ಅಬ್ಬಬ್ಬಾ...ಬಿಗ್‌ಬಾಸ್‌ನಿಂದ ಚೈತ್ರಾ ಕುಂದಾಪುರ ಪಡೆದ ಸಂಭಾವನೆ, ಬಹುಮಾನ ಎಷ್ಟು ಗೊತ್ತಾ?

ದೊಡ್ಮನೆಯಿಂದ ಈ ವಾರ ಎಲಿಮಿನೇಟ್ ಆಗಿರುವ ಚೈತ್ರಾ ಕುಂದಾಪುರಗೆ ಓರ್ವ ಪ್ರಾಯೋಜಕರ ಕಡೆಯಿಂದ ಕ್ಯಾಶ್ ಪ್ರೈಜ್, ಮತ್ತೋರ್ವ ಪ್ರಯೋಜಕರಿಂದ 50 ಸಾವಿರ ರೂಪಾಯಿಗಳ ಗಿಫ್ಟ್ ವೌಚರ್ ಹಾಗೂ ಮಗದೊಂದು ಪ್ರಾಯೋಜಕರಿಂದ 50 ಸಾವಿರ ರೂ. ಕ್ಯಾಶ್ ಪ್ರೈಜ್ ಸಿಕ್ಕಿದೆ.

ಬಿಗ್‌ಬಾಸ್‌ ಮನೆಗೆ ಎಂಟ್ರಿಕೊಡುವುದಕ್ಕೂ ಮುನ್ನ ಪ್ರತಿಯೊಬ್ಬರಿಗೂ ವಾರಕ್ಕೆ ಇಂತಿಷ್ಟು ಸಂಭಾವನೆ ಅಂತ ನಿಗದಿಯಾಗಿರುತ್ತದೆ. ಕೆಲ ವರದಿಗಳಲ್ಲಿ  ಚೈತ್ರಾ ವಾರಕಕ್ಕೆ ಒಂದು ಲಕ್ಷ ರೂ. ಸಂಭಾವನೆ ಪಡೆಯುತ್ತಿದ್ದರು ಎನ್ನಲಾಗಿದೆ. ವಾರಕ್ಕೆ ಇಷ್ಟು ಅಂತ ಫಿಕ್ಸ್ ಆಗಿದ್ದ ಸಂಭಾವನೆಯನ್ನು 15 ವಾರಗಳಿಗೆ ಲೆಕ್ಕ ಹಾಕಿ ಕೊಡಲಾಗುತ್ತದೆ.

ಬಿಗ್‌ಬಾಸ್ ಮನೆಯಿಂದ ಹೊರಬಂದಿರುವ ಚೈತ್ರಾ ಸಾಮಾಜಿಕ ಚಟುವಟಿಕೆಗಳನ್ನು ಮುಂದುವರೆಸಿಕೊಂಡು ಹೋಗುತ್ತಾರಂತೆ. ಜೊತೆಗೆ ನನ್ನಿಂದ ನಿಮಗೆ ಯಾವುದೇ ರೀತಿಯ ತೊಂದರೆಯಾಗಿದ್ದರೆ ಕ್ಷಮೆ ಕೇಳ್ತೇನೆ. ನನಗೆ ನೀವು ಐಡಲ್. ಇಷ್ಟು ಹತ್ತಿರದಿಂದ ನಿಮ್ಮನ್ನು ನೋಡುತ್ತೇನೆ ಅಂದುಕೊಂಡಿರಲಿಲ್ಲ. ನನ್ನ ಭಾಗ್ಯ ಅಂತ ಸುದೀಪ್ ಮುಂದೆ ಹೇಳಿದ್ದಾರೆ.

ನನಗೆ ಯಾರು ನೋವು ಕೊಟ್ಟಿಲ್ಲ. ಇಲ್ಲಿ ಮಾತನಾಡುವಾಗ ನಾನು ಏನೂ ಹೇಳಬೇಕೋ ...ಅದನ್ನು ಹೇಳಬೇಕಾಗುತ್ತದೆ. ಅದನ್ನು ನಾನು ಯಾವತ್ತೂ ಪರ್ಸ್‌ನಲ್ ಆಗಿ ತೆಗೆದುಕೊಳ್ಳಲ್ಲ. ನಿಮ್ಮ ಕೆಲಸ ನೀವು ಮಾಡಿದ್ದೀರಿ. ನನ್ನ ಕೆಲಸ ನಾನು ಮಾಡಿದ್ದೇನೆ ಎಂದರು. ಜೊತೆಗೆ ನಾಳೆಯಿಂದ ನಿಮ್ಮ ಅನುಪಸ್ಥಿತಿ ಎದ್ದು ಕಾಣುತ್ತದೆ. ಬೇರೆ ಪ್ರೊಫೆಶನ್‌ನಿಂದ ಬಂದು ಇಲ್ಲಿ ಇಷ್ಟು ದಿನ ಇರೋದು ಸುಲಭವಲ್ಲ ಅಂತ ಸುದೀಪ್ ಹೇಳಿದರು.

ಹಿಂದುತ್ವದ ವಿಚಾರಧಾರೆಗಳನ್ನು ಜನರಿಗೆ ತಲುಪುವ ಹಾಗೆ ಪ್ರಚೋದನಾಕಾರಿ ಭಾಷಣ ಮಾಡುತ್ತಿದ್ದ  ಚೈತ್ರಾ ಕುಂದಾಪುರ ಅವರಿಗೆ ಈಗ 28 ವರ್ಷ ವಯಸ್ಸು ಎನ್ನಲಾಗಿದೆ. ಇವರ ಬರ್ತ್‌ ಡೇಟ್ ಏಪ್ರಿಲ್ 5.  ಉಡುಪಿ ಜಿಲ್ಲೆಯ ಕುಂದಾಪುರದವರಾದ ಚೈತ್ರಾ, ತೆಕ್ಕಟ್ಟೆಯಲ್ಲಿ ಶಾಲಾ ಹಾಗೂ ಪಿಯುಸಿ ಶಿಕ್ಷಣವನ್ನು ಮುಗಿಸಿದರು. ಆನಂತರ ಕೊಣಾಜೆಯಲ್ಲಿ ಪವಿ ಪೂರ್ಣಗೊಳಿಸಿದ ಇವರು, ಮಂಗಳೂರು ವಿಶ್ವವಿದ್ಯಾಲಯದಲ್ಲಿ ಜರ್ನಲಿಸಂ ಮತ್ತು ಮಾಸ್ ಕಮ್ಯೂನಿಕೇಷನ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.