ಈ 5 ಕಾರಣಗಳಿಗಾಗಿ ನೀವು ಕನ್ನಡದ 'ಘೋಸ್ಟ್' ಸಿನಿಮಾ ಮಿಸ್ ಮಾಡದೇ ನೋಡಲೇಬೇಕು!

ಘೋಸ್ಟ್ ಸಿನಿಮಾದಲ್ಲಿ ಡಿ ಏಜಿಂಗ್ ಎಂಬ ವಿಶೇಷ ಟೆಕ್ನಿಕ್‌ವೊಂದು ಬಳಕೆ ಮಾಡಲಾಗಿದೆ. ಇದರಿಂದ ಸಿನಿಮಾದಲ್ಲಿ ಶಿವರಾಜ್‌ಕುಮಾರ್ ಅವರ ಯಂಗ್ ಲುಕ್‌ ಕಾಣಬಹುದು. ಘೋಸ್ಟ್‌ನಲ್ಲಿ ಶಿವಣ್ಣ ಮೂರ್ನಾಲ್ಕು ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದು, ಸಿನಿರಸಿರಿಗೆ ಇದು ಹೊಸದೊಂದು ಅನುಭವ ನೀಡಲಿದೆ. ಚಿತ್ರದ ಕಥೆಯಲ್ಲಿ ಗ್ಯಾಂಗ್‌ಸ್ಟರ್ ಕಥೆ ಬರಲಿದ್ದು, ಪ್ಲ್ಯಾಶ್ ಬ್ಯಾಕ್ ಸ್ಟೋರಿ ಕೂಡ ಇದೆ. ಹೀಗಾಗಿ, ಹ್ಯಾಟ್ರಿಕ್ ಹೀರೋಗೆ ಡಿ ಏಜಿಂಗ್ ಟೆಕ್ನಿಕ್ ಬಳಸಿ ಯಂಗ್ ಲುಕ್ ನೀಡಲಾಗಿದೆ. ಇದರಿಂದ ಆರಂಭದಲ್ಲಿದ್ದ ಶಿವಣ್ಣನ ಲುಕ್‌ನ್ನು ನೀವು ಈಗಲೂ ಕಣ್ತುಂಬಿಕೊಳ್ಳಬಹುದು.

ಘೋಸ್ಟ್‌ನಲ್ಲಿ ಮತ್ತೊಂದು ಐಡಿಯಾ ಉಪಯೋಗಿಸಲಾಗಿದೆ. ನಿರ್ದೇಶಕ ಎಂ.ಜಿ ಶ್ರೀನಿವಾಸ್ ತಮ್ಮ ಬೀರ್‌ಬಲ್ ಟ್ರಯಾಲಜಿ ಚಿತ್ರದ ಬೀರ್‌ಬಲ್ ಪಾತ್ರವನ್ನೂ ಘೋಸ್ಟ್‌ನಲ್ಲಿ ತಂದಿದ್ದಾರೆ. ಬೀರ್‌ಬಲ್ ಇಲ್ಲಿ ಘೋಸ್ಟ್ ಬೇಟಿಯಾಗೋಕೆ ಒಂದು ಟೆಕ್ನಿಕ್ ಇದೆ. ಈ ಮೂಲಕ ಕನ್ನಡದಲ್ಲಿ ಇದುವರೆಗೂ ಯಾರೂ ಮಾಡದ ಸಾಹಸವನ್ನು ಘೋಸ್ಟ್ ಡೈರೆಕ್ಟರ್ ಮಾಡಿದ್ದಾರೆ.  

ಘೋಸ್ಟ್ ಸಿನಿಮಾ ಮೂಲಕ ಮಾಲಿವುಡ್ ಹಾಗೂ ಬಾಲಿವುಡ್ ನಟರಿಬ್ಬರು ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟಿದ್ದಾರೆ. ಬಾಲಿವುಡ್‌ ನಟ ಅನುಪಮ್ ಖೇರ್ ಘೋಸ್ಟ್‌ನಲ್ಲಿ ಪ್ರಮುಖ ಪಾತ್ರವೊಂದನ್ನು ನಿರ್ವಹಿಸಿದ್ದಾರೆ. ಜೊತೆಗೆ ಮಲಯಾಳಂ ನಟ ಜಯರಾಮ್ ಕೂಡ ಕನ್ನಡಕ್ಕೆ ಕಾಲಿಟ್ಟಿದ್ದಾರೆ. ಸಿನಿಮಾದಲ್ಲಿ ಇಬರಿಬ್ಬರ ಪಾತ್ರಗಳ ಬಗ್ಗೆ ಸಾಕಷ್ಟು ಕುತೂಹಲ ಹಾಗೂ ನಿರೀಕ್ಷೆಗಳಿವೆ. 

ಘೋಸ್ಟ್ ಸಿನಿಮಾಗೆ ಇರಾನ್ ವಿಎಫ್‌ಎಕ್ಸ್ ತಂಡ ಕೆಲಸ ಮಾಡಿದೆ. ಈ ಹಿಂದೆ ಈ ಟೀಮ್ ತೆಲುಗಿನ ಆರ್‌ಆರ್ಆರ್ ಚಿತ್ರದಲ್ಲಿ ಕೆಲಸ ಮಾಡಿತ್ತು. ಜೊತೆಗೆ ಮಣಿರತ್ನಂ ಅವರ ಪೊನ್ನಿಯಲ್ ಸೆಲ್ವನ್ ಸಿನಿಮಾಗೂ ಕೆಲಸ ಮಾಡಿದೆ. ಇದೀಗ ಈ ತಂಡವನ್ನು ಕನ್ನಡಕ್ಕೆ ಕರೆತರಲಾಗಿದ್ದು, ನಿರ್ದೇಶಕರು ಹೊಸ ಅದ್ಭುತವನ್ನೇ ಸೃಷ್ಟಿಸಿದ್ದಾರೆ. 

ಶಿವಣ್ಣನ ಘೋಸ್ಟ್ ಸಿನಿಮಾಗೆ ಸ್ಯಾಂಡಲ್‌ವುಡ್‌ನ ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಅದ್ಭುತ ಸಂಗೀತದ ಜೊತೆಗೆ ಟ್ಯ್ರಾಪ್ ಮ್ಯೂಸಿಕ್ ಕೂಡ ಸಿಕ್ಕಾಪಟ್ಟೆ ಗಮನ ಸೆಳೆಯುತ್ತಿದೆ. ಒಟ್ಟಾರೆ ಘೋಸ್ಟ್‌ನಲ್ಲಿ ಅರ್ಜುನ್ ಜನ್ಯ ಮ್ಯೂಸಿಕ್ ಕೂಡ ಕಮಾಲ್ ಮಾಡಲಿದೆ.