2024ರಲ್ಲಿ ತಮ್ಮ ಕನಸಿನ ಮನೆ ಕಟ್ಟಿಸಿ ಗೃಹಪ್ರವೇಶ ಮಾಡಿದ ಕನ್ನಡದ ತಾರೆಯರಿವರು!

ಕನ್ನಡ ಚಿತ್ರರಂಗದ ಖ್ಯಾತ ನಟಿ ಶೃತಿ ಅವರು 2024ರ  ಡಿಸೆಂಬರ್ ತಿಂಗಳಲ್ಲಿ ಹೊಸ ಮನೆಗೆ ಕಾಲಿಟ್ಟಿರು. ಮಗಳು ಗೌರಿ ಹಾಗೂ ತಮಗಾಗಿ ಶೃತಿ ಈ ಮನೆಯನ್ನು ನಿರ್ಮಾಣ ಮಾಡಿದ್ದು, ಅದ್ಧೂರಿಯಾಗಿ ಗೃಪ್ರವೇಶ ಮಾಡಿದ್ದರು. ಇವರ ಮನೆಯ ಗೃಹಪ್ರವೇಶಕ್ಕೆ ಆತ್ಮೀಯ ಸ್ನೇಹಿತರಾದ ಸುಧಾರಾಣಿ, ಮಾಳವಿಕಾ, ತಾರಾ ಅನುರಾಧ, ತರುಣ್ ಸುಧೀರ್, ಸೋನಲ್, ಪ್ರಿಯಾಂಕಾ ಉಪೇಂದ್ರ, ಶಿಲ್ಪಾ ಗಣೇಶ್, ಅಮೂಲ್ಯ, ಪ್ರೇಮ್ ಸೇರಿದಂತೆ ಹಲವರು ಆಗಮಿಸಿದ್ದರು.

ಕಿರುತೆರೆ ನಟಿ, ನಿರೂಪಕಿ ಅನುಪಮ ಗೌಡ ಕೂಡ ಈ ವರ್ಷ ಹೊಸ ಮನೆಗೆ ಎಂಟ್ರಿಕೊಟ್ಟುದ್ದಾರೆ. ತಾವು ದುಡಿದ ಹಣದಿಂದ ಸ್ವಂತ ಮನೆ ಕಟ್ಟಿಸಿರುವ ಅನುಪಮಾ, ಅದಕ್ಕೆ ನಮ್ಮನೆ ಅಂತ ಹೆಸರಿಟ್ಟಿದ್ದಾರೆ. ಲಂಕೇಶ್ ಪತ್ರಿಕೆ ಸಿನಿಮಾ ಮೂಲಕ ಬಾಲ ಕಲಾವಿದೆಯಾಗಿ ಚಂದನವನ ಪ್ರವೇಶ ಪಡೆದ ಅನುಪಮಾ, ನಂತರ ಹಲವು ಧಾರಾವಾಹಿಗಳಲ್ಲಿ ನಟಿಸಿದರು. ಮಜಾ ಭಾರತ, ರಾಜ-ರಾಣಿ, ನನ್ನಮ್ಮ ಸೂಪರ್ ಸ್ಟಾರ್ ಕಾರ್ಯಕ್ರಮಗಳಲ್ಲಿ ನಿರೂಪಕಿಯಾಗಿಯೂ ಮೋಡಿ ಮಾಡಿದ್ದಾರೆ.

ಕನ್ನಡ ಜನಪ್ರಿಯ ನಟಿ ಸುಧಾರಾಣಿ ಕೂಡ 2024ರಲ್ಲಿ ಹೊಸ ಮನೆಯ ಒಡತಿಯಾಗಿದ್ದಾರೆ. ನೂತನ ಮನೆಯ ಗೃಹಪ್ರವೇಶ ಮಾಡಿರುವ ಈ ನಟಿ, ತಮ್ಮ ಮನೆಗೆ 'ಆಲಯಂ' ಅಂತ ಹೆಸರಿಟ್ಟಿದ್ದಾರೆ. ಒಂದು ಕಾಲದಲ್ಲಿ ಟಾಪ್ ಹೀರೋಯಿನ್ ಆಗಿ ಮಿಂಚಿದ್ದ ಇವರು, ಸದ್ಯ ಸುಧಾರಾಣಿ ಬೆಳ್ಳಿತೆರೆಯಿಂದ ಕಿರುತೆರೆಗೆ ಎಂಟ್ರಿಕೊಟ್ಟಿದ್ದಾರೆ. ಸುಧಾರಾಣಿ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಶ್ರೀರಸ್ತು ಶುಭಮಸ್ತು' ಧಾರಾವಾಹಿಯಲ್ಲಿ ನಾಯಕಿಯ ಪಾತ್ರದಲ್ಲಿ ನಟಿಸುತ್ತಿದ್ದು, ತುಳಸಿ ಪಾತ್ರದ ಮೂಲಕ ಕಿರುತೆರೆ ಪ್ರೇಕ್ಷಕರ ಮನಗೆದ್ದಿದ್ದಾರೆ.

