ಸ್ಯಾಂಡಲ್‌ವುಡ್‌ನ ಎಲ್ಲಾ ಸ್ಟಾರ್ ನಟರು ಫಿದಾ ಆಗಿರುವುದು ಈ ಒಂದು ಡ್ರೆಸ್‌ಗೆ ನೋಡಿ!

'ತಾರಕ್' ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಟಾರ್ ದರ್ಶನ್ ಬಿಳಿ ಬಣ್ಣ ಪಂಚೆಯಲ್ಲಿ ಫಳ-ಫಳ ಹೊಳೆಯುತ್ತಿದ್ದರು. ದರ್ಶನ್ ಅವರ ಅಭಿಮಾನಿಗಳಿಗೆ ಅವರ ಸಿಂಪಲ್ ಗೆಟಪ್ ತುಂಬಾನೇ ಇಷ್ಟ ಆಗಿತ್ತು. 2017ರಲ್ಲಿ ತೆರೆಕಂಡ ಈ ಸಿನಿಮಾವನ್ನು ಪ್ರಕಾಶ್ ನಿರ್ದೇಶನ ಮಾಡಿದ್ದರು. ಶ್ರುತಿ ಹರಿಹರನ್ ಹಾಗೂ ಶಾನ್ವಿ ಶ್ರೀನಿವಾಸ್ ಡಿ ಬಾಸ್‌ಗೆ ಜೋಡಿಯಾಗಿ ಕಾಣಿಸಿಕೊಂಡಿದ್ದರು.

ಗೋಲ್ಡನ್ ಸ್ಟಾರ್ ಗಣೇಶ್ ತಮ್ಮ 'ಚಮಕ್' ಸಿನಿಮಾದಲ್ಲಿ ಸಖತ್ ಸ್ಟೈಲಿಶ್ ಡ್ರೆಸ್‌ಗಳಲ್ಲಿ ಕಾಣಿಸಿಕೊಂಡಿದ್ದರು. ಅದರ ಜೊತೆಗೆ ಅವರ ಪಂಚೆಯ ಲುಕ್ ಕೂಡ ಗಮನ ಸೆಳೆದಿತ್ತು. ಸಿಂಪಲ್ ಸುನಿ ಆಕ್ಷನ್ ಕಟ್ ಹೇಳಿದ್ದ ಈ ಚಿತ್ರದಲ್ಲಿ ನ್ಯಾಷನ್‌ ಕ್ರಶ್ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ವಿಮರ್ಶಕರಿಂದ ಮೆಚ್ಚುಗೆ ಪಡೆದು ಶತದಿನೋತ್ಸವ ಪೂರೈಸಿತು.

'ದೊಡ್ಮನೆ ಹುಡ್ಗ' ಸಿನಿಮಾದ ಹಾಡಿನಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಬಿಳಿ ಪಂಚೆ ತೊಟ್ಟು ಹಾಡೊಂದಕ್ಕೆ ಹೆಜ್ಜೆ ಹಾಕಿದ್ದರು. ಆ ಬಿಳಿ ಬಟ್ಟೆಯಲ್ಲಿ ಅಪ್ಪು ಸೊಗಸಾಗಿ ಕಾಣುತ್ತಿದ್ದರು. ದುನಿಯಾ ಸೂರಿ ನಿರ್ದೇಶನದ ಈ ಚಿತ್ರದಲ್ಲಿ ಎರಡನೇ ಬಾರಿ ಪುನೀತ್‌ಗೆ ನಾಯಕಿಯಾಗಿ ರಾಧಿಕಾ ಪಂಡಿತ್ ನಟಿಸಿದ್ದರು. ಈ ಚಿತ್ರದಲ್ಲಿನ `ತ್ರಾಸ್ ಆಕ್ಕೈತಿ' ಗೀತೆ ತುಂಬಾ ಗಮನ ಸೆಳೆದಿತ್ತು.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ತಮ್ಮ 'ಶಿವಲಿಂಗ' ಸಿನಿಮಾದಲ್ಲಿ ಬಿಳಿ ಪಂಚೆ ಉಟ್ಟು ಮಿಂಚಿದ್ದರು. ಈ ಸಿನಿಮಾದ ಒಂದು ಹಾಡಿನಲ್ಲಿ ಶಿವಣ್ಣ ಪಂಚೆ ಧರಿಸಿದ್ದರು. ಅದೇ ಶೈಲಿಯ ಕಟೌಟ್ ಚಿತ್ರಮಂದಿರದ ಮುಂದೆ ರಾರಾಜಿಸಿತ್ತು. ಪಿ.ವಾಸು ನಿರ್ದೇಶನ ಈ ಸಿನಿಮಾದಲ್ಲಿ ವೇದಿಕಾ ನಾಯಕಿಯಾಗಿ ಅಭಿನಯಿಸಿದ್ದರು.

'ಉಪ್ಪಿ 2' ಸಿನಿಮಾದ ನೀನು ಪಾತ್ರಕ್ಕೆ ರಿಯಲ್ ಸ್ಟಾರ್ ಉಪೇಂದ್ರ ತುಂಬಾ ಸರಳವಾಗಿ ಒಂದು ಬಿಳಿ ಪಂಚೆ ಮತ್ತು ಬಿಳಿ ಅಂಗಿಯನ್ನು ತೊಡಿಸಿದ್ದರು. ಸಿನಿಮಾದ ಬಹುಪಾಲು ಭಾಗ ಇದೇ ಬಟ್ಟೆಯಲ್ಲಿ ಉಪ್ಪಿ ಇದ್ದರು. ಸುಮಾರು 48 ಕೋಟಿ ಗಳಿಸಿದ ಈ ಚಿತ್ರ ಉಪ್ಪಿ ಜೀವನದ ಅತಿ ಹೆಚ್ಚು ಗಳಿಕೆ ಕಂಡ ಚಿತ್ರವಾಗಿ ದಾಖಲಾಗಿತ್ತು.

'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ಬಿಳಿ ಪಂಚೆ ತೊಟ್ಟು ತಮ್ಮ ಕನಸಿನ ರಾಣಿ ರಾಧಿಕಾ ಪಂಡಿತ್‌ಗೆ ಪ್ರೊಪೋಸ್  ಮಾಡುವುದನ್ನು ಕಾಣಬಹುದು. ಸಂತೋಷ್ ಆನಂದ್ ರಾಮ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ ಈ ಸಿನಿಮಾ ಶತದಿನೋತ್ಸವ ಪೂರೈಸಿ 50 ಕೋಟಿ ಕ್ಲಬ್ ಸೇರಿತ್ತು.

ನಟರ ರೀತಿ ಕಿಚ್ಚ ಸುದೀಪ್ ಕೂಡ ಒಂದು ಜಾಹೀರಾತಿನಲ್ಲಿ ಬಿಳಿ ಪಂಚೆ ಉಟ್ಟಿದ್ದಾರೆ. ಅಭಿನಯ ಚಕ್ರವರ್ತಿ ಸುದೀಪ್ ಫ್ಯಾನ್ಸ್ ಸಹ ಕಿಚ್ಚನ ಈ ಹೊಸ ಅವತಾರವನ್ನು ತುಂಬ ಮೆಚ್ಚಿಕೊಂಡಿದ್ದರು.