ಒಂದಲ್ಲ, ಎರಡಲ್ಲ, ಮೂರು ಮದುವೆಯಾದ ಸೌತ್ ಸಿನಿಮಾರಂಗದ ಸ್ಟಾರ್ ನಟ-ನಟರಿವರು!

ಬಹುಭಾಷಾ ನಟ ಕಮಲ್ ಹಾಸನ್ ಅವರು ಮೂರು ಮದುವೆಯಾಗಿದ್ದಾರೆ. 1978ರಲ್ಲಿ ನೃತ್ಯ ಕಲಾವಿದೆ ವಾಣಿ ಗಣಪತಿ ಅವರನ್ನು ಮದುವೆಯಾಗಿದ್ದ ಕಮಲ್, ನಂತರ ಅವರಿಗೆ ವಿಚ್ಚೇದನ ನೀಡಿ 1788ರಲ್ಲಿ ಸಾರಿಕಾ ಅವರನ್ನು ಮದುವೆಯಾದರು. ಆನಂತರ ನಟಿ ಗೌತಮಿ ಜೊತೆ ಕಮಲ್ ಹಾಸನ್ ಅವರು ರಿಲೇಶನ್‌ಶಿಪ್‌ನಲ್ಲಿದ್ದರು. ಇಬರಿಬ್ಬರು ಮದುವೆಯಾಗಿರಲಿಲ್ಲ. 2016ರಲ್ಲಿ ಅಧಿಕೃತವಾಗಿ ಈ ರಿಲೇಶನ್‌ಶಿಪ್ ಅಂತ್ಯವಾಯಿತು.

ದಕ್ಷಿಣ ಭಾರತದಲ್ಲಿ ಸಿನಿಮಾಗಳಲ್ಲಿ ಫೋಷಕ ಪಾತ್ರದ ಮೂಲಕ ಹೆಸರು ಮಾಡಿರುವ ರಾಧಿಕಾ ಶರತ್ ಕುಮಾರ್, 1985ರಲ್ಲಿ ಪ್ರತಾಪ್ ಪೋತಾನ್ ಎಂಬುವವರನ್ನು ಮದುವೆಯಾಗಿದ್ದರು. 1986ರಲ್ಲಿ ಈ ಸಂಬಂಧ ಮುರಿದು ಬಿತ್ತು. ನಂತರ 1990ರಲ್ಲಿ ರಿಚರ್ಡ್ ಹಾರ್ಡಿ ಅವರನ್ನು ಮದುವೆಯಾದರು. ಈ ಜೋಡಿಗೆ ರಯಾನೆ ಹಾರ್ಡಿ ಎಂಬ ಮಗಳಿದ್ದಾಳೆ. ಬಳಿಕ 1992ರಲ್ಲಿ ಅವರಿಗೂ ವಿಚ್ಚೇದನ ನೀಡಿ, 2001ರಲ್ಲಿ ನಟ ಶರತ್ ಕುಮಾರ್ ಅವರನ್ನು ಮದುವೆಯಾಗಿದ್ದಾರೆ. ಈ ಜೋಡಿಗೆ ರಾಹುಲ್ ಎಂಬ ಮಗನಿದ್ದಾನೆ.

ಕನ್ನಡ, ತೆಲುಗು, ತಮಿಳು ಸಿನಿಮಾರಂಗಗಳಲ್ಲಿ ಹೆಸರು ಮಾಡಿರುವ ನಟಿ ಜೂಲಿ ಲಕ್ಷ್ಮೀ ಮೂರು ಬಾರಿ ಮದುವೆಯಾಗಿದ್ದಾರೆ. ಮೊದಲು ಭಾಸ್ಕರನ್ ಎಂಬುವವರ ಜೊತೆ ಮದುವೆಯಾಗಿದ್ದ ಲಕ್ಷ್ಮೀಗೆ ಐಶ್ವರ್ಯಾ ಎಂಬ ಮಗಳಿದ್ದಾಳೆ. ಆನಂತರ ಈ ದಂಪತಿ ನಡುವೆ ಮನಸ್ತಾಪ ಮೂಡಿ ಬೇರೆಯಾದರು. ಬಳಿಕ 1975ರಲ್ಲಿ ಮೋಹನ್ ಶರ್ಮಾ ಎಂಬುವವರನ್ನು ಮದುವೆಯಾದ್ರು. 1980ರಲ್ಲಿ ಈ ಸಂಬಂಧ ಅಂತ್ಯವಾಯಿತು. ನಂತರ ನಿರ್ದೇಶಕ ಎಂ ಸವಿಚಂದ್ರನ್ ಎಂಬುವವರನ್ನು ಪ್ರೀತಿಸಿ ಮದುವೆಯಾದರು.

