ರಕ್ತ ಕಣ್ಣೀರು ಟು ಶೌರ್ಯ: ಕಾಮಿಡಿ ಕಿಂಗ್ ಸಾಧು ಕೋಕಿಲ ನಿರ್ದೇಶನದ 11 ಸಿನಿಮಾಗಳ ಪಟ್ಟಿ ಇಲ್ಲಿದೆ.

ಸಾಧು ಕೋಕಿಲ ನಿರ್ದೇಶನದ ಮೊದಲ ಚಿತ್ರ ತಮಿಳಿನ ರಿಮೇಕ್ ಆದ ರಕ್ತ ಕಣ್ಣೀರು. ಕನ್ನಡ ಮತ್ತು ತೆಲುಗು ಭಾಷೆಯಲ್ಲಿ ಏಕಕಾಲದಲ್ಲಿ ತಯಾರಾದ ಈ ಚಿತ್ರದಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ನಾಯಕನಾಗಿ ನಟಿಸಿದ್ದರು. ಈ ಚಿತ್ರ ಅಭೂತಪೂರ್ವ ಯಶಸ್ಸನ್ನು ಕಂಡು 2003ರಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಕನ್ನಡ ಚಿತ್ರವಾಯಿತು.

ಶಿವರಾಜ್‌ಕುಮಾರ್ ನಾಯಕನಾಗಿ ನಟಿಸಿದ ರಾಕ್ಷಸ ಚಿತ್ರವನ್ನು 2005ರಲ್ಲಿ ನಿರ್ದೇಶನ ಮಾಡಿದರು. ಚಿತ್ರ ಬಾಕ್ಸಾಫೀಸಿನಲ್ಲಿ ಹಿಟ್ ಆಗುವುದರ ಜೊತೆಗೆ ಸಾಧು ಕೋಕಿಲ ಅವರಿಗೆ ಕರ್ನಾಟಕ ರಾಜ್ಯ ಅತ್ಯುತ್ತಮ ಸಂಗೀತ ನಿರ್ದೇಶಕ ಪ್ರಶಸ್ತಿಯನ್ನು ತಂದು ಕೊಟ್ಟಿತು.

2006ರಲ್ಲಿ ತೆರೆಕಂಡ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ರಕ್ಷಿತಾ ಮುಖ್ಯಭೂಮಿಕೆಯಲ್ಲಿದ್ದ 'ಸುಂಟರಗಾಳಿ' ಚಿತ್ರವನ್ನು ನಿರ್ದೇಶಿಸಿದರು. ಈ ಚಿತ್ರ ಕೂಡ ಒಳ್ಳೆಯ ಪ್ರತಿಕ್ರಿಯೆ ಪಡೆಯಿತು. ಈ ಚಿತ್ರದಲ್ಲಿ ಜಿ.ಪಿ.ರಾಜರತ್ನಂರವರ `ನೀ ನನ್ನಟ್ಟಿ' ಹಾಡನ್ನು ಬಳಸಿಕೊಳ್ಳಲಾಗಿತ್ತು. 

ತಮಿಳಿನ ಪೀತಮಗನ್ ಚಿತ್ರದ ರಿಮೇಕ್ ಆದ ಅನಾಥರು  ಚಿತ್ರದಲ್ಲಿ ದರ್ಶನ್ ಮತ್ತು ಉಪೇಂದ್ರ ನಾಯಕರಾಗಿ ನಟಿಸಿದರು. ವಿಶಿಷ್ಟ ಪಾತ್ರದಲ್ಲಿ ಉಪೇಂದ್ರರ ನಟನೆ ಮತ್ತು ದರ್ಶನ್-ರಾಧಿಕಾ ಕಾಂಬಿನೇಶನ್ ಗಮನ ಸೆಳೆಯಿತು.

2008ರಲ್ಲಿ ಪ್ರಜ್ವಲ್ ದೇವರಾಜ್ ಮತ್ತು ಸುನೈನಾ ನಟನೆಯ 'ಗಂಗೆ ಬಾರೆ ತುಂಗೆ ಬಾರೆ' ಚಿತ್ರವನ್ನು ನಿರ್ದೇಶಿಸಿದರು. ಇದೊಂದು ತ್ರಿಕೋನ ಪ್ರೇಮಕಥೆ ಹೊಂದಿರುವ ಸಿನಿಮಾವಾಗಿದ್ದು, ಪ್ರೇಕ್ಷಕರ ಗಮನ ಸೆಳೆದಿತ್ತು. 

