ನಿವೇದಿತಾ ಗೌಡ To ಧನರಾಜ್‌ ಆಚಾರ್: ರೀಲ್ಸ್ ವಿಡಿಯೋಗಳಿಂದ ರಿಯಾಲಿಟಿ ಶೋಗಳಲ್ಲಿ ಅವಕಾಶ ಗಿಟ್ಟಿಸಿಕೊಂಡವರಿವರು!

Author Sowmya Bairappa | Updated: Tuesday, October 1, 2024, 12:44 PM [IST]

ಇತ್ತೀಚೆಗೆ ಹಳ್ಳಿಯಿಂದ ಹಿಡಿದು ದಿಲ್ಲಿಯವರೆಗೂ ಕೂಡ ರೀಲ್ಸ್ ಮಾಡುವವರ ಸಂಖ್ಯೆಗೆನೂ ಕಡಿಮೆಯಿಲ್ಲ. ಟ್ರೆಂಡಿಂಗ್ ಸಾಂಗ್‌ಗಳಿಗೆ ಲಿಂಪ್ ಸಿಂಕ್ ಮಾಡಿ, ಹಾವಭಾವ ಸೇರಿಸಿ ರೀಲ್ಸ್ ಪೋಸ್ಟ್ ಮಾಡುವ ಅನೇಕರು ಇಂದು ಸೋಶಿಯಲ್ ಮೀಡಿಯಾ ಸ್ಟಾರ್‌ಗಳಾಗಿದ್ದಾರೆ. ನಗು, ಅಳು, ಭಾವನಾತ್ಮಕವಾಗಿ ತಟ್ಟುವ, ಖುಷಿಕೊಡುವ, ಕೋಪ ತರಿಸುವ ಈ ರೀಲ್ಸ್ ಜಗತ್ತಿಗೆ ಯಾರು ಬೇಕಾದ್ರೂ ಎಂಟ್ರಿಕೊಡಬಹುದು. ಅದಕ್ಕೆ ವಯಸ್ಸಿನ ಮಿತಿಯೂ ಇಲ್ಲ. ಹಲವು ರೀಲ್ಸ್ ವಿಡಿಯೋಗಳಿಂದ ಸಾಕಷ್ಟು ಆದಾಯ ಸಹ ಗಳಿಸಿದ್ದಾರೆ. ಇಲ್ಲಿ ಇನ್ನೂ ಕೆಲವರು ಸಿನಿಮಾ, ಸೀರಿಯಲ್‌ಗಳಲ್ಲಿ ನಟಿಸುವ ಅವಕಾಶವನ್ನೂ ಗಿಟ್ಟಿಸಿಕೊಂಡಿದ್ದಾರೆ. ಇಲ್ಲಿ ರೀಲ್ಸ್ ವಿಡಿಯೋಗಳಿಂದ ರಿಯಾಲಿಟಿ ಶೋಗಳಲ್ಲಿ ಅವಕಾಶ ಗಿಟ್ಟಿಸಿಕೊಂಡವರ ಪಟ್ಟಿ ನೀಡಲಾಗಿದೆ...

Table of content

ಫನ್ನಿ ರೀಲ್ಸ್ ವಿಡಿಯೋ ಮಾಡಿ ನೆಟ್ಟಿಗೆ ಮನಗೆದ್ದ ಮಂಗಳೂರಿನ ಪ್ರತಿಭೆ ಧನರಾಜ್ ಆಚಾರ್ 'ಗಿಚ್ಚಿ ಗಿಲಿಗಿಲಿ ಸೀಸನ್‌- 2' ಮೂಲಕ ಕನ್ನಡ ಕಿರುತೆರೆಗೆ ಎಂಟ್ರಿಕೊಟ್ಟಿದ್ದರು. ಎಲ್ಲಾ ವರ್ಗದವರಿಗೆ ಮನರಂಜನೆ ನೀಡುತ್ತಿರುವ ಧನರಾಜ್ ಆಚಾರ್‌ಗೆ ಪತ್ನಿ ಪ್ರಜ್ಞಾ ಹಾಗು ಕುಟುಂಬಸ್ಥರು ಕೂಡ ಬೆಂಬಲ ನೀಡುತ್ತಾರೆ. ಚಿಕ್ಕ ವಯಸ್ಸಿನಿಂದಲೂ ಬಹಳ ಪ್ರತಿಭಾವಂತರಾಗಿದ್ದ ಧನರಾಜ್ ಅವರ ಅಭಿನಯ ಮಾಡಬೇಕು ಎನ್ನುವ ಹುಚ್ಚು ಬಯಕೆಗೆ ಉತ್ತಮ ಸಾಧನವಾಗಿದ್ದು ಟಿಕ್‌ಟಾಕ್. ಹೀಗೆ ವೀಡಿಯೋಗಳನ್ನು ಮಾಡುತ್ತಾ ಜನರ ಮನ ಗೆದ್ದ ಇವರು, ಅಬ್ಬಬ್ಬ ಎಂಬ ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ.

