ಡಿಕೆಡಿ ಫಿನಾಲೆಯಲ್ಲಿ ಅಪ್ಪು ಟ್ರೋಫಿ ಗೆದ್ದ ಕಾವ್ಯಾ & ಶಶಾಂಕ್‌ಗೆ ಸಿಕ್ಕ ಬಹಮಾನವೆಷ್ಟು ಗೊತ್ತಾ?

ಈ ಬಾರಿಯ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಫಿನಾಲೆಯಲ್ಲಿ ಗಿಲ್ಲಿ ನಟ-ಹನೀಷಾ, ಜಾಹ್ನವಿ-ಕಂಠಿ, ಶಶಾಂಕ್-ಪ್ರಿಯ, ಶಶಾಂಕ್-ಕಾವ್ಯಾ, ಗಗನಾ-ಉಜ್ವಲ್, ನಿತಿನ್-ಶ್ರೀವಲ್ಲಿ, ಯಶಸ್ವಿನಿ-ಚೆರ್ರಿ ಇದ್ದರು. ಈ ಏಳು ಜೋಡಿಗಳ ಡ್ಯಾನ್ಸಿಂಗ್ ಕಾಳಗದಲ್ಲಿ ಫೈನಲ್ ಹಂತಕ್ಕೆ ಬಂದಿದ್ದು, ಶಶಾಂಕ್-ಕಾವ್ಯಾ ಹಾಗೂ ಶ್ರೀವಲ್ಲಿ-ನಿತಿನ್ ಜೋಡಿ.

ಈ ಕಾರ್ಯಕ್ರಮದ ತೀರ್ಪುಗಾರರಾಗಿ ಎಂದಿನಂತೆ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಮಹಾಗುರು. ಇನ್ನುಳಿದಂತೆ ಕ್ರೇಜಿ ಕ್ವೀನ್ ರಕ್ಷಿತಾ, ಡ್ಯಾನ್ಸ್ ಮಾಸ್ಟರ್ ಚಿನ್ನಿ ಪ್ರಕಾಶ್, ವಿಜಯ್ ರಾಘವೇಂದ್ರ ತೀರ್ಪುಗಾರರ ಸ್ಥಾನದಲ್ಲಿದ್ದರು. ಆಂಕರ್ ಅನುಶ್ರೀ ನಿರೂಪಕರಾಗಿದ್ದರು.

ಶನಿವಾರ ಮತ್ತು ಭಾನುವಾರ ಎರಡು ದಿನ ಡ್ಯಾನ್ಸ್ ಕರ್ನಾಟಕ ಡ್ಯಾಣ್ಸ್ ಗ್ರ್ಯಾಂಡ್ ಫಿನಾಲೆ ನಡೆದಿದ್ದು, ಡ್ಯಾನ್ಸ್ ನಡುವೆ ಗಿಲ್ಲಿ ನಟ ಹಾಗೂ ಗಗನಾ ಚಿತ್ರದುರ್ಗ ಜೋಡಿಯ ಕಾಮಿಡಿ ವೀಕ್ಷಕರನ್ನು ನಗೆಗಡಲಲ್ಲಿ ತೇಲಿಸಿತ್ತು. ಅಂತಿಮವಾಗಿ ಕೆಂಡದಂಪಿಗೆ ಸೀರಿಯಲ್ ಮೂಲಕ ಗಮನ ಸೆಳೆದ ಕಾವ್ಯಾ ಶೈವ ಹಾಗೂ ಶಶಾಂಕ್ ಜೋಡಿ ಟ್ರೋಫಿ ಮುಡಿಗೇರಿಸಿಕೊಂಡಿದೆ. ಶ್ರೀವಲ್ಲಿ ಹಾಗೂ ನಿತಿನ್ ರನ್ನರ್ ಅಪ್ ಆದ್ರೆ, ಜಾಹ್ನವಿ ಹಾಗೂ ಕಂಠಿ ಎರಡನೇ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದಾರೆ.

ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಶೋನಲ್ಲಿ ವಿಜೇತರಾದ ಶಶಾಂಕ್ ಮತ್ತು ಕಾವ್ಯಾಗೆ ಪುನೀತ್ ರಾಜ್‌ಕುಮಾರ್ ಅವರ ಟ್ರೋಫಿ ಜೊತೆಗೆ 15 ಲಕ್ಷ ಮೌಲ್ಯದ ಚಿನ್ನದ ನಾಣ್ಯ ಸಿಕ್ಕಿದೆ. ಎರಡನೇ ರನ್ನರ್ ಅಪ್ ಆದವರಿಗೂ ನಗದು ಬಹುಮಾನದ ಜೊತೆಗೆ ನೆನಪಿನ ಕಾಣಿಕೆಯನ್ನು ನೀಡಲಾಗಿದೆ. ವೈಟ್ ಗೋಲ್ಡ್ ಕಡೆಯಿಂದ ಸಿಹಿ ಮತ್ತು ಸುಮುಖ ಜೋಡಿಗೆ ತಲಾ 50,000 ಸಾವಿರ ಬಹುಮಾನ ಘೋಷಣೆ ಹಾಗೂ ಗಿಲ್ಲಿ ನಟ ಅವರಿಗೆ 1 ಲಕ್ಷ ಬಹುಮಾನ ಅನೌನ್ಸ್ ಮಾಡಲಾಯಿತು. ಇನ್ನು ಶಿವಣ್ಣ್ ಹಾಗೂ ಗೀತಾ ಶಿವರಾಜ್‌ಕುಮಾರ್ ಅವರಿಂದ ಎಲ್ಲಾ ಕೋರಿಯೋಗ್ರಾಫರ್‌ಗಳಿಗೆ ಒಂದು ಲಕ್ಷ ನೀಡಿದ್ದಾರೆ. ಮುಂದಿನ ವಾರದಿಂದ ಇದೇ ಸಮಯಕ್ಕೆ ಸರಿಗಮಪ ಹೊಸ ರೂಪದಲ್ಲಿ ಪ್ರಸಾರವಾಗಲಿದೆ.