ಬಾಕ್ಸಾಫೀಸ್‌ನಲ್ಲಿ ದಳವಾಯಿ ದರ್ಬಾರ್: 7ನೇ ದಿನ ಶಿವರಾಜ್‌ಕುಮಾರ್ ಘೋಸ್ಟ್ ಸಿನಿಮಾ ಗಳಿಸಿದ್ದಿಷ್ಟು?

ಎಂ.ಜಿ ಶ್ರೀನಿವಾಸ್ ಮತ್ತು ಶಿವರಾಜ್‌ಕುಮಾರ್ ಕಾಂಬಿನೇಷನ್‌ನ 'ಘೋಸ್ಟ್' ಸಿನಿಮಾ ಮೊದಲ ದಿನ 1.4 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಇನ್ನೂ ಎರಡನೇ ದಿನ (ಅಕ್ಟೋಬರ್ 20)ರಂದು 1.1 ಕೋಟಿ ರೂಪಾಯಿ ಗಳಿಸಿತ್ತು. ನಂತರ ಮೂರನೇ ದಿನ 1.25, ನಾಲ್ಕನೇ ದಿನ 1.2 ಕೋಟಿ, ಐದನೇ ದಿನ 1.2 ಕೋಟಿ ಹಾಗೂ ಆರನೇ ದಿನ 1.30 ಗಳಿಸಿತ್ತು.

ಆರನೇ ದಿನ ಘೋಸ್ಟ್ ಸಿನಿಮಾಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿತ್ತು. ವಿಜಯದಶಮಿ ಪ್ರಯುಕ್ತ ರಜೆಯಿದ್ದ ಕಾರಣ ಪ್ರೇಕ್ಷಕರು ಸಿನಿಮಾ ನೋಡಲು ಮುಗಿಬಿದ್ದಿದ್ದರು. ಸಾಕಷ್ಟು ಥಿಯೇಟರ್‌ಗಳ ಮುಂದೆ ಹೌಸ್‌ಫುಲ್ ಬೋರ್ಡ್ ಬಿದ್ದಿದ್ದವು. ಅದೇ ರೀತಿ ಏಳನೇ ದಿನವೂ ಘೋಸ್ಟ್ ಸಿನಿಮಾ ಆರ್ಭಟ ಮುಂದುವರೆದಿದ್ದು, ಸಿನಿಮಾ 1 ಕೋಟಿಯಿಂದ 1.50 ಕೋಟಿಯ ವರೆಗೆ ಗಳಿಕೆ ಮಾಡಿರಬಹುದು ಎಂದು ಬಾಕ್ಸಾಫೀಸ್ ಪಂಡಿತರು ಅಭಿಪ್ರಾಯಪಟ್ಟಿದ್ದಾರೆ.  

ಘೋಸ್ಟ್ ಸಿನಿಮಾ ಬಿಡುಗಡೆಯಾದ ಆರಂಭದಲ್ಲಿ ಪ್ರೇಕ್ಷಕರಿಂದ ಅಷ್ಟೊಂದು ರೆಸ್ಪಾನ್ಸ್ ಸಿಕ್ಕಿರಲಿಲ್ಲ. ನಂತರ ದಿನಗಳಲ್ಲಿ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣುತ್ತಿದ್ದು, ಸಿನಿರಸಿಕರು ಶಿವಣ್ಣನ ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ. ಸೆಂಚುರ ಸ್ಟಾರ್ ಶಿವಣ್ಣ 61ನೇ ವಯಸ್ಸಿನಲ್ಲೂ ಮಾಸ್ ಹೀರೊಗಳಿಗೆ ಟಕ್ಕರ್ ಕೊಡುತ್ತಿದ್ದಾರೆ. ಅದೆಷ್ಟೇ ದೊಡ್ಡ ಸಿನಿಮಾಗಳು ಬಂದರೂ ಕರ್ನಾಟಕದಲ್ಲಿ ಕನ್ನಡಿಗರು 'ಘೋಸ್ಟ್' ಸಿನಿಮಾಗೆ ಜೈ ಎಂದಿದ್ದಾರೆ. ಶೋಗಳ ಸಂಖ್ಯೆ ಕೂಡ ಹೆಚ್ಚುತ್ತಿದೆ. 

