ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಬಳಿಯಿರುವ ದುಬಾರಿ ಕಾರುಗಳ ಪಟ್ಟಿ ಇಲ್ಲಿದೆ.

ನಟ ಕಿಚ್ಚ ಸುದೀಪ್ ಅವರು ದುಬಾರಿ ಬೆಲೆಯ ರೇಂಜ್ ರೋವರ್ ವೋಗ್ಯ ಕಾರನ್ನು ಹೊಂದಿದ್ದಾರೆ. ಸದ್ಯ ಮಾರುಕಟ್ಟೆಯಲ್ಲಿರುವ ಹೊಸ ರೇಂಜ್ ರೋವರ್ 3.0 ಕಾರಿನ ಎಕ್ಸ್ ಶೋ ರೂಮ್ ಬೆಲೆ 2.11 ಕೋಟಿ ರೂಪಾಯಿದೆ. 

ಸುದೀಪ್ ಬಳಿ ಜೀಪ್ ರಾಂಗ್ಲರ್ ವಾಹವನ್ನು ಕೂಡ ಹೊಂದಿದ್ದಾರೆ. ಇದರ ಎಕ್ಸ್ ಶೋ ರೂಂ ಬೆಲೆ 63.94 ಲಕ್ಷ ರೂಪಾಯಿಯಿಂದ ಆರಂಭಗೊಳ್ಳುತ್ತದೆ. ಸ್ಯಾಂಡಲ್‌ವುಡ್ ಬಾದ್‌ಶಾ ಆಗಾಗ ಈ ಜೀಪ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ.

ಅಭಿನಯ ಚಕ್ರವರ್ತಿ ಜೀಪ್ ರಾಂಗ್ಲರ್ ಮಾತ್ರವಲ್ಲ, ಅದೇ ಕಂಪನಿಯ ಕಪ್ಪು ಬಣ್ಣದ ಜೀಪ್ ಕಂಪಾಸ್ ಅನ್ನು ಕೂಡ ಹೊಂದಿದ್ದಾರೆ. ಇದರ ಎಕ್ಸ್ ಶೋ ರೂಂ ಬೆಲೆ 21.73 ಲಕ್ಷದಿಂದ ಶುರುವಾಗುತ್ತದೆ. 

2020ರಲ್ಲಿ ಬಾಲಿವುಡ್‌ ನಟ ಸಲ್ಮಾನ್ ಖಾನ್ ಸುದೀಪ್‌ಗೆ ಬಿಎಂಡಬ್ಲ್ಯೂ ಎಂ5 ಕಾರನ್ನು ಗಿಫ್ಟ್ ನೀಡಿದ್ದರು. ಇದರ ಬೆಲೆ 1.5 ಕೋಟಿ ರೂಪಾಯಿ. ಈ ಕಾರನ್ನು ಸಲ್ಮಾನ್ ಖಾನ್ ಸ್ವತಃ ಕಿಚ್ಚನ ಮನೆಗೆ ತೆರಳಿ ನೀಡಿದ್ದರು. 

ಸಿಲ್ವರ್ ಬಣ್ಣದ ಜಾಗ್ವಾರ್ ಎಕ್ಸ್ ಜೆಎಲ್ ಸೆಡಾನ್ ಕಾರು ಕೂಡ ಸ್ಯಾಂಡಲ್‌ವುಡ್ ಬಾದ್‌ಶಾನ ಬಳಿಯಿದೆ. ಇದರ ಬೆಲೆ ಒಂದು ಕೋಟಿ ರೂಪಾಯಿ. ಸುದೀಪ್ ನಗರದ ಹಲವೆಡೆ ಈ ಕಾರಿನಲ್ಲಿ ಕಾಣಿಸಿಕೊಂಡಿದ್ದಾರೆ. 

ಕಿಚ್ಚ ಸುದೀಪ್ ಕೆಂಪು ಬಣ್ಣದ ವೋಲ್ವೋ ಎಕ್ಸಸಿ90 ಕಾರನ್ನು ಕೂಡ ಖರೀದಿಸಿದ್ದಾರೆ. ಈ ಕಾರಿನ ಆರಂಭಿಕ ಬೆಲೆ ( ಎಕ್ಸ್ ಶೋ ರೂಂ) 81 ಲಕ್ಷ ರೂಪಾಯಿ ಇದೆ. 

ಕಾರುಗಳ ಜೊತೆಗೆ ಕಿಚ್ಚನ ಬಳಿ ಮೂರು ಬಿಎಂಡಬ್ಲ್ಯೂ  ದುಬಾರಿ ಬೈಕ್‌ಗಳು ಇವೆ. ಇಷ್ಟೇ ಅಲ್ಲದೇ ಇವುಗಳ ಜೊತೆಗೆ ಒಂದು ಸೈಕಲ್ ಕೂಡ ಹೊಂದಿದ್ದಾರೆ.