Happy Birthday: ಪತ್ರಕರ್ತ, ಬರಹಗಾರ ರವಿ ಬೆಳೆಗೆರೆ ಅಭಿನಯದ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ರವಿ ಬೆಳೆಗೆರೆ ಮೊದಲ ಬಾರಿಗೆ ಬೆಳ್ಳಿತೆರೆಯ ಮೇಲೆ ಕಾಣಿಸಿಕೊಂಡಿದ್ದು, ವಾರಸ್ಥಾರ ಸಿನಿಮಾ ಮೂಲಕ. ಈ ಚಿತ್ರ 2008ರಲ್ಲಿ ಬಿಡುಗಡೆಯಾಗಿತ್ತು. ನಿರ್ದೇಶಕ ಗುರು ದೇಶಪಾಂಡೆ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದರು. ತಮ್ಮ ಮೊದಲ ಸಿನಿಮಾದಲ್ಲಿಯೇ ರವಿ ಬೆಳೆಗೆರೆ ಅವರು 'ಡಾನ್' ಪಾತ್ರ ನಿರ್ವಹಿಸಿದ್ದರು. ಹಿಂದಿಯ 'ಗಾಡ್ ಫಾದರ್' ಸಿನಿಮಾದ ಪ್ರೇರಣೆಯಿಂದ ವಾರಸ್ಥಾರ ಸಿನಿಮಾ ಮಾಡಿದ್ದು, ಸಂಜನಾ ಮತ್ತ್ತು ಅಶ್ವಿನಿ ಚಿತ್ರದ ನಾಯಕಿಯರಾಗಿ ಅಭಿನಯಿಸಿದ್ದರು.  

ರವಿ ಬೆಳೆಗೆರೆ ನಟನೆಯ ಎರಡನೇ ಸಿನಿಮಾ ಗಂಡ ಹೆಂಡತಿ. ಈ ಸಿನಿಮಾದಲ್ಲಿ ಇನ್ವೆಸ್ಟಿಗೇಷನ್ ಆಫೀಸರ್ ಆಗಿ ಬೆಳೆಗೆರೆ ಖದರ್ ತೋರಿಸಿದ್ದರು. ಗಂಡ ಹೆಂಡತಿ ಚಿತ್ರದಲ್ಲಿ ದಂಪತಿಗೆ ಬುದ್ದಿ ಹೇಳಿ ಒಂದು ಮಾಡುವ ಪಾತ್ರ ಅವರದ್ದಾಗಿತ್ತು. ಈ ಸಿನಿಮಾದಲ್ಲಿ ಸಂಜನಾ ಗಲ್ರಾನಿ ಮತ್ತು ತಿಲಕ್ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದರು.  

ಮಾದೇಶ ಸಿನಿಮಾದಲ್ಲಿ ರವಿ ಬೆಳೆಗೆರೆ ಬೆಂಗಳೂರಿನ ರಿಯಲ್ ರೌಡಿ ಆಯಿಲ್ ಕುಮಾರನ ಪಾತ್ರ ನಿರ್ವಹಿಸಿದ್ದರು. ಈ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಜೊತೆ ರವಿ ಬೆಳೆಗೆರೆ ಅವರು ತೆರೆ ಹಂಚಿಕೊಂಡಿದ್ದು, ಮತ್ತೊಂದು ವಿಶೇಷವಾಗಿತ್ತು. ರವಿ ಶ್ರೀವತ್ಸ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದರು. ಚಿತ್ರಕ್ಕೆ ತಮ್ಮ ನಟನೆ ಮೂಲಕ ಬೆಳೆಗೆರೆ ಹೊಸ ರೂಪ ಕೊಟ್ಟಿದ್ದರು.  

2005ರಲ್ಲಿ ತೆರೆಕಂಡ 'ಡೆಡ್ಲಿ ಸೋಮ' ಸಿನಿಮಾ ಉತ್ತಮ ಯಶಸ್ಸು ಕಂಡಿತ್ತು. ಈ ಸಿನಿಮಾಗೆ ರವಿ ಬೆಳಗೆರೆ ಅವರೇ ಕಥೆ ಬರೆದಿದ್ದರು. ಬೆಂಗಳೂರಿನ ರೌಡಿ 'ಡೆಡ್ಲಿ ಸೋಮನ' ಕಥೆ ಈ ಚಿತ್ರದಲ್ಲಿತ್ತು. ಈ ಚಿತ್ರವನ್ನು ಕೂಡ ರವಿ ಶ್ರೀವತ್ಸ ಅವರೇ ನಿರ್ದೇಶನ ಮಾಡಿದ್ದರು. ನಟ ಆದಿತ್ಯ ಡೆಡ್ಲಿ ಸೋಮನ ಪಾತ್ರ ನಿರ್ವಹಿಸಿದ್ದು, ರವಿ ಬೆಳೆಗೆರೆ ಅವರ ಪವರ್ ಫುಲ್ ಧ್ವನಿಯಿತ್ತು. 

'ಈ ರಾಜೀವ್ ಗಾಂಧಿ ಅಲ್ಲ' ಎಂಬ ಸಿನಿನಿಮಾದಲ್ಲಿ ರವಿ ಬೆಳೆಗೆರೆ ನಟಿಸಿದ್ದರು.  ಈ ಸಿನಿಮಾದಲ್ಲಿ ರಕ್ಷಿತಾ ಹಾಗೂ ವಿಜಯ್ ರಾಘವೇಂದ್ರ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು, ರವಿ ಶ್ರೀವತ್ಸ ಆಕ್ಷನ್ ಕಟ್ ಹೇಳಿದ್ದರು. ನಟನೆ ಮಾತ್ರವಲ್ಲದೆ ತೆರೆಯ ಹಿಂದೆ ಕೂಡ ರವಿ ಬೆಳೆಗೆರೆ ತಮ್ಮ ಪ್ರತಿಭೆ ತೋರಿದ್ದರು. ಇವರು 'ಎನ್ ಕೌಟರ್ ದಯಾನಾಯಕ್' ಸಿನಿಮಾಗೆ ಖಡಕ್ ಡೈಲಾಗ್ ಕೂಡ ಬರೆದಿದ್ದರು.