡುವ ಧೈರ್ಯ ಮಾಡೋದು ಅತಿರೇಕ. ಜಗದೀಶ್‌ಗೆ ಹೆಣ್ಮಕ್ಕಳ ಮೇಲೆ ರೆಸ್ಪೆಕ್ಟ್ ಇಲ್ಲ. ಬೇಸಿಕ್ ಕೂಡ ಗೊತ್ತಿಲ್ಲ. ಇರುವಂತಹ ಜಾಗ, ಜೊತೆಯಲ್ಲಿರುವವರ ಬಗ್ಗೆ, ವೇದಿಕೆ ಬಗ್ಗೆಯೂ ಗೌರವವಿಲ್ಲ. ಇದನ್ನು ಸ್ವೀಕರಿಸಲು ಸಾಧ್ಯವಿಲ್ಲ ಅಂತ ಗೌತಮಿ ಹೇಳಿದರು. 

ಹೆಣ್ಮಕ್ಕಳ ಬಗ್ಗೆ ಮಾತಾಡೋ ರೀತಿ ಸರಿಯಿಲ್ಲ. ಫಿಸಿಕಲಿ ಮುಂದೆ ಬರ್ತಾರೆ, ಫಿಸಿಕಲಿ ಮೇಲೆ ಬೀಳ್ತಾರೆ. ಅಸಹ್ಯ ಅನಿಸುತ್ತದೆ. ನಮ್ಮನ್ನೇ ಪ್ರವೋಕ್ ಮಾಡ್ತಾರೆ. ನಾವು ಕೈ ಮಾಡಬೇಕು, ಅವಾಚ್ಯ ಶಬ್ದಗಳನ್ನು ಬಳಸಬೇಕು ಅನ್ನೋ ರೀತಿಯಲ್ಲಿ ಇರುತ್ತದೆ. ಮ್ಯಾನರಿಸಂ ಹಾಗೆ ಇರುತ್ತದೆ ಎಂದರು. ಹಂಸಾ ಅವರು 'ಜಗದೀಶ್ ಮಾಡಿರುವ ಕಾಮೆಂಟ್ ಮನಸ್ಸಿಗೆ ತುಂಬಾ ನೋವುಂಟು ಮಾಡಿದೆ'. ಈ ತರಹದ ಭಾಷೆ ಹೆಣ್ಣಿಗೆ ಬಳಕೆ ಮಾಡುವುದು ಖಂಡಿತ ತಪ್ಪು.  ಆಟ ವಿಚಾರವಾಗಿ ಮಾತನಾಡೋದು ಸರಿ. ಆದರೆ, ಕ್ಯಾರೆಕ್ಟರ್ ಬಗ್ಗೆ, ಫ್ಯಾಮಿಲಿ ಬಗ್ಗೆ ಮಾತನಾಡೋದು ನಿಜವಾಗಿಯೂ ತಪ್ಪು. ಅದನ್ನು ಕ್ಷಮಿಸೋಕೆ ಆಗಲ್ಲ ಎಂದರು. 

