'ಕರಿಮಣಿ' ಸೀರಿಯಲ್‌ ನಾಯಕಿ ಸ್ಪಂದನಾ ವಯಸ್ಸು, ಸೀರಿಯಲ್, ಸಿನಿಮಾ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳು ಇಲ್ಲಿವೆ.

ಸ್ಪಂದನಾ ಸೋಮಣ್ಣ ಮೂಲತಃ ಸಾಂಸ್ಕೃತಿಕ ನಗರಿ ಮೈಸೂರಿನವರು. ಇಲ್ಲಿಯೇ ಶಾಲಾ-ಕಾಲೇಜು ವಿದ್ಯಾಭ್ಯಾಸ ಮಾಡಿರುವ ಈ ನಟಿ, ಇಂಜಿನಿಯರಿಗ್ ಪದವಿ ಪಡೆದಿದ್ದಾರೆ. ಹೊರಗಡೆ ಮೈಸೂರು ಭಾಗದ ಕನ್ನಡ ಮಾತನಾಡುವ ಸ್ಪಂದನಾ, ಮಂಡ್ಯ ಭಾಷೆಯನ್ನೇ ಹೆಚ್ಚು ಮಾತನಾಡುತ್ತಾರೆ. ಮುದ್ದೆ ಹಾಗೂ ಬಸ್ಸಾರು ಅಂದರೆ ಸಿಕ್ಕಾಪಟ್ಟೆ ಇಷ್ಟಪಡುವ ಈ ನಟಿಗೆ 26 ವರ್ಷ ವಯಸ್ಸು.

ಸ್ಪಂದನಾ ಅವರಿಗೆ ಇಂಜಿನಿಯರಿಂಗ್ ಮುಗಿಸಿದ ಬಳಿಕ ಕೆಲಸ ಸಿಕ್ಕಿತ್ತು. ಆ ಕೆಲಸಕ್ಕಾಗಿ ಅವರು ಪುಣೆಗೆ ತೆರಳಬೇಕಾಗಿತ್ತು. ಅಷ್ಟರಲ್ಲಿ ಅವರಿಗೆ ಬಣ್ಣದ ಲೋಕದಿಂದ ಹಲವು ಅವಕಾಶಗಳು ಬಂದವು. ಇನ್‌ಸ್ಟಾಗ್ರಾಮ್‌ನಲ್ಲಿ ಸ್ಪಂದನಾ ಫೋಟೋ ನೋಡಿ, ಸೀರಿಯಲ್‌ ತಂಡದಿಂದ ಅವಕಾಶಗಳು ಅರಸಿ ಬಂದವು. ಆದರೆ, ಮೊದಲ ಆಡಿಷನ್‌ನಲ್ಲಿ ಈ ನಟಿ ಫೇಲ್ ಆದರು.

ನಂತರ ಮತ್ತೆ ಆಡಿಷನ್ ನೀಡಿದರು. ನಂತರ ತೆಲುಗಿನ ಅಭಿಲಾಷಾ ಹಾಗೂ ಕನ್ನಡದಲ್ಲಿ ನಾನು ಮತ್ತು ನನ್ನ ಕನಸು ಧಾರಾವಾಹಿಗೆ ಆಯ್ಕೆ ಆದರು. ನಂತರ ಹಲವು ತೆಲುಗು ಸೀರಿಯಲ್‌ಗಳಲ್ಲಿ ಬ್ಯುಸಿಯಾಗಿದ್ದ ಈ ನಟಿ, ಕಳೆದ ವರ್ಷ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ ಗೃಹಪ್ರವೇಶ ಧಾರಾವಾಹಿಯ ಮೂಲಕ ಕನ್ನಡ ಕಿರುತೆರೆಗೆ ಮರಳಿದ್ದರು.

ಇಂಜಿನಿಯರಿಂಗ್ ಓದಿದ್ದ ಸ್ಪಂದನಾ ಕಂಪನಿಯಲ್ಲಿ ಕೆಲಸ ಮಾಡಬೇಕು ಎಂಬುದು ಕುಟುಂಬಸ್ಥರ ಆಸೆಯಾಗಿತ್ತು. ಸ್ಪಂದನಾ ನಟಿಸುವುದು ಫ್ಯಾಮಿಲಿಗೆ ಇಷ್ಟವಿರಲಿಲ್ಲ. ನಟನೆಯ ಕಾರಣದಿಂದ ಸ್ಪಂದನಾ ಅಜ್ಜ ಅವರ ಬಳಿ ಮಾತನಾಡುವುದನ್ನೇ ನಿಲ್ಲಿಸಿಬಿಟ್ಟಿದ್ದರಂತೆ. ಆದರೆ, ಗೃಹಪ್ರವೇಶ ಸೀರಿಯಲ್‌ನಲ್ಲಿ ಅವರ ನಟನೆ ನೋಡಿ ಸಿಕ್ಕಾಪಟ್ಟೆ ಮೆಚ್ಚುಗೆ ಸೂಚಿಸಿದ್ದರಂತೆ.

ಸ್ಪಂದನಾ ಸೋಮಣ್ಣ ಕಿರುತೆರೆ ಮಾತ್ರವಲ್ಲದೇ ಬೆಳ್ಳಿತೆರೆಯಲ್ಲೂ ಮಿಂಚುತ್ತಿದ್ದಾರೆ. ವಿಜಯ್ ರಾಘವೇಂದ್ರ ಅಭಿನಯದ ಮರೀಚಿ, ಶಟ್ ದ ನಾಯ್ಸ್ ಹಾಗೂ ಇತ್ತೀಚೆಗೆ ತೆರೆಕಂಡ ದಿಲ್‌ ಖುಷ್ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಸದ್ಯ ಕರಿಮಣಿ ಧಾರಾವಾಹಿಯಲ್ಲಿ ನಟಿಸುತ್ತಿರುವ ಅವರಿಗೆ ಹಲವು ಸಿನಿಮಾ ಆಫರ್ಸ್ ಕೂಡ ಬರುತ್ತಿವೆ.

ಸ್ಪಂದನಾ ಸೋಮಣ್ಣ ತೆಲುಗಿನ 'ನಚ್ಚಾವೆ' ಎಂಬ ತೆಲುಗಿನ ವೆಬ್ ಸಿರೀಸ್ ಹಾಗೂ ಹಿಂದಿಯ 'ಸುನ್ ಲೆ ನಾ' ಎಂಬ ಆಲ್ಬಂ ಸಾಂಗ್‌ಗೆ ಹೆಜ್ಜೆ ಹಾಕಿದ್ದಾರೆ. ಧಾರಾವಾಹಿಗಳಲ್ಲಿ ಹೆಚ್ಚು ಲಂಗ ದಾವಣಿ, ಸೀರೆಯಲ್ಲಿ ಕಾಣಿಸಿಕೊಳ್ಳುವ ಸ್ಪಂದನಾ, ರಿಯಲ್ ಲೈಫ್‌ನಲ್ಲಿ ಸಿಕ್ಕಾಪಟ್ಟೆ ಮಾಡ್ರನ್ ಉಡುಗೆಯನ್ನೂ ಧರಿಸುತ್ತಾರೆ.