ದಳಪತಿ ವಿಜಯ್ ಟು ರಾಮ್‌ ಚರಣ್: ನಟನೆ ಜೊತೆಗೆ ಉದ್ಯಮವನ್ನೂ ನಡೆಸುತ್ತಿರುವ ಸ್ಟಾರ್‌ಗಳಿವರು!

ದಳಪತಿ ವಿಜಯ್ ದಕ್ಷಿಣ ಭಾರತದಲ್ಲಿ ಅತಿಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲೊಬ್ಬರು. ಅವರು ತಮ್ಮದೇ ಆದ ಸ್ವಂತ ಪ್ರೊಡಕ್ಷನ್ ಹೌಸ್ ಹೊಂದಿದ್ದಾರೆ. ಜೊತೆಗೆ ರಿಯಲ್‌ ಎಸ್ಟೇಟ್‌ನಲ್ಲಿ ದೊಡ್ಡ ಮಟ್ಟದಲ್ಲಿ ಬಂಡವಾಳ ಹೂಡಿದ್ದಾರೆ. ಚೆನ್ನೈನಲ್ಲಿ ಹಲವು ಮದುವೆ ಛತ್ರಗಳು, ಅಪಾರ್ಟ್‌ಮೆಂಟ್‌ಗಳು ನಟ ವಿಜಯ್ ಹೆಸರಿನಲ್ಲಿವೆ. ತಾಯಿ ಶೋಭಾ, ಮಗ ಸಂಜಯ್ ಮತ್ತು ಪತ್ನಿ ಸಂಗೀತ ಹೆಸರಿನಲ್ಲಿ ಸಾಕಷ್ಟು ಮದುವೆ ಛತ್ರಗಳು ಚೆನ್ನೈನಲ್ಲಿವೆ.

ಟಾಲಿವುಟ್ ನಟ ರಾಮ್ ಚರಣ್ ಬಹಳ ಬುದ್ಧಿವಂತ ಉದ್ಯಮಿ. ಸ್ವಂತ ಪ್ರೊಡಕ್ಷನ್ ಹೌಸ್ ಹೊಂದಿರುವ ಅವರು, ತಂದೆಯ ಸಿನಿಮಾಗಳ ಮೇಲೆ ಬಂಡವಾಳ ಹಾಕಿ ಹೆಚ್ಚು ಲಾಭ ಗಳಿಸುತ್ತಾರೆ. ಇದರೊಂದಿಗೆ ಟ್ರುಜೆಟ್ ಹೆಸರಿನ ಏರ್‌ಲೈನ್ಸ ಸಂಸ್ಥೆ ನಡೆಸುತ್ತಿದ್ದಾರೆ. ಇವರು ಹೈದರಾಬಾದ್ ಪೋಲೊ ಆಂಡ್ ರೈಡಿಂಗ್ ಕ್ಲಬ್‌ನ ಮಾಲೀಕರು ಕೂಡ. ರಾಮ್ ಚರಣ್ ಪತ್ನಿ ಅಪೊಲೊ ಗ್ರೂಪ್ ಆಫ್ ಹಾಸ್ಪಿಟಲ್ ಮಾಲೀಕರ ಮಗಳು. 

ನಟ ಅಕ್ಕಿನೇನಿ ನಾಗಾರ್ಜುನ ತೆಲುಗು ಸಿನಿಮಾರಂಗದ ಶ್ರೀಮಂತ ನಟ. ಮಾ ಟಿವಿಯಲ್ಲಿ ಬಹಳ ದೊಡ್ಡಮಟ್ಟದ ಪಾಲುದಾರಿಕೆ ಹೊಂದಿರುವ ಇವರು, ಹಲವು ರೆಸ್ಟೊರೆಂಟ್-ಬಾರ್‌ಗಳನ್ನು ಸಹ ಹೊಂದಿದ್ದಾರೆ. ಎನ್-ಗ್ರಿಲ್, ಎನ್ ಕನ್ವೆನ್ಷನ್ ಸೆಂಟರ್, ಎನ್ ಏಷಿಯನ್ ಇನ್ನೂ ಹಲವು ಬಾರ್-ರೆಸ್ಟೊರೆಂಟ್‌ಗಳು ನಾಗಾರ್ಜುನ ಹೆಸರಲ್ಲಿವೆ. ಎಲ್ಲಕ್ಕಿಂತಲೂ ಮುಖ್ಯವಾಗಿ ಅನ್ನಪೂರ್ಣೇಶ್ವರಿ ಸ್ಟುಡಿಯೋದ ಮಾಲೀಕರು ಇವರು. 

