ಅತಿಹೆಚ್ಚು ಫಾಲೋವರ್ಸ್ ಹೊಂದಿರುವ ಬಿಗ್‌ಬಾಸ್‌ ಸ್ಪರ್ಧಿ ಯಾರು ಗೊತ್ತಾ? ಇಲ್ಲಿದೆ ನೋಡಿ ಡಿಟೇಲ್ಸ್

ಬಿಗ್‌ಬಾಸ್‌ ಕನ್ನಡ ಸೀಸನ್ 10 ಸ್ಪರ್ಧಿಗಳ ಪೈಕಿ ನಮ್ರತಾ ಗೌಡ ಅತಿಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ. ನಮ್ರತಾಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ಬರೋಬ್ಬರಿ 918k ಕೆ ಹಿಂಬಾಲಕರು ಇದ್ದಾರೆ. ನಮ್ರತಾ ಬಿಗ್‌ಬಾಸ್‌ ಮನೆಯಲ್ಲಿ ಟೀಂ ಕಟ್ಟಿಕೊಂಡು ಇದ್ದಿದ್ದರಿಂದ ಚಮಚ ಅಂತ ಹೆಚ್ಚು ಟ್ರೋಲ್ ಆಗಿದ್ದರು. ೮ನೇ ವಾರ ಮಾತ್ರ ಉತ್ತಮವಾಗಿ ಗುಂಪು ಬಿಟ್ಟು ಬಂದು ತನಿಷಾ ಪರವಾಗಿ ಆಡಿ, ಕಿಚ್ಚನ ಚಪ್ಪಾಳೆ ಪಡೆದಿದ್ದರು. ಆದರೆ, 9ನೇ ವಾರ ಮತ್ತೆ ಗ್ಯಾಂಗ್ ಕಟ್ಟಿಕೊಂಡು ಕಳಪೆ ಪ್ರದರ್ಶನ ನೀಡಿದ್ದಾರೆ. 

ಡ್ರೋನ್ ಪ್ರತಾಪ್ ಇನ್‌ಸ್ಟಾಗ್ರಾಮ್‌ನಲ್ಲಿ 453k ಫಾಲೋವರ್ಸ್ ಹೊಂದುವ ಮೂಲಕ ಎರಡನೇ ಸ್ಥಾನದಲ್ಲಿದ್ದಾರೆ. ಬಿಗ್‌ಬಾಸ್ ಮನೆಗೆ ಬರುವುದಕ್ಕೂ ಮುನ್ನ ಪ್ರತಾಪ್ ಡ್ರೋನ್ ವಿಚಾರವಾಗಿ ಸಾಕಷ್ಟು ಟ್ರೋಲ್ ಆಗಿದ್ದರು. ಆದರೆ, ಪ್ರತಾಪ್ ದೊಡ್ಮನೆಗೆ ಬಂದಮೇಲೆ ಅವರ ಇಮೇಜ್ ಸಂಪೂರ್ಣ ಬದಲಾಯಿತು. ಸದ್ಯ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿರುವ ಪ್ರತಾಪ್, ಸಿಂಪಥಿ ಸ್ಟಾರ್ ಅಂತಲೂ ಟ್ರೋನ್‌ಗೆ ಗುರಿಯಾಗಿದ್ದಾರೆ.   

ಬಿಗ್‌ಬಾಸ್ ಮನೆಯಲ್ಲಿ ಪ್ರಬಲ ಸ್ಪರ್ಧಿಯಾಗಿ ಗುರುತಿಸಿಕೊಂಡಿರುವ ಸಂಗೀತಾ ಅವರಿಗೆ 452k  ಫಾಲೋವರ್ಸ್ ಇದ್ದಾರೆ. ಚಾರ್ಲಿ ಬೆಡಗಿಗೆ ಆರಂಭದದಿಂದಲೂ ಪ್ರೇಕ್ಷಕರಿಂದ ಬೆಂಬಲ ವ್ಯಕ್ತವಾಗಿತ್ತು. ಅದರಲ್ಲೂ ಬಳೆ ವಿವಾದ ಬಳಿಕವಂತೂ ಸಂಗೀತಾಗೆ ದೊಡ್ಡ ಅಭಿಮಾನಿ ಬಳಗ ಹುಟ್ಟಿಕೊಂಡಿತ್ತು. ಆದರೆ, ಸಂಗೀತಾ ಜೊತೆಗೆ ವಿನಯ್ ಟೀಂ ಸೇರಿಕೊಂಡು ಕಾರ್ತಿಕ್‌ಗೆ ತಲೆ ಬೋಳಿಸಿಕೊಳ್ಳುವ ಸವಾಲು  ನೀಡಿದ್ದ ಸಂದರ್ಭ ಅವರ ಫಾಲೋವರ್ಸ್ ಸಂಖ್ಯೆ ೪೩೫ಕ್ಕೆ ಕುಸಿದಿತ್ತು. ಇದೀಗ ಆವರ ಹಿಂಬಾಲಕರ ಸಂಖ್ಯೆ ಜಾಸ್ತಿಯಾಗಿದೆ.

