ಚೈತ್ರಾ ಆಚಾರ್ ಟು ಅಭಿಷೇಕ್ ಶ್ರೀಕಾಂತ್:ನೋಡಲು ಸೇಮ್ ಟು ಸೇಮ್ ಒಂದೇ ರೀತಿ ಕಾಣಿಸುವ ಕನ್ನಡ ಸೆಲೆಬ್ರಿಟಿಗಳಿವರು!

ಇತ್ತೀಚೆಗೆ ತೆರೆಕಂಡ ರಾಜ್ ಬಿ ಶೆಟ್ಟಿಯವರ ಟೋಬಿ ಸಿನಿಮಾದಲ್ಲಿ 'ಜೆನ್ನಿ' ಪಾತ್ರದ ಮೂಲಕ ಗಮನ ಸೆಳೆದಿರುವ ನಟಿ ಚೈತ್ರಾ ಆಚಾರ್‌ ಸದ್ಯ ಕನ್ನಡದ ಭರವಸೆಯ ನಟಿಯರಲ್ಲೊಬ್ಬರು. ಟೋಬಿಯಲ್ಲಿ ಉತ್ತರ ಕನ್ನಡ ಭಾಗದ ಟಿಪಿಕಲ್ ಹುಡುಗಿಯಾಗಿ ಕಾಣಿಸಿಕೊಂಡಿರುವ ಈ ನಟಿ ಸದ್ಯ ಕನ್ನಡದ ಆಲಿಯಾ ಭಟ್ ಅಂತಲೇ ಖ್ಯಾತಿ ಪಡೆದಿದ್ದಾರೆ. ಹೌದು ಚೈತ್ರಾ ಆಚಾರ್ ನೋಡಲು ಸೇಮ್ ಬಾಲಿವುಡ್ ನಟಿ ಆಲಿಯಾ ಅವರನ್ನೇ ಹೋಲುತ್ತಾರೆ. 

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷಣ' ಸೀರಿಯಲ್‌ನಲ್ಲಿ ಮೌರ್ಯ ಪಾತ್ರದ ಮೂಲಕ ಗಮನ ಸೆಳೆದಿರುವ ನಟ ಅಭಿ‍ಷೇಕ್ ಶ್ರೀಕಾಂತ್ ಅವರ ಸ್ಟೈಲ್ ಹಾಗೂ ಲುಕ್ ತಮಿಳು ನಟ ಸೂರ್ಯ ಅವರ ರೀತಿಯೇ ಇದೆ. ಇವರು ನೋಡಲು ಸೂರ್ಯ ಅವರ ರೀತಿಯೇ ಕಾಣಿಸುತ್ತಾರೆ. 

ಮೀರಾ ಮಾಧವ ಹಾಗೂ ಗಾಂಧಾರಿ ಧಾರಾವಾಹಿ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದ ನಟಿ ಕಾವ್ಯಾ ಗೌಡ ಅವರನ್ನು ಕಿರುತೆರೆ ರಾಧಿಕಾ ಪಂಡಿತ್ ಅಂತಲೇ ಕರೆಯಲಾಗುತ್ತೆ. ಹೌದು ಕಾವ್ಯಾ ಅವರು ನೋಡಲು ಸ್ಯಾಂಡಲ್‌ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಅವರನ್ನೇ ಹೋಲುತ್ತಾರೆ.  ಧಾರಾವಾಹಿ ಮಾತ್ರವಲ್ಲದೇ ಕೆಲ ಸಿನಿಮಾಗಳಲ್ಲಿ ಬಣ್ಣಹಚ್ಚಿದ್ದ ಈ ನಟಿ ಸದ್ಯ ನಟನೆಯಿಂದ ದೂರ ಉಳಿದಿದ್ದಾರೆ. 

ಕಮಲಿ, ಕನ್ಯಾದಾನ, ಅಮೃತಧಾರೆ ಧಾರಾವಾಹಿ ಖ್ಯಾತಿಯ ನಟ ರಾನವ್ ಗೌಡ ಕೂಡ ಸ್ಯಾಂಡಲ್‌ವುಡ್ ನಟರೊಬ್ಬರನ್ನು ಹೋಲುತ್ತಾರೆ. ರಾನವ್ ಅವರು ಚಂದನವನದ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅವರ ಹಾಗೆಯೇ ಕಾಣಿಸುತ್ತಾರೆ. ಇವರಿಬ್ಬರ ಲುಕ್‌ನಲ್ಲಿ ಸಾಕಷ್ಟು ಸಾಮ್ಯತೆಯಿದೆ ಎನ್ನಬಹುದು. 

