ಹೊಸ ವರ್ಷದಂದು ಜೀ ವಾಹಿನಿಯ ಎಲ್ಲಾ ಸೀರಿಯಲ್‌ಗಳಲ್ಲೂ ಮಹಾ ಟ್ವಿಸ್ಟ್: ಏನದು ಗೊತ್ತಾ?

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಟಾಪ್ ಧಾರಾವಾಹಿಗಳಲ್ಲಿ 'ಪುಟ್ಟಕ್ಕನ ಮಕ್ಕಳು' ಒಂದು. ಟೈಟಲ್ ಹೇಳುವಂತೆ ಪುಟ್ಟಕ್ಕ ಎಂಬ ತಾಯಿ ತನ್ನ ಮೂರು ಹೆಣ್ಣುಮಕ್ಕಳೊಂದಿಗೆ ಹೇಗೆ ಜೀವನವೆಂಬ ಉಗಿಬಂಡಿಯಲ್ಲಿ ಕಷ್ಟಗಳನ್ನೆಲ್ಲಾ ದಾಟುತ್ತಾ ಮುಂದೆ ಸಾಗುತ್ತಾಳೆ ಎಂಬುದೇ ಕಥೆ. ಈ ಸೀರಿಯಲ್‌ನಲ್ಲಿ ಹೊಸ ವರ್ಷದಂದು ಸ್ನೇಹಾ ಸಾವಿಗೆ ನಿಜವಾದ ಕಾರಣ ಏನು ಎಂಬ ಸತ್ಯ ಬಯಲಾಗಲಿದೆ. ಬಂಗಾರಮ್ಮನಿಗೆ ಈ ವಿಚಾರ ಗೊತ್ತಾಗಲಿದೆ.

ಛಾಯಾ ಸಿಂಗ್ ಹಾಗೂ ರಾಜೇಶ್ ನಟರಂಗ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿರುವ 'ಅಮೃತಧಾರೆ' ಸೀರಿಯಲ್‌ ಪ್ರೇಕ್ಷಕರ ಮನಗೆದ್ದಿದೆ. ಈ ಧಾರಾವಾಹಿಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ.  ಹೊಸ ವರ್ಷದಂದು ಈ ಸೀರಿಯಲ್‌ನಲ್ಲಿ ಗೌತಮ್ ದಿವಾನ್ ತನ್ನ ತಾಯಿಯ ಮಡಿಲು ಸೇರಲಿದ್ದಾರೆ.

ಅಕ್ಕ-ತಂಗಿಯ ಕಥೆ ಹೊಂದಿರುವ 'ಬ್ರಹ್ಮಗಂಟು' ಧಾರಾವಾಹಿಯಲ್ಲಿ ಅಕ್ಕ ಮದುವೆಯಾಗಬೇಕಿದ್ದ ಹುಡುಗನ್ನನು ಮದುವೆಯಾಗಿರು ತಂಗಿ ದೀಪಾ, ಗಂಡನ ಮನೆಯಲ್ಲೂ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾಳೆ. ಹೊಸ ವರ್ಷದಂದು ದೀಪಾ ಹಾಗೂ ಚಿರು ಡಿವೋರ್ಸ್ ಪಡೆದುಕೊಳ್ಳುತ್ತಾರಾ? ಎಂಬ ಕುತೂಹಲ ಮೂಡಿದೆ.

ಇನ್ನು ಶ್ರಾವಣಿ ಸುಬ್ರಮಣ್ಯ ಸೀರಿಯಲ್‌ ಕೂಡ ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಅದರಲ್ಲೂ ಶ್ರಾವಣಿ ಹಾಗೂ ಸುಬ್ಬು ಜೋಡಿಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ. ಓರ್ವ ಗೆಳಯ-ಗೆಳತಿ, ಸಂಗಾತಿಗಳು ಎಂದರೆ ಹೀಗೆ ಇರಬೇಕು ಅಂತ ಕಿರುತರೆ ಪ್ರೇಕ್ಷಕರು ಅಭಿಪ್ರಾಯಪಟ್ಟಿದ್ದಾರೆ. ಈ ಧಾರಾವಾಹಿಯಲ್ಲಿ ಶ್ರಾವಣಿ ಸುಬ್ಬವನ್ನೇ ಮದುವೆಯಾಗುವ ದಿಟ್ಟ ನಿರ್ಧಾರ ಮಾಡಿದ್ದಾಳೆ.

ಜೀ ಕನ್ನಡ ವಾಹಿನಿಯಲ್ಲಿನ ಪ್ರಸಾರವಾಗುತ್ತಿರುವ 'ಸೀತಾ ರಾಮ' ಸೀರಿಯಲ್ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಟಿಆರ್‌ಪಿ ರೇಟಿಂಗ್‌ನಲ್ಲೂ ಈ ಧಾರಾವಾಹಿ ಮುಂದಿದೆ. ಈ ಸೀರಿಯಲ್‌ಗೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ಈ ಸೀರಿಯಲ್‌ನಲ್ಲಿ ಸಿಹಿ ಮತ್ತು ಸುಬ್ಬಿ ಒಂದಾಗ್ತಿದ್ದಾರೆ.

ವಿಕಾಸ್ ಉತ್ತಯ್ಯ ಹಾಗೂ ನಿಶಾ ರವಿಕೃಷ್ಣನ್ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸುತ್ತಿರುವ 'ಅಣ್ಣಯ್ಯ' ಧಾರಾವಾಹಿಯಲ್ಲಿ ಶಿವು ತಂಗಿ ರಶ್ಮಿಯ ನಿಶ್ಚಿತಾರ್ಥ ನಡೆಯಲಿದೆ.