ಈ 8 ಸಿನಿಮಾಗಳ ಬಜೆಟ್‌ಕ್ಕಿಂತಲೂ ಕಡಿಮೆ ವೆಚ್ಚದಲ್ಲಿ ಚಂದ್ರಯಾನ 3 ಯಶಸ್ವಿ!

Author Sowmya Bairappa | Published: Thursday, August 24, 2023, 12:34 PM [IST]

ಬಾಹ್ಯಾಕಾಶ ಕ್ಷೇತ್ರದಲ್ಲಿ ಭಾರತ ದೇಶ ಇತಿಹಾಸ ಸೃಷ್ಟಿಸಿದೆ. ಇಸ್ರೋ ಮಹತ್ವಾಕಾಂಕ್ಷೆಯ ಚಂದ್ರಯಾನ ೩ ಯಶಸ್ವಿಯಾಗಿದೆ. ಚಂದ್ರಯಾನವನ್ನು ನಮ್ಮ ದೇಶದ ವಿಜ್ಞಾನಿಗಳು ಅತ್ಯಂತ ಕಡಿಮೆ ವೆಚ್ಚದಲ್ಲಿ ತಯಾರಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಚಂದ್ರಯಾನದ ಬಜೆಟ್ ಮತ್ತೊಮ್ಮೆ ಸುದ್ದಿಯಲ್ಲಿದೆ. ಚಂದ್ರಯಾನ 3 ಮಿಷನ್‌ ಬಜೆಟ್ 615 ಕೋಟಿ ರೂಪಾಯಿ ಆಗಿತ್ತು. ಆದರೆ, ಚಂದ್ರಯಾನ ೨ಕ್ಕೆ ಹೋಲಿಸಿದರೆ ಇದು ತುಂಬಾ ಕಡಿಮೆ. ಯಾಕೆಂದರೆ ಚಂದ್ರಯಾನ 2ಗೆ ಸುಮಾರು 978 ಕೋಟಿ ರೂಪಾಯಿ ಬಜೆಟ್ ಆಗಿತ್ತು. ವಿಶೇಷವೆಂದರೆ ಚಂದ್ರಯಾನ ೩ರ ಬಜೆಟ್ ಕೆಲ ಸಿನಿಮಾಗಳ ಬಜೆಟ್‌ಗಿಂತ ಕಡಿಮೆಯಿದೆ. ಆ ಸಿನಿಮಾಗಳು ಯಾವವು ಎಂಬ ಮಾಹಿತಿ ಇಲ್ಲಿದೆ.

Table of content

ಚಂದ್ರಯಾನ 3 ಹಲವು ಭಾರತೀಯ ಹಾಗೂ ಹಾಲಿವುಡ್ ಸಿನಿಮಾಗಳಿಗಿಂತ ಕಡಿಮೆ ಬಜೆಟ್‌ನಲ್ಲಿ ಬಾಹ್ಯಾಕಾಶಕ್ಕೆ ತಲುಪಿದೆ. ಅವತಾರ್ ದಿ ವೇ ಆಫ್ ವಾಟರ್ ಚಿತ್ರದ ಬಜೆಟ್ 3,282 ಕೋಟಿ ರೂಪಾಯಿ. ಈ ಚಿತ್ರದ ಬಜೆಟ್‌ಗೆ ಹೋಲಿಸಿದರೆ ಭಾರತದ ಚಂದ್ರಯಾನ 2 ಬಜೆಟ್ ಬಹಳ ಕಡಿಮೆಯಿದೆ.

ಇದೇ ವರ್ಷ ಕೆಲ ತಿಂಗಳ ಹಿಂದೆ ಪ್ರಭಾಸ್ ಅಭಿನಯದ ಆದಿಪುರುಷ್ ಸಿನಿಮಾ ವಿವಿಧ ಭಾರತೀಯ ಭಾಷೆಗಳಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರದ ಬಜೆಟ್ 700 ಕೋಟಿ ರೂಪಾಯಿ. ಇದು ಚಂದ್ರಯಾನ 3 ಬಜೆಟ್‌ಗಿಂತ ಹೆಚ್ಚು. ಆದಿಪುರುಷ್ ಸಿಜಿ ವರ್ಕ್‌ಗಾಗಿ ಸುಮಾರು 500 ಕೋಟಿ ರೂ. ಮೀಸಲಿಡಲಾಗಿದೆ.