ಬಿಗ್‌ಬಾಸ್ ಸೀಸನ್ 10ರಲ್ಲಿ ತನಿಷಾ ಕುಪ್ಪಂಡ ಕೂಡ ಪ್ರಬಲ ಸ್ಪರ್ಧಿಯಾಗಿ ಗುರುತಿಸಿಕೊಂಡಿದ್ದಾರೆ. ಟಾಸ್ಕ್‌ನಲ್ಲಿ ಯಾವಾಗಲೂ ಅಗ್ರೆಸಿವ್ ಆಗಿ ಹಾಗೂ ಎನರ್ಜಿಟಿಕ್ ಆಗಿ ಆಡುತ್ತಾರೆ. ಎದುರಾಳಿಗಳಿಗೆ ಕೌಟರ್ ಕೋಡೋದರಲ್ಲಿ ತನಿಷಾ ಎತ್ತಿದ ಕೈ. ಇದು ಬಿಗ್‌ಬಾಸ್ ವೀಕ್ಷಕರಿಗೆ ಇಷ್ಟವಾಗಿದೆ.  ಹೀಗಾಗಿ ಇವರ ಅಭಿಮಾನಿಗಳ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ತನಿಷಾ ಸದ್ಯ ಇನ್‌ಸ್ಟಾಗ್ರಾಮ್‌ನಲ್ಲಿ 244k ಹಿಂಬಾಲಕರನ್ನು ಹೊಂದಿದ್ದಾರೆ.   

ಬಿಗ್‌ಬಾಸ್ ಕನ್ನಡ ಸೀಸನ್ 10ರಲ್ಲಿ ಭಾಗವಹಿಸಿರುವ ನೈಜೀರಿಯನ್ ಕನ್ನಡಿಗ ಮೈಕಲ್ ಅಜಯ್ ಈ ಹಿಂದೆ ಎಂಟಿವಿ ರೋಡೀಸ್‌ನಲ್ಲಿ ಸ್ಪರ್ಧಿಸಿ ಮೊದಲ ರನ್ನರ್ ಅಪ್ ಆಗಿದ್ದರು. ಇದೀಗ ಬಿಗ್‌ಬಾಸ್‌ ಮನೆಗೆ ಕಾಲಿಟ್ಟಿರುವ ಅವರು, ಕನ್ನಡಿಗರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಬಹಳ ಸ್ಪಷ್ಟವಾಗಿ ಕನ್ನಡ ಮಾತನಾಡುವ ಮೈಕಲ್ ತಮ್ಮ ನೇರನುಡಿಯ ಮೂಲಕ ಸ್ಟ್ರಾಂಗ್ ಸ್ಪರ್ಧಿಯಾಗಿಯಾಗಿದ್ದಾರೆ. ಮೈಕಲ್ ಇನ್‌ಸ್ಟಾಗ್ರಾಮ್‌ನಲ್ಲಿ 212k ಹಿಂಬಾಲಕರನ್ನು ಹೊಂದಿದ್ದಾರೆ.  

ಕಾರ್ತಿಕ್ ಮಹೇಶ್ ಕೂಡ ಬಿಗ್‌ಬಾಸ್‌ ಮನೆಯಲ್ಲಿ ಪ್ರಬಲ ಸ್ಪರ್ಧಿ. ಟಾಸ್ಕ್ ವಿಚಾರದಿಂದ ಹಿಡಿದು ಮನೋರಂಜನೆ ನೀಡುವುದರಲ್ಲೂ ಕಾರ್ತಿಕ್ ಮುಂದಿದ್ದಾರೆ. ಬಿಗ್‌ಬಾಸ್‌ ಮನೆಗೆ ಕಾಲಿಟ್ಟಾಗಿನಿಂದ ಕಾರ್ತಿಕ್‌ಗೆ ಅಭಿಮಾನಿ ಬಳಗವೇ ಹುಟ್ಟಿಕೊಂಡಿದೆ. ಸದ್ಯ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ 137K ಫಾಲೋವರ್ಸ್ ಹೊಂದಿದ್ದಾರೆ. 

