ಉಪ್ಪಿಯ ಯುಐ ಜೊತೆಗೆ ಈ ವಾರ ರಿಲೀಸ್ ಆಗುತ್ತಿರುವ ಟಾಪ್ 5 ಸಿನಿಮಾಗಳಿವು!

ರಿಯಲ್ ಸ್ಟಾರ್ ಉಫೆಂದ್ರ ನಿರ್ದೇಶಿಸಿ, ನಟಿಸಿರುವ 'ಯುಐ' ಸಿನಿಮಾ ಇದೇ ಡಿಸೆಂಬರ್ 20ರಂದು ಬಿಡುಗಡೆಯಾಗಲಿದೆ. ಉಪ್ಪಿ ಈ ಚಿತ್ರದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಜಗತ್ತಿನಲ್ಲಿ ಏನೆಲ್ಲಾ ಅನರ್ಥಗಳಾಗುತ್ತಿವೆ ಎಂಬುದನ್ನು ತಿಳಿಸಲು ಹೊರಟಿದ್ದಾರೆ. 2040ರ ವರ್ಷದಲ್ಲಿ ನಮ್ಮ ದೇಶ ಹೇಗಿರುತ್ತದೆ ಎಂಬುದನ್ನು ಕಲ್ಪಿಸಿಕೊಂಡು ಯುಐ ಚಿತ್ರದ ಕಥೆ ಬರೆದಿದ್ದಾರೆ. ಯುಐ ಸಿನಿಮಾದಲ್ಲಿ ರೀಷ್ಮಾ ನಾಣಯ್ಯ ನಾಯಕಿಯಾಗಿ ನಟಿಸಿದ್ದು, ಉಳಿದಂತೆ ಗುರುಪ್ರಸಾದ್ ನಿಧಿ ಸುಬ್ಬಯ್ಯ, ಅಚ್ಯುತ್ ಕುಮಾರ್, ಪ್ರಶಾಂತ್ ಸಂಬರಗಿ, ಸಾಧು ಕೋಕಿಲ, ಆರ್ಮುಗಂ ರವಿಶಂಕರ್, ಮುರಳಿ ಶರ್ಮಾ, ಕಾಕ್ರೋಚ್ ಸುಧಿ ಮುಂತಾದವರು ತಾರಾಗಣದಲ್ಲಿದ್ದಾರೆ. 9 ವರ್ಷಗಳ ಬಳಿಕ ಉಪ್ಪಿ ನಿರ್ದೇಶನದ ಸಿನಿಮಾ ನೋಡಲು ಪ್ರೇಕ್ಷಕರು ಕಾತರದಿಂದ ಕಾಯ್ತಿದ್ದಾರೆ.

ಕಾಲಿವುಡ್ ಖ್ಯಾತ ನಿರ್ದೇಶಕ ವೆಟ್ರಿಮಾರನ್ ಹಾಗೂ ವಿಜಯ್ ಸೇತುಪತಿ ಕಾಂಬಿನೇಷನ್‌ನ 'ವಿಡುದಲೈ 2' ಈ ವಾರ ಬಿಡುಗಡೆಯಾಗ್ತಿದೆ. ಕಳೆದ ವರ್ಷ ಮಾರ್ಚ್ ತಿಂಗಳಲ್ಲಿ ವಿಡುದಲೈ ಮೊದಲ ಭಾಗ ಬಿಡುಗಡೆಯಾಗಿತ್ತು. ಇದು ಖ್ಯಾತ ಬರಹಗಾರ ಜಯಮೋಹನ್ ಅವರ ಕಾದಂಬರಿ ಆಧಾರಿತ ಕಥೆಯಾಗಿತ್ತು. ಮೊದಲ ಭಾಗದಲ್ಲಿ ಸೂರಿ ನಾಯಕನಾಗಿ ಇಡೀ ಕಥೆ ಹೊತ್ತು ಸಾಗಿದ್ದರು. ಪಾರ್ಟ್‌ 2ನಲ್ಲಿ ಪೂರ್ತಿ ಕಥೆ ವಿಜಯ್ ಸೇತುಪತಿ ಹೆಗಲಿಗೆ ಜಾರಿದೆ.

ಮಲಯಾಳಂ ನಟ ಉನ್ನಿ ಮುಕುಂದನ್ ನಾಯಕನಾಗಿ ನಟಿಸಿರುವ ಆಕ್ಷನ್ ಥ್ರಿಲ್ಲರ್ ಸಿನಿಮಾ 'ಮಾರ್ಕೊ' ಕೂಡ ಈ ವಾರ ಬಿಡುಗಡೆಯಾಗ್ತಿದೆ. ಈ ಚಿತ್ರಕ್ಕೆ ಹನೀಫ್ ಅದೇನಿ ಆಕ್ಷನ್ ಕಟ್ ಹೇಳಿದ್ದು, ಕನ್ನಡದ ರವಿ ಬಸ್ರೂರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಮುಕುಂದನ್ ಜೊತೆಗೆ ಜಗದೀಶ್, ಸಿದ್ಧಿಕ್, ಅನ್ಸನ್ ಪೌಲ್, ಯುಕ್ತಿ ಥರೇಜಾ, ರಿಯಾಜ್ ಖಾನ್, ಜಿನು ಜೋಸೆಫ್, ಶ್ರೀಜಿತ್ ರವಿ ಮುಂತಾದವರು ತಾರಾಗಣದಲ್ಲಿದ್ದಾರೆ.

ಟಾಲಿವುಡ್‌ನಲ್ಲಿ ಸುಬ್ಬು ಮಂಗದೇವಿ ನಿರ್ದೇಶನದ ಆಕ್ಷನ್ ಡ್ರಾಮಾ 'ಬಚ್ಚಲ ಮಲ್ಲಿ' ಬಿಡುಗಡೆಯಾಗುತ್ತಿದೆ. ಚಿತ್ರದಲ್ಲಿ ಅಲ್ಲರಿ ನರೇಶ್ ನಾಯಕನಾಗಿ ನಟಿಸಿದರೆ, ಅಮೃತಾ ಅಯ್ಯರ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಹರಿತೇಜಾ, ಸಾಯಿಕುಮಾರ್ ತಾರಾಗಣದಲ್ಲಿದ್ದಾರೆ. ಬಚ್ಚಲ ಮಲ್ಲಿ 1990ರ ಕಾಲಘಟ್ಟದಲ್ಲಿ ಸಾಗಲಿದೆ.

ಹಾಲಿವುಡ್‌ನಲ್ಲಿ ಬಹಳಮಕುತೂಹಲ ಮೂಡಿಸಿರುವ 'ಮುಫಾಸಾ: ದಿ ಲಯನ್ ಕಿಂಗ್' ಈ ವಾರ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದೆ. 2019ರಲ್ಲಿ ಬಿಡುಗಡೆಯಾದ 'ದಿ ಲಯನ್ ಕಿಂಗ್' ಚಿತ್ರ ಪ್ರೀಕ್ವೆಲ್ ಇದಾಗಿದ್ದು, ಬ್ಯಾರಿ ಜೆಂಕಿನ್ಸ್ ನಿರ್ದೇಶನ ಮಾಡಿದ್ದಾರೆ. ಇಸು ಭಾರತದ ಭಾಷೆಗಳಿಗೆ ಡನ್‌ ಆಗಿ ತೆರೆಗೆ ಬರುತ್ತಿದ್ದು, ಸ್ಟಾರ್ ನಟರು ಈ ಸಿನಿಮಾದ ಪಾತ್ರಗಳಿಗೆ ಧ್ವನಿಯಾಗಿದ್ದಾರೆ.