ಕೆಟ್ಟ ಮಾತು ಆಡಬೇಡ, ವೈಯಕ್ತಿಕ ಆಟ ಆಡು: ನಮ್ರತಾಗೆ ಅಮ್ಮನ ಎಚ್ಚರಿಕೆ

ಬಿಗ್‌ಬಾಸ್‌ ಮನೆಗೆ ಮೊದಲು ಎಂಟ್ರಿಕೊಟ್ಟವರು ನಮ್ರತಾ ತಾಯಿ. ಅಮ್ಮನನ್ನು ನೋಡುತ್ತಿದ್ದಂತೆ ನಮ್ರತಾ ಕಣ್ಣೀರಾಕಿ ಹಗ್‌ ಮಾಡಿದ್ದಾರೆ. ಜೊತೆ ಅಮ್ಮ ತಂದ ಊಟವನ್ನು ತಿಂದು ಖುಷಿಪಟ್ಟಿದ್ದಾರೆ. ನಂತರ ತಮ್ಮ ಜೀವನದಲ್ಲಾದ ಕಹಿ ಘಟನೆಗಳನ್ನು ಹಂಚಿಕೊಂಡ ನಮ್ರತಾ, ನಾನು ಹೊಟ್ಟೆಯಲ್ಲಿದ್ದಾಗ ತುಂಬಾ ದಪ್ಪ ಇದ್ದೆ. ಹೀಗಾಗಿ, ಡಾಕ್ಟರ್ ಹೆಂಡತಿ ಬೇಕೋ ಅಥವಾ ಮಗು ಬೇಕೋ ಅಂತ ನನ್ನ ತಂದೆಯನ್ನು ಕೇಳಿದ್ದರಂತೆ. ಅದಕ್ಕೆ ತಂದೆ ಹೆಂಡತಿ ಬೇಕು ಅಂತ ಹೇಳಿದರು. ಬಳಿಕ ಹೇಗೋ ನಾನು ಹುಟ್ಟಿದೆ. ನನಗೆ ಐದು ತಿಂಗಳಿದ್ದಾಗ ಅಜ್ಜಿಗೆ ಅಪಘಾತ ಆಗಿ ತಲೆಗೆ ಪೆಟ್ಟುಬಿತ್ತು. ಆಗ ಅಜ್ಜಿ ಕಡೆಯವರು ಹೆಣ್ಣು ಮಗುವಿನ ಕಾಲ್ಗುಣದಿಂದ ಈ ರೀತಿ ಆಯ್ತು ಅಂತ ಹೇಳಲಾರಂಭಿಸಿದರು. ಆ ಬಳಿಕ ನನ್ನ ಅಪ್ಪ-ಅಮ್ಮ ಕಷ್ಟಪಟ್ಟು ನನ್ನನ್ನು ಬೆಳಸಿದರು.

ನಂತರ ನಾನು ಬಾಲನಟಿಯಾಗಿ ಕೆಲಸ ಶುರು ಮಾಡಿದೆ. ಅಲ್ಲಿಂದ ನಾನು ದುಡಿಯಲು ಆರಂಭಿಸಿದೆ. ಎಲ್ಲವೂ ಸರಿಯಿದೆ ಎಂದುಕೊಳ್ಳುತ್ತಿದ್ದಂತೆ ಅಮ್ಮನ ಫ್ಯಾಮಿಲಿಯಿಂದ ಕೆಲ ಮಾತುಗಳು ಕೇಳಿಬಂದವು. ಇವಳು ನಟಿ, ಇರೋ ರೀತಿ ಸರಿ ಇರೋದಿಲ್ಲ. ನಟಿಯರು ಬೇರೆ ರೀತಿಯಲ್ಲೇ ದುಡಿಯುತ್ತಾರೆ ಎನ್ನಲು ಆರಂಭಿಸಿದರು. ಅಲ್ಲಿಂದ ಅಮ್ಮನಿಗೆ ಮತ್ತೊಂದು ಸಮಸ್ಯೆ ಎದುರಾಯಿತು. ನಂತರ ನಾವು ಮೂರೇ ಜನ ಬೆಳೆದೆವು. ನಾನು ಸ್ಟ್ರಾಂಗ್ ಆಗಿರಲು ಆಮ್ಮನೇ ಕಾರಣ ಎಂದರು.

