ಜುಲೈ ತಿಂಗಳಿನಲ್ಲಿ ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಗುತ್ತಿರುವ ಚಲನಚಿತ್ರಗಳು

ಬಿಗ್ ಬಾಸ್ ಖ್ಯಾತಿ ಭೂಮಿ ಶೆಟ್ಟಿ ಮತ್ತು ನಾಗಭೂಷಣ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಇಕ್ಕಟ್ ಚಿತ್ರವನ್ನು ಈಶಮ್ ಖಾನ್ ನಿರ್ದೇಶಿಸಿದ್ದಾರೆ. ದೂರವಾಗಲು ಬಯಸಿದ್ದ ದಂಪತಿಗಳು ಕೋವಿಡ್ ಲಾಕ್ ಡೌನ್ ಕಾರಣ ಒಂದಾಗಿ ಇರಬೇಕಾಗಿ ಬಂದಾಗ ನೆಡೆಯುವ ಹಾಸ್ಯಭರಿತ ಘಟನೆಗಳನ್ನು ಚಿತ್ರ ಚಿತ್ರಿಸುತ್ತದೆ.

ಟಾಮ್ ಅಂಡ್ ಜೆರಿ ಬಗ್ಗೆ ಹೆಚ್ಚಿಗೆ ಹೇಳಬೇಕಿಲ್ಲ.  ದಶಕಗಳ ಕಾಲ ಕಾರ್ಟೂನ್ ಮೂಲಕ ಜನರನ್ನು ರಂಜಿಸಿದ್ದ ಈ ಪಾತ್ರಗಳು ಬೆಳ್ಳಿ ಪರದೆಯ ಮೇಲೆ ಬಂದು ಜನರನ್ನು ಮತ್ತಷ್ಟು ರಂಜಿಸಿದವು. ನ್ಯೂಯಾರ್ಕ್ ನ ಹೋಟೆಲ್ ಒಂದರಲ್ಲಿ ಅದ್ಧೂರಿ ಮದುವೆಗೆ ಜೆರಿ ಹೋದಾಗ, ಜೆರಿಯನ್ನು ಓಡಿಸಲು ಈವೆಂಟ್ ಪ್ಲ್ಯಾನರ್ ಟಾಮ್ ನನ್ನು ಕರೆಯಿಸುತ್ತಾನೆ. 

ಫಾಹದ್ ಫಾಸಿಲ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಮಲೀಕ್ ಒಂದು ಪಾಲಿಟಿಕಲ್ ಥ್ರಿಲ್ಲರ್ ಚಿತ್ರ.  ತನ್ನ ಸಮುದಾಯದ ಅಪಾರ ಬೆಂಬಲವನ್ನು ಗಳಿಸಿರುವ ಸುಲೈಮಾನ್ ಮಲೀದ್ ತಮ್ಮ ಸಮಾಜದ ಮೇಲೆ ಶೋಷಣೆ ಮಾಡುವ ಅಧಿಕಾರಿಗಳ ವಿರುದ್ಧ ಧ್ವನಿ ಎತ್ತುತ್ತಾನೆ.  ಮಹೇಶ್ ನಾರಾಯಣನ್ ನಿರ್ದೇಶಿಸಿರುವ ಈ ಚಿತ್ರ ನಿಜ ಘಟನೆಗಳಿಂದ ಪ್ರೇರಿತವಾಗಿದೆ.

ರಾಕೇಶ್ ಓಂಪ್ರಕಾಶ್ ಮೆಹ್ರಾ ನಿರ್ದೇಶನದ ಈ ಚಿತ್ರದಲ್ಲಿ  ಫರ್ಹಾನ್ ಅಖ್ತರ್ ಒಬ್ಬ ಬಾಕ್ಸರ್ ಪಾತ್ರದಲ್ಲಿ ನಟಿಸಿದ್ದಾರೆ. ಮುಂಬೈನ್ ಬೀದಿಗಳಲ್ಲಿ ಹೊಡೆದಾಡುವ ಒಬ್ಬ ರೌಡಿಯೊಬ್ಬ ಒಬ್ಬ ಯುವತಿಯ ಸಂಪರ್ಕದಿಂದ ಮನ ಪರಿವರ್ತೆನೆಯಾಗಿ ಹೇಗೆ ಒಬ್ಬ ಒಳ್ಳೆಯ ಬಾಕ್ಸರ್ ಆಗುತ್ತಾನೆ ಎಂಬುದು ಚಿತ್ರದ ಕಥೆ.