ಹೆಚ್ಚು ಓದಿ

ರಾಮ್‌ಚರಣ್ ಹಾಗೂ ಎನ್‌ಟಿಆರ್ ಅಭಿನಯದ ಆರ್‌ಆರ್ಆರ್ ಸಿನಿಮಾ ಕಳೆದ ವರ್ಷ ಬಾಕ್ಸಾಫೀಸ್‌ನಲ್ಲಿ ಕಮಾಲ್ ಮಾಡಿತ್ತು. ರಾಜಮೌಳಿ ನಿರ್ದೇಶನದ ಈ ಸಿನಿಮಾದ ಬಜೆಟ್ 500 ಕೋಟಿ ರೂಪಾಯಿ. ಆದರೆ, ಚಿತ್ರದ ಪ್ರಚಾರಕ್ಕಾಗಿ 50 ಕೋಟಿ ಖರ್ಚು ಮಾಡಲಾಗಿದ್ದು, ಆಸ್ಕರ್ ಪ್ರಚಾರಕ್ಕೆ 80 ಕೋಟಿ ವೆಚ್ಚ ಮಾಡಲಾಗಿದೆ. ಈ ಲೆಕ್ಕಾಚಾರದ ಪ್ರಕಾರ ಆರ್‌ಆರ್ಆರ್ ಚಿತ್ರಕ್ಕೆ 630 ಕೋಟಿ ಖರ್ಚಾಗಿದ್ದು, ಚಂದ್ರಯಾನಕ್ಕಿಂತಲೂ ಹೆಚ್ಚಿದೆ.

ಹೆಚ್ಚು ಓದಿ

ಹಾಲಿವುಡ್‌ನ ಅವೆಂಜರ್ಸ್ ಎಂಡ್‌ಗೇಮ್‌ ಕೂಡ ಚಂದ್ರಯಾನ 2 ಬಜೆಟ್‌ಕ್ಕಿಂತಲೂ ಹೆಚ್ಚಿನ ಬಜೆಟ್ ಹೊಂದಿದೆ. ಮತ್ತೊಂದು ಗ್ರಹವನ್ನು ತೋರಿಸುವ ಈ ಸಿನಿಮಾದ ಬಜೆಟ್ 2,443 ಕೋಟಿ ರೂಪಾಯಿ.

ಕಾಲಿನ್ ಟ್ರೆವೊರೊ ನಿರ್ದೇಶನದ ಜುರಾಸಿಕ್ ವರ್ಲ್ಡ್ ಡೊಮಿನಿಯನ್ ಸಿನಿಮಾವನ್ನು ಕೂಡ ಸುಮಾರು 165 ಕೋಟಿ ಮಿಲಿಯನ್ ಯುಎಸ್‌ ಡಾಲರ್‌ಗಳಲೊಂದಿಗೆ ನಿರ್ಮಾಣ ಮಾಡಲಾಗಿದೆಯಂತೆ. ಅಂದರೆ 1,364 ಕೋಟಿ ರೂ. ವೆಚ್ಚದಲ್ಲಿ ಈ ಚಿತ್ರ ತಯಾರಾಗಿದೆ. ಇದು ಚಂದ್ರಯಾನ 3ಕ್ಕಿಂತ ಎರಡು ಪಟ್ಟು ಹೆಚ್ಚು.

ಹ್ಯಾರಿ ಪಾಟರ್ ಹಾಪ್ ಬ್ಲಡ್ ಪ್ರಿನ್ಸ್ ಸಿನಿಮಾವು ಸುಮಾರು 250 ಯುಎಸ್‌ ಮಿಲಿಯನ್ ಡಾಲರ್‌ಗಳಲ್ಲಿ ತಯಾರಾಗಿದೆ. ಇದನ್ನು ಭಾರತೀಯ ಕರೆನ್ಸಿಯಲ್ಲಿ ನೋಡುವುದಾದರೆ ಸುಮಾರು 2,066 ಕೋಟಿ ವೆಚ್ಚ.

2023ರಲ್ಲಿ ತೆರೆಕಂಡ ಹಾಲಿವುಡ್ ಸಿನಿಮಾ 'ಓಪನ್ ಹೈಮರ್' ಕೂಡ 100 ಯುಎಸ್ ಮಿಲಿಯನ್ ಡಾಲರ್ ವೆಚ್ಚದಲ್ಲಿ ತಯಾರು ಮಾಡಲಾಗಿದೆ. ಇದು ನಮ್ಮ ಭಾರತೀಯ ಕರೆನ್ಸಿಯಲ್ಲಿ ಸುಮಾರು 826 ಕೋಟಿ ರೂಪಾಯಿ ಆಗಲಿದೆ.

ಬಾರ್ಬಿ ಸಿನಿಮಾವನ್ನು ಕೂಡ 145 ಯುಎಸ್ ಮಿಲಿಯನ್ ಡಾಲರ್ ವೆಚ್ಚದಲ್ಲಿ ತಯಾರು ಮಾಡಲಾಗಿದೆ. ಇದನ್ನು ಭಾರತೀಯ ಕರೆನ್ಸಿಯಲ್ಲಿ ನೋಡುವುದಾದರೆ ಸುಮಾರು 1,191 ಕೋಟಿ ರೂಪಾಯಿ. ಇದು ಕೂಡ ಚಂದ್ರಯಾನ ೩ ಬಜೆಟ್‌ಕ್ಕಿಂತ ಹೆಚ್ಚು.