ಸ್ಯಾಂಡಲ್‌ವುಡ್ ಸ್ಟಾರ್ ನಟರ ಐಷಾರಾಮಿ ಮನೆಗಳು ಎಲ್ಲೆಲ್ಲಿವೆ ಗೊತ್ತಾ? ಇಲ್ಲಿದೆ ಮಾಹಿತಿ

ಉಪೇಂದ್ರ ಕನ್ನಡ ಚಿತ್ರರಂಗದ ಸೂಪರ್ ಸ್ಟಾರ್. ನಿರ್ದೇಶಕ ಮತ್ತು ನಟರಾಗಿ ಅವರು ತಮ್ಮದೇ ಛಾಪು ಮುಡಿಸಿದ್ದಾರೆ. ವಿಭಿನ್ನ ಕತೆ, ವಿಶಿಷ್ಟ ಸಂಭಾಷಣೆ, ವಿಶೇಷ ಹಾಡುಗಳಿಂದ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಉಪೇಂದ್ರ ಅವರು ತಮ್ಮ ಬಂಗಲೆಗೆ ಎಸ್‌ ಯು ಮನೆ ಅಂತ ಹೆಸರಿಟ್ಟಿದ್ದಾರೆ. ಎಸ್‌ ಅಂದರೆ ಸುದೀಂದ್ರ ಮತ್ತು ಯು ಅಂದರೆ ಉಪೇಂದ್ರ ಎಂಬುದಾಗಿದೆ. ಸುಧೀಂದ್ರ ಉಪ್ಪಿಯವರ ಅಣ್ಣ. ಈ ಮನೆ ಬೆಂಗಳೂರಿನ ಕತ್ರಿಗುಪ್ಪೆಯಲ್ಲಿದ್ದು, 2003ರಲ್ಲಿ ಕಟ್ಟಿಸಲಾಗಿತ್ತು. ಇದಲ್ಲದೆ, ಉಪೇಂದ್ರ ಇತ್ತೀಚೆಗೆ ಸದಾಶಿವ ನಗರದಲ್ಲಿ ಐಷಾರಾಮಿ ಮನೆಯೊಂದನ್ನು ಖರೀದಿಸಿದ್ದಾರೆ.  

ಡಾ.ರಾಜ್‌ಕುಮಾರ್ ಅವರ ಹಿರಿಯ ಪುತ್ರರಾದ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅವರು ಮನೆ ಬೆಂಗಳೂರಿನ ನಾಗವಾರದ ಮಾನ್ಯತಾ ಟೆಕ್ ಪಾರ್ಕ್ ಬಳಿಯಿದೆ. ಅಣ್ಣಾವ್ರ ಮೂಲ ಹೆಸರು ಮುತ್ತುರಾಜ್ ಎಂಬುದಾಗಿತ್ತು. ಹೀಗಾಗಿ, ಶಿವಣ್ಣ ಕೂಡ ತಮ್ಮ ಮನೆಗೆ ಶ್ರೀ ಮುತ್ತು ಎಂದು ಹೆಸರಿಟ್ಟಿದ್ದಾರೆ.  

ಸದಾಶಿವನಗರದಲ್ಲಿರುವ ಡಾ.ರಾಜ್‌ಕುಮಾರ್ ನಿವಾಸ ಈಗ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಹಾಗೂ ರಾಘವೇಂದ್ರ ರಾಜ್‌ಕುಮಾರ್ ಇಬ್ಬರ ಮನೆಯಾಗಿದೆ. ಅಚ್ಚರಿಯ ಸಂಗತಿ ಎಂದರೆ ಇದುವರೆಗೆ ಈ ಮನೆಗಳಿಗೆ ಹೆಸರೇ ಇಟ್ಟಿಲ್ಲ. ಆದರೆ, ಅಭಿಮಾನಿಗಳು ಈ ಮನೆಯನ್ನು ಪ್ರೀತಿಯಿಂದ ದೊಡ್ಮನೆ ಅಂತ ಕರೆಯುತ್ತಾರೆ.  

ಯಾವುದೇ ಸಿನಿಮಾ ಹಿನ್ನೆಲೆಯಿಲ್ಲದೆ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಯಶ್ ಇಂದು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಅಭಿಮಾನಿಗಳಿಂದ ರಾಕಿಂಗ್ ಸ್ಟಾರ್ ಎಂಬ ಬಿರುದು ಪಡೆದುಕೊಂಡಿದ್ದಾರೆ. ಬಸ್ ಚಾಲಕನ ಮಗನಾಗಿರುವ ರಾಕಿಂಗ್ ಸ್ಟಾರ್ ಯಶ್, ಇಂದು ಕೆಜಿಎಫ್ ಚಿತ್ರದ ಮೂಲಕ ನ್ಯಾಷನಲ್ ಸ್ಟಾರ್ ಆಗಿ ಗುರುತಿಸಿಕೊಂಡಿದ್ದಾರೆ. ಯಶ್ ಅವರ ಮನೆ ರೇಸ್‌ಕೋರ್ಸ್ ರಸ್ತೆಯಲ್ಲಿರುವ ಪ್ರೆಸ್ಟೀಜ್‌ ಗಾಲ್ಫ್ ಅಪಾರ್ಟ್‌ಮೆಂಟ್‌ನಲ್ಲಿದೆ.  