1970 ರ ದಶಕದಲ್ಲಿ ಮದ್ರಾಸ್ ನಲ್ಲಿ ನೆಡೆಯುವ ಬಾಕ್ಸಿಂಗ್ ಕ್ರೀಡೆಯಾಧಿರಿತ ಚಿತ್ರವಾಗಿದೆ.  ಕಾಲಾ, ಕಬಾಲಿ ಚಿತ್ರಗಳನ್ನು ನಿರ್ದೇಶಿಸಿದ್ದ ಪ. ರಂಜಿತ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಆರ್ಯ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಈ ಚಿತ್ರ ಈಡಿಯಪ್ಪ ಪರಂಬರೈ ಮತ್ತು ಸರ್ಪಟ್ಟಾ ಪರಂಬರೈ ನಡುವಿನ ಹಗೆತನದ ಕಥೆಯಾಗಿದೆ.

ಹಾಸ್ಟೇಲ್ ಡೇಸ್ ಸೀಸನ್ 2 ವೆಬ್ ಸರಣಿ ಹಾಸ್ಟೆಲ್ ಒಂದರಲ್ಲಿ ವಾಸಿಸುವ ನಾಲ್ಕು ಯುವಕರ ಉಡಾಫೆ ಜೀವನದ ಕಥೆಗಳನ್ನು ಹೇಳುತ್ತದೆ.  ಮೊದಲ ಭಾಗದಲ್ಲಿ ಗಮನ ಸೆಳೆಯುತ್ತಿದ್ದ ಅಂಕಿತ್, ಚಿರಾಗ್, ಜಾಟ್ ಮತ್ತು ಜಾಂಟೂ ರವರ ಕಥೆಗಳು ಈ ಭಾಗದಲ್ಲಿಯೂ ಮುಂದುವರೆಯುತ್ತದೆ.

ಜುಡಾಸ್ & ಬ್ಲಾಕ್ ಮೆಸಿಯಾ ಒಂದು ಅಮೇರಿಕನ್ ಬಯಾಗ್ರಾಫಿಕಲ್ ಚಲನಚಿತ್ರ. ಒಬ್ಬ F.B.I ಗೂಢಾಚಾರಿ ಮಾರುವೇಷದಲ್ಲಿ ಬ್ಲಾಕ್ ಫ್ಯಾಂಥರ್ ಪಾರ್ಟಿಯನ್ನು ಸೇರಿ ಅದರ ಪ್ರಮುಖ ನಾಯಕ ಫ್ರೆಡ್ ಹ್ಯಾಂಪ್ಟನ್ ಚಲನವಲನಗಳ ಮೇಲೆ ನಿಗಾ ವಹಸಿಸುತ್ತಾನೆ. ಅದ್ಭುತ ಅಭಿನಯ ಮತ್ತು ತೀಕ್ಷ್ಣ ಕಥಾಹಂದರದಿಂದ ಚಿತ್ರ ಗಮನ ಸೆಳೆಯಿತು.

ಮೂರು ಭಾಗಗಳಲ್ಲಿ ಮೂಡಿ ಬರುತ್ತಿರುವ ದಿ ಪ್ರೈಮ್ ಡೇ ಶೋ ನಲ್ಲಿ ಹಲವು ಪ್ರಶಸ್ತಿ ವಿಜೇತ ಕಲಾವಿದರು ಭಾಗವಹಿಸಿದ್ದಾರೆ. ಬಿಲ್ಲಿ ಈಲೀಷ್, H.E.R, ಕಿಡ್ ಕೂಡಿ ಮೂರು ವಿವಿಧ ಶೋ ಗಳನ್ನು ನೆಡಿಸಿ ಕೊಡಲಿದ್ದಾರೆ.