ಶರತ್ ಬಾಬು ನಟನೆಯ ಪ್ರಮುಖ ಕನ್ನಡ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ಶರತ್ ಬಾಬು ನಟನೆಯ ಮೊದಲ ಕನ್ನಡ ಸಿನಿಮಾ ತುಳಸಿದಳ. ಇದೊಂದು ಹಾರರ್ ಸಿನಿಮಾವಾಗಿದ್ದು, ಶರತ್ ಬಾಬು, ಆರತಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾ ದುರಾಸೆಯಿಂ ಮನುಷ್ಯ ಹೇಗೆ ಮಕ್ಕಳನ್ನು ಕೊಲ್ಲು ಮುಂದಾಗುತ್ತಾನೆ ಎಂಬುದನ್ನು ತಿಳಿಸಿತ್ತು.  ವೇಮುಗಲ್ ಜಗನ್ನಾಥ ರಾವ್ ನಿರ್ದೇಶನ ಮಾಡಿದ್ದರು. 

1991ರಲ್ಲಿ ಬಿಡುಗಡೆಯಾದ ರಣಚಂಡಿ ಸಿನಿಮಾದಲ್ಲಿ ಶರತ್ ಬಾಬು, ರಾಧಾ, ಚರಣ್‌ಜಿತ್ ಮತ್ತು ರಾಘವಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾವನ್ನು ಜಿ.ಕೆ.ಮುದ್ದುರಾಜ್ ನಿರ್ದೇಶನ ಮಾಡಿದ್ದು, ಎಸ್.ವಿ.ಗಣೇಶ್ ನಿರ್ಮಿಸಿದ್ದರು.

1997ರಲ್ಲಿ ತೆರೆಕಂಡ ಅಮೃತವರ್ಷಿಣಿ ಸಿನಿಮಾದಲ್ಲಿ ಶರತ್ ಬಾಬು, ಸುಹಾಸಿನಿ ಮತ್ತು ರಮೇಶ್ ಅರವಿಂದ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾ ಬ್ಲಾಕ್‌ಬಸ್ಟರ್ ಆಗಿತ್ತು. ಹಾಡುಗಳು ಈ ಸಿನಿಮಾದ ಪ್ರಮುಖ ಹೈಲೈಟ್. ಇಂದಿಗೂ ಅಮೃತವರ್ಷಿಣಿ ಸಿನಿಮಾದ ಹಾಡುಗಳು ಅನೇಕರ ಫೇವರಿಟ್. ಅಮೃತವರ್ಷಿಣಿ ಚಿತ್ರದಲ್ಲಿ ಸುಹಾಸಿನಿ ಮತ್ತು ಶರತ್ ಬಾಬು ದಂಪತಿಯಾಗಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ಹೇಮಂತ್ ಪಾತ್ರದಲ್ಲಿ ನಟಿಸಿ ಶರತ್ ಬಾಬು ಕನ್ನಡಿಗರ ಮನಗೆದ್ದಿದ್ದರು. ಬಳಿಕ ಅಮೃತರ್ಷಿಣಿ ಶರತ್ ಬಾಬು ಎಂದೇ ಖ್ಯಾತಿ ಪಡೆದರು. ಜೊತೆಗೆ ಈ ಸಿನಿಮಾಗೆ ಹಲವು ಪ್ರಶಸ್ತಿಗಳು ಲಭಿಸಿವೆ. 

1988ರಲ್ಲಿ ಬಿಡುಗಡೆಯಾದ ಕಂಪನ ಸಿನಿಮಾದಲ್ಲಿ ಶರತ್ ಬಾಬು, ಟೈಗರ್ ಪ್ರಭಾಕರ್ ಮತ್ತು ಪವಿತ್ರಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾವನ್ನೂ ಕೂಡ ವೇಮುಗಲ್ ಜಗನ್ನಾಥ ರಾವ್ ನಿರ್ದೇಶನ ಮಾಡಿದ್ದರು. ಬಿ ಗಿರಿಧರ್ ನಿರ್ಮಾಣ ಈ ಚಿತ್ರಕ್ಕೆ ಎಲ್.ವೈದ್ಯನಾಥಮ್ ಸಂಗೀತ ನೀಡಿದ್ದರು.  

ಗಾಯ ಸಿನಿಮಾದಲ್ಲಿ ಶರತ್ ಬಾಬು, ಗೀತಾ, ರಾಮ್‌ ಕುಮಾರ್, ಅಪೂರ್ವ, ರಮೇಶ್ ಭಟ್, ದೊಡ್ಡಣ್ಣ, ಸಿಹಿಕಹಿ ಚಂದ್ರು, ಡಿಸ್ಕೋ ಶಾಂತಿ. ಕೆ ಶಿವರಾಂ ಸೇರಿದಂತೆ ಅನೇಕರ ತಾರಾಬಳಗವಿತ್ತು.  ವೇಮುಗಲ್ ಜಗನ್ನಾಥ ರಾವ್ ನಿರ್ದೇಶನದ ಈ ಸಿನಿಮಾ ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದಿತ್ತು. ಈ ಸಿನಿಮಾದಲ್ಲಿ ಶರತ್ ಬಾಬುಗೆ ಜೋಡಿಯಾಗಿ ಗೀತಾ ಕಾಣಿಸಿಕೊಂಡಿದ್ದರು. 20ಕ್ಕೂ ಹೆಚ್ಚು ಕನ್ನಡ ಸಿನಿಮಾಗಳಲ್ಲಿ ನಟಿಸಿರುವ ನಟ ಶರತ್ ಬಾಬು, ಕನ್ನಡದ ಪ್ರೀತಿಗಾಗಿ ಧಾರಾವಾಹಿಯಲ್ಲಿಯೂ ಅಭಿನಯಿಸುವ ಮೂಲಕ ಕನ್ನಡಗರ ಮನಸಲ್ಲಿ ನಡಲೆಯೂರಿದ್ದರು.