ಬಿಗ್ ಬಾಸ್ ಸ್ಪರ್ಧಿ ವಿನೋದ್ ಗೊಬ್ಬರಗಾಲ ಕುರಿತು ನಿಮಗೆ ಗೊತ್ತಿಲ್ಲದ ವಿಷಯಗಳಿವು!

ವಿನೋದ್ ಗೊಬ್ಬರಗಾಲ ಅಪ್ಪಟ ಗ್ರಾಮೀಣ ಪ್ರತಿಭೆ. ತಮ್ಮ ಪ್ರತಿಭೆಯಿಂದಲೇ ಇಷ್ಟು ಎತ್ತರಕ್ಕೆ ಬೆಳೆದಿರುವ ಅವರು, ಮೂಲತಃ ಮಂಡ್ಯದ ಗೊಬ್ಬರಗಾಲ ಊರಿನವರಾಗಿದ್ದಾರೆ. ಬಡ ಕುಟುಂಬದಲ್ಲಿ ಜನಿಸಿದ ವಿನೋದ್ ಇಂದು ಕರುನಾಡಿನ ಮನೆಮಗನಾಗಿ ಗುರುತಿಸಿಕೊಂಡಿದ್ದು, ಇವರು ಹೆಚ್ಚು ಓದಿಲ್ಲ. 

ಸಾಮಾನ್ಯ ಬಡ ಕುಟುಂಬದಲ್ಲಿ ಜನಿಸಿದ ವಿನೋದ್ ಗೊಬ್ಬರಗಾಲ ಅವರು ಮೊದಲು ಕಾರ್ಪೆoಟರ್, ಅಕ್ಕಸಾಲಿಗನಾಗಿ ಕೆಲಸ ಮಾಡಿದ್ದರು. ನಂತರ ಊರು ಬಿಟ್ಟು ಬೆಂಗಳೂರಿನತ್ತ ಮುಖ ಮಾಡಿದ ವಿನೋದ್, ಸಿಲಿಕಾನ್ ಸಿಟಿಯಲ್ಲಿ ಆಫೀಸ್ ಬಾಯ್ ಆಗಿ ಕೆಲಸ ಮಾಡಿದರು.

ವಿನೋದ್ ಗೊಬ್ಬರಗಾಲ ಅವರಿಗೆ ನಟನೆಯಲ್ಲಿ ಸಾಕಷ್ಟು ಆಸಕ್ತಿ ಇತ್ತು. ಜೊತೆಗೆ ಪ್ರತಿಭೆಯೂ ಇತ್ತು. ಆದರೆ, ಆ ಪ್ರತಿಭೆ ಗುರುತಿಸಲು ಸೂಕ್ತವಾದ ವೇದಿಕೆ ಸಿಕ್ಕಿರಲಿಲ್ಲ. ಬೆಂಗಳೂರಿನಲ್ಲಿ ಆಫೀಸ್ ಬಾಯ್ ಆಗಿ ಕೆಲಸ ಮಾಡುತ್ತಿದ್ದ ವಿನೋದ್, ಸತತ ಪ್ರಯತ್ನಗಳ ಬಳಿಕ 'ಮಜಾ ಭಾರತ' ಎಂಬ ಕಾಮಿಡಿ ರಿಯಾಲಿಟಿ ಶೋಗೆ ಆಯ್ಕೆಯಾದರು. ಇದರಲ್ಲಿ ಅವರ ಹಾಸ್ಯದಿಂದಾಗಿ ಮೋಡಿ ಮಾಡಿದರು.  

'ಮಜಾ ಭಾರತ' ಎಂಬ ಕಾಮಿಡಿ ರಿಯಾಲಿಟಿ ಶೋ ಮೂಲಕ ಮೋಡಿ ಮಾಡಿದ ವಿನೋದ್ ಗೊಬ್ಬರಗಾಲ, ಡ್ಯಾನ್ಸಿಂಗ್ ಚಾಂಪಿಯನ್ ನಲ್ಲಿ ಭಾಗವಹಿಸಿದ್ದರು. ನಂತರ 'ಗಿಚ್ಚಿ ಗಿಚ್ಚಿ ಗಿಲಿಗಿಲಿ' ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಜೊತೆಗೆ ಈ ಕಾರ್ಯಕ್ರಮದ ರನ್ನರ್ ಅಪ್ ಆಗಿ ಹೊರಹೊಮ್ಮಿದರು.  

ಬಹುಮುಖ ಪ್ರತಿಭೆಯಾಗಿರುವ ವಿನೋದ್ ಗೊಬ್ಬರಗಾಲ ಬಿಗ್ ಬಾಸ್ ಸೀಸನ್ 9ಕ್ಕೆ  ಎಂಟ್ರಿ ಕೊಟ್ಟಿದ್ದರು. ಬಿಗ್ ಬಾಸ್ ಮನೆಯಲ್ಲಿ ಮನೋರಂಜನೆ  ಜೊತೆಗೆ ಟಾಸ್ಕ್ ಗಳನ್ನೂ ಕೂಡ ಉತ್ತಮವಾಗಿ ಆಡುತ್ತಿದ್ದರು. ಎರೆಡೆರಡು ಬಾರಿ ಕಿಚ್ಚ ಸುದೀಪ್ ಚಪ್ಪಾಳೆ ಪಡೆದಿದ್ದರು. ಜೊತೆಗೆ ಕ್ಯಾಪ್ಟನ್ ಕೂಡ ಆಗಿದ್ದರು. ಹಾಗಿದ್ದರೂ ಕೂಡ ೯ನೇ ವಾರ ಮನೆಯಿಂದ ಹೊರಬಂದಿದ್ದಾರೆ. 

ಕಾಮಿಡಿಯನ್ ವಿನೋದ್ ಗೊಬ್ಬರಗಾಲ ಅವರ ತಮ್ಮ ಮೊದಲ ರಿಯಾಲಿಟಿ ಷೋನಲ್ಲಿ ಪ್ರತಿ ತಿಂಗಳು 12,750 ರೂಪಾಯಿ ಗಳಿಸುತ್ತಿದ್ದರು. ಇದಾದ ಬಳಿಕ ಬೇರೆ ರಿಯಾಲಿಟಿ ಶೋಗಳಲ್ಲಿ ಭಾಗವಹಸಿದ ವಿನೋದ್, ತಮ್ಮ ಸಂಬಳ ಹೆಚ್ಚಿಸಿಕೊಂಡರು. 

ಬಿಗ್  ಬಾಸ್ ಸೀಸನ್ ೯ರಲ್ಲಿ ಭಾಗವಹಿಸಿದ್ದ ವಿನೋದ್ ಗೊಬ್ಬರಗಾಲ ಹುಟ್ಟೂರೀನಲ್ಲಿ ಮನೆ ಕಟ್ಟಬೇಕು ಎಂಬ ಕನಸು ಹೊಂದಿದ್ದರು. ಬಿಗ್ ಬಾಸ್ ನಲ್ಲಿ ಗೆದ್ದರೆ ಆ ಹಣದಿಂದ ಮನೆ ಕಟ್ಟಬಹುದು ಎಂಬ ಆಸೆ ಹೊಂದಿದ್ದರು. ಆದರೆ, ವಿನೋದ್ ಕನಸು ನನಸಾಗಲಿಲ್ಲ.