ಹಾಯ್ ಫ್ರೆಂಡ್ಸ್ ಎಂದು ಎಲ್ಲಾ ವಿಷಯಗಳನ್ನು ರೀಲ್ಸ್ ಮಾಡಿ ಇನ್‌ಸ್ಟಾಗ್ರಾಮ್‌ನಲ್ಲಿ ಅಪಲೋಡ್ ಮಾಡ್ತಿದ್ದ ರೇಷ್ಮಾ ಅವರು ಇದೀಗ ಕನ್ನಡ ಕಿರುತೆರೆಗೆ ಎಂಟ್ರಿಕೊಟ್ಟಿದ್ದಾರೆ. ಇನ್‌ಸ್ಟಾದಲ್ಲಿ ಒಂದು ಲಕ್ಷಕ್ಕೂ ಅಧಿಕ ಫಾಲೋವರ್ಸ್ ಹೊಂದಿರುವ ರೇಷ್ಮಾ, ಗಿಚ್ಚಿ ಗಿಲಿಗಿಲಿ 3 ರಿಯಾಲಿಟಿ ಶೋಗೆ ಪ್ರವೇಶ ಮಾಡಿದ್ದಾರೆ. ಈ ವಿಷಯವನ್ನು ರೇಷ್ಮಾ ಅವರೇ ಗಿಚ್ಚಿ ಗಿಲಿಗಿಲಿ ಸೆಟ್‌ನಲ್ಲಿ ರೀಲ್ಸ್ ಮಾಡಿ, ಅಧಿಕೃತವಾಗಿ ತಿಳಿಸಿದ್ದಾರೆ. ಇಷ್ಟದಿನ ರೀಲ್ಸ್ ಮೂಲಕ ರಂಜಿಸುತ್ತಿದ್ದ ರೇಷ್ಮಾ, ಇನ್ಮುಂದೆ ರಿಯಾಲಿಟಿ ಶೋ ಮೂಲಕ ಮನೋರಂಜನೆ ನೀಡಲಿದ್ದಾರೆ.

ಟ್ಯಾಲೆಂಟೆಡ್ ಕಲಾವಿದ ಎಂಬ ಯೂಟ್ಯೂಬ್ ಚಾನೆಲ್ ಹಾಗೂ ರೀಲ್ಸ್ ಮೂಲಕ ಜನಪ್ರಿಯತೆ ಗಳಿಸಿದ್ದ ಪ್ರಶಾಂತ್ ಗೌಡ ಕೂಡ 'ಗಿಚ್ಚಿ ಗಿಲಿಗಿಲಿ 3' ರಿಯಾಲಿಟಿ ಶೋನಲ್ಲಿ ಮಿಂಚುತ್ತಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಅಮಾಯಕ ಅಂತಲೇ ಖ್ಯಾತಿ ಗಳಿಸಿರುವ ಇವರಿಗೆ ಇನ್‌ಸ್ಟಾದಲ್ಲಿ ೪ಕ್ಕೂ ಅಧಿಕಾ ಕಲಾವಿದರಿದ್ದಾರೆ. 'ಗಿಚ್ಚಿ ಗಿಲಿಗಿಲಿ ೩' ಬರುವ ಸದಾ ಅಣ್ಣ ಮಗನೊಂದಿಗೆ ವಿಭಿನ್ನ ರೀಲ್ಸ್ ಮಾಡಿ ರಂಜಿಸುತ್ತಿದ್ದರು. ಸಿರಿವಂತ ಕುಟುಂಬದಲ್ಲಿ ಬೆಳೆದ ಪ್ರಶಾಂತ್ ಗೌಡ, ಅದ್ಭುತವಾಗಿ ಡ್ಯಾನ್ಸ್ ಮಾಡುತ್ತಾರೆ