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಲೈಟ್​​ಬಾಯ್ ಆಗಿ ಚಿತ್ರರಂಗದಲ್ಲಿ ಕರಿಯರ್ ಆರಂಭಿಸಿ, ಸಣ್ಣಪುಟ್ಟ ಪಾತ್ರಗಳಲ್ಲಿ ನಟಿಸುವ ಮೂಲಕ ಇಂದು ಕನ್ನಡ ಚಿತ್ರರಂಗದ ಬಹುಬೇಡಿಕೆಯ ನಟರಾಗಿ ಹೊರಹೊಮ್ಮಿದ್ದಾರೆ. ಇವರ ದರ್ಶನ್ ಅವರ ಮನೆ ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿದೆ. ದರ್ಶನ್ ಅವರ ತಂದೆಯ ಹೆಸರು ತೂಗುದೀಪ ಶ್ರೀನಿವಾಸ್. ಹೀಗಾಗಿ, ಡಿ ಬಾಸ್ ತಮ್ಮ ನಿವಾಸಕ್ಕೆ 'ತೂಗುದೀಪ ನಿಲಯ' ಎಂದು ಹೆಸರಿಟ್ಟಿದ್ದಾರೆ. 

ಶಿವಮೊಗ್ಗದಲ್ಲಿ ಜನಿಸಿದ ಕಿಚ್ಚ ಸುದೀಪ್ ಇಂದು ಭಾರತೀಯ ಚಿತ್ರರಂಗದಲ್ಲಿ ತನ್ನದೇ ಆದ ಚಾಪು ಮೂಡಿಸಿದ್ದಾರೆ. ಅಂದಹಾಗೆ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ನಿವಾಸ ಹೆಸರು ಶ್ರೀನಿಧಿ. ಈ ಮನೆಯನ್ನು 1991ರಲ್ಲಿ ಸುದೀಪ್ ಅವರ ತಂದೆ ನಿರ್ಮಿಸಿದ್ದರು. ಕಿಚ್ಚ ಈಗಲೂ ಕೂಡ ಅದೇ ಮನೆಯಲ್ಲಿ ವಾಸವಿದ್ದು, ಇದು ಜೆಪಿ ನಗರದ ಪುಟ್ಟೇನಹಳ್ಳಿಯಲ್ಲಿದೆ. 

ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮನೆ ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿದೆ. ಈ ಮನೆಗೆ 'ಗಣಪ' ಎಂದು ಹೆಸರಿಡಲಾಗಿದೆ. ಗಣೇಶನ ಮೇಲೆ ಅಪಾರ ಭಕ್ತಿಯಿರುವ ಗೋಲ್ಡನ್ ಸ್ಟಾರ್ ತಮ್ಮನೆಗೆ ಗಣಪ ಎಂದು ಹೆಸರಿಟ್ಟಿದ್ದಾರೆ. ಇದರ ಜೊತೆ ಚಿತ್ರರಂಗದ ಆಪ್ತರು ಗಣೇಶ್ ಅವರನ್ನು 'ಗಣಪ' ಎಂದೇ ಕರೆಯುತ್ತಾರೆ. 

ರಂಗ ಎಸ್ಎಸ್ಎಲ್‌ಸಿ ಸಿನಿಮಾದಲ್ಲಿ ಒಂದು ಚಿಕ್ಕ ಪಾತ್ರ ಮಾಡುವ ಮೂಲಕ ಚಂದನವನ ಪ್ರವೇಶಿಸಿದ ನಟ ದುನಿಯಾ ವಿಜಯ್ ಇಂದು ಜನಪ್ರಿಯ ನಟರಾಗಿ ಗುರುತಿಸಿಕೊಂಡಿದ್ದಾರೆ. ಅಂದಹಾಗೆ ದುನಿಯಾ ವಿಜಯ್ ಅವರ ಕತ್ರಿಗುಪ್ಪೆಯಲ್ಲಿದೆ. ಅವರ ನಿವಾಸಕ್ಕೆ ದುನಿಯಾ ಋಣ ಹಂತ ಹೆಸರಿಡಲಾಗಿದೆ.