ವಿನಯ್ ಗೌಡ ಅವರಿಗೆ ಇನ್‌ಸ್ಟಾಗ್ರಾಮ್‌ನಲ್ಲಿ 119K ಹಿಂಬಾಲಕರಿದ್ದಾರೆ. ಬಿಗ್‌ಬಾಸ್‌ ಮನೆಗೆ ಬರುವುದಕ್ಕೂ ಮುನ್ನ ಅವರ ಫಾಲೋವರ್ಸ್ ಸಂಖ್ಯೆ ಕಡಿಮೆಯಿತ್ತು. ಇದೀಗ ಕೊಂಚ ಏರಿಕೆಯಾಗಿದೆ. ಬಿಗ್‌ಬಾಸ್‌ ಜರ್ನಿಯಲ್ಲಿ ವಿನಯ್ ಅವರ ಬಗ್ಗೆ ನೆಗೆಟಿವ್ ಅಂಶಗಳೇ ಹೆಚ್ಚಿವೆ. ಜೊತೆಗೆ ಬಳೆ ವಿವಾದಿಂದ ಸಾಕಷ್ಟು ಟ್ರೋಲ್‌ಗೆ ಕೂಡ ಒಳಗಾಗಿದ್ದಾರೆ.

ಕನ್ನಡ ಕಿರುತೆರೆ ಲೋಕದ ಜನಪ್ರಿಯ ನಟಿ ಸಿರಿ ಅವರು ಬಿಗ್‌ಬಾಸ್‌ ಮನೆಯೊಳಗೆ ಕಾಲಿಟ್ಟಾಗಿನಿಂದಲೂ ಬಹಳ ಸಂಯಮದಿಂದ ಇದ್ದಾರೆ. ಯಾವುದೇ ಅತಿರೇಕದ ಆಟವಾಡದೇ ಕೂಲ್ ಆಗಿರುವ ಸಿರಿ, ಇದುವರೆಗೂ ಯಾವುದೇ ವಿವಾದಕ್ಕೂ ಗುರಿಯಾಗಿಲ್ಲ. ಇವರಿಗೆ ಇನ್‌ಸ್ಟಾಗ್ರಾಮ್‌ನಲ್ಲಿ 54.1K ಫಾಲೋವರ್ಸ್ ಇದ್ದಾರೆ. ಬಿಗ್‌ಬಾಸ್ ಮನೆಯಲ್ಲಿನ ಇವರ ಆಟ ಜನರ ಮನಗೆದ್ದಿದೆ.   

ಹಳ್ಳಿಕಾರ್ ತಳಿಯ ಜಾನುವಾರು ಸಾಕಾಣಿಕೆಯಿಂದ ಜನಪ್ರಿಯತೆ ಪಡೆದಿರುವ ವರ್ತೂರು ಸಂತೋಷ್‌ ದೊಡ್ಡ ಅಭಿಮಾನಿ ಬಳಗವಿದೆ. ವರ್ತೂರು ಸಂತೋಷ್ ಬಿಗ್‌ಬಾಸ್ ಮನೆಗೆ ಬರುವುದಕ್ಕೂ ಸೋಶಿಯಲ್ ಮೀಡಿಯಾದಲ್ಲಿ ಅಷ್ಟಾಗಿ ಆಕ್ಟಿವ್ ಇರಲಿಲ್ಲ. ಆವರು ದೊಡ್ಮನೆಗೆ ಕಾಲಿಟ್ಟ ಮೇಲೆ ಅರ ಹೆಸರಿನಲ್ಲಿ ಆಫೀಶಿಯಲ್ ಇನ್‌ಸ್ಟಾಗ್ರಾಮ್‌ ಖಾತೆ ತೆರೆಯಲಾಗಿದ್ದು, 34.4K ಫಾಲೋವರ್ಸ್ ಇದ್ದಾರೆ. ಜೊತೆ ಇವರಿಗೆ ಸಾಕಷ್ಟು ಫ್ಯಾನ್ ಪೇಜ್‌ಗಳಿವೆ.