ಪ್ರೇಮಿಗಳು ಕೇಳಲೇಬೇಕಾದ ಸ್ಟಾರ್ ನಟರ ಟಾಪ್ ಪ್ರೇಮಗೀತೆಗಳಿವು!

ಡಾ. ರಾಜ್ ಕುಮಾರ್ ಮತ್ತು ಮಂಜುಳಾ ಅಭಿನಯಿಸಿರುವ 'ನೀ ನನ್ನ ಗೆಲ್ಲಲಾರೆ' ಸಿನಿಮಾ 'ಜೀವ ಹೂವಾಗಿದೆ' ಹಾಡು ಪ್ರೇಮಿಗಳ ಫೇವರಿಟ್ ಹಾಡುಗಳಲ್ಲೊಂದು. 

ವಿಷ್ಣುವರ್ಧನ್ ಮತ್ತು ಖುಷ್ಬೂ ನಟನೆಯ 'ಯುಗ ಯುಗಗಳೇ ಸಾಗಲಿ' ಹಾಡು ಅಂದಿಗೂ, ಇಂದಿಗೂ ಪ್ರೇಮಿಗಳ ನೆಚ್ಚಿನ ಹಾಡು. 

ಪ್ರೀತಿಸಿದವರಿಗೆ ಏನಾದರೂ ಉಡುಗೊರೆ ಕೊಡಬೇಕು ಎಂದಾಗ ರೆಬೆಲ್ ಸ್ಟಾರ್ ಅಂಬರೀಶ್ ಅವರ 'ಒಲವಿನ ಉಡುಗೊರೆ' ಹಾಡು ಕಾಡುತ್ತದೆ.  

ಪ್ರೇಮಿಗಳು ಜೀವನದ ಕೊನೆವರೆಗೂ ಜೊತೆಯಾಗಿರಬೇಕು ಎಂದು ಪ್ರೀತಿಸುತ್ತಾರೆ. ಈ ಸಂದರ್ಭದಲ್ಲಿ ಕರಾಟೆ ಕಿಂಗ್ ಶಂಕರ್ ನಾಗ್ ಅಭಿನಯದ 'ಗೀತಾ' ಸಿನಿಮಾದ 'ಜೊತೆಯಲಿ ಜೊತೆಯಲಿ' ಹಾಡು ನೆನಪಾಗುತ್ತದೆ. 

ಪ್ರತಿಯೊಬ್ಬ ಪ್ರೇಮಿಯೂ ನೆನಪಿಸಿಕೊಳ್ಳುವಂತಹ ಮತ್ತೊಂದು ಹಾಡೆಂದರೆ 'ಅಮೆರಿಕಾ ಅಮೆರಿಕಾ' ಸಿನಿಮಾದಾ ನೂರು ಜನ್ಮಕೂ, ನೂರಾರು ಜನ್ಮಕು'. ರಮೇಶ್ ಅರವಿಂದ್ ಅಭಿನಯದ ಈ ಹಾಡು ಕನ್ನಡ ಚಿತ್ರರಂಗದ ಆಲ್ ಟೈಮ್ ಎವರ್ ಗ್ರೀನ್ ಹಾಡು. 

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ ಹುಚ್ಚ ಸಿನಿಮಾದ 'ಉಸಿರೇ ಉಸಿರೇ' ಹಾಡು ಕೂಡ ಸಿನಿರಸಿಕರನ್ನು ಸೆಳೆದ ಹಾಡು.  ಜೊತೆಗೆ ಇಂದಿಗೂ ಕೂಡ ಹಲವರಿಗೆ ಈ ಹಾಡು ತುಂಬಾ ಇಷ್ಟ. 

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ಸೂಪರ್ ಹಿಟ್ ಸಿನಿಮಾ ಮಿಲನ. ಈ ಸಿನಿಮಾದ 'ನಿನ್ನಿಂದಲೇ' ಹಾಡು ಯುವ ಜನತೆಯ ಹೃದಯ ಗೆದ್ದಿತ್ತು.  

ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ ಪ್ರೀತ್ಸೆ ಸಿನಿಮಾದ 'ಪ್ರೀತ್ಸೆ ಪ್ರೀತ್ಸೆ' ಹಾಡು ಅಂದಿನಿಂದ ಇಂದಿನವರೆಗೂ ಯುವ ಪ್ರೇಮಿಗಳ ಹಾಟ್ ಫೆವರಿಟ್. 

ಹುಡುಗಿಯರು ತಮ್ಮ ಹುಡುಗಿಯನ್ನು ವರ್ಣನೆ ಮಾಡಬೇಕು ಎಂದರೆ ಒಮ್ಮೆ ನಟ ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್ ಅಭಿನಯದ ಡ್ರಾಮಾ ಚಿತ್ರದ ' ಚೆಂದುಟಿಯ ಪಕ್ಕದಲಿ' ಹಾಡನ್ನು ಕೇಳಬೇಕು. 

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಗಾಳಿಪಟ' ಸಿನಿಮಾದ ' ಮಿಂಚಾಗಿ ನೀನು ಬರಲು ಹಾಡು ಕೂಡ ಪ್ರೇಮಿಗಳ ನೆಚ್ಚಿನ ಹಾಡು ಎನ್ನಬಹುದು. 

ಪ್ರೇಮ ಗೀತೆಗಳು ಅಂದಾಕ್ಷಣ ಏನಪಾಗೋದೇ ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಭಿನಯದ 'ಪ್ರೇಮಲೋಕ' ಸಿನಿಮಾದ 'ಇದು ನನ್ನ ನಿನ್ನ ಪ್ರೇಮಲೋಕ ಚಿನ್ನ' ಹಾಡು. 

ಪಡ್ಡೆ ಹುಡುಗರು ಸದಾ ತಮ್ಮ ಹುಡುಗಿಯ ಹಿಂದೆ 'ತಲೆ ಕೆಡುತ್ತೆ ಹುಡುಗಿ' ಎಂದು ತಿರುಗಾಡುತ್ತಿರುತ್ತಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 'ಜಗ್ಗುದಾದ' ಚಿತ್ರದ ಓ ರೋಮ್ಯಾಂಟಿಕ್ ಹಾಡು ಹಲವರ ನೆಚ್ಚಿನದು. 

ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನ ನಾಗರಾಜ್ ಅಭಿನಯದ ಸೂಪರ್ ಹಿಟ್ ಸಿನಿಮಾ ಲವ್ ಮಾಕ್ಟೇಲ್. ಈ ಸಿನಿಮಾದ 'ಲವ್ ಯೂ ಚಿನ್ನ' ಹಾಡು ಕೂಡ ಪ್ರೇಮಿಗಳ ಫೆವರಿಟ್.