ಘೋಸ್ಟ್ ಸಿನಿಮಾದಲ್ಲಿ ಶಿವರಾಜ್‌ಕುಮಾರ್ ವಿಭಿನ್ನ ಶೇಡ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಒಂದು ಗ್ಯಾಂಗ್‌ಸ್ಟರ್ ದಳವಾಯಿ ಪಾತ್ರ ಮತ್ತೊಂದು ಘೋಸ್ಟ್ ಪಾತ್ರ. ಇದೊಂದು ಥ್ರಿಲ್ಲರ್ ಮಾದರಿಯ ಕಥೆಯಾಗಿದ್ದು, ಬಹುತೇಕ ಜೈಲಿನಲ್ಲಿ ನಡೆಯಲಿದೆ. ಸಿನಿಮಾದಲ್ಲಿ ಮಲಯಾಳಂ ನಟ ಜಯರಾಮ್ ಹಾಗೂ ಶಿವಣ್ಣ ನಡುವೆ ಸಾಕಷ್ಟು ಜಿದ್ದಾಜಿದ್ದಿ ನಡೆಯಲಿದ್ದು, ಸಖತ್ ಇಂಟರೆಸ್ಟಿಂಗ್ ಆಗಿದೆ. 

'ಘೋಸ್ಟ್‌' ಸಿನಿಮಾದಲ್ಲಿ ಒಂದು ಜೈಲ್ ಹೈಜಾಕ್ ಮಾಡುವ ಕಥೆಯನ್ನು ಹೆಣೆಯಲಾಗಿದೆ. ಆ ಹೈಜಾಕ್ ಮಾಡೋದು ಶಿವಣ್ಣ. ಶಿವರಾಜ್‌ಕುಮಾರ್ ಹಾಗೂ ಮಲಯಾಳಂ ಜಯರಾಮ್ ನಡುವಿನ ಜಿದ್ದಾಜಿದ್ದಿ ಈ ಚಿತ್ರದ ಹೈಲೈಟ್. ಘೋಸ್ಟ್‌ನಲ್ಲಿ ಶಿವಣ್ಣನ ಗ್ಯಾಂಗ್‌ಸ್ಟರ್ ಲುಕ್ ಪ್ರೇಕ್ಷಕರಿಗೆ ಸಖತ್ ಕಿಕ್ ಕೊಡುತ್ತೆ. ಇಡೀ ಸಿನಿಮಾದಲ್ಲಿ ಶಿವಣ್ಣನ ಆಂಗ್ರಿ ಯಂಗ್ ಮ್ಯಾನ್ ಲುಕ್ ಇಷ್ಟವಾಗುತ್ತೆ. ಇದರೊಂದಿಗೆ ಪಟ-ಪಟನೇ ಸಾಗುವ ಸ್ಕ್ರೀನ್ ಪ್ಲೇ ಪ್ರೇಕ್ಷಕರನ್ನು ಎಂಗೇಜಿಂಗ್ ಆಗಿ ಇಡುತ್ತದೆ. ಚಿತ್ರದಲ್ಲಿ ಶಿವರಾಜ್‌ಕುಮಾರ್ ಲುಕ್, ಮ್ಯಾನರಿಸಂ ಹಾಗೂ ಡೈಲಾಗ್ ಡಿಲೇವರಿ ಫ್ಯಾನ್ಸ್‌ಗಂತೂ ಸಖತ್ ಕಿಕ್ ಕೊಡುತ್ತೆ. ಜೊತೆಗೆ ಅರ್ಜುನ್ ಜನ್ಯ ಸಂಗೀತ ಘೋಸ್ಟ್‌ನಲ್ಲಿ ಹೀರೋ ಎನ್ನಬಹುದು.