ಸ್ಯಾಂಡಲ್‌ವುಡ್‌ನಲ್ಲಿ ಕೃಷ್ಣ ಅಂತಲೇ ಖ್ಯಾತಿ ಗಳಿಸಿರುವ ಅಜಯ್ ರಾವ್, ಈ ವರ್ಷ ಹೊಸ ಮನೆಗೆ ಕಾಲಿಟ್ಟರು. ತಮ್ಮ ನೂತನ ಮನೆಗೆ 'ಕೃಷ್ಣ ಶಿಖರ' ಅಂತ ಹೆಸರಿಟ್ಟಿರುವ ಅಜಯ್, ಅದ್ಧೂರಿಯಾಗಿ ಮನೆ ಗೃಹಪ್ರವೇಶ ಮಾಡಿದ್ದರು. ಅಜಯ್ ರಾವ್ ಗೃಹಪ್ರವೇಶಕ್ಕೆ ಚಂದನವನದ ಹಲವು ತಾರೆಯರು ಆಗಮಿಸಿದ್ದರು.

ಕನ್ನಡ ಹಲವಾರು ಚಿತ್ರಗಳಲ್ಲಿ ಪೋಷಕ ನಟಿಯಾಗಿ ಹಾಗೂ ನಾಯಕಿಯಾಗಿ ಅಭಿನಯಿಸಿರುವ ನಟಿ ತಾರಾ ಅನುರಾಧ ಕೂಡ ಈ ವರ್ಷ ಹೊಸ ಮನೆಗೆ ಕಾಲಿಟ್ಟರು. ಇವರ ಮನೆಯ ಗೃಹಪ್ರವೇಶಕ್ಕೆ ಸ್ಯಾಂಡಲ್‌ವುಡ್ ಹಲವು ತಾರೆಯರು ಆಗಮಿಸಿದ್ದರು. ತಾರಾ ಸದ್ಯ ನಟನೆ ಮಾತ್ರವಲ್ಲದೇ, ಕನ್ನಡ ಕಿರುತೆರೆಯ ಹಲವು ಕಾರ್ಯಕ್ರಮಗಳ ಜಡ್ಜ್ ಆಗಿಯೂ ಕಾರ್ಯನಿರ್ವಹಿಸುತ್ತಿದ್ದಾರೆ.

ಸ್ಯಾಂಡಲ್‌ವುಡ್ ನಟ ಶ್ರೀನಗರ ಕಿಟ್ಟಿ ಹಾಗೂ ಬಿಗ್‌ಬಾಸ್ ಸ್ಪರ್ಧಿ, ಲೇಖಕಿ ಭಾವನಾ ಬೆಳಗೆರೆ ಕೂಡ 2024ರಲ್ಲಿ ಹೊಸ ಮನೆಗೆ ಕಾಲಿಟ್ಟಿದ್ದಾರೆ. ಈ ಜೋಡಿ ತಮ್ಮ ಮನೆಗೆ 'ಗುಡ್ಡಿ ಮನೆ' ಅಂತ ಹೆಸರಿಟ್ಟಿದ್ದಾರೆ. ತಮ್ಮ ಪುತ್ರಿಯನ್ನು ಈ ದಂಪತಿ ಗುಡ್ಡಿ ಅಂತ ಕರೆಯುತ್ತಾರೆ. ಹೀಗಾಗಿ ತಮ್ಮ ಕನಸಿನ ಮನೆಗೆ ಅದೇ ಹೆಸರನ್ನು ಇಟ್ಟಿದ್ದಾರೆ.

ಸ್ಯಾಂಡಲ್‌ವುಡ್ ನಟಿ ಮೇಘನಾ ರಾಜ್ ಸರ್ಜಾ 2024ರ ನವೆಂಬರ್ ತಿಂಗಳಲ್ಲಿ ನೂತನ ಮನೆಗೆ ಕಾಲಿಟ್ಟರು. ಚಿರು ಆಸೆಯಂತೆ ಹೊಸ ಮನೆ ಪ್ರವೇಶಿಸಿದ ಮೇಘನಾ, ಅವರ ಹೆಸರು ಹಾಗೂ ತಮ್ಮ ಮಗನ ಹೆಸರು ಇಟ್ಟಿದ್ದಾರೆ. ಇವರ ಮನೆಯ ಗೃಹಪ್ರವೇಶಕ್ಕೆ ಕನ್ನಡ ಚಿತ್ರರಂಗದ ಅನೇಕ ತಾರೆಯರು ಆಗಮಿಸಿದ್ದರು.