ನಮ್ರತಾ ಆಮ್ಮ ಮಂಜುಳಾ ಮಗಳಿಗೆ 'ಅಳಬೇಡ, ಚೆನ್ನಾಗಿ ಆಡುತ್ತಿದ್ದೀಯಾ. ಕ್ಷಮೆ ಕೇಳೋದು ಬೇಡ'. ನೀನು ಅಳೋದನ್ನು ನೋಡಿ ತಂದೆ ಕೂಡ ಅಳುತ್ತಾರೆ. ನೀನು ಬಿಗ್‌ಬಾಸ್‌ ಮನೆಗೆ ಬಂದಮೇಲೆ ನಾನು ಮಾಂಸಾಹಾರ ತಿನ್ನೋದು ಬಿಟ್ಟೆ ಎಂದರು. ಇದರ ಜೊತೆಗೆ ಕೊನೆಯಲ್ಲಿ ಚೆನ್ನಾಗಿ ಆಡು, ಗೆಲ್ಲೋದು ಸೆಕೆಂಡರಿ. ಆದರೆ, ನೀನು ಫೈನಲ್‌ವರೆಗೆ ಬರಬೇಕು. ಕೆಟ್ಟ ಮಾತು ಆಡಬೇಡ, ವೈಯಕ್ತಿಕ ಆಟ ಆಡು ಅಂತ ಎಚ್ಚರಿಕೆ ನೀಡಿದರು.  

ಇದೇ ವೇಳೆ ಸ್ನೇಹಿತ್ ಗೌಡ ಹೊರಬಂದ ಮೇಲೆ ನಮ್ಮನ್ನು ಕಾಂಟ್ಯಾಕ್ಟ್ ಮಾಡಿಲ್ಲ ಅಂತ ಹೇಳಿದ್ದಾರೆ. ಅದಕ್ಕೆ ನಮ್ರತಾ, ಸ್ನೇಹಿತ್‌ಗೆ ಭಯ ಆಗಿರುತ್ತೆ ಅಂತ ಹೇಳಿದ್ದಾರೆ. ಅದಕ್ಕೆ ವಿನಯ್‌, ನಮ್ರತಾ ಗೌಡ ಮನೆಯ ಸರ್ಕಲ್‌ನಲ್ಲಿ ನಿನ್ನ ಫೋಟೋವನ್ನು ಹಾಕಿಡ್ತಾರೆ, ಬಂದ್ರೆ ಬಿಡಲ್ಲ ಅಂತ ಹೇಳಿ ಹೆದರಿಸಿದ್ದೆ ಎಂದರು. 

ಇನ್ನು ದೊಡ್ಮನೆಗೆ ಎಂಟ್ರಿಕೊಟ್ಟ ಮೈಕಲ್ ತಾಯಿ, ಕ್ರಿಸ್‌ಮಸ್ ಸಲುವಾಗಿ ಮನೆಯ ಸದಸ್ಯರಿಗೆ ಚಾಕ್ಲೇಟ್ ನೀಡಿದರು. ಜೊತೆಗೆ ಎಲ್ಲರನ್ನೂ ಬಹಳ ಪ್ರೀತಿಯಿಂದ ಮಾತನಾಡಿಸಿದರು. ಬಳಿಕ ಸಂಗೀತಾ ಜೊತೆ ಮಾತನಾಡಿ, ನಿಮ್ಮಿಬ್ಬರ ನಡುವೆ ಶಾಂತಿಧೂತೆಯಾಗಿ ನಾನು ಬಂದಿದ್ದೇನೆ. ನಿಮ್ಮಿಬ್ಬರ ನಡುವೆ ಸಂಧಾನ ಮಾಡಲೆಂದು ನಾನು ಪನ್ನೀರ್ ತಂದಿದ್ದೇನೆ. ಪನ್ನೀರ್‌ಗಾಗಿ ಎಷ್ಟು ಅತ್ತಿದ್ದೆ ನೀನು ಎಂದು ಪನ್ನೀರ್ ನೀಡಿದರು. 

ಮೈಕಲ್‌ಗೂ ಸಹ ಬುದ್ಧಿವಾದ ಹೇಳಿದ ತಾಯಿ, ಸಂಗೀತಾ ಜೊತೆ ಸ್ನೇಹ ಬೆಳಸಿಕೋ. ಕೋಪ ಪ್ರದರ್ಶಿಸಬೇಡ. ಬುದ್ದಿಯಿಂದ ಮತ್ತು ಹೃದಯದಿಂದ ಆಡು. ಮಹಿಳೆಯರ ಜೊತೆ ಜಗಳವಾಡಬೇಡ. ಯಾರ ಮೇಲೂ ಜಗಳ ಮಾಡಬೇಡ ಎಂದರು. ಹೋಗುವಾಗಲೂ ಮಹಿಳೆಯರ ಮೇಲೆ ಜಗಳವಾಡಬೇಡಿ ಅಂತ ಹುಡುಗರಿಗೆ ಬುದ್ಧಿವಾದ ಹೇಳಿದರು. ಮೈಕಲ್ ತಾಯಿಯನ್ನು ಅಪ್ಪಿಕೊಂಡು ಸಂಗೀತಾ ಬೀಳ್ಕೊಟ್ಟರು.