ರೀಲ್ಸ್ ಸ್ಟಾರ್ ಸೋನು ಶ್ರೀನಿವಾಸ್ ಗೌಡ ಗೊತ್ತಿಲ್ಲದವರಿಲ್ಲ. ಸೋಶಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟಿವ್ ಇರುವ ಸೋನು, ಅಷ್ಟೇ ನೆಗೆಟಿವ್ ಕಮೆಂಟ್‌ಗಳಿಗೆ ಹೆಸರುವಾಸಿ. ಜೊತೆಗೆ ಸಿಕ್ಕಾಪಟ್ಟೆ ಟ್ರೋಲ್‌ಗೆ ಗುರಿಯಾದವರು ಇವರೇ. ಸೋನು ಶ್ರೀನಿವಾಸ್ ಗೌಡ ಬಿಗ್‌ಬಾಸ್‌ ಕನ್ನಡ ಓಟಿಟಿ ಸೀಸನ್ 1ರಲ್ಲಿ ಭಾಗವಹಿಸಿದ್ದರು. ಇವರ ಎಂಟ್ರಿಗೆ ಹಲವು ಆಕ್ಷೇಪಗಳು ಕೂಡ ಕೇಳಿಬಂದಿತ್ತು. ಸದ್ಯ ಇವರು ಅಕ್ರಮವಾಗಿ ಮಗು ದತ್ತು ಪ್ರಕಕರಣದಲ್ಲಿ ಜೈಲು ಸೇರಿದ್ದಾರೆ. ಸೋನು ಅವರಿಗೆ ಇನ್‌ಸ್ಟಾಗ್ರಾಮ್‌ನಲ್ಲಿ 1 ಮಿಲಿಯನ್ ಫಾಲೋವರ್ಸ್ ಇದ್ದಾರೆ.

ಹೆಚ್ಚು ಓದಿ

ಚಂದನವನದಲ್ಲಿ ಗೊಂಬೆ ಎಂದೇ ಖ್ಯಾತಿ ಪಡೆದಿರುವ ನಿವೇದಿತಾ ಗೌಡ ಟಿಕ್‌ಟಾಕ್ ಮೂಲಕವೇ ಸ್ಟಾರ್ ಆದವರು.. ಟಿಕ್‌ಟಾಕ್ ವಿಡಿಯೋಗಳಿಂದ ಜನಪ್ರಿಯತೆ ಗಳಿಸಿದ್ದ ಅವರು, ಬಿಗ್‌ಬಾಸ್ ಸೀಸನ್ 5ರ ಮೂಲಕ ಕನ್ನಡ ಕಿರುತೆರೆ ಎಂಟ್ರಿಕೊಟ್ಟಿದ್ದರು. ಇದಾದ ಬಳಿಕ ರಾಜ-ರಾಣಿ, ಗಿಚ್ಚಿ ಗಿಲಿಗಿಲಿ ಹೀಗೆ ಹಲವು ರಿಯಾಲಿಟಿ ಶೋಗಳ ಮೂಲಕ ಕಿರುತೆರೆ ವೀಕ್ಷಕರನ್ನು ರಂಜಿಸುತ್ತಿದ್ದಾರೆ. ಇವರಿಗೂ ಇನ್‌ಸ್ಟಾಗ್ರಾಮ್‌ನಲ್ಲಿ ಒಂದು ಮಿಲಿಯನ್‌ಗೂ ಅಧಿಕ ಫಾಲೋವರ್ಸ್ ಇದ್ದಾರೆ.

ಹೆಚ್ಚು ಓದಿ