ಪ್ರೇಮಿಗಳ ದಿನದಂದು ವಿವಾಹ ಬಂಧನಕ್ಕೊಳಗಾದ ಸೆಲೆಬ್ರಿಟಿಗಳಿವರು!

ನಟ ಡಾರ್ಲಿಂಗ್ ಕೃಷ್ಣ ಮತ್ತು ನಟಿ ಮಿಲನಾ ನಾಗರಾಜ್ ಕನ್ನಡ ಚಿತ್ರರಂಗದ ಲವ್ ಬರ್ಡ್ಸ್. ಮೊದಲ ಬಾರಿ ನಮ್ ದುನಿಯಾ, ನಮ್ ಸ್ಟೈಲ್ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ, 7 ವರ್ಷಗಳ ಪರಸ್ಪರ ಪ್ರೀತಿಸುತ್ತಿದ್ದರು. ಬಳಿಕ ಲವ್ ಮಾಕ್ಟೇಲ್ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದರು. ಈ ಸಿನಿಮಾ ಸೂಪರ್ ಹಿಟ್ ಆಗಿದ್ದು, ಇದೇ ಖುಷಿಯಲ್ಲಿ 2021ರ ಫೆಬ್ರವರಿ 14ರಂದು ಅದ್ದೂರಿಯಾಗಿ ವಿವಾಹವಾದರು. ಈ ಜೋಡಿ ಪ್ರೇಮಿಗಳ ದಿನದಂದೇ ವಿವಾಹವಾಗಿತ್ತು. 

ಅಗ್ನಿಸಾಕ್ಷಿ ಸೀರಿಯಲ್ ಮೂಲಕ ಪ್ರೇಕ್ಷಕರ ಮನಗೆದ್ದ ನಟ ವಿಜಯ್ ಸೂರ್ಯ ಸದ್ಯ ಕಲರ್ಸ್ ಕನ್ನಡ ವಾಹಿನಿಯ ದೃಷ್ಟಿಬೊಟ್ಟು ಧಾರವಾಹಿಯಲ್ಲಿ ನಟಿಸುತ್ತಿದ್ದಾರೆ. ವಿಜಯ್ ಸೂರ್ಯ 2019ರ ಫೆಬ್ರವರಿ 14ರಂದು ತಮ್ಮ ದೂರದ ಸಂಬಂಧಿ ಚೈತ್ರಾ ಅವರನ್ನು ಮದುವೆಯಾದರು. ಚೈತ್ರಾ ಅವರು ಸಾಫ್ಟ್‌ವೇರ್ ಇಂಜಿನಿಯರ್ ಆಗಿದ್ದಾರೆ.

ನಟ ಸಂಜಯ್ ದತ್ 1987ರಲ್ಲಿ ರಿಚಾ ಶರ್ಮಾ ಅವರನ್ನು ಮದುವೆಯಾಗಿದ್ದರು. 1996ರಲ್ಲಿ ಬ್ರೈನ್ ಟ್ಯೂಮರ್‌ನಿಂದಾಗಿ ಇಹಲೋಕ ತ್ಯಜಿಸಿದರು. ನಂತರ 1998ರ  ಫೆಬ್ರವರಿ 14ರಂದು ಮಾಡೆಲ್ ಮತ್ತು ಗಗನಸಖಿ ರಿಯಾ ಪಿಳ್ಳೈ ಅವರನ್ನು ಮದುವೆಯಾದರು. ಆದರೆ, ಹತ್ತು ವರ್ಷದ ನಂತರ ಈ ಸಂಬಂಧ ಮುರಿದು ಬಿದ್ದಿತ್ತು. 2008ರಲ್ಲಿ ಸಂಜತ್ ದತ್ ಅವರಿಂದ ರಿಯಾ ದೂರವಾದರು. ಅದೇ ವರ್ಷ ಮಾನ್ಯತಾ ಎಂಬುವವರ ಜೊತೆ ಸಂಜಯ್ ಹೊಸಜೀವನ ಆರಂಬಿಸಿದರು.

ಹಿಂದಿ ಕಿರುತೆರೆಯ ಜನಪ್ರಿಯ ಜೋಡಿಗಳಲ್ಲಿ ಒಂದಾದ ರಾಮ್‌ ಕಪೂರ್ ಮತ್ತು ಗೌತಮಿ ಗಾಡ್ಗೀಳ್ 'ಘರ್ ಏಕ್ ಮಂದಿರ್' ಟಿವಿ ಕಾರ್ಯಕ್ರಮದಲ್ಲಿ ಕೆಲಸ ಮಾಡುವಾಗ ಭೇಟಿಯಾದರು. ಸ್ವಲ್ಪ ಸಮಯದ ತನಕ ಡೇಟಿಂಗ್ ಮಾಡಿದ ಈ ಜೋಡಿ, 2003ರ ಫೆಬ್ರವರಿ 14ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.

ಕಿರುತೆರೆ ನಟಿ ಮತ್ತು ಕ್ರಿಕೆಟ್ ನಿರೂಪಕಿ ಮಂದಿರಾ ಬೇಡಿ ಹಾಗೂ ದಿವಂಗತ ಬಾಲಿವುಡ್ ನಿರ್ದೇಶಕ ರಾಜ್‌ ಕೌಶಲ್ 1999ರ ಫೆಬ್ರವರಿ 14ರಂದು ವಿವಾಹವಾಗಿದ್ದರು. ಆದರೆ, 2021ರಲ್ಲಿ ರಾಜ್ ಹಠಾತ್ ನಿಧನರಾದರು. ಈ ದಂಪತಿಗೆ ವೀರ್ ಎಂಬ ಮಗನಿದ್ದು, 2020ರಲ್ಲಿ ತಾರಾ ಎಂಬ ಪುಟ್ಟ ಬಾಲಕಿಯನ್ನು ದತ್ತು ಪಡೆದಿದ್ದಾರೆ.