ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶನದ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ಇದು ಉಪೇಂದ್ರ ನಿರ್ದೇಶನದ ಮೊದಲ ಚಿತ್ರ. ಈ ಚಿತ್ರದ ಮೂಲಕ ಕಾಶೀನಾಥ್ ರ ಸಹಾಯಕ ನಿರ್ದೇಶಕರಾಗಿದ್ದ ಉಪೇಂದ್ರ ಸ್ವತಂತ್ರ ನಿರ್ದೇಶಕರಾದರು. ಈ ಚಿತ್ರ ನಾಯಕನಾಗಿ ಜಗ್ಗೇಶ್ ಗೆ ಯಶಸ್ಸು ತಂದು ಕೊಟ್ಟಿತು.

ಶ್! ಕನ್ನಡದ ಅದ್ಭುತ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ. ಈ ಚಿತ್ರದಲ್ಲಿ ತಮ್ಮ ಗುರು ಕಾಶೀನಾಥ್ ರಿಗೆ ನಿರ್ದೇಶನ ಮಾಡಿದ್ದರು  ಉಪ್ಪಿ. ಈ ಚಿತ್ರದ ಮೂಲಕ ನಟನಾಗಿ ಮತ್ತು ಸಂಗೀತ ನಿರ್ದೇಶಕನಾಗಿ ಸಾಧು ಕೋಕಿಲಾ ಕನ್ನಡ ಚಿತ್ರರಂಗ ಪ್ರವೇಶಿಸಿದರು.

ಓಂ ಕನ್ನಡದ ಚಿತ್ರರಂಗದ ಮೈಲಿಗಲ್ಲು. ಈ ಚಿತ್ರದ ಕೆಲ ಪಾತ್ರಗಳಲ್ಲಿ ನಿಜವಾದ ರೌಡಿಗಳು ನಟಿಸಿದ್ದರು. ಈ ಚಿತ್ರ ದಾಖಲೆಷ್ಟು ಬಾರಿ ರೀ ರೀಲಿಸ್ ಆಗಿದೆ. ಬೆಂಗಳೂರು ಭೂಗತ ಲೋಕದ ಮೇಲೆ ಮೊದಲ ಬಾರಿಗೆ ವಿಸ್ತೃತವಾದ ಬೆಳಕು ಚೆಲ್ಲಿದ ಚಿತ್ರ ಓಂ.

ರೆಬೆಲ್ ಸ್ಟಾರ್ ಅಂಬರೀಶ್ ಗೆ ಆ್ಯಕ್ಸನ್ ಕಟ್ ಹೇಳಿದ ಉಪ್ಪಿ ಅಂಬಿಯ 1981 ರ ಬ್ಲಾಕ್ ಬ್ಲಸ್ಟರ್ ಚಿತ್ರ `ಅಂತ'ದ ಸಿಕ್ಚೆಲ್ ನಿರ್ದೇಶಿಸಿದರು.ಈ ಚಿತ್ರ ಬಾಕ್ಸಾಫೀಸಿನಲ್ಲಿ ಯಶಸ್ವಿಯಾಗದಿದ್ದರೂ ತನ್ನ ವಿಬಿನ್ನ ಮೇಕಿಂಗ್ ಮತ್ತು ಕಥಾವಸ್ತುವಿನಿಂದ ಕನ್ನಡದ ಒಂದು ಅದ್ಭುತ ಚಿತ್ರವಾಗಿ ಗುರುತಿಸಿಕೊಂಡಿದೆ.

ರಾಘವೇಂದ್ರ ರಾಜಕುಮಾರ್ ನಾಯಕತ್ವದಲ್ಲಿ ಮೂಡಿಬಂದ ಸ್ವಸ್ತಿಕ್ ಚಿತ್ರದಲ್ಲಿ ಉಪೇಂದ್ರ ಮೊದಲ ಬಾರಿಗೆ ಉಗ್ರವಾದದ ಕರಾಳ ಮುಖವನ್ನು ತೆರೆದಿಟ್ಟರು. ಇದು ಉಪೇಂದ್ರ ಬೇರೆ ನಟರಿಗೆ ನಿರ್ದೇಶಿಸಿದ ಕೊನೆಯ ಚಿತ್ರ.

ಉಪೇಂದ್ರ ನಿರ್ದೇಶಿಸಿ ನಾಯಕನಾಗಿ ನಟಿಸಿದ ಮೊದಲ ಚಿತ್ರ. ಈ ಚಿತ್ರ ಚಿತ್ರರಂಗದಲ್ಲಿನ ಕಾಸ್ಟಿಂಗ್ ಕೌಚ್ ಮೇಲೆ ಬೆಳಕು ಚೆಲ್ಲಿತು. ತೆಲುಗು   ಭಾಷೆಯಲ್ಲಿ ಡಬ್ ಆದ ಈ ಚಿತ್ರ ಆಂಧ್ರದಲ್ಲೂ ಶತದಿನೋತ್ಸವ ಆಚರಿಸಿತು.

1999 ರಲ್ಲಿ ತೆರೆಕಂಡ `ಉಪೇಂದ್ರ' ಚಿತ್ರ ಮನುಷ್ಯನ ಮೂರು ಭಾವನೆಗಳನ್ನು ಮೂರು ಪಾತ್ರದೊಂದಿಗೆ ಸಮೀಕರಿಸಿತು. ಈ ಚಿತ್ರ ಕನ್ನಡ,ತೆಲಗು ಮಾತ್ರವಲಲ್ಲದೇ ಜಪಾನ್ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನ ಕಂಡು ಮನ್ನಣೆ ಪಡೆಯಿತು.

ಉಪೇಂದ್ರ ಚಿತ್ರದ ನಂತರ ನಾಯಕನಾಗಿ ಮಿಂಚುತ್ತಿದ್ದ ಉಪ್ಪಿ ಸುದೀರ್ಘ ಹತ್ತು ವರ್ಷಗಳ ನಂತರ ಮತ್ತೇ ನಿರ್ದೇಶನ ಮಾಡಿದ ಚಿತ್ರ ಸೂಪರ್. ಈ ಚಿತ್ರದಲ್ಲಿ ಭಾರತ 2030 ರಲ್ಲಿ ಹೇಗಿರಬಹುದು ಎಂಬ ಕಲ್ಪನೆಯನ್ನು ತೋರಿಸಿದರು. ಭಾರತೀಯ  ರಾಜಕೀಯವನ್ನು  ವ್ಯಂಗವಾಗಿ ತೋರಿಸಿದ ಉಪ್ಪಿಯ `ಐ ಲವ್ ಇಂಡಿಯಾ, ಐ ಲವ್ ಇಂದಿರಾ' ಡೈಲಾಗ್ ಪ್ರಸಿದ್ಧಿಯಾಯಿತು.

ತಮ್ಮ ಸೂಪರ್ ಹಿಟ್ ಚಿತ್ರ ಉಪೇಂದ್ರ ಸಿಕ್ವೆಲ್ ಆಗಿ ಬಂದ ಉಪ್ಪಿ-2  ಚಿತ್ರ ವಾಸ್ತವದಲ್ಲಿ ಬದುಕುವ ಸಂದೇಶವನ್ನು ಹೇಳಿತು. ಸುಮಾರು 48 ಕೋಟಿ ಗಳಿಸಿದ ಈ ಚಿತ್ರ ಉಪ್ಪಿ ಜೀವನದ ಅತಿ ಹೆಚ್ಚು ಗಳಿಕೆ ಕಂಡ ಚಿತ್ರವಾಗಿ ದಾಖಲಾಯಿತು.