40 ವರ್ಷ ಕಳೆದರೂ ಮದುವೆಯಾಗದ ಸ್ಯಾಂಡಲ್‌ವುಡ್ ನಟರಿವರು!

ಖ್ಯಾತ ಚಿತ್ರ ನಿರ್ದೇಶಕ ಮತ್ತು ನಿರ್ಮಾಪಕ ರಾಜೇಂದ್ರ ಸಿಂಗ್ ಬಾಬು ಅವರ ಪುತ್ರನಾಗಿರುವ ನಟ ಆದಿತ್ಯ,  2004ರಲ್ಲಿ ತೆರೆಕಂಡ ಲವ್ ಸಿನಿಮಾ ಮೂಲಕ ಚಂದನವನ ಪ್ರವೇಶಿಸಿದರು. ಆನಂತರ 2005ರಲ್ಲಿ ತೆರೆಕಂಡ ಡೆಡ್ಲಿ ಸೋಮ ಚಿತ್ರದಿಂದ ಬ್ರೇಕ್ ಪಡೆದರು. ನಟನೆ ಜೊತೆಗೆ ತಮ್ಮ ತಂದೆ ನಿರ್ದೇಶಿಸುತ್ತಿದ್ದ ಕೆಲವು ಚಿತ್ರಗಳನ್ನು ನಿರ್ಮಿಸಿರುವ ಆದಿತ್ಯ ಅವರಿಗೆ ಈಗ 46 ವರ್ಷ. ಇವರು 1978ರ ಮೇ 04ರಂದು ಜನಿಸಿದ್ದು, ಇನ್ನೂ ಮದುವೆಯಾಗದೇ ಸಿಂಗಲ್ ಆಗಿಯೇ ಉಳಿದಿದ್ದಾರೆ.

1983ರ ಜೂನ್  6ರಂದು ಜನಿಸಿದ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅವರಿಗೀಗ 41 ವರ್ಷ. ಆದರೂ ಕೂಡ ಮದುವೆಯಾಗದೇ ಸಿಂಗಲ್ ಆಗಿ ಉಳಿದಿದ್ದಾರೆ.  2017ರ ಜುಲೈ 5ರಂದು ರಕ್ಷಿತ್ ಶೆಟ್ಟಿ ಹಾಗೂ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅದ್ಧೂರಿಯಾಗಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದರು. ಬಳಿಕ ಇವರಿಬ್ಬರ ನಡುವೆ 14 ವರ್ಷಗಳ ಅಂತರವಿದೆ ಎಂಬ ವಿಚಾರ ಸದ್ದು ಮಾಡಿತ್ತು. ಆದರೆ, ಈ ಜೋಡಿ ಇದಕ್ಕೆ ತಲೆಕೆಡಿಸಿಕೊಂಡಿರಲಿಲ್ಲ. ಆದರೆ. 2018ರ ಅಕ್ಟೋಬರ್ ತಿಂಗಳಲ್ಲಿ ರಶ್ಮಿಕಾ ಅವರು ರಕ್ಷಿತ್ ಜೊತೆಗಿನ ನಿಶ್ಚಿತಾರ್ಥ ಮುರಿದುಕೊಂಡಿದ್ದರು.

2003ರಲ್ಲಿ ಖುಷಿ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ತರುಣ್ ಚಂದ್ರ, ಗೆಳೆಯ, ಲವ್ ಗುರು, ಸ್ನೇಹಿತರು, ಪರಿಚಯ, ಗಾನಾ ಬಜಾನ ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿದ್ದಾರೆ. 1983ರ ಏಪ್ರಿಲ್  27ರಂದು ಜನಿಸಿದ ತರುಣ್  ಅವರಿಗೀಗ 41 ವರ್ಷ. ಆದರೂ ಕೂಡ ಮದುವೆಯಾಗದೇ ಸಿಂಗಲ್ ಆಗಿ ಉಳಿದಿದ್ದಾರೆ. ಇವರು ಸಿನಿಮಾರಂಗದಲ್ಲೂ ಅಷ್ಟು ಸಕ್ರಿಯವಾಗಿಲ್ಲ.