ನಂದ ಲವ್ಸ ನಂದಿತಾ ಸಿನಿಮಾ ಖ್ಯಾತಿಯ ನಂದಿತಾ ಶ್ವೇತಾ ಹಾಗೂ ಹಾಗೂ ಕಿಚ್ಚ ಸುದೀಪ್ ನಟನೆಯ ನಂದಿ ಸಿನಿಮಾ ಖ್ಯಾತಿಯ ಸಿಂಧು ಮೆನನ್ ಇಬ್ಬರು  ಅಕ್ಕ-ತಂಗಿಯರು ಎನ್ನುವಷ್ಟು ಒಂದೇ ರೀತಿ ಕಾಣಿಸುತ್ತಾರೆ. ಬೆಂಗಳೂರಿನಲ್ಲಿ ಜನಿಸಿದ ಈ ನಟಿಯರು, ಸದ್ಯ ಪರಭಾಷಾ ಸಿನಿಮಾರಂಗದಲ್ಲಿ ಸಕ್ರಿಯರಾಗಿದ್ದಾರೆ.  

ಬಿಗ್‌ಬಾಸ್ ಖ್ಯಾತಿಯ ಅರವಿಂದ್ ಕೆ.ಪಿ ಅವರು ಒಂದು ಆಂಗಲ್‌ನಲ್ಲಿ ಸ್ಯಾಂಡಲ್‌ವುಡ್ ನಟ, ಗಾಯಕ ಸುನೀಲ್ ರಾವ್ ಅವರನ್ನು ಹೋಲುತ್ತಾರೆ. ವೃತ್ತಿಯಲ್ಲಿ ಬೈಕರ್ ಆಗಿರುವ ಅರವಿಂದ್ ಕೆ.ಪಿ, ಸಿನಿಮಾರಂಗಕ್ಕೂ ಎಂಟ್ರಿಕೊಟ್ಟಿದ್ದು, ಅರ್ಧಂಬರ್ಧ ಎಂಬ ಪ್ರೇಮಕಥೆ ಹೊಂದಿರುವ ಚಿತ್ರದಲ್ಲಿ ನಾಯಕನಾಗಿ ಅಭಿನಯಿಸಿದ್ದಾರೆ. ಸದ್ಯ ಈ ಸಿನಿಮಾ ತೆರೆಕಾಣಲು ಸಜ್ಜಾಗಿದೆ. 

ಕನ್ನಡ, ತೆಲುಗು, ತಮಿಳು, ಮಲಯಾಳಂ, ಹಿಂದಿ, ಭೋಜಪುರಿ, ಬೆಂಗಾಳಿ ಭಾಷೆಗಳಲ್ಲಿ ಸುಮಾರು 100ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ರಂಭಾ ಹಾಗೂ ದುರಂತ ಅಂತ್ಯ ಕಂಡ ನಟಿ ದಿವ್ಯಾ ಭಾರತಿ ನೋಡಲು ಸೇಮ್ ಟು ಸೇಮ್ ಕಾಣಿಸುತ್ತಾರೆ. ಕನ್ನಡ ಚಿತ್ರರಂಗದಲ್ಲಿ ಸರ್ವರ್ ಸೋಮಣ್ಣ ಚಿತ್ರದಿಂದ ಸಿನಿಪಯಣ ಆರಂಭಿಸಿದ ರಂಭಾ, ನಂತರ ಓ ಪ್ರೇಮವೇ, ಭಾವ ಭಾಮೈದ, ಸಾಹುಕಾರ, ಪಾಂಡುರಂಗ ವಿಠ್ಠಲ, ಗಂಡುಗಲಿ ಕುಮಾರರಾಮ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ತಮ್ಮ ವಿಶಿಷ್ಟ ಧ್ವನಿಯಿಂದಲೇ ಸ್ಯಾಂಡಲ್‌ವುಡ್‌ನಲ್ಲಿ ಛಾಪು ಮೂಡಿಸಿರುವ ವಸಿಷ್ಠ ಸಿಂಹ ಅವರನ್ನೂ ಹೋಲುವ ನಟರೊಬ್ಬರು ಕನ್ನಡ ಕಿರುತೆರೆಯಲ್ಲಿದ್ದಾರೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಪುಣ್ಯವತಿ ಧಾರಾವಾಹಿಯ ನಟ ಅರುಣ್ ಹೆಗ್ಡೆ ಸೇಮ್ ಟು ಸೇಮ್ ವಸಿಷ್ಠ ಸಿಂಹ ರೀತಿಯೇ ಕಾಣಿಸುತ್ತಾರೆ. ಇವರಿಬ್ಬರಿಗೂ ಬಹಳ ಸಾಮ್ಯತೆಯಿದೆ. 

ಕನ್ನಡದ ಜನಪ್ರಿಯ ಗಾಯಕ ವಿಜಯ್ ಪ್ರಕಾಶ್ ಹಾಗೂ ಬಾಲಿವುಡ್ ಗಾಯಕ ಶಾನ್ ಒಂದೇ ತರಹ ಕಾಣಿಸುತ್ತಾರೆ. ಇವರಿಬ್ಬರ ಹೇರ್‌ಸ್ಟೈಲ್, ಲುಕ್, ಡ್ರೆಸ್ಸಿಂಗ್ ಸ್ಟೈಲ್ ಸ್ವಲ್ಪ ಒಂದೇ ರೀತಿಯಲ್ಲಿದ್ದು, ನೋಡಲು ಒಂದೇ ರೀತಿಯಲ್ಲಿ ಕಾಣಿಸುತ್ತಾರೆ.