ಪುಟ್ಟಗೌರಿ ಮದುವೆ ಟು ಅಮೃತಧಾರೆ: ಹಿಂದಿಯಿಂದ ಕನ್ನಡಕ್ಕೆ ರಿಮೇಕ್ ಜನಪ್ರಿಯ ಧಾರಾವಾಹಿಗಳಿವು!

ಕಲರ್ಸ್ ಕನ್ನಡ ವಾಹಿನಿಯಲ್ಲಿ 2012ರ ಮಾರ್ಚ್ 12ರಂದು ಆರಂಭವಾದ 'ಪುಟ್ಟಗೌರಿ ಮದುವೆ' ಕನ್ನಡ ಕಿರುತೆರೆಯ ಇತಿಹಾಸದಲ್ಲಿಯೇ ಅತಿಹೆಚ್ಚು ಪ್ರಸಾರವಾದ ಧಾರಾವಾಹಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ಸೀರಿಯಲ್‌ ಬರೋಬ್ಬರಿ 3,026 ಎಪಿಸೋಡ್‌ಗಳನ್ನು ಪೂರೈಸಿತ್ತು. ಇದು ಹಿಂದಿಯ ಕಲರ್ಸ್ ಟಿವಿಯ 'ಬಾಲಿಕಾ ವಧು' ಧಾರಾವಾವಾಹಿಯ ರಿಮೇಕ್ ಆಗಿದ್ದು, ನಮ್ರತಾ ಗೌಡ, ರಂಜಿನಿ ರಾಘವನ್, ರಕ್ಷ್ ಗೌಡ, ಸಾನ್ಯಾ ಅಯ್ಯರ್ ಪ್ರಮುಖ ಪಾತ್ರರದಲ್ಲಿ ಕಾಣಿಸಿಕೊಂಡಿದ್ದರು.

ಜೀ ಕನ್ನಡ ವಾಹಿನಿಯಲ್ಲಿನ ಪ್ರಸಾರವಾಗುತ್ತಿರುವ 'ಸೀತಾ ರಾಮ' ಸೀರಿಯಲ್ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಟಿಆರ್‌ಪಿ ರೇಟಿಂಗ್‌ನಲ್ಲೂ ಈ ಧಾರಾವಾಹಿ ಮುಂದಿದೆ. ಈ ಧಾರಾವಾಹಿ ಮರಾಠಿ ಭಾಷೆಯ 'ಮಜಿ ತುಜಿ ರೇಷನ್ ಕಾರ್ಡ್' ಎಂಬ ಸೀರಿಯಲ್‌ನ ರಿಮೇಕ್ ಆಗಿದೆ. ಇದು ಮಲಯಾಳಂ, ತೆಲುಗು ಭಾಷೆಗೂ ರಿಮೇಕ್ ಆಗಿದೆ. ಕನ್ನಡದಲ್ಲಿ ವೈಷ್ಣವಿ ಗೌಡ, ರಿತು ಸಿಂಗ್ ಹಾಗೂ ಗಗನ್ ಚಿನ್ನಪ್ಪ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಸ್ಟಾರ್ ಸುವರ್ಣ ವಾಹಿನಯಲ್ಲಿ ಪ್ರಸಾರವಾದ ಅತ್ಯಂತ ಜನಪ್ರಿಯ ಧಾರಾವಾಹಿಗಳಲ್ಲಿ 'ಅಮೃತವರ್ಷಿಣಿ' ಕೂಡ ಒಂದಾಗಿತ್ತು. 2012ರ ಮಾರ್ಚ್ 19ರಂದು ಆರಂಭವಾದ ಈ ಧಾರಾವಾಹಿ ಹಿಂಧಿಯ 'ಸಾತ್ ನಿಧಾನ ಸಾಧ್ಯ' ಸೀರಿಯಲ್‌ಮ ರಿಮೇಕ್. ಕನ್ನಡದಲ್ಲಿ ಅಮೃತವರ್ಷಿಣಿ ಹೆಸರಿನಲ್ಲಿ ರಿಮೇಕ್ ಆಗಿದ್ದ ಈ ಧಾರಾವಾಹಿಯಲ್ಲಿ ರಜನಿ, ಹೇಮಾ ಚೌಧರಿ, ರಕ್ಷಿತ್ ಗೌಡ ಮುಂತಾದವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಸತತ ಐದು ವರ್ಷಗಳ ಕಾಲ ಮನೋರಂಜನೆ ನೀಡಿದ್ದ ಈ ಧಾರಾವಾಹಿ, 2017ರ ನವೆಂಬರ್‌ನಲ್ಲಿ ಅಂತ್ಯಗೊಂಡಿತ್ತು.

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾದ 'ಆಕಾಶ ದೀಪ' ಧಾರಾವಾಹಿ ಕೂಡ ಕಿರುತೆರೆ ವೀಕ್ಷಕರ ಮನಗೆದ್ದಿತ್ತು. ಇದರಲ್ಲಿ ದಿವ್ಯಾ ಶ್ರೀಧರ್ ಹಾಗೂ ಪರೀಕ್ಷಿತ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ವಿಭಿನ್ನ ಕಥಾಹಂದರ ಹೊಂದಿದ್ದ ಈ ಧಾರಾವಾಹಿ ಹಿಂದಿಯ 'ದಿಯಾ ಅವ್ರ ಬಾತಿ ಹಂ' ಧಾರಾವಾಹಿಯ ರಿಮೇಕ್ ಆಗಿದೆ.

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಛಾಯಾ ಸಿಂಗ್ ಹಾಗೂ ರಾಜೇಶ್ ನಟರಂಗ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿರುವ 'ಅಮೃತಧಾರೆ' ಸೀರಿಯಲ್‌ ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಈ ಸೀರಿಯಲ್ ಕೂಡ ಹಿಂದಿಯ 'ಬಡೇ ಅಚ್ಚೇ ಲಗ್ತೇ ಹೈ' ಧಾರಾವಾಹಿಯ ರಿಮೇಕ್ ಆಗಿದ್ದು, ಕನ್ನಡದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡಿದೆ.