ಕಂಡಕ್ಟರ್‌ ವೃತ್ತಿಯಿಂದ 'ಕಾಂತಾರ'ವರೆಗೆ: ನವೀನ್ ಬೋಂದೆಲ್ ಕುರಿತು ಇಂಟರೆಸ್ಟಿಂಗ್ ವಿಷಯಗಳು ಇಲ್ಲಿವೆ.

ನವೀನ್ ಬೋಂದೆಲ್ ಅವರು ಮಂಗಳೂರಿನ ಸಿಟಿ ಬಸ್ ಕಂಡಕ್ಟರ್ ಆಗಿ ವೃತ್ತಿ ಜೀವನ ಆರಂಭಿಸಿದರು. ಅನೇಕ ವರ್ಷಗಳ ಕಾಲ  ಕಂಡಕ್ಟರ್ ಆಗಿಯೇ ಕೆಲಸ ಮಾಡಿದರು. ಈ ವಾರ ವೃತ್ತಿ ಸಮಯ ಬೆಳಗ್ಗೆಯಿಂದ ಮಧ್ಯಾಹ್ನ ಅಥವಾ ಮಧ್ಯಾಹ್ನನದಿಂದ ಸಂಜೆಯವರೆಗೆ ಇರುತ್ತಿತ್ತು. ಉಳಿದ ಸಮಯವನ್ನು ಹೇಗೆ ಬಳಸಬೇಕು ಎಂದುಕೊಂಡಾಗ ಇವರಿಗೆ ನಾಟಕದತ್ತ ಮನಸ್ಸು ಸೆಳೆಯಿತು.  

ನವೀನ್ ಬೋಂದೆಲ್ ನಾಲ್ಕು ವರ್ಷಗಳ ಹಿಂದೆ ಕಂಡಕ್ಟರ್ ಕೆಲಸ ಬಿಟ್ಟು, ಹೊಸದೊಂದು ಬ್ಯುಸಿನೆಸ್ ಆರಂಭಿಸಿದರು. ಆದರೆ, ಕೊರೋನಾ ಲಾಕ್ ಡೌನ್ ಕಾಲದಿಂದ ಆ ಬ್ಯುಸಿನೆಸ್ ಕೂಡ ಕೈಹಿಡಿಯಲಿಲ್ಲ.  

ಅಲ್ಲಿಂದ ರಂಗಭೂಮಿಯಲ್ಲಿ ಪೂರ್ಣ ಪ್ರಮಾಣದ ಕಲಾವಿದರಾಗಿ ಸೇವೆ ಸಲ್ಲಿಸುತ್ತಾ ಬಂದಿದ್ದಾರೆ. ನವೀನ್​ ಬೊಂದೇಲ್​ ಸಾಕಷ್ಟು ನಾಟಕ ಹಾಗೂ ತುಳು ಸಿನಿಮಾಗಳಲ್ಲಿ ನಟಿಸಿ ಸಾಯಿ ಎನಿಸಿಕೊಂಡಿದ್ದಾರೆ. ಪ್ರಸ್ತುತ ತುಳುವೆರ್ ತುಡುರ್ ಎಂಬ ಕಲಾತಂಡದಲ್ಲಿ ನೆಗೆಟಿವ್ ಪಾತ್ರ ಮಾಡುತ್ತಿದ್ದಾರೆ.  