ಜಗದೀಶ್ ಅವರೊಗೆ ತಿಂದ ಅನ್ನ ಜೀರ್ಣವಾಗಬೇಕು ಅಂದ್ರೆ ಎಲ್ಲರೊಂದಿಗೆ ಜಗಳವಾಡಬೇಕು. ಜಗಳ ಆಡದೇ ಸಮಾಧಾವಿಲ್ಲ ಅವರಿಗೆ. ನನ್ನ ಪ್ರಕಾರ ನಾವೆಲ್ಲಾ ಮಾಡಿದ್ದು ಕರೆಕ್ಟ್. ಆ ವ್ಯಕ್ತಿ ಬೇಡ...ಹೊರಗೆ ಕಳಿಸಿ ಅಂತ ಇಷ್ಟುದಿನ ರಿಕ್ವೆಸ್ಟ್ ಮಾಡ್ತಿದ್ವಿ. ಆದರೆ, ಇವತ್ತು ಆ ವ್ಯಕ್ತಿ ಮನೆಯಲ್ಲಿರಬೇಕು. ಕಂಟೆಂಟ್ ಕೋಡ್ತೀನಿ ಅಂತಾರೆ. ಅವರು ಕೊಡುವ ಕಂಟೆಂಟ್ ಕರ್ನಾಟಕದ ಜನರಿಗೆ ತೋರಿಸಿ. ಆ ವ್ಯಕ್ತಿಗೆ ಎಂತಹ ವ್ಯಕ್ತಿತ್ವವಿದೆ, ಎಂಥಹ ಕಂಟೆಂಟ್ ಕೊಡ್ತಿದ್ದಾರೆ ಅಂತ ಕರ್ನಾಟಕದ ಜನತೆ ನೋಡಬೇಕು. ಈಚೆ ಬಂದ್ಮೇಲೆ ಮಾರಿಹಬ್ಬವನ್ನು ಮಾಡ್ತಾರೆ ಅಂತ ಭವ್ಯಾ ಗೌಡ ಹೇಳಿದರು. 

ಜೇಬಿನೊಳಗೆ ಕೈ ಹಾಕಿಕೊಂಡು ಬಂದು ಹೆಣ್ಣುಮಕ್ಕಳ ಮೈಮೇಲೆ ಬರೋಕೆ ಶುರು ಮಾಡಿದರು. ನನಗೂ ಬೇಜಾರಾಯ್ತು, ನಾನು ನೋಡಿದೆ. ಮತ್ತೆ ಮತ್ತೆ ಮಾನಸಾ ಮೇಲೆ ಬಂದರು. ಆಗ ನಾನು ತಳ್ಳಿದೆ. ಅಸಹ್ಯವಾಗ್ತಿದೆ, ಅಷ್ಟು ಮೇಮೇಲೆ ಬೀಳ್ತಿದ್ದಾರೆ. ಅವರು ಬಳಸುವ ಪದ ಎಷ್ಟು ಕೆಟ್ಟದಾಗಿರುತ್ತದೆ ಎಂದರೆ ನಮಗೆ ರಕ್ತ ಕುದಿಯುತ್ತಿರುತ್ತದೆ. ಕನ್ನಡ ಜನರಿಗೆಲ್ಲಾ ಅವರ ಬಗ್ಗೆ ಗೊತ್ತಾಗಬೇಕು. ಅವರು ಮಾಡಿರುವ ಕಚಡಾ ಕೆಲಸಗಳನ್ನು ಟೆಲಿಕಾಸ್ಟ್ ಮಾಡಿ ಅಂತ ರಂಜಿತ್ ಹೇಳಿದರು. ಚೈತ್ರಾ ಕೂಡ  'ಆ ಪದವನ್ನು ಕರ್ನಾಟಕದ ಜನತೆ ಮುಂದೆ ಇಡಿ' ಅಂತ ಹೇಳಿದರು. 

ಮಹಿಳೆಯರಿಗೆ ನಿಂದನೆ, ಅಪಮಾನ ಸಹಿಸುವುದಿಲ್ಲ ಅಂತ ಜಗದೀಶ್ ಅವರನ್ನು ಹಾಗೂ ದೈಹಿಕ ಹಲ್ಲೆ ಅಕ್ಷಮ್ಯ ಅಂತ ರಂಜಿತ್ ಅವರನ್ನು ಕೂಡಲೇ ಹೊರಬನ್ನಿ ಅಂತ ಬಿಗ್‌ಬಾಸ್ ಆದೇಶಿಸಿದರು. ರಂಜಿತ್ ಅವರನ್ನು ಹೊರ ಕಳುಹಿಸುತ್ತಿದ್ದಂತೆ ಬಿಗ್‌ಬಾಸ್‌ ಸ್ಪರ್ಧಿಗಳು 'ಇನ್ನೊಂದು ಅವಕಾಶ ಕೊಡಿ ಪ್ಲೀಸ್' ಅಂತ ಕಣ್ಣೀರು ಹಾಕಿದ್ದಾರೆ.