2006ರಲ್ಲಿ ತೆರೆಕಂಡ `ಗಂಡಹೆಂಡತಿ' ಚಿತ್ರದ ಮೂಲಕ ಸಿನಿಪಯಣ ಆರಂಭಿಸಿದ ನಟ ತಿಲಕ್ ಶೇಖರ್,  ಮುಂದೆ ಹಲವಾರು ಚಿತ್ರಗಳಲ್ಲಿ ನಾಯಕ, ಖಳನಾಯಕ ಮತ್ತು ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಪೈಕಿ ಉಗ್ರಂ ಸಿನಿಮಾದಲ್ಲಿನ ಇವರ 'ಬಾಲ' ಪಾತ್ರಕ್ಕೆ ಪ್ರೇಕ್ಷಕರು ಫಿದಾ ಆಗಿದ್ದರು. 1982ರ ಮಾರ್ಚ್ 14ರಂದು ಜನಿಸಿದ ಇವರಿಗೀಗ 42 ವರ್ಷ ವಯಸ್ಸು. ಆದರೂ ಮದುವೆಯಾಗದೇ ಸಿಂಗಲ್ ಆಗಿ ಉಳಿದಿದ್ದಾರೆ.

ಸ್ಯಾಂಡಲ್‌ವುಡ್‌ನ ಖ್ಯಾತ ಖಳನಟ ಕೀರ್ತಿರಾಜ್ ಮಗನಾದ ಧರ್ಮ ಕೀರ್ತಿರಾಜ್, ನವಗ್ರಹ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟರು. ನವಗ್ರಹ ಚಿತ್ರದಲ್ಲಿ ಇವರು ಮತ್ತು ಶರ್ಮಿಳಾ ಮಾಂಡ್ರೆ ಅಭಿನಯದ `ಕಣ್ಣ ಕಣ್ಣ ಸಲಿಗೆ' ಹಾಡು ಇಂದಿಗೂ ಜನಪ್ರಿಯ. ಇದಾದ ಬಳಿಕ 2009ರಲ್ಲಿ ಒಲವೇ ವಿಸ್ಮಯ ಸಿನಿಮಾ ಮೂಲಕ ಪರಿಪೂರ್ಣ ನಾಯಕನಾದರು. 1984 ಜುಲೈ 6ರಂದು ಜನಿಸಿದ ಧರ್ಮ ಕೀರ್ತಿರಾಜ್ ಅವರಿಗೀಗ 40 ವರ್ಷ. ಇವರು ಕೂಡ ಮದುವೆಯಾಗದೇ ಸಿಂಗಲ್ ಆಗಿ ಉಳಿದಿದ್ದಾರೆ.

ಚಿಕ್ಕಣ್ಣ ಕನ್ನಡ ಚಿತ್ರರಂಗದ ಬಹುಬೇಡಿಕೆಯ ಹಾಸ್ಯನಟರಾಗಿ ಗುರುತಿಸಿಕೊಂಡಿದ್ದಾರೆ. ಇವರು ತೆರೆಮೇಲೆ ಕಾಣಿಸಿಕೊಂಡರೆ ಸಾಕು ಪ್ರೇಕ್ಷಕರಿಗೆ ಮನರಂಜನೆಯ ರಸದೌತಣ ಸಿಗೋದು ಗ್ಯಾರಂಟಿ. ತಮ್ಮ ವಿಶಿಷ್ಟ ಮ್ಯಾನರಿಸಂನಿಂದ ಪ್ರೇಕ್ಷಕರಿಗೆ ಕಚಗುಳಿಯಿಡುವ ಚಿಕ್ಕಣ್ಣ, ಇನ್ನು ಮದುವೆಯಾಗಿಲ್ಲ. 1986ರ ಜೂನ್ 22ರಂದು ಜನಿಸಿದ್ದು, ಅವರಿಗೀಗ 38 ವರ್ಷ. ಸೋಶಿಯಲ್ ಮೀಡಿಯಾದಲ್ಲಿ ಮಾತ್ರ ಆಗಾಗ ಚಿಕ್ಕಣ್ಣ ಮದುವೆ ವಿಚಾರ ಸದ್ದು ಮಾಡುತ್ತಲೇ ಇರುತ್ತದೆ.