ಸಿನಿಮಾಗಾಗಿ ರಿಸ್ಕ್ ತೆಗೆದುಕೊಂಡು ತಮ್ಮ ಲುಕ್ ಬದಲಾಯಿಸಿಕೊಂಡ ಸ್ಯಾಂಡಲ್‌ವುಡ್ ನಟರಿವರು!

ಕಾಂತಾರ ಸಿನಿಮಾದ ಅಭಿನಯಕ್ಕಾಗಿ ನ್ಯಾಷನಲ್ ಅವಾರ್ಡ್ ಪಡೆದಿರುವ ಡಿವೈನ್ ಸ್ಟಾರ್ ರಿಷಭ್ ಶೆಟ್ಟಿ ಮುಂದಿನ ಸಿನಿಮಾದ ಮೇಲೆ ಸಿಕ್ಕಾಪಟ್ಟೆ ನಿರೀಕ್ಷೆಗಳಿವೆ. ಸದ್ಯ ಕಾಂತಾರ ಪ್ರೀಕ್ವೆಲ್‌ಗಾಗಿ ಬ್ಯುಸಿಯಾಗಿರುವ ರಿಷಬ್, ಈ ಸಿನಿಮಾಗಾಗಿ ಕುದುರೆ ಸವಾರಿ, ಕಳರಿಯಪಟ್ಟು, ಕತ್ತಿವರಸೆ ಕಲಿತ್ತಿದ್ದಾರೆ. ಜೊತಗೆ ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್‌ನಲ್ಲಿ ಅವರು ದೇಹ ಹುರಿಗೊಳಿಸಿ, ಕಟ್ಟುಮಸ್ತಾಗಿ ಕಾಣಿಸಿಕೊಂಡಿದ್ದಾರೆ.

ರಾಕಿಂಗ್ ಸ್ಟಾರ್ ಯಶ್ ಸಿನಿಮಾ ಕಥೆಗೆ ತಕ್ಕಂತೆ ತಮ್ಮ ಪಾತ್ರ, ಮ್ಯಾನರಿಸಂ ಜೊತೆಗೆ ತಮ್ಮ ಗಡ್ಡದ ಮೇಲು ಸಾಕಷ್ಟು ಪ್ರಯೋಗ ಮಾಡಿದ್ದಾರೆ. ಕಿರಾತಕ, ರಾಜಧಾನಿ, ಗೂಗ್ಲಿ, ಮಿಸ್ಟರ್ ಆಂಡ್ ಮಿಸಸ್ ರಾಮಾಚಾರಿ ಸಿನಿಮಾಗಳಲ್ಲಿ ಭಿನ್ನ ಗಡ್ಡದ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದ ಯಶ್, ಕೆಜಿಎಫ್ ಸಿನಿಮಾಕ್ಕಾಗಿ ತಮ್ಮ ಲುಕ್‌ ಅನ್ನು ಸಂಪೂರ್ಣವಾಗಿ ಬದಲಾಯಿಸಿದ್ದರು. ಕೆಜಿಎಫ್‌ನ ರಾಕಿಭಾಯ್ ಲುಕ್‌ಗಾಗಿ ಗಡ್ದ ಬಿಟ್ಟು, ಕಟ್ಟುಮಸ್ತಾಗಿ ಕಾಣಿಸಿಕೊಂಡಿದ್ದರು. ಯಶ್‌ ಅವರ ಕೆಜಿಎಫ್ ಲುಕ್‌ ಅನ್ನ ಸಿನಿಪ್ರೇಕ್ಷಕರು ಸಿಕ್ಕಾಪಟ್ಟೆ ಮೆಚ್ಚಿಕೊಂಡಿದ್ದಾರೆ.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಫಿಟ್ನೆಸ್‌ಗೆ ಹೆಚ್ಚಿನ ಮಹತ್ವ ನೀಡುತ್ತಾರೆ. 2019ರಲ್ಲಿ ಬಿಡುಗಡೆಯಾದ ಪೈಲ್ವಾನ್ ಸಿನಿಮಾದಲ್ಲಿ ಕುಸ್ತಿಪಟುವಾಗಿ ಕಾಣಿಸಿಕೊಂಡಿದ್ದ ಕಿಚ್ಚ, ಈ ಪಾತ್ರಕ್ಕಾಗಿ ಬರೋಬ್ಬರಿ 16 ಕೆಜಿ ತೂಕ ಇಳಿಸಿಕೊಂಡಿದ್ದರು. ಸುದೀಪ್ ಯಾವ ಸಿನಿಮಾಗ ಇಷ್ಟೊಂದು ದೇಹ ದಂಡಿಸಿರಲಿಲ್ಲ. ಇತ್ತೀಚೆಗೆಷ್ಟೇ ಬಿಡುಗಡೆಯಾದ ಮ್ಯಾಕ್ಸ್‌ನಲ್ಲೂ ಸುದೀಪ್ ಸಖತ್ ಫಿಟ್ ಆಗಿ ಕಾಣಿಸಿಕೊಂಡಿದ್ದರು. ಸದ್ಯ ಅವರು ಬಿಲ್ಲ ರಂಗ ಭಾಷಾ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.