ಟಾಲಿವುಡ್ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಮೂರು ಮದುವೆಯಾಗಿದ್ದಾರೆ. 1997ರಲ್ಲಿ ನಂದಿನಿ ಎಂಬುವವರ ಜೊತೆ ಆರೇಂಜ್ಡ್ ಮ್ಯಾರೇಜ್ ಆದರು. ಇಬ್ಬರ ನಡುವೆ ಹೊಂದಾಣಿಕೆ ಬಾರದ ಕಾರಣ ೨008ರಲ್ಲಿ ಬೇರ್ಪಟ್ಟರು. ನಂತರ 2001ರಲ್ಲಿ ನಟಿ ರೇಣು ದೇಸಾಯಿ ಜೊತೆ ಡೇಟ್ ಮಾಡಲು ಆರಂಭಿಸಿದರು. 2004ರಲ್ಲಿ ಈ ಜೋಡಿಗೆ ಅಕಿರಾ ನಂದನ್ ಎಂಬ ಮಗ ಹುಟ್ಟಿದ. ಒಟ್ಟು ಎಂಟು ವರ್ಷಗಳ ಕಾಲ ರೇಣು ಹಾಗೂ ಪವನ್ ಕಲ್ಯಾಣ್ ಲಿವ್‌ ಇನ್ ರಿಲೇಷನ್‌ಶಿಪ್‌ನಲ್ಲಿದ್ದರು. ಆಮೇಲೆ 2009ರಲ್ಲಿ ಮದುವೆಯಾದ ಈ ಜೋಡಿ, 2010ರಲ್ಲಿ ಮತ್ತೆ ಆದ್ಯಾ ಎಂಬ ಮಗಳನ್ನು ಪಡೆದರು. ಬಳಿಕ ಇಬ್ಬರ ನಡುವೆ ಮನಸ್ತಾಪ್ ಬಂದು  2012ರಲ್ಲಿ ದೂರಾದರು. ಕೊನೆಗೆ 2013ರಲ್ಲಿ ಅನ್ನಾ ಅವರನ್ನು ಪವನ್ ಮದುವೆಯಾಗಿದ್ದು, ಇವರಿಬ್ಬರಿಗೆ ಇಬ್ಬರು ಮಕ್ಕಳಿದ್ದಾರೆ.

ಟಾಲಿವುಡ್ ಹಿರಿಯ ನಟ ನರೇಶ್ ಬರೋಬ್ಬರಿ ನಾಲ್ಕು ಮದುವೆಯಾಗಿದ್ದಾರೆ. ಮೊದಲು ಸಿನಿಮಾಟೋಗ್ರಾಫರ್ ಶ್ರೀನು ಕುಮಾರ್ತೆ ಜೊತೆ ಮದುವೆಯಾದ ನರೇಶ್, ಬಳಿಕ ಲೇಖಕ ದೇವುಲಪಲ್ಲಿ ಕೃಷ್ಣಶಾಸ್ತ್ರಿ ಮೊಮ್ಮಗಳು ರೇಖಾ ಸುಪ್ರಿಯ ಅವರೊಂದಿಗೆ ಎರಡನೇ ಮದುವೆಯಾದರು. ನಂತರ ಮಾಜಿ ಮಂತ್ರಿ ರಘುವೀರ್ ರೆಡ್ಡಿ ಸೋದರನ ಮಗಳು ರಮ್ಯಾ ರಘುಪತಿ ಜೊತೆಗೆ ಮೂರನೇ ಮದುವೆಯಾದರು. ಇದಾದ ಬಳಿಕ ಕನ್ನಡದ ಫೋಷಕ ನಟಿ ಪವಿತ್ರಾ ಲೋಕೇಶ್ ಜೊತೆ ನಾಲ್ಕನೇ ಮದುವೆಯಾದರು. ಪವಿತ್ರಾ ಅವರಿಗೆ ಇದು ಮೂರನೇ ಮದುವೆಯಾಗಿದೆ.