ಕಾಮಿಡಿ ಕಿಲಾಡಿಗಳು ವೇದಿಕೆಗೆ ಎಂಟ್ರಿಕೊಟ್ಟ 6 ಸೋಶಿಯಲ್ ಮೀಡಿಯಾ ವೈರಲ್ ಸ್ಟಾರ್ಸ್!

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ತಮ್ಮದೇ ಶೈಲಿಯ ವಿಡಿಯೋ ಮೂಲಕ ಗಮನ ಸೆಳೆಯುವತ್ತಿರುವವರ ಪೈಕಿ ಮಂಜಣ್ಣ  ಕೂಡ ಒಬ್ಬರು. ಸಿಟ್ಟಿನಿಂದ ಕೆಲಸ ಮಾಡುತ್ತಾ 'ಬನ್ರೋ ಮನೆಯಲ್ಲಿ ಕೂತ್ಕೂಂಡು ಏನ್ರೋ ಮಾಡ್ತಿದ್ದೀರಾ? ಕೆಲಸ ಮಾಡಿ ಬನ್ರೋ ಅಂತ ಡೈಲಾಗ್ ಹೊಡೆಯುತ್ತಾ ವೈರಲ್ ಆಗಿದ್ದರು. ಆದ್ರೀಗ ಮಂಜಣ್ಣ ಕಾಮಿಡಿ ಕಿಲಾಡಿಗಳು  ವೇದಿಕೆಗೆ ಎಂಟ್ರಿಕೊಟ್ಟಿದ್ದಾರೆ. 

ಇನ್‌ಸ್ಟಾಗ್ರಾಮ್‌ನಲ್ಲಿ ಕಾಮಿಡಿ ವಿಡಿಯೋ, ಸಾಮಾಜಿಕ ಸಂದೇಶ ಹೊಂದಿರುವ ವಿಡಿಯೋ ಹಾಗೂ ವಿವಿಧ ಮನೋರಂಜನಾತ್ಮಕ ವಿಡಿಯೋಗಳ ಮೂಲಕ ಗಮನ ಸೆಳೆದ ರವಿ ಮಂಡ್ಯ ಕೂಡ ಕಾಮಿಡಿ ಕಿಲಾಡಿಗಳು ವೇದಿಕೆಗೆ ಎಂಟ್ರಿಕೊಟ್ಟಿದ್ದಾರೆ. ಇದೇ ಶನಿವಾರ-ಭಾನುವಾರ ರಾತ್ರಿ 9ಕ್ಕೆ ಕಾರ್ಯಕ್ರಮ ಪ್ರಸಾರವಾಗಲಿದೆ.

ಸೋಶಿಯಲ್ ಮೀಡಿಯಾ ಬಳಸುವವರಿಗೆ ಲಾಯರ್ ಕುಡುಪಲಿ ನಾಗರಾಜ್ ಅವರ ಪರಿಚಯ ಹೇಳಬೇಕಿಲ್ಲ. ನಾನು ಲಾಯರ್ ಎಂದು ಕೆಲವು ವಿಧಿಗಳು ಹಾಗೂ ಸೆಕ್ಷನ್‌ಗಳ ಉಲ್ಲೇಖ ಮಾಡುತ್ತಾ ಹಲವು ವಿಚಾರಗಳ ಬಗ್ಗೆ ಮಾತನಾಡುವ ಇವರು, ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದಾರೆ. ಮೂಲತಃ ರಾಣೇಬೆನ್ನೂರಿನವರಾದ ಇವರು, ಕಾಮಿಡಿ ಕಿಲಾಡಿಗಳು  ವೇದಿಕೆಗೆ ಬಂದಿದ್ದಾರೆ.

ನಾನು ಶಿವಣ್ಣ, ಪುನೀತಣ್ಣ ಅಭಿಮಾನಿ ಅಂತ ಮಾತು ಆರಂಭಿಸಿ, ಬರ್ತಡೇ ಸಾಂಗ್‌ ಹೇಳುವ ಮೂಲಕ ಜನಪ್ರಿಯತೆ ಗಳಿಸಿರುವ ಆಟೋ ಡ್ರೈವರ್ ಕಾಫಿನಾಡು ಚಂದು ಕೂಡ ಕಾಮಿಡಿ ಕಿಲಾಡಿಗಳು  ವೇದಿಕೆಗೆ ಬಂದಿದ್ದಾರೆ. ಶಿವರಾಜ್‌ಕುಮಾರ್ ಅವರನ್ನು ನೋಡುವ ಆಸೆ ಹೊಂದಿದ್ದ ಇವರು, ಈ ಹಿಂದೆಯೂ ಕೂಡ ಜೀ ಕನ್ನಡ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದರು. 

ಕೊರೊನಾ ಸಂದರ್ಭದಲ್ಲಿ ಕೋವಿಡ್ ಬಂದರೆ ನೀವೇನು ಮಾಡ್ತೀರಾ ಎಂಬ ಪ್ರಶ್ನೆಗೆ 'ಎಂತದ್ದೂ ಇಲ್ಲ, ಡೋಲೋ 650 ಮಾತ್ರೆ....ಬಿಸಿ ರಾಗಿಮುದ್ದೆ' ಅಂತ ಹೇಳುವ ಮೂಲಕ ಜನಪ್ರಿಯತೆ ಗಳಿಸಿದ್ದ ಶಶಿರೇಖಾ ಕೂಡ ಈ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಶಶಿರೇಖಾ ಅವರ ಈ ಡೈಲಾಗ್ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿರುವ ಇವರು, ಸಿನಿಮಾದಲ್ಲೂ ಕೂಡ ಅಭಿನಯಿಸಿದ್ದಾರೆ. 

ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಹಾಯ್ ಜನರೇ....ಅಂತ ಫೇಮಸ್ ಆಗಿರುವ ಕಿಪ್ಪಿ ಕೀರ್ತಿ ಕೂಡ ಕಾಮಿಡಿ ಕಿಲಾಡಿಗಳು  ವೇದಿಕೆಗೆ ಎಂಟ್ರಿಕೊಟ್ಟಿದ್ದಾರೆ. ಕಿಪ್ಪಿ ಕೀರ್ತಿ ಹೇಳುವ ಡೈಲಾಗ್‌ಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದವು. ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಒಂದು ಲಕ್ಷಕ್ಕೂ ಅಧಿಕ ಅಭಿಮಾನಿಗಳನ್ನು ಹೊಂದಿದ್ದಾರೆ.