ದುನಿಯಾ ವಿಜಯ್ ಮತ್ತು ಪ್ರಗ್ನಾ ಮುಖ್ಯ ಪಾತ್ರದಲ್ಲಿ ನಟಿಸಿದ ದೇವ್ರು ಚಿತ್ರವನ್ನು 2009 ರಲ್ಲಿ ಸಾಧು ಕೋಕಿಲಾ ನಿರ್ದೇಶನ ಮಾಡಿದರು. ಚಿತ್ರಕ್ಕೆ ರಾಕಲೈನ್ ವೆಂಕಟೇಶ್ ಬಂಡವಾಳ ಹೂಡಿದ್ದರು. ಈ ರಿಮೇಕ್ ಚಿತ್ರ ರೌಡಿಸಂ ಕಥೆ ಹೊಂದಿತ್ತು.

ಮಲಯಾಳಂ ಸ್ಪದಿಕಂ ಚಿತ್ರದ ರಿಮೇಕ್ ಆದ ಈ ಚಿತ್ರವನ್ನು 2010ರಲ್ಲಿ ಸಾಧು ಕೋಕಿಲ ನಿರ್ದೇಶನ ಮಾಡಿದರು. ಕಿಚ್ಚ ಸುದೀಪ್ ನಾಯಕಾನಾಗಿ ನಟಿಸಿದ್ದ ಈ ಚಿತ್ರ ಬಾಕ್ಸಾಫೀಸಿನಲ್ಲಿ ಯಶಸ್ಸು ಕಾಣಲಿಲ್ಲ.

ತೆಲುಗಿನ ಶೌರ್ಯಂ ಚಿತ್ರದ ರಿಮೇಕ್ ಆದ ಈ ಚಿತ್ರದಲ್ಲಿ ದರ್ಶನ್ ನಾಯಕಾನಗಿ ನಟಿಸಿದರು.ಈ ಚಿತ್ರ ಕೂಡ ಬಾಕ್ಸಾಫೀಸಿನಲ್ಲಿ ಸಾಧಾರಣ ಯಶಸ್ಸು ಪಡೆಯಿತು.

ಕಿಚ್ಚ ಸುದೀಪ್ ಮತ್ತು ಥ್ರಿಲ್ಲರ್ ಮಂಜು ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರವನ್ನು ಸಾಧು ಕೋಕಿಲಾ ಸೇರಿದಂತೆ ಆರು ಜನ ನಿರ್ದೇಶಕರು ಕೇವಲ 12 ಘಂಟೆಗಳಲ್ಲಿ ನಿರ್ದೇಶನ ಮಾಡಿದ್ದರು. ಎರಡುವರೆ ಗಂಟೆಗಳ ಚಿತ್ರವನ್ನು 12 ಘಂಟೆಗಳಲ್ಲಿ ನಿರ್ದೇಶಿಸಿದ್ದರಿಂದ ಈ ಚಿತ್ರ ಲಿಮ್ಕಾ ಮತ್ತು ಗಿನ್ನಿಸ್ ರೆಕಾರ್ಡ್ ನಲ್ಲಿ ಸ್ಥಾನ ಪಡೆಯಿತು.

ತೆಲುಗಿನ ಸೂಪರ್ ಹಿಟ್ ಚಿತ್ರ ಕಿಕ್ ದ ರಿಮೇಕ್ ಆದ ಈ ಚಿತ್ರದಲ್ಲಿ ಮತ್ತೊಮ್ಮೆ ಉಪೇಂದ್ರ ಮತ್ತು ಸಾಧು ಕೋಕಿಲಾ ಕಾಂಬಿನೇಶನ್ ಒಂದಾಯಿತು. ಕೃತಿ ಖರಬಂಧ ನಾಯಕಿಯಾಗಿ ನಟಿಸಿದ್ದರೆ, ರಘು ಮುಖರ್ಜಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.

ತೆಲುಗಿನ ಅಲಾ ಮೊದಲೈಂದಿ ಚಿತ್ರವನ್ನು 2016 ರಲ್ಲಿ ಭಲೇ ಜೋಡಿ ಹೆಸರಿನಲ್ಲಿ ನಿರ್ದೇಶನ ಮಾಡಿದರು. ಶೈಲೇಂದ್ರ ಬಾಬು ನಿರ್ದೇಶನದಲ್ಲಿ ಮೂಡಿಬಂದಿದ್ದ ಈ ಚಿತ್ರದಲ್ಲಿ ಸುಮಂತ್ ಶೈಲೇಂದ್ರ ಮತ್ತು ಶಾನ್ವಿ ಶ್ರೀವಾತ್ಸವ್ ಮುಖ್ಯ ಪಾತ್ರದಲ್ಲಿ ನಟಿಸಿದರು.