ಐಶ್ವರ್ಯಾ ರೈ to ರಾಧಿಕಾ ಪಂಡಿತ್: ವಯಸ್ಸಿನಲ್ಲಿ ತಮಗಿಂತ ಚಿಕ್ಕವರನ್ನು ಮದುವೆಯಾದ ಸ್ಟಾರ್ ನಟಿಯರಿವರು!

ಮಾಜಿ ಸುಂದರಿ, ಕರಾವಳಿ ಸುಂದರಿ ಐಶ್ವರ್ಯಾ ರೈ ಅವರಿಗಿಂತ ಅಭಿ‍ಷೇಕ್ ಬಚ್ಚನ್ ಮೂರು ವರ್ಷ ಚಿಕ್ಕವರು. ಅಭಿಷೇಕ್ ಅವರು ಜನಿಸಿದ್ದು 1976ರ ಫೆಬ್ರವರಿ 5ರಂದು. ಐಶ್ವಯಾ ಅವರ ಜನ್ಮ ದಿನಾಂಕ 1973ರ ನವೆಂಬರ್ 1ರಂದು. ಇವರಿಬ್ಬರು ೨೦೦೭ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಈ ಜೋಡಿಗೆ ಆರಾಧ್ಯ ಎಂಬ ಮಗಳಿದ್ದಾಳೆ.

ಸ್ಯಾಂಡಲ್‌ವುಡ್‌ನ ರಾಕಿಂಗ್ ಜೋಡಿ ಅಂದ್ರೆ ಎಲ್ಲರಿಗೂ ಅಚ್ಚುಮೆಚ್ಚು. ಪ್ರೀತಿಸಿ ಮದುವೆಯಾದ ಈ ಜೋಡಿಗೆ ಅಪಾರ ಅಭಿಮಾನಿ ಬಳಗವಿದೆ. ಈ ನಡುವೆ ಯಶ್ ಅವರಿಗಿಂತ ರಾಧಿಕಾ ಪಂಡಿತ್ ಅವರು ಎರಡು ವರ್ಷ ದೊಡ್ಡವರು ಎಂಬ ವಿಚಾರ ಅನೇಕರಿಗೆ ತಿಳಿದಿಲ್ಲ. ರಾಧಿಕಾ ಜನಿಸಿದ್ದು 1984ರ ಮಾರ್ಚ್‌ 7ರಂದು. ಯಶ್ ಹುಟ್ಟಿದ್ದು 1986 ಜನವರಿ 8ರಂದು. 2016ರಲ್ಲಿ ಅದ್ಧೂರಿಯಾಗಿ ಮದುವೆಯಾದ ಈ ಜೋಡಿಗೆ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.

ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ದಂಪತಿಯ ನಡುವೆಯೂ ವಯಸ್ಸಿನ ಅಂತರವಿದೆ. ಮಹೇಶ್ ಬಾಬು ಅವರಿಗಿಂತ ಪತ್ನಿ ನಮ್ರತಾ ಶಿರೋಡ್ಕರ್ ಮೂರು ವ‍ರ್ಷ ದೊಡ್ಡವರು. ಟಾಲಿವುಡ್ ಪ್ರಿನ್ಸ್ ಜನಿಸಿದ್ದು 1975ರ ಆಗಸ್ಟ್ 9ರಂದು. ನಮ್ರತಾ ಹುಟ್ಟಿದ್ದು 1972 ಜನವರಿ 22ರಂದು. ಈ ಜೋಡಿ 2005ರಲ್ಲಿ ಪ್ರೀತಿಸಿ ಮದುವೆಯಾಗಿತ್ತು. 

ಬಾಲಿವುಡ್ ಬೆಡಗಿ ಪ್ರಿಯಾಂಕಾ ಚೋಪ್ರಾ ಹಾಗೂ ಅಮೆರಿಕಾದ ಗಾಯಕ ನಿಕ್ ಜೋನಸ್ ನಡುವೆ ಬರೋಬ್ಬರಿ 10 ವರ್ಷಗಳ ಅಂತರವಿದೆ. ಪ್ರಿಯಾಂಕಾ ಹುಟ್ಟಿದ್ದು 1982ರ ಜುಲೈ 18ರಂದು. ನಿಕ್ ಜೋನಸ್ ಜನಿಸಿದ್ದು 1992ರ ಸೆಪ್ಟಂಬರ್ 16ರಂದು. ಅನೇಕ ದಿನಗಳ ಕಾಲ ಪರಸ್ಪರ ಪ್ರೀತಿಸುತ್ತಿದ್ದ ಈ ಜೋಡಿ 2018ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿತ್ತು.  

ಬಾಲಿವುಡ್ ನಟ ವಿಕ್ಕಿ ಕೌಶಲ್ ಅವರಿಗಿಂತ ನಟಿ ಕತ್ರಿನಾ ಕೈಫ್ ಐದು ವರ್ಷ ದೊಡ್ಡವರು. ಕತ್ರಿನಾ ಜನಿಸಿದ್ದು 1983ರ ಜುಲೈ 16ರಂದು ಹಾಗೂ ವಿಕ್ಕಿ ಕೌಶಲ್ ಜನ್ಮ ದಿನಾಂಕ 1988 ಮೇ 16ರಂದು. ಕತ್ರಿನಾ ಅವರಿಗೀಗ 40 ವರ್ಷ ವಯಸ್ಸು. ಈ ಜೋಡಿ 2021ರಲ್ಲಿ ಪ್ರೀತಿಸಿ ವಿವಾಹ ಬಂಧನಕ್ಕೊಳಗಾಗಿತ್ತು.

ಬಾಲಿವುಡ್ ನಟಿ ಬಿಪಾಶಾ ಬಸು ಅವರಿಗಿಂತ ಪತಿ ಕರಣ್ ಸಿಂಗ್ ಗ್ರೋವರ್ ಮೂರು ವರ್ಷ ಸಣ್ಣವರು. ಕರಣ್ ಜನ್ಮದಿನಾಂಕ 1982 ಫೆಬ್ರವರಿ 23ರಂದು. ಬಿಪಾಶಾ ಜನಿಸಿದ್ದು  1979 ಜನವರಿ 7ರಂದು. ಬಿಪಾಶಾ ಬಸು ಹಾಗೂ ಕರಣ್‌ ಸಿಂಗ್ ಗ್ರೋವರ್ 2016ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇವರಿಬ್ಬರದ್ದು ಪ್ರೇಮ ವಿವಾಹ. ಅದ್ಹಾಗೆ ಕರಣ್‌ಗೆ ಇದು ಮೂರನೇ ಮದುವೆ.