ನವೀನ್ ಬೋಂದೆಲ್ ಕಾಂತಾರ ಸಿನಿಮಾದಲ್ಲಿ ದೈವ ಪಾತ್ರಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಕಾಂತಾರ ರಿಲೀಸ್ ಆಗುವ ಮೊದಲೇ ಟ್ರೈಲರ್‌ನಲ್ಲಿ ಬಿಳಿ ವಸ್ತ್ರವೊಂದನ್ನು ಸೊಂಟಕ್ಕೆ ಧರಿಸಿ, ಸಣ್ಣಗೆ ಕೂದಲು ಬಿಟ್ಟಿದ್ದ ವ್ಯಕ್ತಿಯೊಬ್ಬ ಓಹ್‌ ಎಂದು ಅಬ್ಬರಿಸುವ ಬಹಳ ಗಮನ ಸೆಳೆದಿತ್ತು. ಸಿನಿಮಾದಲ್ಲಿಯೂ ಈ ಪಾತ್ರ ಗಮನ ಸೆಳೆದಿದೆ. ಈ ಪಾತ್ರವನ್ನು ನಿರ್ವಹಿಸಿದವರು ನವೀನ್ ಬೋಂದೆಲ್. ಆಕರ್ಷಕ ಕಣ್ಣು ಹೊಂದಿದ ನವೀನ್, ದೈವಾವೇಷವಾದ ಸಂದರ್ಭದಲ್ಲಿ ಆರ್ಭಟಿಸುವ ದೃಶ್ಯ ಅದ್ಭುತವಾಗಿ ಮೂಡಿಬಂದಿದೆ. ಚಿತ್ರ ಬಿಡುಗಡೆಯಾದ ಬಳಿಕವೂ ನವೀನ್ ಅಭಿನಯಕ್ಕೆ ಅದ್ಭುತ ಪ್ರತಿಕ್ರಿಯೆ ಲಭ್ಯವಾಗಿದೆ.

ನವೀನ್ ಬೋಂದೆಲ್ ಅವರ ಕಣ್ಣು ರಿಷಬ್‌ ಶೆಟ್ಟಿ ಅವರಿಗೆ ಇಷ್ಟವಾದ ಕಾರಣ ಆ ಪಾತ್ರಕ್ಕೆ ಅವರನ್ನು ಆಯ್ಕೆ ಮಾಡಿದ್ದರಂತೆ. ಕಣ್ಣು ದೇವರು ಕೊಟ್ಟ ವರ. ನಾನು ಲೆನ್ಸ್ ಹಾಕಲ್ಲ. 45 ವರ್ಷದಿಂದ ಈ ಕಣ್ಣನ್ನು ಯಾರೂ ಗುರುತಿಸಿರಲಿಲ್ಲ. ಈ ಕಣ್ಣನ್ನು ರಿಷಬ್ ಸರ್ ಚೆನ್ನಾಗಿ ಬಳಸಿ ತೋರಿಸಿದ್ದಾರೆ ಅಂತಾ ನವೀನ್ ಹರ್ಷ ವ್ಯಕ್ತಪಡಿಸಿದ್ದಾರೆ.  

ಕಾಂತಾರ ಸಿನಿಮಾ ಪ್ರಪಂಚದಾದ್ಯಂತ ಸದ್ದು ಮಾಡುತ್ತಿದೆ. ಬೇರೆ-ಬೇರೆ ಚಿತ್ರರಂಗದ ನಟರು ಕಾಂತಾರ ಚಿತ್ರಕ್ಕೆ ಫಿದಾ ಆಗಿದ್ದಾರೆ. ಕಾಂತಾರ ಸಿನಿಮಾದಲ್ಲಿ ನಟಿಸಿದ ಸಣ್ಣ-ಸಣ್ಣ ನಟರು ಕೂಡ ಈಗ ಗುರುತಿಸಿಕೊಳ್ಳುತ್ತಿದ್ದಾರೆ. ಕಾಂತಾರ ಸಿನಿಮಾದಲ್ಲಿ ದೈವ ಪಾತ್ರಿ ಪಾತ್ರ ಮಾಡಿದ್ದ ನವೀನ್ ಬೋಂದೆಲ್ ಈಗ ಹೊಂಬಾಳೆ ಫಿಲ್ಸ್ಮ್ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಸಲಾರ್ ಮತ್ತು ಬಘೀರ ಸಿನಿಮಾದಲ್ಲಿ ನಟಿಸಲು ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಈ ಎರಡು ಸಿನಿಮಾಗಳನ್ನು ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿದ್ದು, ಸಾಕಷ್ಟು ನಿರೀಕ್ಷೆ ಹುಟ್ಟಿಸಿವೆ.