2023ರಲ್ಲಿ ಬಿಡುಗಡೆಯಾದ ರಕ್ಷಿತ್ ಶೆಟ್ಟಿ ನಟನೆಯ ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ಪ್ರೇಕ್ಷಕರಿಂದ ಮೆಚ್ಚುಗೆ ಗಳಿಸಿತ್ತು. ಈ ಸಿನಿಮಾದ ಪಾರ್ಟ್ 1ರಲ್ಲ 10 ಕೆಜಿ ತೂಕ ಇಳಿಸಿಕೊಂಡು ಸಖತ್ ಯಂಗ್ ಆಗಿ ಕಾಣಿಸಿಕೊಂಡಿದ್ದ ಸಿಂಪಲ್ ಸ್ಟಾರ್, ಪಾರ್ಟ್‌ 2ನಲ್ಲಿ ಬರೋಬ್ಬರಿ 15 ರಿಂದ 20 ಕೆಜಿ ತೂಕ ಹೆಚ್ಚಿಸಿಕೊಂಡು ಸಖತ್ ಡಿಫರೆಂಟ್ ಆಗಿ ಕಾಣಿಸಿಕೊಂಡಿದ್ದರು.

ಮಾರ್ಟಿನ್ ಸಿನಿಮಾದಲ್ಲಿ ಸಖತ್ ರಗಡ್ ಆಗಿ ಕಾಣಿಸಿಕೊಂಡಿದ್ದ ಆಕ್ಷನ್ ಧ್ರುವಾ ಸರ್ಜಾ 'ಕೆಡಿ' ಸಿನಿಮಾಗಾಗಿ ದೇಹವನ್ನು ದಂಡಿಸಿದ್ದಾರೆ. ಈ ಸಿನಿಮಾದ ಪಾತ್ರಕ್ಕಾಗಿ ಕೇವಲ 23 ದಿನದಲ್ಲಿ ಬರೋಬ್ಬರಿ 18 ಕೆಜಿ ಇಳಿಸಿಕೊಂಡು ಸ್ಲಿಮ್ ಆಗಿದ್ದಾರೆ. ಈ ಸಿನಿಮಾವನ್ನು ಜೋಗಿ ಪ್ರೇಮ್ ನಿರ್ದೇಶನ ಮಾಡುತ್ತಿದ್ದು, ಹಲವು ಬಾಲಿವುಡ್ ನಟರು ತಾರಾಗಣದಲ್ಲಿದ್ದಾರೆ. 

ಕನ್ನಡ ಚಿತ್ರರಂಗದ ಭರವಸೆಯ ಯುವನಟರಲ್ಲಿ ನವೀನ್ ಶಂಕರ್ ಕೂಡ ಒಬ್ಬರು. ಇತ್ತೀಚೆಗಷ್ಟೇ ಬಿಡುಗಡೆಯಾದ 'ನೋಡಿದವರು ಏನಂತಾರೆ' ಸಿನಿಮಾಗಾಗಿ ನವೀನ್ ಕೇವಲ 60 ದಿನಗಳಲ್ಲಿ 15 ಕೆಜಿ ತೂಕ ಇಳಿಸಿಕೊಂಡಿದ್ದರು. ಸಿನಿಮಾ ಆರಂಭವಾಗುವ ಮುನ್ನ 65 ಕೆಜಿಯಿದ್ದ ನವೀನ್, ಈಗ 50 ಕೆಜಿ ಆಗಿದ್ದಾರೆ. ಈ ಪಾತ್ರಕ್ಕಾಗಿ ಜೀವ ಪಣಕಿಟ್ಟು ತೂಕ ಇಳಿಸಿದ್ದ ಇವರು, ಹೃದಯ ಸ್ತಂಭನದಿಂದ ಜಸ್ಟ್ ಮಿಸ್ ಆಗಿದ್ದರಂತೆ.

ಕಳೆದ ವರ್ಷ ಬಿಡುಗಡೆಯಾಗಿದ್ದ ಬಘೀರ ಸಿನಿಮಾದಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದ ಶ್ರೀಮುರಳಿ, ಈ ಪಾತ್ರಕ್ಕಾಗಿ ಸಿಕ್ಕಾಪಟ್ಟೆ ದೇಹ ಹುರಿಗೊಳಿಸಿದ್ದರು. ಪ್ರತಿದಿನ ೩ ರಿಂಧ ೪ ಗಂಟೆ ಜಿಮ್‌ನಲ್ಲಿ ವರ್ಕೌಟ್ ಮಾಡ್ತಿದ್ದ ರೋರಿಂಗ್ ಸ್ಟಾರ್, ಶೂಟಿಂಗ್ ವೇಳೆ ಎರಡ್ಮೂರು ಬಾರಿ ಗಾಯಗೊಂಡಿದ್ದರು.