ಟಾಲಿವುಡ್ ನಟ ಅಲ್ಲು ಅರ್ಜುನ್ ಕೂಡ ನಟನೆ ಜೊತೆಗೆ ಹಲವು ಉದ್ಯಮ ನಡೆಸುತ್ತಿದ್ದಾರೆ. ಸ್ವಂತ ಪ್ರೊಡಕ್ಷನ್ ಹೌಸ್ ಹೊಂದಿರುವ ಇವರು, ಕೆಲ ಫ್ಯಾಷನ್ ಬ್ರ್ಯಾಂಡ್‌ಗಳ ಮೇಲೆ ಬಂಡವಾಳ ಹೂಡಿದ್ದಾರೆ. ಎಂ ಕಿಚನ್ಸ್‌ನಲ್ಲಿ ಬಂಡವಾಳ ಹೂಡಿರುವ ಈ ನಟ, ಬಫ್ಪೆಲೊ ವಿಂಗ್ಸ್ ಮತ್ತು 800 ಹೆಸರಿನ ಕ್ಲಬ್ ಮತ್ತು ರೆಸ್ಟೊರೆಂಟ್ ಚೈನ್‌ನ ಮಾಲೀಕರರು. ಇದರ ಜೊತೆಗೆ ಜಪಾನೀಸ್ ರೆಸ್ಟೊರೆಂಟ್, ನೈಟ್ ಕ್ಲಬ್, ಡಾನ್ಸ್ ಫ್ರೋರ್‌ಗಳನ್ನೂ ಸಹ ಅಲ್ಲು ಅರ್ಜುನ್ ಹೊಂದಿದ್ದಾರೆ. ಕೆಲ ವರ್ಷಗಳ ಹಿಂದೆ 'ಆಹಾ' ಒಟಿಟಿಯ ಮೇಲೆಯೂ ತಂದೆಯ ಜೊತೆ ಸೇರಿ ಪಾಲುದಾರಿಕೆಯಲ್ಲಿ ಹಣ ಹೂಡಿಕೆ ಮಾಡಿದ್ದಾರೆ. 

ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಅವರದ್ದು ಉದ್ಯಮದ ಹಿನ್ನೆಲೆಯಿರುವ ಕುಟುಂಬವೇ. ಆದ್ದರಿಂದ ತಮನ್ನ ಸಹ ಉದ್ಯಮದ ಕಡೆ ಒಲವು ಹೊಂದಿದ್ದು, ವೈಟ್ ಆಂಡ್ ಗೋಲ್ಡ್ ಹೆಸರಿನ ಆನ್‌ಲೈನ್ ಚಿನ್ನ ವ್ಯಾಪಾರ ಉದ್ಯಮ ಆರಂಭಿಸಿದ್ದಾರೆ. ಮಿಲ್ಕಿ ಬ್ಯೂಟಿ ತಂದೆ ಕೂಡ ಚಿನ್ನ ವ್ಯಾಪಾರ ಉದ್ಯಮ ಹೊಂದಿದ್ದಾರೆ.

ಮಾದ್ಯಮ ವರ್ಗದಿಂದ ನಟನೆಗೆ ಬಂದ ತಾಪ್ಸಿ ಪನ್ನು, ಸದ್ಯ ಬಾಲಿವುಡ್‌ನಲ್ಲಿ ಸಾಕಷ್ಟು ಬೇಡಿಕೆ ಹೊಂದಿರುವ ನಟಿಯಾಗಿ ಗುರಿತಿಸಿಕೊಂಡಿದ್ದಾರೆ. ತಾಪ್ಸಿ 'ವೆಡ್ಡಿಂಗ್ ಫ್ಯಾಕ್ಟರಿ' ಹೆಸರಿನ ಇವೆಂಟ್ ಮ್ಯಾನೇಜ್‌ಮೆಂಟ್ ಸಂಸ್ಥೆ ನಡೆಸ್ತಾರೆ. ಈ ಸಂಸ್ಥೆಯ ಕೆಲಸವನ್ನೂ ಅವರ ಸಹೋದರಿ ಶಗುನ್ ಪನ್ನು ಹಾಗೂ ಗೆಳೆಯ ಫರಾ ಪರಮೇಶ್ ನಡೆಸಿಕೊಂಡು ಹೋಗುತ್ತಾರೆ. ಕೆಲ ಪ್ಲ್ಯಾಟ್‌ಗಳನ್ನು ಈ ಬೆಡಗಿ ಖರೀದಿ ಮಾಡಿದ್ದಾರೆ.